بنتى والعرس

[so_what]

الله يرزقها ان شاء الله و يرزق خواتها بالنصيب الزيين

 

[زوارة اثنين]

رد : بنتى والعرس

العمر 21 سنة بنات يمكن تشوفونى غلطانة بس احس انى بختنق وعشان جذة افضض لكم واقول كلام لو اموت مااقولة يم احد اصلن استحى اقولة عشان بناتى
شكلها هالحرمة ماراح تتصل اليوم خامس يمكن لانها حييييل خلتنى اتامل وهذا الى خلانى حيييل فرحت ومن الضيجة بس ابى افضض
بنات لو صار شى بكرة بقولكم ولا ماصار شى هم بقولكم ادرى فترة وبعدين بنشغل مع بناتى بس هالفترة جانى حزن مب طبيعى

 

[سفيرة المحبة 88]

رد : بنتى والعرس

عمرها 21 @@

والله عبالي من كلامج عمرها فوق 25 حبيبتي توها صغيرة في بنات اكبر منها

وتزوجواا ويابوا عيال مو من كبرها بنتج كل شي قسمة ونصيب

الله يرزقها بالزوج الصالح يارب ويستر عليها ويفرحج فيها

 

[Heaven Light]

كاسرة خاطري بنتج لأنج امها ..

بالله في وحده تفكر هالتفكير في بنتها ..

ترى الناس لما تجي تخطب ما تشوف زين البنت تشوف اول شي ام البنت شنو معدنها شنو تفكيرها لأن كل شي ينعكس على بنتها ..

انا اقول اصلحي حالج الله يصلحج .. وتالي يصير خير ..

وآنا آسفة اني كنت قاسية بكلامي وهذا مو من طبعي لكن كسرت خاطري بنتج حطيتي بجياتها هم بدون اي داعي ..


​

 

[محبوبه25]

رد : بنتى والعرس

العمر 21 سنة بنات يمكن تشوفونى غلطانة بس احس انى بختنق وعشان جذة افضض لكم واقول كلام لو اموت مااقولة يم احد اصلن استحى اقولة عشان بناتى
شكلها هالحرمة ماراح تتصل اليوم خامس يمكن لانها حييييل خلتنى اتامل وهذا الى خلانى حيييل فرحت ومن الضيجة بس ابى افضض
بنات لو صار شى بكرة بقولكم ولا ماصار شى هم بقولكم ادرى فترة وبعدين بنشغل مع بناتى بس هالفترة جانى حزن مب طبيعى

وااااااااااااااااااااااي حراام عليج
من كلامج عبالي انها صكت ال30
انا اقول استغفري ربج
توها بعمر الزهور
خليها اتعيش حياتنها وتستانس
و ليش تبين مغثة الزواج ؟؟
شكلج مادشيتي قسم الحياه الزوجيه بالمنتدا
انصحج دشي واقري كل يووم مشاكل

 

[@ دهن العود @]

حبيبتى ذكرى الله واستغفرى وترا كل شي نصيب

 

[زوارة اثنين]

رد : بنتى والعرس

والله ذاكرتة بس احنا بناتنا من 14 تنخطب انا على فكرة بس يمكم اتكلم ولا جدام الناس ويم بناتى ماسوى شى ولا يبين على شى اسوى روحى طبيعية واضحك وكل اقول يمها ويم الناس انا بنتى ابيها تدرس وتتخرج وتوها اصغيرة بس البنات كل يوم خبر ينقلون لها فلانة انخطبت وفلانة اتزوجت
الله لا يذوقكم حجى الناس حتى اتصالات يتصلون على فلانة انخطبت وفلانة حملت
اه من هالمجتمع القاسى

 

[حلاا الدنيا]

بنتج صغيره ولاتحاتين

والله يرزقها ياب

 

[آطخمـُ عنزيـهِ]

رد : بنتى والعرس

الله يهديج بس

حرام تسوين ببنتج جذي

استرخصتي قدرها بين الناس

اللي ربج كاتبها لها بيصير حتى لو ترززت وكشخت جدام الناس

الزواج قسمه ونصيب

الله يرزقها الزوج الصالح

 

