تاكد احساسي وزوجي يخوني

[Patcholli]

الله يكون بعونج بس تاكدي اول انها بنت ..

 

[Patcholli]

انا دقيت يا بنات وتاكدت انها بنت (من قرادة حظي)
بس رديت ثاني يوم جيكت تلفونه والمسج نفسه موجود وهو مو راد!!
بس الي مشككني ان صاير 24 ساعه اون لاين بالواتس اب!!!
وساعات بنفس الوقت القاها اهي بعد اون لاين ولما يطلع من الواتس اب اهي تطلع!!!!!
والله قلبي يعورني والشك ذبحني وماعندي اي دليل عليه حتى لو بكلمه او اواجهه!
حتى اهي ماعندي دليل عليها الا هالمسج
بس انا من كثر ماجابلت الواتس اب قاعده اجيك عليهم
وهالشي شككني زود
وريلي هاليومين حاس فيني يقولي شفيج متغيره وليش كله ضايق خلقج! فيه شي صاير
اقوله لا مامو بس هاليومين مقموته شوي وصداع
يقولي انتي فيج شي واذا ماتبين تقولين كيفج
ومد بوزه ونام
وتصدقون امس الفجر قايم للصلاة لقيته ماخذ تلفونه ودش الحمام @@
دشيت الواتس اب ولقيته اون لاين!!!!!!!
جيكت عليها والا مو داشه الواتس اب!!
والله يابنات الشك ذبحني مادري شسوي
نفسيتي وااااااايد تعبانه وضغطي مرتفع
ومو بيدي ولا شي
وساعات افكر اقول يمكن شكي مو بمحله ةالشيطان يوسوسني
بس لما اشوف تصرفاته اشك زود!
والمشكله اني ما اقدر امسك تلفونه
عنده تلفونه منطقه محظورة
وما قاعد تحصلي فرصه اني اتعبث على راحتي
فمادري شسوي والله تعبت

توني اقرى مشاركتج
اختي تقولين دقيتي ولقيت رقم بنت يعني شكج بمحله ..!!
استغرب لما تقولين تصرفاته تشككني بزياده تشككج بشنو انه عنده وحده ؟؟
انتي دقيتي ولقيتي وحده وهذا كافي ..!! :eh_s(1):

 

[بزه المرتزه]

توني اقرى مشاركتج
اختي تقولين دقيتي ولقيت رقم بنت يعني شكج بمحله ..!!
استغرب لما تقولين تصرفاته تشككني بزياده تشككج بشنو انه عنده وحده ؟؟
انتي دقيتي ولقيتي وحده وهذا كافي ..!! :eh_s(1):

اي صح بس اهو ما كلمها ولا رد عليها!
ماعندي شي ضده!!
عادي يقولي اهي غلطانه يمكن!!

 

[Patcholli]

لو مكانج بقعد معاه وبقوله بشوف الواتساب شويه بدزلك شي وبشوف يوصل ولا لا وافتح على اللوق مالها واقوله منو هاذي بيقول مادري ومن هالكلام بقوله دق عليها جدامي وحطه سبيكر طبعا مايدق يقول منو معاي لان راح تفهم ان كابسين عليه قوليله دق وتكلم طبيعي الو شلونج ..
او نطري لما تصيدين عليه شي قوي ماعرف نظام ريلج هالطريقه تمشي مع ريلي بس مادري اذا تمشي مع ريلج نطري لما تصيدين شي قوي عليه

 

[انسآنه لن تتكرر]

الله يهدي قلبج
اول شي ترى مو دليل كلمة شسويت
يعني اقري المحادثة كلها
سويلها كابتر و دزيها حق نفسج و مسحيها جنه مو دازتها حق نفسج
تأكدي من صاحب الرقم و لما تتوقعون ١٠٠٠٠٠٠٠٠٠٠٪ انها بنت
حاولي توصلين حق أبوها
و دقي عليه و واعدينه ان شالله عند الفرع و قوليله كل السالفة و قوليله أنا ييتك لأني مابي اشهر ببنتك و ترى اقدر
ما أبيها تخرب حياتي
وخرها عني
و يا دار ما دخلك شر
و دائماً على غشمرة قولي شوف اذا بتحاجي بنات حتى أنا بحاجي شباب
و اذا بتتزوج علي أنا بتزوج غيرك
خل يحس انج مو هينة
و حاولي تحتوينه
و بكل سجدة ادعي يا رب اعمي عيون ريلي عن البنات و اعمي عيونهم عنه

