بين الزواج التقليدي و الزواج عن حب..أيهما تفضلين؟ و لماذا؟

[قمر بيت أبوها]

اللي قالوا تقليدي اكيد من نماذج شافوها
واللي قالوا عن حب اكي من نماذج شافوها
انا مع الكل بس بشروط
التقليدي يكون فيه شوفه شرعيه وتكلم الرجال بحددود العقل والدين يعني تدرسه افكاره قبل الملكه ويكون مختارها لشخصها مو امه ولااخته مختارتني لاي سبب من الاسباب

عن حب أفضل لان بتعرفينه وبيعرفك من غير اقنعه يعني حتي بالخطبه بيكون الرجال خايف يفقد حبيبته
يعني الحب افضل من التقليدي بس بشروطه
بس من اللعب بالمشاعر مااتوقع بنت بتثق برجل وتحبه

وبالنهايه التوفيق من الله ممكن تحبه وتتزوجه وتكون ياملكه ياجاريه
ومممكن زواج تقليدي قص ولزق ويطير فيها وممكن هي بعد تنغش فيه

 

[PuPa^^SWeeT]

اذا بتقولين حب و مادري شنو


ترا معظم الشبااب يلعبوون عالبنات

ومعظم البنات تلعب


يعني ويين بتحصليين شااب صالح يحب و يكلم وحدة صالحة ؟؟؟؟


الصلاح قصدي اخلاقهم عالية بس انهم حبوو بعض


وين بتحصلون حب عذري


ماطلعت البنت عن اهلها و عن شوورهم و عن امانهم

وماقصت علييهم واهي مواعدته و اتقول رايحة حق رفيجتي ؟؟



وين بتحصلين ريال فعلا يحب البنت و قرر يتزوجها ويكوون شااب صاالح و يخاف الله فيها


التقلييدي عالاقل لو صاار شي لا سمح الله


اهلج ماراح يقولولج والله اختيارج الخاطئ وانتي اصريتي


اهوو النصييب وين مخشوووش لج


يعني انا اايد سالفة زمييل شافها بالشغل و تقدم لها

ايي اايد هالشي


يعني لأنه يكون عارف اخلاقها عدل عدل بحكم ملاحظته لها وملاحظتها له



اايد سالفة انهم يقعدوون بالخطبة يتفاهمون شهر قبل الملجة


بس ما اايد انه البنت اتيي اتقول لاهلها انا احبه و ابييه


ويكووون الرجل مايصلح من عدة اموور خصووصا التكافؤ الاجتماعي و المادي و الثقافي



وبنات واايد اعرفهم انفصلو لأنهم ما احسنو الاختيار و نفس الشي التقليدي



بس بالتقلييدي في شي اسمه تصبرين ليين تفهمين ريلج


اما بالحب من تتزوجينه و اتشوفينه غير بالبيت و بالتعامل اليومي بتقولين مابيييه



لأنه مثل ما الملجة يمثلوون


حتى بالحب يمثل انه يحبها و انه روميوو الاخ


وبعديين اتطيح و اتلاقيينها اتقول فكووني انا غلطانة




وبالنسبة للي اتقول الشباب بيتزوجون وحدة كلموها ولا وحدة من اهلها


هذا ويين سمعتييه

لا بنطاق اهلنا و لا ييرانا ولا معارفنا سمعنا هالشي


؟؟؟؟؟؟؟؟؟؟؟؟؟؟؟؟؟؟؟


اول مرة اسمع منج



الاختلاف بالراي لا يفسد بالود قضية


لكني ابي اعرف من وين هالمقوولة يت



لأنه الكلام هذا بروحه يخرع


باجر مالج لزمة انتي ولا ريلج تخطبين حق ولدج ولا بنتج انصير نفس الاجانب ؟؟؟؟



مايصير

 

[كيكه توفي]

افضل الحب الصراحه بس الشباب يحبون بعدين يما دوريلي !

