تاكد احساسي وزوجي يخوني

[shak!shoka]

تأكدي من الرقم اول شي !

واذا طلعت بنت واجهيه

لا تسكتين

انتي تقولين مو اول مره

ليش تبلعين الحره و تسكتين

مو زين عليج

باجر تمرضين و يصير فيج شي من سوالفه و حرته


واجهيه ولا تخلينه يقلبها عليج انتي ما سويتي شي غلط

واذا استلزم الامر كبري الموضوع و دخلي احد ثقه و كبير و عنده حكمه



صج مصخره الرياييل صايرين حميييير ماكو عقل

ويبون المره تحترم و تسكت و تنحرم من كل شي واهو كلللل البلااااوي السوده يسويها



والله حدي احتريت من ريلج

استغفرالله


شقول غير الله يهديه <<<<<< عقب شنو

 

[أسـيـل]

الله يعينك ويصبرك وانصحك تتصرفين بهدوء وحكمه

 

[بافيووه]

الله يعينج ويعيني انا معاج على الاقل انتي اهون مني يوخيتي
انا ادري انه يكلم الف وحده مو وحده ولا وبعضهم متزوجات ومعيلات واقرى محادثاته خو اشكره يسولف معاهم بالجوال جنبي وطبيعي بطالع تخيلي الي تقوله زوجي مخليني وعلى حل شعره اجل انتي شنو الي ترسلين صور جسمج تخيلو يابنات يرسلون صورهم وكله يبون فلوس وانا ادري وقلبي معورني وواجهته كم مره وقلب السالفه علي ولا وقالي كلمه كسرتني يابنات اكتب لكم وانا بموت من حرتي وقهري قبل كم اسبوع تهاوشنا وقال بيطلق ويوم واجهته تخيلو شقالي دام تعرفين اني اكلم غيرج يعني انتي مو ماليه عيني انا مابي اتطلق انا توني والد ولدي عمره شهرين وميته قهر وحره ميته بمووت بموت ليل نهار اصلي وادعي ومرات من حر مافيني ادعي عليه بس ارجع ادعي ماتصيده حوبتي الله يعين والله صج هالرجال حسبي الله ونعم الوكيل عليهم عينهم مايمليها التراب

 

[Meeesh]

الله يهدي قلبج
اول شي ترى مو دليل كلمة شسويت
يعني اقري المحادثة كلها
سويلها كابتر و دزيها حق نفسج و مسحيها جنه مو دازتها حق نفسج
تأكدي من صاحب الرقم و لما تتوقعون ١٠٠٠٠٠٠٠٠٠٠٪ انها بنت
حاولي توصلين حق أبوها
و دقي عليه و واعدينه ان شالله عند الفرع و قوليله كل السالفة و قوليله أنا ييتك لأني مابي اشهر ببنتك و ترى اقدر
ما أبيها تخرب حياتي
وخرها عني
و يا دار ما دخلك شر
و دائماً على غشمرة قولي شوف اذا بتحاجي بنات حتى أنا بحاجي شباب
و اذا بتتزوج علي أنا بتزوج غيرك
خل يحس انج مو هينة
و حاولي تحتوينه
و بكل سجدة ادعي يا رب اعمي عيون ريلي عن البنات و اعمي عيونهم عنه

:eh_s(15):

 

[مارشميلو..]

الله يعينج ويعيني انا معاج على الاقل انتي اهون مني يوخيتي
انا ادري انه يكلم الف وحده مو وحده ولا وبعضهم متزوجات ومعيلات واقرى محادثاته خو اشكره يسولف معاهم بالجوال جنبي وطبيعي بطالع تخيلي الي تقوله زوجي مخليني وعلى حل شعره اجل انتي شنو الي ترسلين صور جسمج تخيلو يابنات يرسلون صورهم وكله يبون فلوس وانا ادري وقلبي معورني وواجهته كم مره وقلب السالفه علي ولا وقالي كلمه كسرتني يابنات اكتب لكم وانا بموت من حرتي وقهري قبل كم اسبوع تهاوشنا وقال بيطلق ويوم واجهته تخيلو شقالي دام تعرفين اني اكلم غيرج يعني انتي مو ماليه عيني انا مابي اتطلق انا توني والد ولدي عمره شهرين وميته قهر وحره ميته بمووت بموت ليل نهار اصلي وادعي ومرات من حر مافيني ادعي عليه بس ارجع ادعي ماتصيده حوبتي الله يعين والله صج هالرجال حسبي الله ونعم الوكيل عليهم عينهم مايمليها التراب

