تايلند بلاد القذاره

[caramela 85]

حبيبتي انا رايحه هنااك والصراحه ديره تهبل سياحيه بالدرجه الاولى
السوق اينن والجو حلو وهالطبيعه والبحر والنظافه والترتيب كل شي يونس
لكن انتي غلطتج قعدتي بالمكان الغلط اصلا بتايا معروفه بهالوصاخه يعني مافيها الا بارات وخرابيط
لكن لو رايحه بوكيت وشايفه الجزيره اللي ترد الروح هناك والرحلات اللي ماينشبع منها جان غيرتي رايج
وحتى بانكوك سوقهاا مو طبيعي
واذا على الوصاخه وهالاشكال ترا بكل ديره فيها هالشي مو بس تايلند
تقبلي مروري

 

[sweetkoko]

للامانه اختي انا كنت بتايلند شهر 7 بوكيت بانكوك وماشفت شى من هالنوع ولكن بالنسبه لي كانت اسوء ديره شفتها وبالمختصر المفيد وهذا راي الشخصي اولا:
بالنسبه لبوكيت سكنت في باتونغ بيتش بصراحه الجزيره كطبيعه ومناظر جماليه ربااااانيه حلوه وهذا الشي طبيعي لاي جزيره حتي لو بالصوماال!! بس كنظافه واهتمام وترتيب ورقي ابد ماشفت الشوارع ضيجه غصب نمشي العربانه فيها والممرات ماتقدرين تمرين من الدكاكين والمقاهي الشعبيه والمطاعم والعربانات الي يم الرصيف وحوسه كلش مومرتبه حتى الواحد يحس انه يمشي بمتاهه شوي تصعدين وشوي نزله وممر يسار وجذي وكانت تعليق المرافقين لي بالرحله انها شوارع العتبه وامبابه بمصر وبالصراحه بوكيت نفسها مافيها زود حتي الشاطئ نفسه مافيه قعدات او منتجع على البحر نفسه يعني عقب المغرب ينشالون الكراسي وهي تاجير طبعا مو من مرافق الشاطئ!!!وظلمه مافيه قعده بس الرحلات للجزر الثانيه حلوه واشرح من بوكيت يعني استانست برحلاتها مو فيها والجو طبعا خيسه ورطوبه ماحب جو شرق اسيا والمطاعم العربيه مثل دبي والقاهره والهندي وعلى بابا مقاهي خيطان انظف وارقي منها بصراحه طاولات بلاستك وشيشه وشكلها قهاوي ماحبيت حتى امر يمها وشعبها وصخ ونصاب بشكل ينرفز.
اما بانكوك وصج ماادراك مابانكوك سكنت بنوفتيل سيام سكوير فندق اثاثه قديم وماخذ شهره على الفاضي فنادق شرق اسيا اكشخ منه بوووايد والله لي هاليوم ماأذكر شكله من بره لاني ماشفته ديره مقموته مسكره كلها رماديه مافيها لون ولاحياه حتى مطارهم الجديد اسوء مطار وابسط مطار شفته وحتى بدون ما اقارن كان تعليق المرافقين (عائلة زوجي) انه بسيط وبدون حياه والوان اوديكورات ورقي عموما بالنسبه لبانكوك اول ديره اسافرها ماعرف اتمشى بشوارعها ملوثة وصخه مكسره جياس زباله بالارض كلاب مسدحه ذبان بشكل موطبيعي وخاصة البوذه مالهم يعطونه اكل وماي وسوالف والريحه واااي والعربانات بالشوارع موطبيعيه مافي مجال للتمشي والقعدة بره حتي ماشفت كوفي وااحد بالشارع مستحيل انه تشوفين المباني اوتشوفين فوقج الدخان والديزل والتوكتوك وصخ ومزعج وقديم والجو مايساعد تركبينه والشوارع زحمة ومومنظمة وكانت عقدة ولدي من طريقة السير بالشارع واذا بالتكسي والله ماشوف المباني وكنت اختنق من الزحمه والمشوار والجسور المعلقة كلها بسطات وريحه والسوق عندهم ام بي كي وطوكيو صدمه المباركيه والنقره ارتب منه والله كنت امشي فيه مسكره خشمي وشغل بسطات ومهاره ودكاكين والفاشن مول او البوتونام اوسوق الجمله باي اسم كان ممرات ودكاكيين مايطف شخصين يعني السوق بالنسبه لي كان مأساه وصج اتشريت بس مومن حلات السوق اوفيه زود احلا شي عندهم وبشرق اسيا الصنادل والملابس الداخلية والكسسوارات رخيصه بس ماتحسفت اني ماتشريت مايسوا على قولة خالتي كل شي عندنا بس مش حالك واستغربت صراحه الدكاكين بكل زاويه تحت وفوق الجسر وبسطات وممرات وراى الفندق وبالشارع صج مومرتبه الديره وملابس مستعمله تنباع ويم الرصيف وشي غريب وهذا واحنا سكنا بارقي حي يعني تشوفين مجمعات سنعه مثل سيام ات سيام وسيام براغون وديسكفري وسنترال وورلد وامبوريوم وايوان وسنترال بلازا وتحتهم خياس وعربانات اكل ريحتها تبط الراس وصج عشان لاانسى او الي يقول انتوا ماعرفتوا حق بانكوك تهبل كل شي فيها هم رحنا السوق الشعبيه يعني فصفصنا اسوقتهم ماعندهم زود صج في اشياء رخيصه بس والله معجبني السوق كلش واول ديره ارد منها بدون وزن وجنطتي فاضيه يعني ماتسوا العنوه حتى عرض البضاعه مايشوق ولايساعد وبالنسبه لشارع العرب صيته بالوصاخه يكفي لودشين قوقل وتكتبين شارع العرب ببانكوك ومافيه شى غير المطاعم العربيه الي لو ماكله فيها جان يتني نزله معويه وفريده وحفيظ وليلى ومادري منو كله شغل تقليد وبخور وانا كلش ماتهويني التقليد يعني ماكان مودنا او رغبتنا بالشراء ورحت بعد بوبي تور وملينيوم وسلوم بازار ومرينا على النايت بازار ومادشيته طبعا وتشاينا تاون مأساه وصخ وزحمه ومومرتب عكس باجي الدول والاكل مأساه ماعندهم مطعم سنع وقعده وفيو كله بالخنزير والمشروب وموحلال وكثر مادرت المطاعم كانت سيئه الدور 5 الي بمبي كي وسيزار بديسكفري واورانج بسيام براقون والفاست فود والبيتزا ماحبهم تعبت نفسيتي ماكو شي ينوكل وخاصة الريوق ماحبيت تايلند كللللش ومافكر انزلها حتى ترانزيت ثانيه وحده صج ملوثه ووصخة ومتعبه وهذا رااي الشخصي والله اونس مافيها انه اول مره نسافر كعايله ويمكن هذي الميزه الوحيده فيها.
تقبلوا مروري ملاحظه يمكن قلت قصة حياتي طولت بس عشان لااحد يقول انت مارحتي وماعرفتي مااعتقد في شي مارحته عموما شنو ماكان الصج الي ماشفته كحال كل الدول السياحيه النظافه والتنظيم والاستجمام والطبيعه والشوارع الشرحه المبطله الكفيهات والقعده الخارجيه التمشي والاستكشاف التمتع بالقعده يم الفندق وبالحدايق الخارجيه والجو الصافي والمنعش الي يساعد على المشي والطلعات هذا صج ماشفته بتايلند.
واسفه طولت طلعت الي بقلبي.

