بين الزواج التقليدي و الزواج عن حب..أيهما تفضلين؟ و لماذا؟

[انا و بس]

مافي مقياس معين في ناس تزوجوا عن حب وتطلقوا وناس تقليدي وليلحين مستمرين والعكس صحيح
شوفي انا راح أأيد عن حب بشرط يكون حب عذري يعني بريء مو غزل وطلعات وهذا اندثر
اما التقليدي راح اايدة بشرط مايكون امسح واربح وورقة يانصيب يعني لازم نخلي الطرفين يتعرفون على بعض عدددل قبل الملجة
وبس

 

[قصة الم]

كله يعود للتوفيق من الله ،،، اولا و اخيرا ،،

يعني مافيه قاعدة ثابته ،،، لكني أؤيد التقليدي ،،

والسبب لأن التقليدي فيه ضوابط شرعيه من بدايته ، فيصبح ادعى للتوفيق في الزواح بإذن الله فيما بعد ،،

اما عن حب ،، فالوحدة تخاف ربي يعاقبها بذنب العلاقة بعد الزواج ،،

الا من رحم ربي منهم ممن يتجنب الوقوع في الشبهات ،،، كالحب العذري الشريف ،،

 

[khawla&tito]

الزواج عن حب ,,,لاني اتزوج الشخص اللي انا اخترته واهوا اختارني مو اهله

 

[حبي بيرين]

اكيد التقليد المطور يعني مو زي زمان يابنت فلان خطبك وحنا نشوف مابه عيب وعطينا الرجال كلمه
المقصود انه البنت تاخذ راحتها بالتفكير وكمان الاهل يبلغونها العيوب والحسنات وهي لها الراي اولا واخير بدون ضغوط وكمان النظرة الشرعيه لانه حق لها وله احسن ماتدخل ع غفله هي وياه ومن بكره يجي الرجال يقول والله مااعجبتني

 

[ya al3rosa]

انا اقول التقليدى احسن لان راح اطولين وياة على ما تتعرفون وتحبون بعض وتدوم العلاقة يعنى تبتدى بداية صحيحة جذى احسن بسيبيلها صبرررر


اما عن الحب راح يملون من بعض وتزيد المشاكل والحب مع المشاكل راح يموت الحب اللى بينهم
وكل شى نصيب

 

[سفيره الكويت]

ماكو اثنين يحبون بعض يملون من بعض الا اذا كان الطرف الاخر معجب وليس محب في جهل كبييير لتعريف الحب بمجتمعنا ويربطون

الحب بالتسليه ...!

 

[asoula al-3soul]

الزواج التقليدي
لاني ما اؤمن بالحب قبل الزواج يمكن احب احد بس يخليني و يتزوج انا شنوو راح استفيد فـ افضل الزواج التقليدي​

 

[امـونه]

الحب طبعا ومن تجربه اقولها الحب بس انتي ونصيبج طبعا

 

[أم منيـرة]

الي يقـولون يملـهـآ بالنسبـة للي يتزوجون عن حـُب ..
لا مو شرط ، لان بكلتـآ الحالتين سواء عن حـب او تقليـدي ..
راح تكون فيه أوقـآت ركود للعـلاقة ومـلل .. وتحتـآج تجـديد بين الطـرفين ..

ويعتمـد ع الطرفين ، اذا كانو متقبلين بعض ويحبون بعض ، وبينهم ثقـه

ومو معنـى كلآمي هذا اني أفضـل الزواج عن حـُب لا بالعكس ، فيه مسـآوء وفيه محـآسن ..

،

والله يرزق كل بنت عـزوبيه بالنصيـب الزين

 

[المرتاحة]

مادري يمكن في بنات فهموا قصدي اني ابي احب قبل الزواج!!

انا مو هذا قصدي

انا حسب اعتقادي ان الحب قبل الزواج صعب او ما ايي بالساهل هذا بالنسبة للبنت العاقله.. لكن في اعجاب في احترام في انجذاب في توافق بالتفكير في تفاهم.. و الحب ايي بعد الزواج

يمكن في بنات يفهمون من كلامي اني قاعده اشجع على المغازل..ما اعتقد في بنت عاجله ومحترمه ترضى ان يكون هذا مستواها

انا اقصد تعارف يصير بالمصادفة يمكن بالدوام او بالكلية بحكم تعاملكم معاهم يمكن يصدف انج تلاقين شخص بينهم يعجبج اسلوبه واخلاقة و تفكيره و اهو يبادلج نفس الشعور..مو تييلي وحده و تقول اطقها صحبه معاه واطيح له كلام غزل لان مو هذا اللي انا اقصده

وبالنسبه للخطبه ..انا وايد يعجبوني اللي يخلون فترة خطبتهم طويلة "الخطبة وليس الملجة" ويتعرفون على بعضهم يعني لمدة 5 شهور او اكثر وايد زين قبل ما يملجون بس للأسف وايد ناس ما عندهم الطريقة هذي.. يعني يملجون و عقب الملجه يتعارفون!! انا ما يعجبني جذي.. واذا ما توافقوا تطلقوا!!! وبعضهم حتى لو ما توافقوا بيسكت و بيضطر انه يكمل ويتزوجها عن الاحراج او يمكن من ضغط الاهل او تلاقينه يقول بنفسه عقب الزواج كل شي يتعدل وعقب الزواج ما تشوفونهم منسجمين ..يمكن يحبون بعض بسبب العشرة والعيال لكن ارواحهم متباعدة.. انا وايد اشوف هالنمونه



وبالنسبة للأولين اباءنا و اجدادنا كانت كلمة الطلاق عندهم صعبة ويحسب لها الف حساب وفوق هذا لانهم كانوا قنوعين حتى لو كان مع زوجته مو متوافقين ما يتطلقون ويعيشون مع بعض.. لآنهم تربوا على هذي الأخلاق ..عكس جيلنا الحين اذا ما توافقوا ما يتحمل يستمر معاها و يطلقها لكن البعض يتحمل و يكمل المشوار


انا حسب اللي اشوفه اذا الريال و المراه متفاهمين ومتفقين ودارسين بعض بعقل بدون الانفلات بعواطفهم اهني حبهم يكون قوي سواء كان زواج عن حب او تقليدي... وايد زواجات تفشل سواء تقليدي او عن حب بسبب اندفاعهم بالحب وبعواطفهم و عقلهم يكون غايب ما يصحى الا عقب الزواج و ينصدم بالأمر الواقع.

 

[Shai5at ElGirls]

المرتاحه كلامج جدا سليم ما شاء الله عليج

في بنات يقولون ان الحب الي يكون فيه ثقه متبادله يستاهل الزواج

انزين انا اقولج / الريال بطبعه شكاك و غيور، يمكن مو بعد الزواج على طول يبين شكه، يمكن بعد سنه، سنتين، بعد اول مولود

بس صدقوني بيتغير، ترى رياييلنا مو نفس رياييل الاجانب، حبنا مو نفس حب الاجانب، يمكن لان مافيهم غيره؟
احنا مجتمع شرقي، مسلم، اذا ما تضايقتي من زوجج بتتضايقين من اهله !

تخيلي نظرة امه لج؟ مو بس لانها ما اختارتج حق ولدها
انتي نفسج ماراح ترتاحين اذا كنتي حاسه ان نظرتها صوبج مو حلوه

تخيلي شنو بتفكر عن اهلج و تربيتهم لج !

انا شخصيا ماراح اكون مرتاحه كلش بهالزيجه،
مو شرط اكون اختيار الام، يمكن الولد يختارني، بجامعه، دوام، جمعيه !
بس بكون ضامنه الراحه النفسيه و الاجتماعيه
و ان كنت اختيار امه احلى و احلى ! خصوصا اذا عجبتها و شافتني خوووووووش جنّه

و بجذي راح اكسبها و اكسب ولدها باذن الله تعالى لاني ابتديت بدايه صحيحه

لوووووول البنات الي يضحكون لانه الريال ما ياهم للحين
كل واحد بياخذ نصيبه، و ترى الحنه مو زينه تييب الفقر، شغلوا بالكم باشياء ثانيه مو بس الزواج
و ان شاء الله ربي يرزق جميع بنات المسلمين ازواجا صالحين

 

[تُخْفِي غَلَاها]

اب اب
​

 

[جنون العاطفه]

اكثرر اللي تزوجوا عن علاقة حب حياتهم كلها شك
خصوصآآ ان الرجل الشرقي حييل غيور
اذا كان الحب من غير طلعات ومكالمات ممكن ينجح
وفي العكس يتزوجون من قصة حب وحياتهم من اروع ما يمكن
يعني قسمه ونصيب



الحب من وجهه نظري بعد الزواج ​

 

[درة أهل الطولات]

التقليدي لان دينا يقول جذي​

 

[Pink.Barbie]

شوفي من وجهة نظري

انا افضل التقليدي لعدة اسباب

1- ماتدخل العاطفة بتفكيرك

انتي حتشوفي هذا الشخص و اهلو و ووضعهم المادي و الاخلاقي و العلمي و العملي و تقريري بعقلك بس

