بنتي مأذيتني محد يبيها وزوجي كرهني بسبتها :(

[ماكنتوشه بنفسجيه 12]

رد : بنتي مأذيتني محد يبيها وزوجي كرهني بسبتها

الله يعينج ياااارب

سبحان الله وبحمده

سبحان الله العظيم

 

[ZajiL]

الله يعييييييييييييييييينج اصعب شي الياهل الحنان لانه ماتدرين شنو فيه وشلون تسكتينه
بس صراحه العتب على ريلج هذي بنته المفروض بدال لايهدج ويطلع بره يساعدج ويعينج فيها
لا وفوق هذا بعد يخون صراحه انا لو منج ماحمل الا لمه اعدل امري مع الريل عذري بس ريلج لقاها
علثه عشان يتسلى بشي ثاني

 

[الصحفية]

بقولج شي يمكن تضحكين

انا بنتي كانت نفس بنتج وبزياده بعد مره قالت لي امي على غشمره في يهال ما يتعدلون الي لازم يمرون على بحر يعني مادري شنو الكلمة الي قالتها بالضبط بس يعني لازم يسافرون ويمرون على بحر عشان تنفج عنهم طبعا انا ما صدقت ..

بس صادف انه يات لنا سفره وخذيتها معاي والله العظيم ما تصدقين صارت انسانه ثانيه بنتي راحت عنها الحنه وصارت شخص اخر

جربي ترا اهل اول عليهم كلام يطلع صج والله جربي تسافرين حتى لو ديره قريبه يمكن تتغير ...


ولا تنسين دايما شغلي قران في بيتج وخليها تنام على صوت القران

والله يسخرها لج يارب

 

[sunshine22]

رد : بنتي مأذيتني محد يبيها وزوجي كرهني بسبتها

وليش تحملين دام ظروفج تعبانه حيل

انتي ما عندج خدامه

ويومنه زوجك ولد بو نعمه ويمل من الازعاج ليش وافق انج تحملين وبنتج ما كملت السنه لو ترضعين طبيعي مثل الحريم قبل جان ما تحملين الا بعد سنتين وهذا الوضع الطبيعي للاوادم

الا اللي يبي يصير مجنون بسرعه يجيبهم ورا بعض ويبشر بالامراض طبعا مو الحين بس تكرار الولادات ورا بعض يأثر عليج انتي بالاول والاخير وانتي بروحج بتدفعين ثمن هذا

المفروض تنطرين بنتج تكبر ودامها على كلامج مزعجه وزوجج راعي سوالف كان الواجب تتاخرين بالحمل


وزوجك المفروض يهيأ لج شقه كامله


شخباااااااااااااااري غرفه وحمام .........عفوا

بس وين الناس اللي يحطون لبنت الناس غرفه وحمام بهالزمن!!!! استغربت
لو الخاله بروحها مهما كان مالج رفايج يسيرون عليج مالج اهلج يمرونج ما لج مطبخ مالج غرفه غيل والا وين تغسلين هدومج


صراحه انا مااطيق وضعج واصلا من الاساس ماارضى فيه

ويوم زوجك مو متعود ع الازعاج ليش يتزوج مايدري عن الجهال ازعاجهم
وليش ينام بالدوانيه ماله غرفه

ليش ما سوالج شقه كامله مثل حريم خلق الله


اسمحيلي انفعلت حيل لانه وضعج غلط وانتي اللي راح تتعبين فيه

قوليله ووواجهيه دامه مو قد المؤوليه ليش يحملج وليش يرضى بوضعج بالبيت وغرفه بس شالسالفه

الله يصبرج شكلها اول بنت لج ومن الحين خيانات اجل بعد 10 سنوات شبيسوي الاخ !!!