 

[شمع تحترق]

يا قلبي انتي رايحه اوصخ مكان الله يهداج

شوفي يا قلبي انا صار لي 6 سنين اروح و فتريت كل الجزر الا بتايا ما افكر فيها

ربع ريلي قالوا له لا تحوشك غير كلش من بانكوك و باجي الجزر كلها مفاصيخ

جان رحتي شنغ ماي و لا بوكت فرق السما عن الارض

 

[همامة]

يعوضج الله خير
انا رحت بس سكنت باماكن زينة و نظيفة وما شفت هالوصاخة بس والله ما اعجبتني و ان شاء الله ما اعيدها الا اللهم اذا بروح بوكيت تجربه مو اكثر لاني ما شفتها

 

[@ الرسامة @]

بالعكس


انا حبيتها وايد وودي اروحلها مرة ثانية بس انتي الله يهداج وين داشة ؟؟؟ وسط الديسكوات والخرابيط اكيد بتلوع جبدج

بس بوكت روعة استانست حيل ورحت كذا منطقة استانست وايد فيها
مرة ثانية اي ديرة تبين تروحين ها سوي سيرج عنها بالنت علشان تعرفين تسوين لج جدول حلو هناك

 

[tripleM]

الحمد لله على السلامه
انا رايحه تايلاند يمكن ٥ الى ٦ مرات بس ماطلعت عن العاصمه
الاماكن الحلوه والنظيفه في تايلاند موجوده ولازم تاخذين معلومات عن الدوله إلي بتروحين لها قبل الرحله
علشان ما توصلين حق الاماكن القذره والي المفروظ تحمين اعيالج منها وتحمين نفسج وزوجك منها::tomato2:
انا رح انزل صور واماكن رحتلها داخل بانكوك ماشفتها حتى في امريكا ولا اوربا ولا الخليج من النظافه والسنع والخدمه وحترام المسلمين حتى لو اهما بوذه
انا اقول هذا الكلام عن تجربه شخصيه وانا اروح زيارات سريعه لان شغل زوجي جذي فنقعد في ارقى الاماكن ونروح انظف الاماكن علشان جذي إلي يقولي تايلاند وصخه اكيد قاعد بمكان مو نضيف بس اكيد هذا درس لكم علشان ما تسمعون نصيحت احد قبل ماتشوفون بعينكم انشاءالله انزل الصور بعدين واتشوفين ابروحج وتقولين تايلاند وصخه بس هم فيها اماكن نضيفه_03BA:
على فكره مافي احد ادليه هذي الاماكن الا مايقولي ياحلو بانكوك وناسه الاماكن إلي دليتينا عليها:klhfl:

 

[eman84]

انا اشووفها حلووه خووش ديره طبعا مو مثل ماليزيا بس بانكوك نفسها ماشفت اللي شفتيه

وبعدين ثلاث ارباع دول العالم بالصيف تنترس بالهلاقه و العقد و الخربوطيين اللي يدورن هالسوالف انا اتوقع توقيت سفرتكم
اهو اللي موشي

 

[q8sweeta]

بتايا وصخه وكله بارات ووعرب شموديكم
انا توني راده من تايلند ويعتمد وين تسكنون شكلكم ساكنين بمكان خارب ومنطقه عرب
احنا قعدنا بالماريوت مافي ولا عربي اهناك وحلوه ديره عاديه
وبعدين شعليج منهم استانسي وطلعي
من راقب الناس مات هما

 

[hello!]

بهذي صاجه
انا رحت لها بس ماقعدنا ببانكوك
رحنا جزر بوكيت ومابوكيت.. العاصمه خرباااانه

بس عموما الي يبي الخراب يروحله سواءا هني ولا هناك..

 

[دسمان]

أحــلــى مــنــطــقــة فــي تـايـلـند بــتــايــا

 

[زهره الريف]

اي والله اخيس منطقه بتايا الله ياخذهم

يعني الكل يعرف انه بتايا ديره الفساد والوصاخه ليش رايحه هناك جان اكتفيتي بانكوك وبوكيت وشنج ماي هذيل حق العوايل

 

[نووونتها]

وااااااااااااي الله يستر علينا يااااااارب .. لا حـول ولا قـوة إلا بـالـلـه

 

[marshmelo0o]

عااااااااااااد انتي رحتي اوصخ منطقه بتايا زباله عزج الله
اصلا اهيا تايلند بكبرها خايسه بشكل عام وهذي اصخ منطقه وبعدها بانكوك

 

[@غلاك يكفينى@]

صدقيننى أختى انتى وزوجج ما سويتى جدول عدل اول شئ جان سألتو اللى يعرفون الديره وشنو احسن امكن عندهم انا رحت لها قبل 3 سنين الدوله من ناحية الجو عااااااااااادى الطبيعه حلو الاسواق رووووعه الملاهى موصج كل شىئ حلووو واهم شئ المناااطق انا رحت العاصمه با نكوك ورحت شنغ ماااااااااى حدهاااااااااا عائليهحاو وراقيه وبوكيت خفت من بنات البكينى بحكم انى اغار على زوجى قاالت ما ابى جزر وبس ولا هى حلو الفسااااااد فى كل ديره عندج سوريا ومصر ولبنان كل الدول هذى عائليه وشبابيه نفس تايلند با الضبط

 

[أم حمد =)]

بالعذر بعد رايحين بتايا !

حبيبتي انتوا غلطانين .. بتايا معروفه حق هالسوالف ..



الله يعوضكم بسفره احلى منها ..

 

[عقارية]

انت رايحه لعاصمه الجنس في العالم (( بتايـــا ))
حل عليهم توسنامي ما يصحون منه

 

[صم و بكم]

يزاج الله خير ع التنبيه .

 

[خل بالك من شوشو]

حبيبتي

الي يبي الخراب يلقاه بالكويت مو بره

شوفي مصر و البحرين و ما ادراك ما البحرين مره وصلنا لها بليل و ضيعنا طريج الفندق الا الشارع كله بدي علاق و بدون ستيان و شورتات سليب و لبس حده و صخ و هذي دوله مسلمه بعد و بره كلا سعوديين و سكارى و انا ما قلت سعوديين الا لان لوحات السيارت كلها سعوديه و كل واحد ماسك له وحده و ثنتين

شوفي يعني دوله عربيه و مسلمه فلا تلومين تايلند لانها كافره و بوذه
و الا سوريا قطيعه تقطعهم من وصاخه علنيه حتى لو تسكنين في بيتهم تخز زوجج

يعني الخراب في كل مكان
و انا رحت تايلند اكثر من مره و لا شفت الي قلتي عنه يمكن انتي ساكنه بشارع العرب ؟؟؟؟؟؟؟؟

و كافي بتايا من يروح لها
انا رحت شنغماي و بانكوك و كسموي و بوكت روووووووووووووعه
تهبل و السفره و لا بالاحلام و كلها اماكن خمس نجوم و راقيه و نظيفه

و حتى لو عندهم خراب فعادي دوله بوذا و الشرهه على الريايل الي يروحون اهناك للوصاخه

و الخراب اوله في البحرين و دبي و فنادقها الوصخه حتى لو 10 نجوم تلقينه كله وصاخه بوصاخه و مصر و سوريا و لبنان و المغرب

 

[بيرشكا]

انا من زمااان وانا لما اسمع اسم تايلند او عاصمتها بانكوك وهي مرتبطة عندي بالمخدرات الله لا يبلانا ..

مع إني مازرتها

 

[نور النهار]

رحت لبانكوك ماعجبتني
بس ماليزيا غيييييييير خيااااااااااااااااااااااااااااااااااااااااااااااااال