’,​

شدخل آبوهــآآ بالموضوع الله يهديجَ ي قلبـي :eh_s(10):
[ من ستر علي مسلم ستره الله يوم القيآمه ]
السآلفه بينهآ وبين زوجهآ والبنت يعني مآله دآعي الفضآيح

​

آنآ آشوف من رآيي تقولين: له غريبه حياتي انت صاير دايم اونلاين بالواتس اب ؟ <خليه يحس آنج تعرفين بالسالفه وتعرفين ب خرآبيطه وآسحبي منه الكلام وخليه يعترفّ هو آحسسن . . :eh_s(4):
والله يعينج ويطمن قلبج​

’.

 

[جيكره(و)تتغلى25]

البنت مالها شغل عشان تعلمين ابوها لو زوجج موراضي عنها كان هو الي وقفها عند حدها


يمكن زوجج موقايل انه متزوج؟


تاكدي اول من الرقم

 

[جـــواهر]

البنت مالها شغل اقضبي زوجج حبيبتي
ولج حلين ي انج تواجهينه يا انج طوفين له
لان اذا واجهتيه بيقص عليج بجم كلمه وترضين
وبيعيدها ويصير الوضع عاااادي



تبين نصيحتي لاتواجهينه

 

[WAAAW]

وع على هالرياييل وع

 

[أجمل إنسـآنـه ~]

الله يسخركم لبعض,~>!

 

[أجمل إنسـآنـه ~]

تقولين الشك ذبحني ~> مو شك خلاص ايقنتي انه يكلم تقولين دقيت وتاكددت,,,!!!


ماقول غير ربي يسخركم لبعض,>~

 

[بزه المرتزه]

المشكله لو بواجهه بيقول انتي تراقبيني ومو واثقه فيني وبيقلب السالفه علي
وانا ماعندي اي دليل قوي ضده
غير اني قاعده اراقبهم بس واحتر

 

[al-musk]

الاخت اللي قالت شرشحيها وكلمي ابوها انا مو معاها
يمكن يكون زوجج قاص على البنت اخرتها شرشحي البنت واهو لا تبينين له شي ( قلبتوا الايه ) !!
بعدين تقدرين تدقين على البنت وتفهمين منها الموضوع وبجذي بتعرفين منو الغلطان يمكن اهو قاص عليها او يمكن صج غلطانه واذا كان اهو اللي قاص عليها ومو قايلها انه متزوج او واعدها بأمور ذيج الساعه انتي تفاهمي مع ريلج وشوفيه ليش قاعد يسوي جذي

 

[..rum rum..]

حبيبتي بزه الحين ماينفع تواجهينه لأنه ماعندج دليل عليه
و الرقم اللي لقيتيه بالواتساب مو مبين شي
واحتمال يكون مسمي البنت باسم واحد من ربعه وهذي حركه ذكيه
يعني يمكن الرقم اللي عندج مو اهيا البنت اللي لاهي معاها

مادري شقول لج بس انتي تقولين مو راد على المسج مالها بالواتساب يمكن يكون بالغلط
الله يعينج على ويصبرج
مادري انا لو كنت مكانج يمكن كنت راح اشتري خط مو باسمي و احاول اكلمه بالواتس اب اشوف شنو يطلع معاي

 

[Patcholli]

عيل نطري لما تمسكين دليل ولما تشوفينه ماخذ جهازه معاه الحمام سئليه ليش تسكتين بعد حركته اتشكك واي وحده بتسأل زوجها لان حركته غريبه يعني خصوصا ان الوقت الفير ..!!

مافيها شي يعني اهو زوجج من حقج تسئلينه وتتواجهين معاه لو انتي مسويه هالحركه بيسكت ؟؟ لا طبعا

 

[مارشميلو..]

