بنتي لازم تفز واتيلي تنام عندي....شسوي؟؟

[3rosa]

ليش ما تخلين قطعه من ملابسج على مخدتها يمكن تشم ريحتج و ترتاح اكثر

والله يعين

 

[love love]

والله حااااااولت وحاولت ماكو اليوم مرتين اردها واخليها تحن وثواني تردلي واردها لين اخر شي نمت يمها لين نامت وقمت ماكو فايده قعدت الصبح لقيتها يمييي

وودي اردها بس تبجييي وتنوح واخوها يقوم وتصير سوالف وقتها ومحد يرجع ينام

المشكله انه الابو قام يعصب وينام بالصاله

فخلاص احسها صج صج مشكله ويمكن تكبر بالمستقبل

 

[love love]

لووووووووووول اوبرا جربتها والله هم جذيه كل ثانيه مامااااااااااااااااااااااا واخر شي خمطت ايدي وصكرت عيونها

بليييييييييييز ابي حل

 

[للحين ناطره]

هههههههههههههههه
الحمدلله عبالي بس انا ولدي جذي؟؟؟
الله ايعين
انا ياست قمت اخليه اينام عندي
مالي خلق رايحه راده وانا فيني النوم

 

[love love]

اببببببببببببببب

 

[love love]

اوبرا اول يوم رديتها وايد و عشر مرات كسرتني عدل واهي راحت للحضانه مزاجها اكس لانها مانامت عدل

ثاني يوم هم رديتها مرتين وحطيت جدام باب غرفتي فلفل قلتلها الي اشووفه يدش غرفه ماما وبابا بحطه بعيونه وحلجه

ومايت ههههههههه

بكمل اليوم بعد وبتم اردها لين تمل

بس اكتشفت شي اهي تقول ابي ليت واخوها مايحب الليت شسوي؟؟؟؟
مع انه غرفتهم بابها ثلاث ترباعها امبطل وليت ممر قوي وفي ليت يدش عليهم من الشارع
بس اهي اعناد الا ليت

 

[love love]

اببب

 

[جورجيت]

جزيل الشكر...
الله يخلي اطفالكم ويعينكم على تربيتهم .

 

[Creamy Girl]

هههههههه
الله يعينا

انا ولدي الحمدلله لما صار بعمر بنتج ماقام يي
المشكله ببنتي
اهي تنام عندي بالدار بس من يصير الفير توقف علي حيلها بسريرها وتناديني ولازم احطها يمنا وتكمل نومتها
صج عيارة البنات واذا ماشلتها تسوي روحها جنها بتنط من سريرها تبي تخرعني

 

[تروبيكانا]

عزيزتي 3 سنين تفهم لو كلمتيها
اقنعيها دارج حلوه وانتي بنية كبيره البنات الكبار ينامون بروحهم ونصيحه شغليلها قران قبل لاتنام وخليج عندها عشان تحس بالامان والله يعينج انا بنتي بعد كانت جذية وكنت بالشهر التاسع رايحه راده معاها طول الليل بس الحمدلله اقتنعت الحين واذا فزت من نومها تيني تقولي ماما شغلي القران وتنام الحمدلله

 

[حرم سي السيد]

نفس المشكله الله يعينا

 

[همسات ليالي]

نفس المشكلة

 

[صفاءء]

طيبعي هالشي حبيبتي تحتاج حنان الام الله يحفظها لج

 

[om Firas]

نفس الحاله مع بنتي

 

[PuPa^^SWeeT]

انا ثنتينهم انومهم بفراشهم

وحدة 4 سنين الا شوي و الثانية سنتين و شهرين

من قمت انومهم بفراشهم شوي ارتحت

بس انهم اييوووني الساعة 5:30 تعالي نامي عندنا ليش رحتي

لووووول

 

[نبض حبيبها]

إذا قامت من نومها وقالت لج تعالي ماما أبيج عندي
قولي لها : يللا نروح غرفتج علشان تنامين على سريرج الحلو يا شطورة
وإذا حطيتيها بفراشها قولي : انتي حلوة وفراشج حلو ما يبيج تروحين عنه يللا نامي
بس بوسيها بوسة عابرة هههه
وطلعي من الغرفة لا تطالعينها
راح تبجي وتلحقج
لا تبتسمين ولا تتكلمين بس مسكي إيدها وحطيها بفراشها بدوووون ولا كلمة
نفس الحركة طلعي من الغرفة لا تطالعينها
راح تبجي لا تنرفزين كلش
الحين قوليلها وبنبرة صوت شوي عالية وفيها جدية: خلاص كل واحد عنده فراش ينام عليه ردي نامي بفراشج ما راح أوصلج
راح تبجي وتقول : وصليني
مسكي ايدها ووصليها وقولي لها يللا نامي ( بجدية )
راح تنام جم ساعة وتفز تدورج
مسكي إيدها وبدون كلام وصليها فراشها وطلعي
هذي الحالة راح تاخذ منج جم يوم

انا صار معاي جذي أسبوع
وبعدها صارت تنام متواصل خمس ساعات وتفز تبجي وأوصلها بدون كلام مع ملامح جادة بدون ابتسامة ولا شي

والحين الحمدلله تنام متواصل ادعولها تستمر يارب والله تعبت معاها خصوصا لما تبجي ما أحب أشوفها جذي
هذي كانت خطوات كتاب متخصص في معالجة الاطفال اللي ما ينامون أو اللي اهلهم متأذين معاهم بالنوم

أهم شي:
1ـ لا تكسر خاطرج حاولي تسيطرين على مشاعرج
2ـ هدفج أنها تنام بغرفتها وأنج تاخذين راحتج بغرفتج سواء بنوم ولا غيره فلا تستسلمين إذا طولت السالفة معاها لأن بالنهاية أكيد في نتيجة
3ـ قبل موعد النوم نهيئ للنوم بالكلام مثل ( بعد شوي الكل ينام مافي احد قاعد كلنا راح ننام وكل واحد بفراشه)
4ـ طفي الليتات بالصالة والتلفزيون خلي البيت هدووووء لا صوت ولا حركة الكل بغرفته حتى الأبو يدش الغرفة ويسكر الباب
5ـ بالبداية اقري عليها من القرآن علشان ترتاح انج يمها بالبداية بس وبعدين إذا نامت بروحها اقري عليه وهي نايمة للحفظ

أتمنى ما طولت بس حبيت أفيدكم بتجربتي لأني فعلا عاااااانيت بس صبرت ونلت الحمدلله​

 

[mrs_sugar]

انا حليت المشكلة لما غيرت مكان سرير بناتي

الظاهر مكان السرير ما كان مناسبهم و ارتحت الحمدلله

احيانا مكان السرير تكون كهرومغناطيسية المكان عالية من الاسلاك و الانابيب اللي تمر من هالمكان تحت الأرض فيصير المكان مو مريح و هذي ياهل ما تعرف تقول

هذا فريته مرة و طبقته على 2 من عيالي و اللهم لك الحمد ارتحنا

 

[love love]

مشاءالله عليكم ماقصرتوووووووووو

بس لله الحمد حليت المشكله وماقامت اتيلي الا اذا في شي ومايخليها تنام مثلا تبي ماي و تبي الحمام

والفال لكم يااارب

 

[ام بوحنة]

للاسف انا ولدي كان يازينه
بس هالايام جسمي تكسر ما اقدر انام من كثر ما يا اهو عندي يا انا عنده

صج تعبت مو قادرة ارتاح