[لوميه سوده]

[/COLORالله يوفق بنتج وخواتي وبنات المسلمين تراني وخواتي 6بنات يارب فرح قلب ابوي وامي يارب وعمري 34

 

[noo7a]

لي يا نصيبها بتتزوج انشالله
لاحقه عالشقا

 

[Flower20]

رد : بنتى والعرس

كل شي نصيب ومو شرط الكبيرة تتزوج قبل الصغيرة
وحبيبتي لا تحسسين بنتج انج تعرضينها جدام الناس عشان تنخطب اقصد تكشخينها وتلبسينها عشن تلفت النظر
خليها براحتها ولا تحسسينها انج مستعيلة

وحسب الي باين ن بنتج صغيرة لان قلتي بناتكم من 14 ينخطبوون؟؟ تو النااس عليها ليش شايلة همها جذي

 

[سنا الفضه]

رد : بنتى والعرس

تلعنين العادات والتقاليد وانتي اصلا اتسوين فيها؟؟

ليش

؟؟
كااا انتي قاعده اتسوين بنفس العادات والتقاليد تبين تزوجين امبجر.. ومتحقرصه على زتاات البنت<- - اي والله زتاات بهالعمر من زواج

شوفي عمره الترزز عند الحريم والعروس ماكانت السبب بتزويج البنات الرزق من الله

بحياتي ماحظرت غير عرسين لان اهلي مايروحون عروس

حظرت عرس رفيجتي حييييل وكان عائلي جدا وكنت مع امي وخواتي واصلا حتى لو بنخطب منهم ماراح اهلي يرضون لانهم مو من مواخيذنا

والعرس الثاني ولد عمتي ولاه بالسعوديه وووووووووتسلمين وتعيشين

تزوجت واحد لا اعرفه ولايعرفني ولااابحياتي عرفته او حتى عرفت اهله حتى منطقتهم بحياتي ماطبيتها اسمع فيها انها بالكويت بس مارحت لها ولا مره كله

من وين

مادري

بس الاكيد انه رزق من رب العالمين

بنت خالتي كانت لمن اتحظر عرس مو من باب انها تبي اتزوج والا اترزز لا ماعندنا هالسوالف ولا خالتي.. وعلى كثر الي اخطبوها

صار بختها ولد عمتها وبحياتنا ماتخيلناها تاخذ هالانساان بس نصيب ورزق من ربج


ذكرتيني بوحده من اهلنا شببت على بنتها شي مو طبيعي تبي اتزوجها وصارت بنتها نفس الشي والنتيجه

بنتها باول ال20 ومنفصله مع بيبي..وبوقتها كانت حامل ومع المشاكل والقلاقل اجهضت وخيره من رب العالمين

زين جذيه

تقول الام استعيلت على بنتي

باجر ان ياها نصيب وكروتييها كروته على ابو تصير عند ريل وماتصير اقل من بنات العايله وصار هالريل كرييهه بغيض ايده والطق وخوان سكير عربيد

بتفيدج دمعتج على بنتج؟؟

ابتبجين على بجييج شكوو استعيلت عليها وزوجتها وغثيها وهي صغيره

الحين معدل سن الزواج ارتفع واحسن علشان يكون فيه نضوج فكري نفسي والطرفين مهيئين للزواج

ام 14 فديتج انا بتلعب برووي مثلا اكيد الي ماخذها يا طقتها

ياا اكبر بوايد

وين التوافق؟؟

عند اول زعل كلمن شال شلايله وراح عند امه والا بيسفهه كلامها على ابو انها ياهل وماتفهم

وياكرهه العيشه الي رايج مسفهه ولا لج اعتبار؟؟

ذكري ربج يمكن خاش لها بخت احسن من قريناتها وربعها كلهم بييها الناضج فكريا ونفسيا وعقليا بس يبي الاستقراار مو لعب عيال