 

[زهرة البيت]

ذكرتيني بنفسي انا عندي ثلاث بنات عسرين شبت منهم واذا خليتهم دقيقه يبكون يعصب علي وعليهم

 

[زهرة البيت]

انا حالتي نفس حالتك يبت البنات ورى بعض وعندي غرفة بحمام وصاله واللي بتقول ليش يبتيهم ورى بعض بقولها لان الريال يقول اذا ماتبين تييبين يهال اتزوج عليج واكيد بتسالون شلون تغسلين ملابسج عندي غساله بالحمام والنشافة اللي تنشف الملابس وتخليهم جافين ومسويه مطبخ بالصالة حاطه تويستر وغلايه ومكروويف وبعدين موكل حريم خلق الله عايشين بشقه كامله واللي ترضي بجذي انسانه متواضعه وراضيه باللي كاتبه لها الله واعرف بعد وحده توها مالجه وبيحطولها غرفه وحمام بس ليش مستغربه الوضع يااختي اخذوهم فقراء يغنيهم الله

 

[مس أسد]

الله يعينج فتره وتعدي إن شاء الله
انا ولدي الله يسلمج عمره 3شهور بس يبجي ويحن ما يسكت مسكين يناام من كثر التعب والبجي يريح شووي ويرد يبجي
وانا بس شايلته احااول اسكته رحت لدكتوور محمد سعيد اهو استشااري اطفال
قلت له دكتوور تعبت انا مادري شنو فيه ما يسكت ابد مادري ممصووع مخللوع شسالفه تعبت الله
وكيلج افحصه من إلى قالي ولدج يعااني بس من قرحه بالمعده !! الولد ماايشرب إلى حليب !! يمكن حرقه بالمعده المهم عطاني دوا كل 12 سااعه لمده 3 اسابيع من اول مره الولد سكت ورتاح يعمري
ودي بنتج له شوفي شنو يقوولج وإذااقالج مافيه شي وديهاا للحريم الكبار بس شوفي وحده شااطره قولي لبوهاا يودي بنته أحسن مااهو لاهي بخياناته خل يفرفر بنته احسن
والله يعينج
من جذي يقوولون الجنه تحت اقداام الامهاات ​

 

[إنسانه وأكثر]

قوه شلونج ياقلبي

هدي هدي وان شاءالله ماكو الا الخير

حبوبه انا اعرف وحده كان عندها بنت جذي عسره وبس تبجي صارت تقرى عليها والبقره دايما يم راسها بصوت مو عالي طبعا واذكار الصباح والمساء لاتنسينهم اقري عليها المعوذات وايه الكرسي قبل لاتنام حبيبتي وتصدقي بنية شفاء بنيتج من اللي اهي فيه ترى العساره والبجي مو شي طبيعي اذا استمر مثل ماتقولين واعليه مو زين على قلبها واللي يقولولج احقريها دربالج ترى البنت يصير فيها شي بسبب انج حاقرتها

الله يعينج ويصبر قلبج ويهدي بنيتج تعبي معاها فتره وبترتاحين على الاقل لين تولدين تكون تعدلت شوي

موفقه ياقلبي

 

[eman12]

الله يعينج وانا بنتى نفس بنتج حنانه ادعى لها ربي يخفف عنها واقري عليها كل يوم
الله يحفظ عيالنا

 

[Brounzi_girlly]

رد : بنتي مأذيتني محد يبيها وزوجي كرهني بسبتها

الله يعينج حبيبتي ويهدي بنيتج ويهدي زوجج أنا حاسة فيج بنتي الكبيرة حيل عسرة بس شوي هدت الحين
مع التحية..................