لازم تلقين دليل ومحادثه بينهم وتواجهيييييييييييييينه على طول لاتسكتين وماعليك منه اكيد بيقلب الموضوع عليك بس كوني قويه ورتبي كلامك قبل وروحي لاهلك كم يوم عشان يخاف
اذا هذي اول مره لازم تتخذين موقف قوي يهززززززززه لانه اذا سكتي خلاص معناه يازوجي العزيز انا ادري ان انت تخوني وبسكت وبنطم ومارح اقول شي وكيفك تمادى وخوني كل يوم
لازم يعرف ان الله حق ويحسب لك حساب
حسبي الله ونعم الوكيل
وكثري استغفار والله يفرج همك ياااااااااارب
اقبح شي بالحياه الخيياااااااااانه اه بس الله يعين

 

[نشيج الروح]

حاولي تعرفين شنو الي جذبه بالبنت وسحبيه صوبج وفي هالوقت خططي في انج تودين البنت ورا الشمس وشلون تعطين ريلج درس يتأدب منه،،،، وضروري يزيد الوعي الديني في البيت لان هالامور تزرع بالقلب الخشية والخوف ومراقبة النفس

 

[نـعـومـه]

وله عين يزعل ويقلب الموضوع عليج ؟
ليكون راضيتيه
حبيبتي اتصلي عالرقم وان طلعت وحده شرشحيها وقولي لها ان قربتي صوب ريلي ايي افضحج عند اهلج
وان يالج وعصب وقفيه عند حده واتخذي موقف حسسيه بغلطته وان خيانته لج مو شي هين وهدديه بالفضيحه
لاتصيرين سلبيه
وقفيه عند حده انتي الي تزعلين مو اهو وقولي له كما تدين تدان انت ترضى اخونك ؟

رايها احسن راي

خايني وين لي نفس اقوله كلام حلو

اول شي تأكدي اذا بنت او لا واذا تأكدتي انها بنت شرشحيها وهدديها تكلمين اهلها عشان تعيش برعب لانه اقل شي لها تعيش برعب

وزوجج لازم تحسسينه بغلطته حرام عليه متزوج ويكلم وحده !!! لازم تزعلين وتخلينه يحس بغلطته ولا ماراح يتعظ

طبعا كل هذا بعد ماتأكدين انها بنت يمكن رفيجه !

 

[انونا]

حبيبتي هذا مو دليل ان يكلم يمكن بالغلط او وحده من معرفه قديمه وتاب

دامه ماسحه الرقم ومو حاطه باسم معناته ما يهمه
الي عليج الحين حبيبتي علاقتج فيه ان مبتعد ومتغير حاولي تعرفين اسباب تغيره وطلعته الزايده
وحاولي تقوين علاقتج فيه لو حتن كان لاسمح الله فيه علاقه يبتعد من خلال تغيرج
انا ما اقولج المبالغه لا بطريقه معقوله والاستغفار والدعاء لا تنسينه والله يبعد الحرام وطريج الحرام عنه ويوفقكم
ولا تتكلمين الا اذا شفتي بام عيناك مني واجههي

 

[أم عزيـز]

دامج تأكدتي يعني شكج في محله

انا اقولج مافي الا انج تقلبين السالفه
يعني انتي تحسسينه انج لاهيه بتلفونج وايد و24 ساعه اون لاين
وحاولي كله تشوفين تلفونج وتضحكين جدامه !!

خليه يستغرب ويخاف اللي قاعد يسويه في العالم يصير فيه
وطبعا اذا فتش ماراح يلقى شي لانج لله الحمد ما عندج هالخرابيط
واذا فتح الموضوع معاج قوليله عادي انت 24 ساعه اون لاين انا ما شكيت فيك ولا قتلك شي ؟
والا انت حاس انك مسوي شي غلط لما تكون 24 ساعه اون لاين ؟؟

 

[رنيم الروح]

الله يهدي قلبج
اول شي ترى مو دليل كلمة شسويت
يعني اقري المحادثة كلها
سويلها كابتر و دزيها حق نفسج و مسحيها جنه مو دازتها حق نفسج
تأكدي من صاحب الرقم و لما تتوقعون ١٠٠٠٠٠٠٠٠٠٠٪ انها بنت
حاولي توصلين حق أبوها
و دقي عليه و واعدينه ان شالله عند الفرع و قوليله كل السالفة و قوليله أنا ييتك لأني مابي اشهر ببنتك و ترى اقدر
ما أبيها تخرب حياتي
وخرها عني
و يا دار ما دخلك شر
و دائماً على غشمرة قولي شوف اذا بتحاجي بنات حتى أنا بحاجي شباب
و اذا بتتزوج علي أنا بتزوج غيرك
خل يحس انج مو هينة
و حاولي تحتوينه
و بكل سجدة ادعي يا رب اعمي عيون ريلي عن البنات و اعمي عيونهم عنه

كلامي من كلام الاخت فعلا اذا تاكدتي انها بنت خبري اهلها من غير مايدري زوجك الله يهديه ويسخره لك