بنتي مأذيتني محد يبيها وزوجي كرهني بسبتها :(

[وسن 11]

الله يعينج
البنات ما قصروا قالوا اللي كنت بقوله
بس بزيد شغله ليش ما تودينها حق مره ممتااااازه تعرف تعالج بجي الجهال
اذا تبين رقمها طرشيلي علي الخاص

 

[بنت باباتي]

جربي تودينها لمره مرات الدكاتره مايعرفون يمكن ممصوعه والا فيها وخيتها <<< صرت خبره من بنتي
جربي وحده بالفردوس تهبل تعطيج لها سعوط والسعوط مايضر ابد
والله يهدي زووجج ويسخره لج موضوع زوجج شي ثاني بأيدج حله

 

[*Little**Angel*]

اول شي : بنتج مو مبرر لريلج للخيانه اهوه خاين وحطي هذا ببالج
العيب مو منج ولا من بنتج اهوه فيه شي غلط
ثاني شي: الياهل لازم في شي متعبه ما يبجي من فراغ صدقيني حتى لو شي نفسي
على قولة البنات روحي حق شيخ يقرا عليها ولا معالجة شعبيه ولد حماي كان وايد يصيح وودوه حقوحده سوتله كي وصار احسن منه ماااااكو
ثالث شي: انتي ارتكبتي جريمه بحق نفسج لما حملتي يعني بنتج عسره وريلج مو مساندج ومكانج ضيج شحقه ما عملتي احسابج

على العموم
الله يسهل عليج ويفك كربج ويسر امورج ويسخر لج ريلج ان شاء الله

 

[*Little**Angel*]

جربي تودينها لمره مرات الدكاتره مايعرفون يمكن ممصوعه والا فيها وخيتها <<< صرت خبره من بنتي
جربي وحده بالفردوس تهبل تعطيج لها سعوط والسعوط مايضر ابد
والله يهدي زووجج ويسخره لج موضوع زوجج شي ثاني بأيدج حله

اي هذا اللي كان بولد حماي وخيته

 

[روان_الكويت]

الله ايسر امورج ويهديها

 

[um_yoyo]

رد : رد: بنتي مأذيتني محد يبيها وزوجي كرهني بسبتها

قي دكتور اهني بالمنتدى يحل ويعدل سلوك الياهل كلمييه وان شاءالله يحلج المشكله


ريلج خذاا حجه الابنيه ولا حتى لو تحن يهجرج ويخوون؟؟؟
دخليها حضانه علشان تتعدل نومتها واتنام امبجرر
يبيلج خدامه تساعدج عليها لما تنشغلين مع ريلج شتسوين بعد
واذا مارضى ريلج فاهو مستانس على الوضع

نفس الراي

 

[Miss ksh5h]

رد : بنتي مأذيتني محد يبيها وزوجي كرهني بسبتها

اذا بنتج من جبتيها وهي تبجي وبدون سبب وصحيا سليمه

وديها لحرمه تكون فاهمه وتعرف للجهال يمكن مملوعه يمكن شي مضايقها ماتعرفينه

توكلي على الله ووديها لاتسكتين عنها

وشغلي سورة البقره عندها وحصنيها كل وقت ودهنيها بزيت مقري

وعقب ماتصير زينه شوفي سالفة زوجج اخ منهم عبالهم المره حديد ماتتعب ويدورون الزله بس

عسى الله يعافي بنيتج ويهدي زوجج

 

[ام نوونه]

حبيبتي اخاف بنتج عليها عين او نفس حراام

اقري عليها سورة البقرة كل يوم وراح تشوفين شلون راح تتغير صدقيييييييييييييني

وحتى القران زين حق الياهل اللي في بطنج عشان يطلع هادي سبحان الله القران دوا حق كل شي

ودااايما حطي قران في شقتج وخصوصا سورة البقرة الياهل بعد عمري مايعرف يقول شنوو فيني

لاتصدقين ان ياهل يبجي مني والطريج صج في يهال حنانين بس مو لي هالدرجه اللي ريلج مو قادر يقعد معاج

سمعي بنصيحتي وانشالله بتتحسن ووديها عند احد يقرا عليها

اسال مجرررررب ولا تسال طبيب

وانشالله تعرفين شنوو فيها يارب واهيا ترتاح وانتي بعد ترتاحين

وكله في اجرة انشالله

 

[*ملامح يوسفيه*]

حبيبتي بنتج صغيره يعني ماتميز يمكن فيها شي يعورها ابدي معاها بدايه صح
سويلها تحاليل وشوفي يمكن فيها ماغص او خلع بكتوفها اوافخوذها وإذا اطلعت سليمه أقري عليها عند مطوع حصنيها المغرب وبالليل وديها عند حريم كبار ثقه انا ما ارتحت لين عالجت بنتي عند حريم كبار.
الرجال لاحقين عليه المسكينة البنت اكيد اتعور او فيها شي

 

[*-*Lo0o0Raaa*-*]

حبيبتي انتي
والله حاسه فيج

بس بنتج توهاا صغيررووونه اسم الله عليهااا

باجر شوي شوي تكبر وتفهم وتقدرين على الاقل تتعاملين معاها مبدأ الثواب والعقاب

بس حطي في بالج هذي بنوتتتج

مالها احد بالدنيا الا انتي

انا تدرين اذا بنتي بس تبجي

واتعسر وارتبك ومو عارفه شلون اتعامل معاها

اول شي احط على قناة العفاسي القرآن

هذه كلله مشغلتها وحتى واهيا نايمه

واقول بيني وبين نفسي

يلاااا مسأله وقت وتزووول

عدلي نومتهااا لا تخلينها بعد الساعه 7 تنام لاعبيها لين دووخ وتنام

وبعدها تفرغي لريلج

ودايما اقري عيلها المعودات والكرسي والفاتحه

على اذان المغرب والفير

 

[miss-chocolate]

الله يسامح زوجك المفروض يصبر

وما يحرمج من حقج الشرعي

عالعموم مافي احسن من القرآن علاج

يشغلي القرآن ودايم اقري عليها وانشالله تروح عنها العساره

انا بنتي كانت وايد تفز من نومها بس قمت اقرى عليها ما قامت تفز الحمدالله

انشالله ربي يحنن قلب زوجك عليك ويحس فيك

 

[فدييتك]

رد : بنتي مأذيتني محد يبيها وزوجي كرهني بسبتها

الله ايسر امورج يا ربي الياهل العسر متعب وحاسه فيج

 

[مرهونه]

اللة يعينج هذا السبب مايخلية يخون وينام برة غرفتة لاتعودينة ينام برة غرفته حتى لو زعلتوا
حبيبتي اولا عندج قبل لاتنامين الساعة سبع تقريبا تسبحينها ولا تشغلين التكيف لمدة ساعتين عشان لاتمرض وبعدين عطيها ادول بعد السبوح خمس ملي كل يوم هذا برنامجج لاتغيرينة عشان تهدا ولما تنام لاتقعدينها كلش النوم يجيب النوم على قولت اهلنا وشوفي شنو نوعية اكلها غيرية لانة انا اعاني مثلج بالبجر واتبعت نصيحة امي واللة ثم والله ارتحت واي شي تبينة عالخاص انا حاضرة:sfg:​

 

[NFOOOL]

الله يعينج عليها ما أقدر أفيدج بشي
عندنا بنت خالي جذي نسميها الحنانه
بالزوارة ينزعجوون منها

 

[wafa82]

رد : بنتي مأذيتني محد يبيها وزوجي كرهني بسبتها

الله يعيينج ويسخره لج

 

[frutty]

اولا زوجج ماله حجة وماله اي حق يسوي اللي يسويه عشان حنة الياهل .. اهيا مسئوليته نفس ماهي مسئوليتج .. والله مو من دمه ولحمه ؟؟ شوفي حبيبتي انا منج احطها عنده واروح اقضي مشاويري اخليه يذوق اللي انا اذوقه عشان يعرف شكثر انتي تتعبين.
ثانيا انا بنتي حنانة وايد و دايما في عذر لهالشي يوم كانت لي عمر 3 شهور كنت اقول مغص و بعدين قامت تحن وااايد و وديتها دكاترة و فحصوا اذونها و جسمها الحمدالله مافيها شي ولا خلع ولا شي بس اللهم ثقب بالقلب بس هالشي ماله علاقة بالبجي.. المهم قعدت اقرا بهالكتب لين وصلت للمشكلة .. كنت الاحظ انها بادية تطلع حليب من حلجها بعد الرضعة و هم لاحظت انها تعصب واهي تشرب و مرات تقوس ظهرها و وايد تكرع وما تشرب حليبتها فاول شي سويته استخدمت مقاس اكبر لحلمة الممية و حسيتها احسن شوي ثاني شي واهوا المهم اكتشفت ان فيها ارتجاع خفيف و هالشي اهوا اللي يخليها تحن وايد و تبجي لان يقولج ان الياهل يحس بحرقة وحارج و عليه عشان جذي يتألم .. الحاله هذي ماتروح نهائيا الا على عمر سنة ونص .. الا هذا الوقت حاولي كثر ما تقدرين ان تخلين راسها مرتفع واهيا تشرب و بعد الشرب خليها قاعدة مو اقل من نص ساعة لا تنومينها على طول .. والله يعيننا و يعينج
انا بنتي بعد ما سويت كل هالاشياء خفت حنتها بس الحين ردت تحن مرة ثانية لانها تستغرب من اهلي و اهل ريلي ومن الناس فصايرة طلعتي شبه مستحيلة وياها الله كريم