 

[ماركة انثى‘]

عن نفسسي آلزوآج تقليدي آحسن <<

 

[الزورق222]

السلام عليكم و رحمة الله و بركاته

طبعا الموضوع باين من عنوانه..
بين الزواج التقليدي و الزواج عن حب..أيهما تفضلين؟ و لماذا؟
اشتقصدين بالزواج عن حب هل هى علاقات مشبوهة او هو الحب العفيف ؟ مو فاهمة بالضبط اذا كنتى تقصدين الحب العفيف الكل يتمناه حتى الملتزمين بدينهم منو يعاف احد يحبه ويخاف عليه وفى الاخير هذا الحب يكون ختامه زواج ..
الزواج التقليدى فيه مرضاة لربي اكيد لان الاسرة موافقه عليه وامام اعينهم معلن ..



تعالوا نتناقش عن هالموضوع شوي..

راح أذكر آرائي الشخصيه حول الزواجين

اول شي: الزواج التقليدي

المميزات:
- اهم ميزه بالزواج التقليدي انج تكونين مرضيه الله و رسوله و هذا اهم شي للتوفيق، لان الله سبحانه نهى عن العلاقات الغير شرعيه بين المرأه و الرجل لو شنو كانت نهايتها

- فيه راحة باااال كبييييره لانج ماراح تتبهذلين مع واحد جذاب و يقص عليج و تالي تنصدمين و تحوشج حاله نفسيه..الخ
ومنو قالج ان الزواج التقليدى الشاب يكون فيه مخلص كلهم جذابين لاتصدقين ياشاطرة .. الكل يزوج ويبنى اسرة وبتلفونه مئات الارقام من البنات ( الحبيبات - الخليلات ) ..الا من خاف ربي ..


- بتستانسين بالخطبه و الملجه و العرس حالج حال الي خاطبها حبيبها، لكن فرحتج بتكون بريئه و خجوله و طاهره

المرأه بريئة فيه بنت بزمناا الحين مو جريئة ياعمرى يالشاب هو الحين اللى يستحي ..

- انا شخصيا احس الزواج التقليدي أمتع من الزواج عن حب و معرفه سابقه، لانج بجذي راح تكونين مع واحد ماتعرفينه، بتكتشفين اهو شنو، شنو يحب، وين يحب يروح، هواياته، اكلته المفضله، حياته الاجتماعيه، الخ
معاج بهذى الرجل غامض وحلو يتم اكتشاف اسراره ليرتفع ضغط المسكينة ولتصبح من رواد مستشفى المصابات بالسكر والكولسترول وعمليات الشفط ..ههههههه

يعني بفترة الملجه بتكونون 24 ساعه مع بعض لان كل واحد يبي يكتشف الثاني
وناسة منو يبى يدفع الفاتورة بفترة الخطبة ..

اما اذا كنتوا اساسا عارفين بعض من قبل احس راح تكون فترة الملجه مليقه و كللش مو مميزه لانكم عارفين بعض من قبل و كنتوا تطلعون مع بعض و تكلمون بعض فماكو شي تغير الحين غير ان علاقتكم صارت رسميه و موثقه


- بالزواج التقليدي راح تتعرفين على عادات يديده، ناس يديده، ما تعرفينهم ولا يعرفونج، بتقارنينهم بأهلج و بطبايعهم

عادات الشعوب اذكره كتاب قريته بثانى متوسط بمكتبة مدرستى بالاحمدى الله يازمن ماضى ..

- شخصيا احس ان الزواج التقليدي راح يكون اقوى من الزواج عن حب، لانج بتفتحين قلبج حق ريال اول مره، راح تسكنين ريال فيه، بتحافظين عليه و تصونينه لانه اول ريال تحبينه، بتعيشين الحب الطاهر العفيف صح، و طبعا بالحلال كل شي احلى و له طعم خاص سبحان الله :eh_s(7):
اكيد ياسى سيد ..الزواج تفاهم واحترام بين الطرفين لكن اللى نشوفه بالمحاكم يقول العكس ..وكلهم تقليدى مع انى لست من مؤيديين التحرر والتعرف على شباب فانا ضدهاا ..الله لايبلانا ..

