تاخرت الدوره اسبوع ويوم طمنوني

[حمووشه المطيري]

بنات انا دخلوني المستشفى وسويت سونار ما بين شي وطلع عندي جيس ماي وحللوني هرموني دعواتكم الله يقومني بسلامة

 

[حمووشه المطيري]

متى يبين الجنين باي اسبوع ؟؟

 

[HoD'HoD]

الله يقومج بالسلامة ان شاءالله

لا تخافين لازم يدخلونج دام حامل ومابين جيس الحمل

عادي يكون تبويضج متأخر ويبين على الاسبوع السادس او السابع

 

[حمووشه المطيري]

الله يسلمج هود حبيبتي .. بس الدم مستمر الحمدلله ع مل حال لا تنسوني بالدعاء

 

[Roozlin]

الله يثبته لج ياااارب ويكتبلج اللي فيه خير ...كثري الاستغفار وتوكلي ع الله ...

 

[قرمووشه]

الله يثبته يارب
ويرزقج الذريه الصالحه

اختي حموووشه اي مستشفى

 

[حمووشه المطيري]

مستشفى الجهراء

 

[$قطوه$]

الله يرزقج الحمل وما تشوفينها الا بعد 9 شهور

 

[حمووشه المطيري]

امين .. بنات تحليل الرقمي طلع النسبه ضعيفه عاادي ؟؟ وقال لي باجر راح نعيده لج وماعطاني مثبت ،، وامس حللت عندهم بول تكرمون طلع ايجابي طمنوني اذا كان تحليل البول ايجابي معناته في حمل ولا لا

 

[om 7amoodi]

اكيد البول بيطلع ايجابي مدام الهرموني في نسبه حمل حتى لو ضعيفه
راح يعيدون التحليل الهرموني واذا ارتفعت النسبه معناته الحمل قاعد يثبت بس اذا نزلت النسبه يعني اجهضتي
الله يكتب لج اللي فيه الخير وماتدرين شنو الخيره

 

[حمووشه المطيري]

ان شاء الله ترتفع النسبه مع اني الحين عندهم بالجناح ومااتحرك وكله منسدحه ع ظهري ومااقوم الا للصلاه وان شاء الله يوقف الدم مني

 

[مذهلة2013]

حموشه

ان شاءالله خير تفاءلي حبيبتي
ودام البول ابجابي باذن الله انتي حامل
بس ارتاحي حيييييل نفس ماقالولج
ربي يسهل عليج ويرزقج بدال الواحد توام

 

[حمووشه المطيري]

بنات الدم ينزل كميته كثيره وبعضه متثخره دم متجمد شنو اسوي اكلم الدكتور

 

[ام أسد]

الله يثبته ان شاءالله انا يوم سويت تحليل الدم وطلع حامل وبعدها رحت سويت سونار ماكو شي مابين الجنين الا بالسونار الداخلي خل يسون لج الداخلي واي شي يصيرلج لازم تعلمين الدكتور اول باول

 

[حمووشه المطيري]

اختي ام اسد سويت السونار الداخلي هم ما بين شي قالي الدكتور انتي يمكن حمل متاخر ان شاء الله يكون متاخر ويثبت بس المشكله الدم هو اللي موترني ادعووو لي

 

[ياهم لدي رب]

عادي حبوبه انا اختي قالوا حمل ضعيف والكيس مو مبين وماشاء الله كمل الحمل وولدت بالسلامه
اهم شيء الراحه والدعاء لاتخلين املج بالدكاتره
اسجدي لله وادعيه وانتي ساجده وقتي ساعتج قبل الفجر ب١٠دقايق وصلي ركعتين اخر الليل الله سبحانه ينزل بهلوقت للسماء الدنيا ويقول هل من داعي فأعطيه ادعي الله انه يثبت الجنين ويكتب لك الخير في ثباته ويحسن خلقه وخلقته ادعي الله وانت ساجده وباذن الله تتيسر امورج وصلي الفجر

 

[حمووشه المطيري]

الحمدلله ع كل حال جزاج الله خير الله يكتب اللي فيه خيير ♡
نسبه هرمون الحمل ١٦٧ تتوقعون يرتفع ؟

 

[حمووشه المطيري]

الحمدلله ع كل حال جزاج الله خير الله يكتب اللي فيه خيير ♡
نسبه هرمون الحمل 167 تتوقعون يرتفع ؟

 

[^ lamooosh ^]

الله يكتب لج الحمل الكامل ياربوتفرحين ان شاء الله

 

[حمووشه المطيري]

امييين يارب الحمدلله الدم خف شوي