تاخرت الدوره اسبوع ويوم طمنوني

[طيبة83]

الحين لبسي قفازات واقري سورة البقرة

وادعي ادعي من قلبج

الله يثبت الي في بطنج ويرزقج اياه سليم مشافى معافى من كل سوء

 

[حمووشه المطيري]

امين ،، ناطرة النتيجه اليوم ومتوتره حيل

 

[الفوز حلو]

ربي يفرح قلبج ولاتغلطين مره 2 ع طول من ينزل بني تروحين انا نزل وواكتبوا لي حبوب تثبيت
ونفسج منزلي ايجابي وبالسونار بدااايه حمل يادوب يبين قالت الدكتوره فيمكن انتي نفسي

 

[الفوز حلو]

ربي يفرح قلبج ولاتغلطين مره 2 ع طول من ينزل بني تروحين انا نزل وواكتبوا لي حبوب تثبيت
ونفسج منزلي ايجابي وبالسونار بدااايه حمل يادوب يبين قالت الدكتوره فيمكن انتي نفسي

 

[Roozlin]

الله يتمم لج ويفرحج ..بس الدم ترا مو نجس يعني تصلين حبيت اذكرج...

 

[حمووشه المطيري]

بنات الحمدلله وقف الدم هل معناه الحمل يستمر وبخير طمنوني

 

[قرمووشه]

حموووشه انتي ليلحين بطبيب ولا طلعووج

ان شاءالله يارب يثبت حملج وتبشرينا

كثرررررررري استغفاااار

اااب اااب

وطمنيناا علييج

 

[حمووشه المطيري]

بنات الحمدلله ياربي انا اجهضت طاح الجنين الله يعوضني ،، ولا حول ولا قوه الا بالله

 

[ام أسد]

الله يعوضج خير ان شاءالله واهم شي صحتج

 

[مذهلة2013]

حموشه

ربي يعوضج يارب لا تييأسين من رحمه ربج

وثقي انه ربج راح يكتبلج خير

وربي يعطيج بدال الواحد توأم

 

[قلب ريلها]

الله يعوضج حبيبتي ويعوضني معاج

 

[HoD'HoD]

الله يعوضج حبيبتي بحمل ثابت وسليم والحمدلله على سلامتج ،، خيرة ان شاءالله وتأكدي ان الجنين طاح بهالوقت يعني جنين مشوه هذي رحمة من ربج

اهم شي اهتمي بنفسج الحين وشربي ادوية الدورة وان شاءالله تحملين قريب بإذن الله ولكن ديري بالج وحللي مبجر عشان لا يتكرر اللي صار معاج

والله يرزقج ويرزق كل محرومة يارب

 

[صاحبة الكلمة]

سوي تحليل و راجعي طبيبتج

 

[حمووشه المطيري]

الله يسلمكم جزاكم الله خير ،، اي بروح اراجع بشوف ليش الاجهاض يتكرر عندي بنات شنو تنصحوني ابي دكتوره لها ضمير سنعه يعني اضمنها وين ؟؟؟

 

[HoD'HoD]

انا صار معاي ٣ اجهاضات ورى بعض من بداية زواجي وراجعت عند دكتورة آسيا بدار الشفا شاااطرة وتخاف الله ومو استغلالية

لا تروحين دار البراء نصيحة رحتلهم بعد اجهاضي الثاني وطلعو فيني امراض الدنيا وانا مافيني شي تخيلي وقالولي ماراح تحملين طبيعي اما تلقيح او انابيب قررو قبل لا يسوون لي كل الفحوصات ماعندهم علاج غير التلقيح

رحت حق آسيا قالت كل هالكلام مو صحيح حملي طبيعي والحمدلله الحين حامل بالخامس والله يتمم لي على خير وكل الحوامل ويرزق كل محرومة ياااااارب

 

[ام أسد]

روحي عند الدكتور محمد سيد قطب

 

[حمووشه المطيري]

مشكووورات خواتي .. هود بسالج شنو عطتج يعني شنو قالتلج او نصحتج انه تحافظين على نفسج من الاجهاض ومتى احسن وقت احمل بعد الاجهاض لان الحين هرمون الحمل عندي ٢٩ ينزل من نفسه ولا اسوي شي وانزله للصفر !!

 

[حمووشه المطيري]

مشكووورات خواتي .. هود بسالج شنو عطتج يعني شنو قالتلج او نصحتج انه تحافظين على نفسج من الاجهاض ومتى احسن وقت احمل بعد الاجهاض لان الحين هرمون الحمل عندي 29 ينزل من نفسه ولا اسوي شي وانزله للصفر !!

 

[HoD'HoD]

هرمون الحمل ينزل بروحه بعد الاجهاض بعشر ايام تقريبا لا تحاتينه

انا سألت دكتورتي متى اقدر احمل بعد اخر اجهاض قالت عادي لو تييني هالشهر حامل دام ماسويتي تنظيفات

بس انا فضلت انطر الدورة تنزل عشان اعرف موعدها لو صار حمل وفرصة بهالفترة خذيت حبوب برجنا بلان اهي حبوب فيتامينات تهيء حق الحمل مع الفولك اسيد تقوي بطانة الرحم والبيبي اسبرين حق السيولة

لازم تسوين كل التحاليل انتي وريلج عشان تعرفون شنو سبب الاجهاض وتعالجون السبب

انا نفسج بكل حمل مايتعدى ال٧ اسابيع ويطيح بس الحمدلله تحاليلي كانت كلها سليمة

قالت لي اول يوم دورة اذا مانزلت تسوين تحليل حمل الليل واذا حامل تعالي نبلش بالعلاج قبل لا يتكون الجنين

والعلاج عطتني كورتيزون مع فولك اسيد وبيبي اسبرين وحبوب تثبيت مع الراااااحة اول ثلاث شهور كنت ماتحرك كلش منسدحة على ظهري اقوم للحمام تكرمين واصلي وانا قاعدة

مع متابعة الحمل كل اسبوعين بالسونار اول ثلاث اشهر وربي لك الحمد اموري طيبة والله يتمم على خير

 

[سميره مملوحه]

الله يعوضج حبيبتي
وديري بالج مره ثانيه