:eh_s(16)::eh_s(16):
بعد عمري الله يصبرك ويكون بعونك ولله يرد لك زوجك ويبعده عن بنات الحرام اللي مايخافون ربهم
الله يهديه ويسخره لك ويعوضك خيررر يااااااااااارب
كثري استغفار وربك يفرجها بحيله وقوته

 

[أم غيثة]

لا حول و لا قوة الا بالله
عورتو قلبي بنات الله يفرج همكم يا رب و يسخر لكم ازواجكم و يبعد عنهم بنات ابليس

 

[نونه المنكوشه]

الله يهديه

 

[بزه المرتزه]

بنات تدرون ان دق وقالي انه يدري اني متعبثه بتلفونه واني شاكه فيه!!!!!!!
واااااي مادري شلون عرف!!
بروحه قالي ترى انا مو قاعد اسوي شي غلط واذا تعبثتي ماعندي شي ولو عندي شي اقفل تلفوني
قتله عيل ليش 24 ساعه اونلاين قالي عندي اشغال وراح تشوفيني وايد شابك لا تستغربين!
قتله انت حركاتك تشكك!!
لاهي بشغلك اوكي بس تنسى مرتك وماتسال عنها هم من شغلك!!
والا تاخذ تلفونك الفير هم عندك شغل!!
جان يتبلعم يقول اي ماخذه كنت بحط المنبه!!!
والله مادري شقول !
استعبط واصدقه واطوف هالسالفه!
والا شسوي
المشكله ان اي اليوم واهو 24 ساعه شابك
يعني هم تكلمنا وقلت ان هالشي يضايقني وهم ماكو فايده!!

 

[قمر مابين البشر]

حبيبتي الله يعينك بس حابه اقولك
مافي شي يدمر الحياة الزوجيه غير الشك
انتي حطي نفسك مكانه
وتخيلي اتعبث بجوالك وجا قالك اكيد اللي راسلك واحد مو وحده
شنو راح تكون ردة فعلك
وبعدين كلمة شسويت مو دليل تثبتينه عليه انه خاين
ان بعض الظن اثم
ويمكن فعلا هو مشغول او عنده مشكله وواحد راسل له شسويت
الله يهديك ويسخر لك زوجك
روحي اقري ايتين من القران
الا بذكر الله تطمئن القلوب

 

[بزه المرتزه]

بنات شدعوه ماتردون

 

[ام احمد الزاهر]

دقي عليهااااا من وراه ولعني خيرهااااا وشرشحيهاااااا ولاتقولين له وسوي نفسج عااااااادي واذا ساالتج انتي منو قوليلهاا انا مرت الرقم وقوليلهااا رقم ريلج لاتقولين اسمه لانه يمكن ميكون قايل لهااا اسمه واذا جاء سالج قولي بعد انا بالعه الموس وساكته وتجي بكل قوات عين تسالني هذا دليل ان الخبر وصلك ونه انت ع علاقه وياهااا صج واقبي الموضوع عليه ولاتهونين السالفه وطنقري عليه خليه يتربى ترى هذا اسلوبي مع الي عندي ليييين كل ماكلمته بنت يخاف انهااا انا هههههههههه

 

[مالك عذر]

الله يعينك

 

[حبيبه ببي]

ياربي شسالفتهم هذولي مااتلوع جبدهم من الخياانه

 

[بافيووه]

مارشميلو

تسلمين حبيبتي الله يهدي هالريايل والله منعل قلبي ودي ادق عليهم وحده وحده والعن ابو الطيب مافيهم ولا الحين هب هبه جديده السكايبي حقه شغال على طول الله يعين بس

 

[غرومه غنوجه]

لو بمكانج ماراح اعرف شبسوي بس الي اعرفه
لو ان انتي كنتي بمكانه واهوه شايف عليج هل شي جان مسكج سوطرج ووداج بيت اهلج تفنقر

بس احنه لان حريم لازم نسكت ونبلعها ونشوف حل هادي وبسيط
بس انا اعرف نفسي اني وقتها ماراح اتحمل وبصارخ وبقلب الدنيا
عشان جذي ماابي انصحج لان النصيحه ياتكون زينه يا لا اانصح
الله يساعدج ويسهل عليج ويكون ضنج مو بمحله اللهم امين

 

[ام حسون24]

بدال ما يعتذر يزعل ويقولج ليش تعبثين بتلفونه 