يمكن الزوج الي ربي كاتبه لها قاعد يكون نفسه

او يدرس وبيكمل دراسته ومايبي يغرب مرته معاه

يمكن قاعد يبيني بيت العمر مايبي يسكنها اباجار مثلا
واايد احتمالات بس انتي طولي بالج ومثل ماقالت وحده من الخوات ساعات كثر الحنه على الشي يقبس عليه ويخليه فال سيئ

وترى كثر الدعاء يغير المكتوب ولا تتمنيين على ربي بقولتج داعيه واستغفر بس تعبت

ترى هذا شرعا يعد تبرم وتمنن على الله عزوجل وعلى قوله المصريين كل الي يجيبو ربنا كويس

اجتهدي وألهجي بالدعااء من غير الاستعجال بالاجابه وهذا شررط من ربي لانه يحب يسمع دعاء عبده كطنين النحل

شفتي النحل شلون يزننننننن يزنننن ربي يحب يسمع الدعاء من عبده جذيه

ولاتستعييلين ترى لاحقه خير لاحقه على الكراف والحمال ودعاله الريال واهله لاااحقه شكو بتغثينها وهي ياهل توها اي والله

وبعدين الي اتزوج ام 18 نفس الوناسه والطرابه بتاخذها الي تزوجت ام 40 مووووووو؟؟؟

لاا تستعيليين وانا اختج خل بنتج ابحظنج ياايها بختها ياايها لامحاله وربي يرزقها بالريل الصالح عاجلا غير اجل

بس انتي لا تنطرين ترى النطره ممله

وكليها لربج وبتشوفين

 

[ما كو اسم]

حراااااااااااااااااام عليج انتي بنفسج عقدتي بنتج حرام عليج المال والبنون زينة الحياة الدنيا ليش تحسسينها ان الزواج امز ضروري وان الحياة متوقفة علية ليش ياختى لاحقة على الشقى والكرف ومجابل الريال ومشاكل اهلة غيرج عايش بروحة ميت على حس البنات والعيال في البيت وانتي عندج مو راضية تحملينها نصيحة لوجة اللله حسسيها انج تحبينها وان الزواج قسمة ونصيب واللي ماتزوج مو معناتها ان فيها شي بالعكس يمكن الله يحبج ويمتحنج ويشوف صبرج ياختى هذي بنتج فكري بالموضوع تكفيين دلعيها ونسيها وطلعيها قد ماتستطيعين وصدقيني وتذكري كلامي بعدين لاجاها نصيبها وتزوجت وقعدتي تبجين من فراقها وبتحملين همها خاف مو مستانسة ولا حزينة والله اعرف وحدة من كثر ماتحب بنتها تدعي لها انها ماتزوج عشان ماتفارقها والبنت مستانسة لانها زرعت بفكرها الزواج بياخذج مني موزرعت فيها انج اذا ماتزوجتي يعني فيج بلا تقبلي مرووري ونصيحتي

ونعم الراي والكلام :hjy5jewf:

 

[ما كو اسم]

با ناس عقدتوا بناتكم صار ام 15 سنه كل همها اشلون تتزوج يا ربي شنو هالثقافة كبروا عقولكم صج دول عالم ثالث

 

[البطريقة البردانة]

الله يوفقج و يوفق بنتك .. لا تحاتين ربج كريم و ما بعد الهم إلا الفرج .. بس إنتي ديري بالج على نفسج و صحتج و صدقيني كل شي يصير مثل ما تبين ..

 

[البطريقة البردانة]

با ناس عقدتوا بناتكم صار ام 15 سنه كل همها اشلون تتزوج يا ربي شنو هالثقافة كبروا عقولكم صج دول عالم ثالث

ههههههههههههههههه ...


شوفي كل واحد و تفكيره و عاداته ...مثلا بالنسبة لي أهم شي الشهادة بعدها الزواج ..لإن أنا تزوجت أيام الدراسة و شنو النتيجة ؟؟؟؟؟؟؟؟؟؟؟؟؟؟؟؟؟؟؟؟؟


شقول بس... مشاكل ما تنتهي

للحين مو عارفه اتخصص او اتخرج من كلية لكلية ..