- الزواج الي الله عز و جل يكون راضي عنه من البدايه راح يكون انجح من الزواج الي ابتدى بمعصيه و مخالفة شرع الله سبحانه،
لانه الله تعالى بيكون راضي عنكم و بيوفقكم لانكم ابتديتوا هالشي صح و صنتوا انفسكم

اللهم ارزقنا حبك و حب من يحبك و حب كل عمل يقربنا الى حبك

ثانيا: سلبياته

مميزات الزواج التقليدي تغلب سلبياته

- ممكن ما ينجح لعدم توافقج مع بيئتج اليديده و الناس اليدد ( مثل ام الريل، خواته، اهله بشكل عام) و حتى عدم توافقج مع ريلج (اذا كانت فترة الملجه مو كافيه للتعارف)

والله لو هالبيئة تبتعد شوية كان ماشفنا ولابنت مطلقة حسبى الله على كل امرأه تهدم بيت امراه اخرى الكل يدرى بالذات احنا النساء نعرف ان الرجال طيبيين وماايدرون عن مصايب النساء وكيدهن ..والله حرام تضيع بنات الناس اما بسبب تملك ام او غيره اخت او حسد بنت لم تتزوج ..الله يرزقنى بام زوج طيبة مو مهم الزوج صارت الام هى من تقرر حياة زوجة الولد ههههههههههههه قولوا امين اشوفكم ساكتين ياصبايا :eh_s(14):


بس مع هذا حتى لو لا سمح الله حدث الطلاق، (لو كنتي مستخيره قبل لا توافقين على الزواج) راح يكون هالطلاق خيره لج باذن الله تعالى :eh_s(7):


/////////////////////////////////////////////////////////////////////////////////////////////////////


ثانيا: الزواج عن حب

مميزاته:

شخصيا ما اشوف ان له اي مميزات
هههههههههههههههههههههههه ليش تضحكين شكلج تدرين مافيه امل ! هذا حنا يالحريم اذا مانبى الشى قلنا مافيه مميزات ههههههه المهم فيه حب عفيف وموجود اكثر شى بين الاهل لاتنكرين هالسالفة ودايماا ماتتكلل بالزواج لان القريب يخاف على سمعة اللى تقربله مو مثل الغريب !
مميزاته ماتخفى عن الكل ..حرقان فى الامعاء دقات القلب مايمسكهاا ساهر هههههههههههه


سلبياته:

- غضب الله عز و جل
و هالشي غالبا يبين اثناء العلاقه ما قبل الزواج و حتى اثناء الزواج من عدم راحة البال و الهم و الخوف من المستقبل و الى غير ذلك

- عدم التوفيق في العلاقه ولا حتى في الزواج
لانه بيكون فيه شك و عدم راحه ( الا ما رحم ربي )

- ماراح يكون فيه متعه و حب الاستكشاف لعالم الطرف الآخر
:eh_s(1):

- غالبا ما يمل احد الازواج و تبدأ المشاكل :eh_s(14):

- اختلاف شخصية الازواج بعد الزواج
الحين البنت ماتصير دلوعة الا اللى حبت يعنى التقليدى ماتتدلع !هههههههههههههههههه شكل اللى بالتقليدى جنها زكيا زكريا ههههههههههههههههههههههههههههههههه
يعني قبل الزواج تكون البنت دلوعه و ذربه و عسل و تسمع الحجي و طيبه و هكذا
بعد الزواج تطلع شخصيتها الاصليه، و هالشي ينطبق على الرياييل بعد :bbbiu:

/////////////////////////////////////////////////////////////////////////////////////////

أنا أفضل الزواج التقليدي على زواجي عن حب
الكل وانا بينهم نتمنى زواج تقليدى يتسم بالحب العذرى الشريف لكن للاسف مااظن انه متوفر فى قبيلتى ..

