بنتي لازم تفز واتيلي تنام عندي....شسوي؟؟

[love love]

بنات بنتي لازم تنام يمي ولا بحظني وبعدين اوديها غرفتها مشكله تفز الفير ولازم الازواره كل فير عندي واقوم اوديها فراشها انسدح يمها ليما تنام وارد فراشي ونفس الشي بعد ساعه تفز واتيلي

جم مره اكرر الحركه وارد اوديها فراشها بس بعدين استسلم لاني اتكسررر من هالحركه واكون تعباانه فاقول خلاص خل تنام يمي والمها وانام

ومااقدر احقرها بفراشها اخاف تقوم اخوها لانهم ويه بعض بالغرفه

شسوي؟؟

 

[eng^^zozo]

حبيبتي ان شاء الله البنات يفيدونج ..

 

[كويتيه مذهله 87]

فديت البنات والله
سلم قلبهم :**

صج صج مشكله ان شالله البنات يفيييدوونج ونكتسب خبره ومنكم نستفيد للمستقبل *_^

اب اب

 

[ورود خذلتها العاصفه]

جم عمرها

 

[حبـ admant ـك]

جم عمر بنتج
لان بنتي نفس الشي عمرها سنه و 4 شهور
اتعب معاها لكن اغصبها
و تعاند مرتين و ثلاث وخمس
صج هالحركه متعبه وتنرفز وخصوصا اذا عندج دوام
لكن اذا تعودت على انها تنام عندج صعبه تغيرينها بعدين

 

[love love]

مشكورين بناات

بنوتي 3 سنين

ومومعودتها تنام عندي الا اذا مرضت لاني احاتيها وبسسس

 

[ورود خذلتها العاصفه]

الله يعين نفس الحال بس تاليتها قمت انا اناام عندهم عشااان ماياذوون ابوهم يقعد من ال5ونص للدوام حرام انقص عليه نومته

 

[opera]

الحال من بعضه ولدي همن عمره 3 سنوات نومه متقطع و كل ما قام ايي عندي الغرفه او يبجي وانا اروحله

بس شسوي ما ابيه يتعود فلازم اروح ارده فراشه .. صج تعب ورانا دوام على قولتج بس شسوي اتعب بالبدايه ولا يتعود ويصير اشكبره وينام عندي بالغرفه مو زين

وعلى هالحال مادري متى بينام مثل اليهال نومه وحده متواصله

مره شفت برنامج ذا دكتورز يقول حطي فرشه للياهل على الارض بغرفتج وعلميه اذا قام ايي بروحه ينام هني بدون لا يسببلج ازعاج ولا يبجي .. بس انا هالفكره ما حبيتها

 

[فيونه المزيونه]

انا نفس الحاله ثلالثه سنوات ونص ابي احد عنده خبره يعلمني

 

[انوثة من حرير]

مالها حل الا تكبر شوي تتعود على سريرها بنتي جذية وتعودت على سريرها ورتحت والحين طالعتلي بنتي صغيرة خذت الدور عن اختها خليها يمكن تتحلم وتحس بالامان

 

[love love]

عيل ماكو الا اردها فراشها كل مره والله يعين

مشكورين

 

[unapproachable]

نفس المشكله .. بس قمت اخليه يرد ينام فراشه واقولك لا لا ماما مو اهني اهناك وجنه بدا يتحسن

 

[love love]

زين مشاءالله

لا انا اقولها وماكو فايده لازم اكون يمها

 

[*peace*]

مادري والله الله يعين لي متى ماننام الليل ببجي

 

[opera]

نفس المشكله .. بس قمت اخليه يرد ينام فراشه واقولك لا لا ماما مو اهني اهناك وجنه بدا يتحسن

جربت مره اقوله نام واذا تبي ماام ناديني

ما مداني طلعت من غرفته مشيت خطوه ولا ينادي .. ماما ماما تعالي ابيج :krkrkr:

مادري والله الله يعين لي متى ماننام الليل ببجي

لين تزوجينهم :eh_s(9):

 

[مي الحلوة]

انا بعد ولدي 3سنوات ونص ونص الليل لازم يجي وينام عندي حيل تعبت منه وياليته ينام عدل
يرفس في ابوه..اذا لقيتى حل قوليلي..

 

[shaikhat al-zain]

نفس مشكلتي

كل يوم يسوي فيني هالحركه ولدي
عمره سنه وثلاث شهور
يقعد الفير يبجي والمه واحطه بحظني وانومه بس من ارده فراشه يصارخ ويفز من نومه

واذا حطيته يمي ينام نوم متواصل بس مابي يتعود لان تعبني وما اخذ راحتي بالفراش لان اخاف اقلب عليه او ابوه يقلب عليه واهوا ما يدري

 

[um_yoyo]

نفس الحال الغزو الليلي بس لان انا كانو ينامون في فراشي ل توه بس لما دخلو الروضه قعدت اعلمهم بس لما الحين يزوروني بالليل عادي تقبلت الوضع مردهم يكبرون خليني استانس فيهم الحين لووول

 

[ريماا]

اناا عيالي جذى كانو ثلاثتهم بالتدريج يندعسووون بالسرير ويختارون الزوايا عشان ماحس فيهم
ماااتعدلووو الا لما ادخلوو الروضة تعدلت نومتهم بس مراات هم يجوون لحد ماصرت اقعد ابووهم ويخانقهم ههههههه فيخاافون منة
اصغر واحد اسم لله علية تعدل بعمر3سنوات واشوى لما دخل الحضاانة وليش انة اصغرهم كاان يقلدهم

 

[.دمعتي الحزينه.]

حبيبتي انا بنتي كانت جذي عمرها 3ونص لانها قريببه مني حيييل ما تفرقني وين ما اروح وياي وتنرفزني هلحركه وفي النومه نفس الشي تنام بسريرها ساعتين او ثلاث وتيي عندي وتصارخ ورجعها السرير تقعد تبجي وتقط الفراش وتقول انا ماحب السرير السرير خايس يتعبني ابي عندج ومع ان اخوانها اسم الله عليهم اضغر منها بس ينامو ولا يفزو كل واحد بسريره مرات اسمح لها تنام عندي ومرات لا تقعد تبجي لين تنام او اروح انام يمها لين تنام بس جنت عاقبها في الصباح ما كلمها وقولها اني زعلانه منها لانها تعبتني وتنام بسريرها تقولي انا اسفه مامه بنام بسريري خلاص ماراح اتعبج وفي اليل ترد لنفس الطبيعه وبلاخص وقت اذان الفجر ولما ولدة و يبت ريماس جانت تقعد وتصيح تقول ليش ريماس نايمه عندج اقولها ريماس بيبي ياهل تبي حليب بس انتي كبرتي تقعد وتيي عندي وبعدين قلت خلاص مهما صارخت وبجت ما راح اسمح لها تنام عندي جانت تمسي تصيح وتقول ماتبي سريرها جنت احقرها وتطلع تقعد بصاله وتنام وانا اقولها اني زعلانه منها لين تعودت وتنام الحين بسرير واذا فزت تطلب ماي وترد تنام خلاص الحمد لله عقبى لبنتج
عاقبيها اظهري لها انج زعلانه منها لانها ماتنام بسريرها وان شاء الله تتعود