بيت الحمولة والا شقة بعيد عنهم؟

[Zinab BH]

قعدي عندهم وخلي لج باب خارجي

الباب مشترك

 

[Zinab BH]

ابعدي يابعدي اهم شي راحتج الواحد كم مره يعيش هي مره

هذا اللي بصير شكله مشكورة حبيبتي

 

[Zinab BH]

الله يهديج

انا طلعت من بيت امي بيضة ما اعرف افوحها

رجعت من شهر العسل وتميت اسبوع كل يوم اروح عند امي اطبخ وياها وتعلمت الأساسيات

وكاني يوم اعفس الدنيا ويوم ابيض اليوه بعد الواحد شوي شوي يتعلم وحلاته اصلا في التعلم

وترى سهالات اتبعي الوصفة واي شي ما تعرفينه لو بايخ بتتصلين في امج وتسألينها وامج ما بتقصر وياج

الثياب اشغل الغسالة يوم واحد في الاسبوع الا شخصين بس!!! والكواي بعض الاشية اكويهم وبعضهم اوديهم المغسلة

والتنظيف مثل ما قلت لج كل يوم انظف شي

كل شي يتدبر انتي هونيها وتهون ومو لازم كل شي يكون بيرفكت ... عقب عشر سنين اوكي بنحاسبج ونقول لج مقصرة بس إذا توج لا إخذي راحتج وعفسي الدنيا واكو انا عافستها وياج :eh_s(15):

شجعتيني والله شكلي بتوكل على الله و شقة بروحي واللي فيها فيها
و خل نخربها مع بعض :eh_s(9):

 

[صحكة الايام]

اشوف مو ماخذه رحتك وارسلت لك ع الخاص

 

[Zinab BH]

اشوف مو ماخذه رحتك وارسلت لك ع الخاص

اي كلش مو ماخذة راحتي و شكلي هذا اللي بسويه مشكورة حبيبتي:eh_s(7):

 

[Pinky -cat]

بروحج بروحج بروحج عن تجارب

 

[Zinab BH]

بروحج بروحج بروحج عن تجارب

ان شاءالله يكتب لي الخيرة و اطلع بروحي بس اقتنعت من كلامكم ان بروحي احسن بوايد

 

[M!ss CoLoRz]

الله يوفقج ويكتب لج الخير إن شالله

أهم شي تستخيرين قبل لا تاخذين القرار النهائي

 

[Zinab BH]

الله يوفقج ويكتب لج الخير إن شالله

أهم شي تستخيرين قبل لا تاخذين القرار النهائي

ان شاءالله حبيبتي و الخيرة في ما اختاره الله مشكورة يقلبي

 

[حتى غيابك برد]

طبعا بروحي
مو كرها با اهل الزوج...
بس حلو الوحده تكون منفصله بحياتها عن اهل زوجها واهلها
وتكون لها حياة مستقله ببيت خاص فيها
على قولتك بكره اذا جاك بزوره احسن انتي لحالك تربينهم ممكن يدلعونهم بزياده او يتدخلون بتربيتك لبزورتك
كمان شغلة اللبس بتكونين تلبسين براحتك ببيتك محد يقيدك
..

عموما مع اهل الزوج او غيرهم القرب الزايد والاحتكاك الزايد مو حلو

بالتوفيق

 

[ام عثمان 9000]

نصيحة تكتب لج


شقة بروحج تبعدج عن المشاكل التي تحصل بين اهل الزوج ومعاج

بنسبة 80 %

 

[انصاريه قمره]

حبيبتي مع الايام تبين المعادن واكيد راح يصير خلاف او سوء تفاهم في بعض الامور اخذيها مني بعيد وسالم

 

[Zinab BH]

طبعا بروحي
مو كرها با اهل الزوج...
بس حلو الوحده تكون منفصله بحياتها عن اهل زوجها واهلها
وتكون لها حياة مستقله ببيت خاص فيها
على قولتك بكره اذا جاك بزوره احسن انتي لحالك تربينهم ممكن يدلعونهم بزياده او يتدخلون بتربيتك لبزورتك
كمان شغلة اللبس بتكونين تلبسين براحتك ببيتك محد يقيدك
..