2- اهلك حيسالو عنو و عن سمعتو و عن التزامو بعملو و هالاشيا

ويسير عندك فكرة واضحة عن اخلاق هالولد و التزامو

3- نجي عند اخر شي والي بالنسبه ليا انا اعتبرو سلبية

هو شخصية هالولد كيف تكتشفيها ؟

ونحل هالمشكلة بايجاد فترة خطوبة تكون بعلم اهلك و اهلو معلن عنها رسميا

و يتكلمو فيها الطرفين لفترة علا التليفون ومافي مانع من الزيارة في وجود الاهل

وازا حصل ارتياح توكلو علا الله لوووول

واهم سبب يخليني اؤيد الزواج التقليدي هو :

انك حتكتشفي شي جديد يعني

It is all about mystery >>>>> Naughty girl lool

يعني احسو احلى و fun اكتر من الي علا معرفه

وفيه اكشن

 

[كراميلا مرة]

اكيد التقليدي
لانه مابي اسوي حرام واتندم عليه
واللي مارضاه لغيري طبعا مارضاه لنفسي
ودي انا اهو يحبني وانا مادري عنه لوووووول

 

[chakletaA]

اكثرر اللي تزوجوا عن علاقة حب حياتهم كلها شك
خصوصآآ ان الرجل الشرقي حييل غيور :eh_s(14):
اذا كان الحب من غير طلعات ومكالمات ممكن ينجح وجهه نظر
وفي العكس يتزوجون من قصة حب وحياتهم من اروع ما يمكن
يعني قسمه ونصيب



الحب من وجهه نظري بعد الزواج ​

:eh_s(15): في حاله الاختيار الصحيح لان اذاكان تعامله مع امه وخواته مستهتر فيهم بلا شك يستهتر بزوجته وبناته
وانا وحده اعاني من ظلم وجحود ابوي مستهتر فيني مو بس انا حتى حريمه اللي داكنهم على قلبه

للاسف سويت دراسه واكتشفت قصته مع امه كان يعاملها بانها ساذجه قصه جدا قديمه والان تكرر ان يعامل زوجاته مجرد انهم حريم يلبون الهدف الى ان انجب ابناء وصاروا عياله نفسه طبعه

يعني المثل ركب عليهم اذا كان رب البيت بالدف ضارب فشيمه اهل البيت الرقص
لا احترام لا حب تعلم منهم انواع الحقد والغرور اللي بالهواء علي شنو ما دري

هذا كله يرجع لعدم الاختيار الصحيح
الطفل اذا تربى على الاحترام والحب منذ الصغر راح يتعلم الحب وتصبح عاده عنده عند الكبر
التعليم بالصغر كالنقش على الحجر

 

[سفيره الكويت]

الحين في مقوله منتشره بين الشباب..

خذ حبيبتك افضل من تاخذ حبيبه غييرك..

وهذا يأكد عن انه الكثير صارو يخافون من الزواج التقليدي بعد المشاكل اللي تعرضوا لها يكتشف انها تحب غيره وتكرهه


او انها تخونه مع حبيبها واكو بنات وايد جذي محد ينكر هالشي..

 

[لحظآتَ]

تقليدي صراحه ..
احس بفضول اكتشف عالم الشخص اللي برتبط فيه
وأجاهد عشان اعرف شخصيته وأدرسها ^_^
وأخليه يعرف شخصيتي وأحببه فيني ..
يعني تكون فيها اكشن .. واستكشاف ..

هذا غير الراحه النفسيه مثل ما تفضلتي
مرضيه ربي ومرضية اهلي ومرضية نفسي .. هذا اهم شيء ..
والتوفيق بالنهاية من رب العالمين ..

 

[دلوعة أبوهآ]

مسآلة الزوآج والتوفيقوالسعآده شي بيد رب العآلمين
لآ الحب ولآ التقليدي من آسباب نجآحهآ ..

بس كَ وجهة نظري أنآ للموضوع ..!
أفضّل الزواج عن حب ,, لآسباب كثيره
آهمهآ إني اعرف الشخص اللي بتزوجه وآكون مختآرته بنفسي وإرادتي وهو نفس الشي ..

وآللي يقول ان الزوج لمآ يتزوج عن حب خلآص بعد الزواج يبدآ يمل ..!
طيب اللي زواجهم تقليدي مايجيهم ملل أو فتور من بعض ...!
هذآ كله كلآم فآضي ..
دام الإنسآن اللي برتبط فيه تفكيره وآعي ومثقف ومتعلم وفآهم في الحيآه
راح يعيشني طول عمري ملكة قلبه وآلعكس ..
يعني اسلوب الشخص وطريقة تفكيره وآفعآله تنعكس علي الزوجين وعلى واقع الحياه اللي بيعشونهآ ..

آللي يحب راح يحب من قلب لآخر نفس في عمره
وآللي تتزوج تقليدي لو انه مجبور رآح يكرههآ حيآتهآ وعيشتهآ ..


وطبعاً مآنكر انه لكل شي سلبيات ومميزآت ..
لكن تبقى وجهة نظري الخآصه ..

​