و الاسباب موجوده فوق و اهمها رضى الله عز و جل :eh_s(7):


انا ممكن اقبل الزواج عن حب بحاله وحده

اذا كان الحب طاااااااااااااهرا عفيفاااا
بمعنى ..
تخيلوا معاي هالسيناريو :ggdw:
مثلا واحد معاي بالجامعه او بالدوام او ممكن حتى واحد من اهلي !
دايما يطالعني بنظرات اعجاب، و ايي مره يكلمني و يصارحني بحبه لي و ان قصده شريف (( الزوااج ))
يعنى تقصدين عنتر مافهمت :eh_s(9):

انا ابتسم و استااانس لاني انا بعد ابادله نفس الشعوور بس اول شي عيب اكلمه او انشىء بيننا علاقه..ثانيا استحي اصارحه و الحمدلله يت منه

اقوله يا ولد الحلال تبيني تخطبني !
و انا من دااخل مسويه عرس طبعا :krkrkr:
:ggdw: يبيلها موضى الشمرانى هههههههههههههه

فهني انا دريت ان يبيني و انا ابيه و يخطبني و استخير طبعا و بعد السؤال و موافقة الاهل
اوافق عليه :eh_s(7):

هذا تفسيري للحب العفيف الطاهر الي مافيه مكالمات ولا طلعات ولا شي من هذا القبيل


و الحين دوركم يا بنات كل واحد تقولنا اي واحد تفضل و ليش؟ و بشنو تختلفين معاي؟ و بشنو توافقيني؟
:ggdw:

* انا تعبت على الموضوع يا بنات فأتمنى منكم الرد و المشاركه جزاكم الله خير، خلونا نعرف ارائكم
والله حتى انا بعد هههههههه مشكورة على الموضوع

:eh_s(7):


أدامنا الله و اياكم على بره و طاعته و ثبت خطانا على دينه :eh_s(7):

تحياتي

جميع ردودى باللون الازرق الهلالي ههههههههههههههههههههههههههههههههه اللا على فكره ليش مافيه بمربع الردود خاصية تظليل النصوص لانى اتحادية ادرى مو فاهمة علي ..
ودى اشرح الاتحادى لج وللبنات ( نص اصفر مظلل باللون الاسود ) هل هناك اعتراض على حركتى النصية هههههههههههههه دمائى لونهاا اصفر شسوى ..ياليت بنت الكويت تشوف مشكلتى وترد علينا ..:eh_s(17):

 

[عاشقه الشامري]

بنـــــــــــــات اللي تـــأيدون زواج الحب على اساس شنو ليـــش نسيتو الحلال والحرام ونسيتو ان المرأة لما تكلم رجل اجنبي عنها حراااام

وان صوت المرأة عوره وما يجوز عليه تطلع معاه بروحها او تختلي معاه بمكان خاص ليش ما يجي يخطبها وبعلم اهلها والدين حلل النظره


الشرعيه ويقعدون مع بعض ويتعرفون على بعضهم بحلال وباتباع الشرع وهدي الرسول علية الصلاة والسلام ولا لا لازم تسوي الحرام

عشان الله يوفقها لا ما تدري ان الشيطان اللي مخلي الذنب اللي تسويه بمكالمتها لرجل اجنبي شي حلو بعينها ويزينه لهاا وما تدري


انها تغضب الله سبحانه وتجني على نفسها بسوء عملها يابنات اتقووووووو الله وراقبو الله في اعمالكم عشان الله يوفقكم ولا تهاونون


بالمعاصي والذنوب لانها راح تبعدكم عن الله ومعصيه تجر معصيه لين تطيحين بالحرام يابنات انتم واعيات وفاهمات والحين الحمدالله

الدين لا يخفى على احد ومافي احد جاهل بالامور هذي حاسبو انفسكم قبل ان تحاسبو ولاتجاهرون بالمعصيه وتدعون لها او تنصحون

فيها وتقولون زواج الحب والعياذ بالله والله يهدي بنات المسلمين ويرزقهم بالازواج والذريه الصالحه

 

[Nanoosa]

انا لي الحين ما تزوجت عمري 19

اي واحد تفضلين و ليش؟
أفضل الزواج التقليدي .. لأن مثل ما قلتي ما فيه شي يغضب الله
بس مو تقليدي تقليدي .. انا شخصيا ما احب الخطبة التقليدية اللي يشوفني اول مرة فبيتنا مع اهله جني سلعه اذا ما عجبته يطلعون لأن احس جذي راح انجرح (مع ان اغلب اهلي تزوجو جذي) انا ودي يكون شايفني من بعيد و عاجبته و يروح يكلم امه علشان تكلم امي
أو ان اهله مع اهلي يتفقون من وراي و من غير ما ادري انه يشوفني من بعيد اذا عجبته يتقدم و اذا ما عجبته لا يتقدم و من غير ما ادري و بجذي ما انجرح و يضيق خلقي