 

[ريتااجي]

رد : بنتي مأذيتني محد يبيها وزوجي كرهني بسبتها

اذا إنتي متاكدة إن مافيها شي خليها تبجي

لين تسكت بروحها علشان لاتتعود ترى هالطبع راح يصير فيها

بعدين اذا تبي اي شي بتظل تبجي لين تنفذي طلبها وربي يعينج

وأبدا موعذر ان ريلج يخونج عشان بنته حنانة هذي بنته بعد مو بنتج بروحج

 

[ريتااجي]

رد : رد: بنتي مأذيتني محد يبيها وزوجي كرهني بسبتها

اللة يعينج هذا السبب مايخلية يخون وينام برة غرفتة لاتعودينة ينام برة غرفته حتى لو زعلتوا
حبيبتي اولا عندج قبل لاتنامين الساعة سبع تقريبا تسبحينها ولا تشغلين التكيف لمدة ساعتين عشان لاتمرض وبعدين عطيها ادول بعد السبوح خمس ملي كل يوم هذا برنامجج لاتغيرينة عشان تهدا ولما تنام لاتقعدينها كلش النوم يجيب النوم على قولت اهلنا وشوفي شنو نوعية اكلها غيرية لانة انا اعاني مثلج بالبجر واتبعت نصيحة امي واللة ثم والله ارتحت واي شي تبينة عالخاص انا حاضرة:sfg:​

حبيبتي غلط الطفل تعطيه دواء 5 ملي

الأطفال لين عمر 5 سنوات يعطونهم 2 ونص ولاتقولين دواء مايضر الا كثرته يضر ​

 

[×× شموخ أنثى ××]

رد : بنتي مأذيتني محد يبيها وزوجي كرهني بسبتها

الله يعينج ويثبت قلبج يارب ..

واضح بنتج ممصوعه اسم الله عليها وأنتي أو أي أحد شايلينها بسرعه أو بقوه وعوروتها ..

وخاصة إنها أول طفله لج وموعارفه لها إلى الأن ..

ألحين جدامج خيارين :

يا تودينه لمرأه تعرف بالطب الشعبي وأنا أرشح لج المرأه اللي تكلمت عنها وحده قبلي إهي بالفردوس بس عجيبه ماشاء الله للأطفال ..

أو أنتي إقري بالليل عليها و اخذي زيت زيتون ودفيه شويه ..

ووامسحي على جسمها كله وحركي ايدينها شويه يمين وشمال وفوق وتحت بس ع الخفيف مو تعورينها ..

وبعدها عطيها رضعه أعشاب ضروري أي طفل بالليل أخر رضعه له أعشاب ..

وأهم شي تأكدي بأن بنتج ما فيها إمساك ..

........................................................

وعقب حبيبتي إحنا نتعب ونحمل ونربي وموظفات ليش .. علشان غيرنا يرتاح ..

حبيبتي المنه بالدينار بدال الخدامه حطي عشر علشان راحتج .. وخلي الخدامه تناوب معاج وتمسك البنت عنج وتريحج شوي ..

ولاتقولين أهلي وأهل زوجي .. مافي أحد يتحمل عيال غيره .. الناس زهقانه من نفسهااا ..


وزوجج حبيبتي استعملي معاه كل طريقه ليم تخلينه يشاركج المسؤوليه مو تسلمينه باردة مبرده لغيرج ..

والله يسخره لج ويوفقج يارب ..

 

[miss_jamsheer]

الله يعينج ولدي نفس بنتج بالضبط كان كله يبجي والله من كثر ماتعبت كله عند خالتي تحت لانه نفسيتي اتعبت حتى خالتي قالتلي لاتحملين الحين خخخ والحين عمره سنتين اشوه احسن من قبل بوايد شوفي من يتعدا السنه شوي يصير احسن الحمدالله الحين هادي بس يحن لما يبي شي والله يعينج انا الحين حامل خالتي اتقول اقري ادعيه والصلوات عشان لايطلع نفسه

ترا بنتج طبيعيه انا ولدي حتى شيخ يقرا عليه وديته بس ماكو فايده