بنتي و كيفي

[ديمة بنت غنيمة]

امهات حبيباتي

موضوعي ابيكم تعطوني رايكم فيه .... الله يسلمكم عندي بنت عمرها سنة الله يحفظها لي يارب
بجر اول بنت لي .. خالتي مناشبتني على هالحليب كله تقول وكليها لا تعطينها حليب وصرت اعطيها الصبح وبليل وغدا مع عشا وتقولي لا تعطينها غير هالوقتين بس .. لما قالت امي بنتج ضعفت ... قتلها طريقة وجباتي

قالت لي حرام عليج هذي ياهل والحليب ضروري لها .. قتلها شدراني عن خالتي تقول حاولي تخلينه بس مرة باليوم بعد .. قالت والله طول عمري اعطيكم الحليب مايضر لا تقطعينه
عطيها 3 مرات صبح بعدين غدا بعدين عصر بعدين عشا بعدين حليب الليل النوم

المهم مادري شفيها عالحليب وكله بفكرها اني مو خوش ام مع ان بنيتي الحمدلله صحتها زينة ومشت عمرها 11 شهـر تبارك الله ماشاءالله كنت اعلمها عالمشي وايد
الحين صارلها شهر تمشي ماشاءالله ومشيتها ليلحين مو عدل مدل .. لا يبيلها شهر وتمشي عدددددل وتركض اهي تقول بنتج رخوة !

ناشبتني على بنتي كله عبالها اهي السنعه ومحد غيرها يعرف .. وزوجي يقول اي بنتج بس تبلع بهالحليب ماعندج غيره للعلم اعطيها سناك بعد مع وجبة الغدا
قتله من قالك الحليب بيضرها اصلا الحليب المفروض ليما السنتين يقوي عظامها
ويعايرني اني رفله .. وامي صح


بذمتكم يا امهات شنو الغلط بالموضوع يمكن انا غلط وانا مو حاسه


ألحين وجبتها
صبح حليب 9
عقب غدا أكل 1
عقب
حليب عال5

بعدين العشا 8

11 بليل حليب

انا بإجازة من جذي ما انومها مبجر عشان اقعد وياها اطول مدة


رايكم بعرف وضعي هل انا رفلـه وكلام خالتي صح المفروض الحليب نقطعه والا شنـووو ؟

 

[رانس]

شكووو عطيها حليب ماعليج استغفر لله
من متى الحليب يضر انا بنتي عمرها سنه وشهرين
وللحين اعطيها حليب ثلاث مرات باليوم صح كلام امج
وعطيها سناك بين الوجبات حرام ترا تجوع

 

[حورية آلكويت]

الحليب اربع مرات باليوم وسألي الدكتور

الحليب يقوي عضامها ويمدها بالكالسيوم

اهما الحريم الكبار جذي كل مايشوفون جاهل يشرب حليب يقولون شحقه ومادري شنو

انتي مالج شغل شربي بنتج ومو لازم ام رجلج تشوف بنتج شنو كلت وشنو شربت

اذا قالت شي قولي زين واسكتي

وبنتج عطيها اربع مرات ولا تنقصين ووكليها اكل مفيد فواكه عيش ودجاج ولحم وسمج

كل شي تاكله الحين عمرها سنه نعميه لها وعطيها

بس العسل ممنووووووووع ديري بالج خليه على السنه ونص حطيه مع المميه

 

[أم يزيد &سديم&]

لازم الحليب اقل شيء يشربه الطفل لتر في اليوم على حسب ما سمعت أما مرة وحدة خيييير وين عايشين
وإنتي عشان يطمن بالك روحي للدكتور وقولي له أحسن قدام زوجك عشان يقتنع بكلام الدكتور
وقولي له
عن برنامجك وأكل بنتك أفضل من كلام البنات
تكفييييييييييين خذي بنصيحتي

 

[عاشقة الككاو]

لا يبا انتي صح وامة غلط


الحليب كله كالسيوم وفيتامينات حق العظام والاسنان


مالج شغل قوليلها انا طبيب الاطفال والتغذية انصحوني اعطيها رضعات حق نمو عظامها واسنانها ، ليش اهي زعلانه !!