 

[منيرة خالد]

خلي بنتج تعيش حياتها ولا تحاتين العرس هذا قسمه ونصيب من رب العالمين

 

[الملاكـَ]

الله يخليج لبناتج ويخليهم لج
حياتي لاتضايقين عمرج ولا تبجين

الله كريم ان شالله

واحسني الظن بالله

ولا تقنطين من رحمته

وبعدين خلي بنتج تقرا البقره كل يوم ويستحسن مع صلاة الفجر
بنية الزواج
واتكثر من الاستغفار
والصدقات
وحياتي لاتبجين عشان ماتضايقين البنت معاج

وان شالله بحق محمد وال محمد
يرزق بنتج النصيب الزين اللي يسترها ويداريها

 

[ما كو اسم]

اقولج شي
النصيب اللي ربي كاتبه بيصيبج

لو وين مارحتي يوصل

بس ترا بنتج تعبانه منج انتي !

صدقيييييييييييييني تحس من تصرفاتج..

انا هالشي صعب اقوله ..بس ترا ماكان يهمني الزواج والله لاني ادرس الحمدالله
لكن مييييييييييييته واتزوج باقرب وقت عشان شي واحد بس
عشان امي تبطل تحس هالاحساس السخيف اللي انتي حاسته ..
يعني انا وحددددددددده اموت بالعروس غرامي شي اسمه اكشخ واترزز بالعروس وارقص احب جذي
مو مهم انخطب او شي بس اهم شي اني عجبت احد او انمدحت هههههههههه
واهم شي بالمرتبه الاولى اني استانس ..
لكن لما اشوف امي كل ماالبس وبروح حق عرس توافق وتركض معاي وتسوي المستحيل عشان البس احسن لبس
اتضااااااااااااااااااااايق حيل اقول ياربي انا توني 20 واهم شايلين هم يحسسوني اني 30 والله !!
احس 30 لو ابدي حاتي بس هم مانقطع الامل
لكن 20 بسم الله توني كبرت @@
من اهني بديت اكتئب وبديت اتضايق وبديت لاليلي ليل ولانهاري نهار
كل يووووووم عالغدا وعالعشا تدعي اتزوج او تدعي عندي عيال او تتحسر ليش ماتزوجت
علاااااااااااامج يماااااااااااااااااااااااااااااا...رفيجاتي ليلحين محد تزوج
والله يننتني حسستني اني عانس
ومره اللي انفجرت صج ..توني راده من عرس حددددددددي مستانسه ..جان امي تقول الله يفرج همج !!! صدمتني صدمة عمري ..شهمه يمه ؟
تقول ان شالله تتزوجين :'(
والا تدش كويتيات وتكتبلي من هالادعيه ههههههههههههههههههه وتقولي هاج اقري وادعي لنفسج
واااااااااااي امي فلللللللللللللللللللللم ..هذا لاني بجرها
المهم زبدة الحجي هذا كله .. ان ترا الكآبه اللي بنتج فيها انتي الي صنعتيها هذا اللي حبيت اقوله
وبعدين حتى لو ماتزوجت مفروض تحسسينها ان لو شنو ماصار تبقين غاليه عندي ومنتي رخيصه ماارخص فيج عشان زواج
وبينيلها ان حتى لو ماتزوجت اهي موجوده عندكم معززه مكرمه ..بليز لاتسوون جذي فبناتكم
انا وايد بجيت وحسيت اني سيلانيه بسبت تصرفات امي
مع ان والله الكل يتمناني مو ناقصني شي بس احساس امي يعدم ثقتي بنفسي
...ضيقتي خلقي ذكرتيني بالذي مضى

الله يكملج بعقلج هذا وانت عمرج 20 هذا تفكيرج باسم الله عليج بس انا استانج على التفكير الايجابي الصحيح الواقعي وانت حتى ما كتبلج نصيب راح تكونين ناجحه بكل المقاييس.

حطي في بالج اذا الله مو كاتب لج الزواج ما راح تتزوجين خلاص عيشوا حياتكم يا ناس شنو هالعيشه محاتاة طول العمر وتوتر