 

["*آآآنؤؤؤقهـ*"]

رد : بنتي مأذيتني محد يبيها وزوجي كرهني بسبتها

الله يعيييينج

 

[اكسبلانكا]

بعد عمري عسى الله يهديها لج يارب

 

[one two 3]

وي الله يعينج
ويردلج ريلج مثل اول واحسن

 

[hooryah q8]

رد : بنتي مأذيتني محد يبيها وزوجي كرهني بسبتها

الله يكون ابعونج صج الياهل ينرفز اذا بجى وماتدرين اشفيه
وريلج الله يهديه هذي بنته عالاقل ياخذها او يشيلها ويفتر فيها بالبيت ولا بالفريج
يمكن تسكت .. التربية مو بس عالام والابو وين دوره؟؟ ولا بس اييب اعيال ويقط عالام؟؟؟


ان شاءالله البنات فادووج ابردودهم
والله يخليلج ابنيتج ويسخرلج ريلج

 

[sunshine22]

رد : بنتي مأذيتني محد يبيها وزوجي كرهني بسبتها

وااااااااااي

شخباري غرفه وحمام

اطالع بتاريخ موضوعج اشوف 2010 !!!!!!!!!!!!!!

منو يحط مره بغرفه وحمام الحين ؟

بعدين حمواتج متزوجات يعني البيت فاضي شهالنحاسه


زوجك
ليش متزوج سؤال يطرح نفسه؟
والا ما يدري انه بيجيب عيال

وليش ياحظي حملتي على طول انطري بنتج تكمل سنتين

لا تسمعين للي يقولونلج احملي واحملي

ترا الخسران الوحيد انتي
صحتج
زوجك
اهلج

انتي بس اللي بتخسرينهم مو هم

ترا يابنات سلس البول بالحريم نتيجته كثرت الولادات
انتو ما تعرفون هالشي
بالمدارس يبطون جبدي اللي يقولونلي حملي شتنطرين؟؟

انطر اللي عمرها سنه تصير 4 سنوات وافكر بالحمل
هذا الطبيعي

 

[Coffee-Girl]

حبيبتي ودي بنتج حق شيخ يقرا عليها

وديها حق حريم يمكن تكون مملوعه من ايدها او ريلها او رقبتها هذا يخلي الياهل يبجي وايد

عندج معالجه اسمها ام عايد يمدحونها لليهال حيييل ان شالله تنفعج بيتها برقه قطعه 2 باب بيتها مقابل مدرسة بدر المتوسطه

سهل مايضع

وتقدرين اتحطين حق بنتج ممرضه اتعرفلها وتقعد معاها اذا انتي بتطلعين او تقعدين مع زوجج

والله يسهل عليج ياقلبي ودايما ادعي اللهم بسمك الهادي اهديها

 

[أمووونه]

احسن شي سجليها بحضانه وانشالله تتغير اطباعها

 

[هرانية وأفتخر]

رد : بنتي مأذيتني محد يبيها وزوجي كرهني بسبتها

والله مافادني الا الكتب اللي بجرير غيروا من بنتي حيل



هرانية وأفتخر

 

[remaas]

استغفر الله ياربي بنات شفيكم كل وحدة تقولها ليش حملتي وجان ماحملتي هذي عطيه الرحمن نعمه من رب العالمين والله قرر ان يرزقها بياهل ثاني بهالوقت مانقدر نغير حكمته سبحانه

وانتي اختي بعد الله يعينج على بنتج جنها بنتي حنااااااااااااااااااااااااااااااااااااااانة وبجاية بس طاف من قلب عايشة حياتي واخذها واروح كل مكان ياحلو حنتها واهلي تعودو عليها شيسوون بعد انشالله بس تكبر تخف حنتها

والله يصلح حال ريلج يارب دايما حسسيه بالمسؤولية واهو لازم يسكتها ويجابلها قطيها بويهه انت شنو مهنتك مو ابوووهاااا سكتها واكلها بدلها ولابس تبون عيال من غير مسؤولية و دايما قوليله هالكلمة انت مو احسن من الرسول .. صلى الله عليه واله وسلم .. كان دايم يساعد زوجاته ويعاونهم ولو يقرى كتب راح يلاقي هالكلام مكتوب بالروايات

 

[remaas]

والله يتمم عليج حملج ويطمن بالج يارب