الله يعينج المفروض ما تدخل لهدرجه حاولي لا تعطينها مجال وكله قطيها براس الدكتور انه اهو الي نصحج وانتهي


وموفقة حياتي

 

[ديمة بنت غنيمة]

يعطيكم الف عافيه........... بوريه ردودكم عشان يرتاح قلبي.............. فرحتوني بردودكم حيييييييييييييييييييييييييييييييل ......... فديتكم والله

 

[مشتطـه]

دورت بالنت عشان افيدج بشي طبي


كاتبين 3 رضعات يوميا مو اقل

 

[PuPa^^SWeeT]

طريقتج صح



بس حاولي ماتطلعين بالحليب جدام امه


وسكتي عنه لين تكلم



عادي خليج هادية


قولي ماعليه بس شوية ماراح ياثر عادي



ترا لازم الامهات و الحريم الكبار يعطونج من خبرتهم شغلات نفعت ويا عيالهم عادي



انتي خليج هادية و مبتسمة و كأنج مطيعة

خلاص ان شالله بجرب و بشوووف



جذي

 

[ام الحلوااات]

مــــن صـــجــهـــــاّخــالــتـــــج !!!!
الـــحـــلــيـــب مــــفـــيـــد للــكــــبــااار
اشـــلــوون اللــــي بــعـــمـــر الـــســنـــه ؟؟

 

[دلال و غلا]

طريقتج مع بنتج صح الحليب لازم ثلاث مرات باليوم و هذا غير وجبات الغدا و العشا و لازم بين هالوجبات تاخذ اشياء خفيفه لان ع قولتهم الحركه تجووع و هي اسم الله عليها باديه تمشي يعني بتحرق اول باول وجباتها

 

[غنآآآتي]

عطيها الحليب لما تروحين لشقتج مو قدام خالتج عشان تعدين السالفه ..

 

[الهما]

حبيبتي ما عليه خالتج مسكينه تحاول تنصحك .... و الاكيد انها تبي الزين لك و لبنتك و الاكيد انها ما تقصد انج رفله
الحل و بكل بساطه ....اختاري يوم يكون زوجك رايق و مستانس و قوليله انك تفكرين بسماله اكل بنتنا الحلو و ماشائ الله خالتي عطتني افكار للوجبات و امي بعد وانا ودي اعرف هل في شي جديد اصح للاطفال ...مثل ما انت عارف الطب كل يوم يتطور و وجبات قبل مو مثلها الحين ابي اروح لدكتور و روحوا دكتور اطفال و اخذي منه جدول باكل الطفله
و هني خالتج بتسكت لمن تقول ليش جذي و ليش جذاك ولدها اللي بيتكلم.... يمه رحنا دكتور و قال ....كذا و كذا

و الحياة حلوة
الله يخليكم لبعض​

 

[ليموني]

انتي صح

 

[الهما]

وبقولك شي
لا تحطين سالفة (بنتي و كيفي) في بالج ... انت و خالتج مو في حرب ... مافيها شي ابدا اذا ابدت رايها
انت ذكيه و تقدرين تمشين رايك بدون ما تزعلين احد ))​

 

[ديمة بنت غنيمة]

الهما حبيبتي ... خالتي عبالها انا ياهل وما افهم ترى هذي بنتي وانا قد التربية تبي تنصح تقول بس ما تفرض علي رضعتين
وفعلا اهي بنتي وكيفي .... وانا اساسا ما كلمتها بهالموضوع ولا سويت حرب ولا يبت لها طاري .. وماتدري بالموضوع ... الموضوع بيني وبين زوجي وامي بس ..

 

[ديمة بنت غنيمة]

بالنسبة لزوجي دشيت مواقع طبيه و وريته ان اللي بعمرها يشرب 3 مرات باليوم مو اقل

 

[أم معاذ الكندري]

طريقتج صح
وصدقيني ما توقع ان خالتج تبي تفرض عليج شئ اخذيها من باب حسن النيه

 

[ديمة بنت غنيمة]

ام معاذ صح
انا شايشة هاليومين بتييني الدورة وشكلي حطيت الحره فيها ... انا الحين قمت ارضعها وما ارد على احد واهي خل تقول اللي تبيه عادي

 

[بنفسجيه_Q8]

انا مشكلتي غير خالتي ام زوجي بما انه بنتي اول حفيده صارلها شهرين واكثر تنام عندها من تطعيمها بشهر ثالث ولما اروح لاهلي يجون يأخذونها ومناشبيني ماتبي خوالها وماتبي احد غيرنا




بنتي الحين ماتعرفني حيل تبي حماتي وخالتي
واذا اخذتها بشقتي تبجي وتصيح ماتنام اضطر انزلها لهاا
وخالتي تقول اهي ماتبيج
والله المستعان
​

 

[$special$]

الله يعينج اختي
بس انتي الصح
طنشي وسوي الي تشوفينه مناسب
واذا ريلج مو مقنع روحي اخذي ريلج الهادي عندهم دكتورة اجنبية حق نفسية الطفل وحق تغذيته انتي بس روحي قوليلها جملة ريلج وخالتج وعطيها الخيط والمخيط ماراح تقصر :eh_s(15)::rerrerek: