بنتي و كيفي

[Nokia N95]

لاترضعينها جدامهم

وعلى طول سوي لها اكل جدامهم ....

الخضرة المسلوقة ...

واذا كنتوا عالغدا ... شيلي من العيش او المرق ... وقولي ... هذا حق بنتي العصر او المغرب ....
وكليها من الغدا مرتين باليوم عادي ....

وعلى طول خلي عندج موز ... وبسكوت ....
كل نص ساعه وكليها شي ....

عالاقل بس جدامهم

 

[الغلاااااا]

لايدرون متى توكلين بنتج ولا متى ترضعينها مالج شغل باحد


البنت متى مابغت تاكل عطيها ومتى مابغت المميه عطيها مافيها جدول ونظام هذي!!


ومعروف اول طفل الكل بيناشبج عليه علبوا احنا سنعين وانتوا ماتعرفون شي

 

[ام بيان]

انتي صح وامه غلط مثل ماقلتي الياهل لازم يشرب حليب سنتين

 

[سكرة هانم]

هههههههههه عادي الخالات كله جذي انا تعودت وصارت عندي مناعه

بالعكس رضعاتها زينة بس زيدي الاكل زيدي لها سناك بسكوته تفاحه خياره بايدها

وطبيعي تضعف بهالعمر مع المشي والتسنين

 

[رويال ديزاين]

عطيها الحليبه لمن اهي تقول مابي حليب و تبي اكل

و كل ما حطيتي وجباتج الرئيسيه خليها عندج و غرفيلها و خليها تاكل معاج مو انتي بروح و اهي بروح

عوديها تشوفج و انتي تاكلين ترا هالشي يفتح شهيتها و اليهال يحبون يقلدون

بالنسبه للرضعات خليها بين الوجبات

يعني الضحى و تكون متريقه

العصر و تكون خلصت غدا من قبل ساع او ساعتين

بالليل بعد العشا قبل النوم

و اذا قعدت بنص الليل عطيها رضعه و بدلي حفاضتها عشان ترتاح


بس اكرر صدقيني عوديها تقعد يمج عالسفره اذا انتو تاكلون على طاولة الطعام اشتري لها كرسي الاكل الطويل عشان تشوفكم و تشاركم الاكل


و الرضعه تكون منسدحه و تشوف التلفزيون او نايمه بكاروكتها


انا بناتي لي 3 سنوات و اهم يرضعون حليب

سنتين حليب اطفال و عقبها احط لهم حليب كي دي دي و شوية جاي

و اسم الله عليهم ما فيهم الا العافيه


و ريلج و خالتج يمكن متعودين على نظام معين

و قصدها تفطمين بنتج

انتي سووي اللي يضمن لبنتج صحه زينه و وزن زين

و الله يهدي النفوس

 

[Model Look]

عارفه نوعيه خالتج لانه نفس خالتي هههههههه

انا اروح واسوي اللي ابيه بالمقابل اعطيها ريج حلو

مثلا انا ماحب اكل اليهال فيرلز وهيرز خالتي تشتريهم اعطيه عن خاطرها بس ما اشتريه له واقولها وي نسيت لا بوكله اياه يزاح الله خير ومن هالكلام