و بشنو تختلفين معاي؟
زواج عن حب انه ما فيه مميزات كلش .. اهو اكيد فيه مميزات يمكن تعرفينه عدل قبل لا تاخذينه ما تنصدمين فيه
و مع ذلك انا ما احب هالنوع من الزواج لأن ماكو شي اسمه حب قبل الزواج الحين

و بشنو توافقيني؟
السيناريو اللي كتبتيه هذا انا اللي افضله عن الزواج التقليدي و زواج عن حب

و يعطيج العافية عالموضوع الحلو وايد اشتطيت

 

[لـــيل]

سواء زواج تقليدي ولا حب بلاخر كل شي بيد الله سبحانه وتعالى بس للاسف العيب ف البشر وتطور الحياه جنت علينا مسواء قلوب حاقده افكار شينه عدم طولت بال ونعدم الحوار والتغاضي عن اخطاء بعض والخطاء الصغيره اصبحت كبيره عشان كذا الزواج التقليدي يكون بختيار الام والا الاخوات ولا عن سمعت اهلها مايدري عن طبايع البنت والبنت ماتدري عنه زي المثل اللي من معناها الزواج زي الطنجره حظ ونصيب ليش صح ب امر ربي بس حياه هذي تحسب علي
افضل الزواج عن حب غايته زواج مو تسليه وضياع وقت توقف لنيتي انا اعرف احكم نفسي ما انجرف اختبر تفكيره يعرف طبعي اعرف طبعه هذي حياه مو يوم ولا شهر سنوات بعض المشايخ الحين حللو فترت الخطوبه يكلمها وتكلمه عشان يعرفون بعض يعني قبل الملاك الزواج الحب انجح اصبح بكثير اللي يحب مايكره

 

[جوجوو نايس]

وآنا آفضل آلزوااج التقليدي طبعاً..
لإني آشوف بنات متزوجات عن حب مو مرتاحات بس يتصل عليها يشوف هي وين ويشك فيها ودايم يشيك بتلفونهاإذا كانت بالكلية بعض مرات فجأه يجي ويقول آطلعي آنا برا ..

آهم شئ بين الزوجيين الثقه ..

 

[جيرازksa]

مارح اكون مثاليه واقول افضل تقليدي وكلام خرابيط

اتمنى اتزوج عن حب ولكن النصيب لمن يصيب مايعرف

واهم شي الاخلاق الحلوة حب ولا تقليدي

 

[بنت العقربيه]

الزواج التقليدي ماراح يستمر مع الانفتاح الي صاير في دول الخليج وحتى السعودية شوي شوي وراح ينقرض ومن الي شفتة حتى في السعودية بنات تعرفوا على ازواجهم في الجامعه او الوظيفه (خاصه الاقسام الي فيها اختلاط مثل التمريض -الطب)
وعايشين من سنين مع بعض وعندهم عيال وماسمعت انه صارت بينهم مشاكل ثقه او غيرة وكثير من البنات الي تزوجوا بطريقه تقليدية او عن حب صارت لهم مشاكل انتهت بالطلاق

حتى لو الوحدة تاخذ عن حب مو معناة انها راح تعرف كل شي عنة ياما بنات تزوجوا عن حب وبعدين اكتشفوا انه تمثيل في تمثيل وانة اعظم ممثل كان يمثل عليها انة طيب وكريم واخلاق وهو اسؤاواحد بالدنيا

لكن في الشام ودول شمال افريقيا نادر الواحد يتزوج وحدة على الطريقه التقليدية ولما الواحد يتزوج منهم عن حب يقعد مع زوجتة طول العمر يقدرها ويحترمها

فمااقدر اقول اني مع اوضد الزواج التقليدي لان التوفيق بيد الله خاصه في مساله الزواج