عموما مع اهل الزوج او غيرهم القرب الزايد والاحتكاك الزايد مو حلو

بالتوفيق

مو المشاكل مااتيي الا عقب العيال و بيت حمولتي من النوع اللي حتى صوتهم ماينرفع على الياهل
مرة عن مزحة جفت ياهل شيطان اقول حق حماتي اتخيل ولدي جذي اذبحه الا تقول لي لا حبيبتي ولد اخونا محد يلمس منه شعرة :eh_s(1):
اقول بقلبي وا ويلي هذا من الحين جذي شلون بعدين الله يستر عليي من جذي قلت اكسر الشر من اوله وابتعد

 

[Zinab BH]

نصيحة تكتب لج


شقة بروحج تبعدج عن المشاكل التي تحصل بين اهل الزوج ومعاج

بنسبة 80 %

هذا اللي بصير ان شاءالله عقب قناعة تامة بالانفصال عن المشكلة من اولها

 

[Zinab BH]

حبيبتي مع الايام تبين المعادن واكيد راح يصير خلاف او سوء تفاهم في بعض الامور اخذيها مني بعيد وسالم

ان شاءالله مافي خلافات خذيت قرار ان بروحي احس احسن لي و اريح لراسي :eh_s(7):

 

[لآ بيرلآ]

انا اتفق مع ام خزامى

اذا شقة عندهم كاملة مكملة و مدخل خاااااص و بحدوووووووووود
اي

اما شقة مو كاملة لا
بروحج
بروحج
بروحج

مهما كانوا زينين ماراح يكونون كاملين .. و الشي اللي تقدرين تسيطرين عليه اللي اهوا انج بروحج بدخلتج و طلعتج و قعدتج و مطبخج و وووو .. احسن من اي شي ثاني

و الله انا مااحب شغل البيت وايد يعني مو هواية عندي بس و الله والله والله لو يرد فيني الزمن شرط اساسي بعقد الزواج "سكن مستقل"

تعبي بشقتج لريلج و لنفسج و ضناج .. و مشاكلج لا سمح الله تصير محد يدري عنها و تصير محدودة و تأدين حق الله بينج و بينهم و لا تقاطعينهم بس ترسمين حدود وااااااااااااضحة بالبنط العريض .. تسيرين و توجبين و تزورينهم .. بس حياتج تستقل استقلال تاااام عن اي احد .. بينج و بين ريلج لكم بروحكم شي خاص .. و الله مهما كان لابد من مواقف تصير سواء سوء تفاهم او غيره , غيرج ينام مرتاح و يضحك و اهوا سبب المشكلة و انتي بجي و دموع و ضيقة و نكد مع انسان متفاهمة معاه و تحبينه بس صارت المشكلة والصكة بينكم و انتي مالج شغل .. و الله قاعده اقولج اخذيها من مجربة و لا زلت اعيش هالشي و ادعي انه يتحسن لو كانوا ذهب و ينحطون ع الجرح يبرى .. تظلين بعيدة و عزيزة دوم .. ولا قريبة و حزازيات و مواقف تافهة و تكبر و مقارنات و حرات و قهر .. و الله يوفقج حبيبتي

 

[لحن التياعي]

بعيييييييد عنهم افضل لج ولهم

 

[زوجة عزيز]

اكيد بشقه بعيد عنهم احسن واريح حتى لوكانوا طيبين بس الوحده ماتاخذ راحتها الا اذا كان لها سكن خاص

 

[عسل حدي]

بروووحج
وكل وحده اقولج مع حمولتج ماتبيلج الراحه
بروحج ثم بروحج ثم بروحج

 

[((shoOoshoOo))]

اكيد شقه