بيت الحمولة والا شقة بعيد عنهم؟

[برنسس كاتي]

انا مع الطلعه عزيزتي !!
كواللي يقول خذت الولد وطلعت :\ خير أجل ليش الولد متزوج !!
اذا بيعيش تحت جلباب امه العمر كله اجل ليش تزوجه خل تربطة بحبل وتحطه تحتها بعد مو احسن !!
خلاص هذي سنة الحياة ، الواحد ما يصير طول عمره عايش عند اهله !!
وصحيح انه بتطلعين بشقة بس مو معناته انه بينقطع عندهم عادي حتى لو يروح يسلم عليهم كل يووم بعد
طلعي واشتري راحتج
وحتى لو بنيتي عزيزتي ريلج بياخذ قرض واخرتها بيبني ببيت ابوه
باجر لا بغيتو تطلعون وتعيشون ببيت ما رح تستفيدون منا لشقة واكيد ممكن الابو يقول للولد خلي الشقة حق اخواانك او خوانك
يعني تضييع فلوس انا اشوفها :\
اشتري راحتج واذا على تربية الولد عزيزتي انتي امه لازم انتي تتحملينه موب تحملين وتقطينه على الحموولة
وبالتوفيق

 

[عزوتي خمس صقور]

طبعا وبدون تردد بروحج

 

[Zinab BH]

حبيباتي انتو والله ردودكم خلتني افكر و اخذ القرار النهائي
انا كنت مترددة صج و ابي اجوف وجهة نظري صح والا انا غلطانة اجوف من تجاربكم و كلامكم ان سكن بشقة بروحي احسن و اشتري راحتي بنفسي
محد يتدخل فيني ولا ادخل في احد
و الله الشاهد انا احبهم و اعزهم و مستحيل ما اوجبهم و اروح لهم
خصوصي ان زوجي الكبير و اهما كلهم صغار صايرة لهم اخت كبيرة و بنت لهم بس يبقون حمولة و راحتي بروحي
ماتقصرون حبيبات قلبي

 

[بقايا جروح]

سكني بروحچ ، الواحد يشتري راحته

 

[جامعيه طموحه]

الموضوع حده قديم صارلي شكثر مو داشه المنتدى واشتقت له

المهم مادري صاحبة الموضوع عند حمولتها ولا بشقه بروحها الحين عاد الافضل لها ولاي بنت انها تستقل اذا في امكانيه تجنبآ للمشاكل وتدخلات اهل الزوج وتبقى المحبه والاحترام

عسى الله يسعدج ويسعد كل بنت ويوفقكم ويسخر لكم ازواجكم