بنتى والعرس

[زوارة اثنين]

رد : رد: بنتى والعرس

حبيبتى ذكرى الله واستغفرى وترا كل شي نصيب واكيد بييلها نصيبها وانشالله قريب

والله ذاكرتة ومستغفرة وعلى طول اقر ة قران واذكار وادعية ياربى مب متحمل قلبى شسوى المشكلة كل بنات عائلتنا انخطبو كلهم الله يوفقهم
الله يلعن الاعراف والتقاليد والمجتمع الى نظرتة للبنت جذى ناااار فى قلبى يمكن لانى جالسة انتظر وياكرة الانتظار ياليت ماجلست جم هالحرمة
ياااارب تبرد قلبى

 

[زوارة اثنين]

رد : رد: بنتى والعرس

ياحياتي حاااسه فيج ياقلبي ماله داااعي تسوين بنفسج جذيه حرام ..؟؟؟

بعدين بنتج جم عمرها ..؟؟؟

وان شالله يجي نصيبها بس انتي اخذيها معاك كل عرس وكشخيها وزينيها وقولي لكم مره تمونين عليها تذكرها عند حريم

وبجذيه ان شالله باذن الله يجي النصيب .. لاتحاتين وكثري من الاستغفااار وادعيلها ولاتستعجلين اى وااحد يطق الباب

زوجتيها اسالي عنه بالاول عشان ماترجعلج بعدين لاسمح الله !!

هاذي نصيحتي لج والله يوفقها ويرزقها يارب

مشكورة ياعمرى بس اهو خل يجى وحتى لو يقولون الناس انخطبت ابرد قلب من نظراتهم لى ولها
انا اتامل وربج كريم اليلة الخامسة انشاء الله بكرة او اليلة تدق
ياااااااااااااااااااااااارب برد قلبى يارب سهل امرى يااااارب
احس انى مغبونى منقهر تعبت من الانتظار

 

[حسآويه]

رد : بنتى والعرس

الله يعرسها بس كم عمرها

 

[زوارة اثنين]

رد : بنتى والعرس

أستغفري ربج كل شي قسمه ونصيب وياما بنات انطرو ووصلت اعمارهم 30 وتزوجوا وخلفوا وربج مايهمل احد وكل واحد ينولد ورزقه معاه وانتي الله يهداج لاتحنين جذيه بتعقدين البنت

والله مستغفرة والمسباح فى ايدى على طول
شسوى غصبن عنى تونى اكتشف ان ماعندى شى اقدر اسوي لها ولا اقدر احل شى ولا اقدر ولا اقدر ولا اقدر
بس غبنة وغصة على بنتى ياليت اقدر اشترى بفلوس ياليت ياليت بس استغفر الله مافى فايدة

 

[حسآويه]

رد : بنتى والعرس

وييي الله يهديج مكبره الموضوع و ماخذته بحساااسيه

هونيها وتهوون الله مايسوي الا العدل

 

[[[ عيون جابر ]]]

واي لاتعقدين البنت خلاص نصيبها بييها ومو معناته انها ماتزوجت يعني خلاص خلصت الدنيا لاتحطين هالموضوع براسها بعد مو بيدها والله عورتي قلبي

 

[G!RLooNa]

مادري ليش احس بنتج ماعدت ال 21 و كل هذا تضهول

يبا عادي الحين يصكون ال30 يالله يتزوجون و الزواج قسمه ونصيب مو يعني بنات العايله كلهم تزوجو على 18 سنه وبنتي كملت 21 صارت عانس !!

والله نعرف ناس جذي

كلهم يزوجون بناتهم اول ما يتخرجون من الثنويه على 18 سنه متزوجين وحده من البنات عمرها 20 و لي الحين ما انخطبت تعالي سمعي تعليقاتهم عالبنت انتي عانس و عنستي مو بس جدامها لا حتى بينهم وبين بعض اي يالله يارب انشالله انشالله فلانه تتزوج يعني يقولونها مثل بحاله يأس انه خلاص هذي راحت عليها !! والبنت توها 20 سنه وتدرس بالجامعه و شحلاتها طول وجسم بس ليش التعقيد ليش تعقدون البنت

وانا مادري ليش حاسه انه بنتج جذي توها صغيره والنصيب يايها انشالله بس لا تستموتون عالعرس متى ما الله كتب نصيبها بييها و انا مالومج ادري امها وخايفه عليها وتبين بنتج تتزوج وتعيل بس مو جذي عاد مو لهدرجه

 

[Petite]

حبيبتي صدقيني الخيره في ما اختاره الله

ويمكن ما يا النصيب الصالح لها للحين

لا تحسسين البنت بهالاحساس

فيه بنات اعرفهم والله صار عمرهم 30 سنه تزوجو
وخذو نصيب أحسن ألف مره من اللي تزوجو عمرهم 19 و20
والكل يحسدهم والله شاهد على كلامي

 

[يازمان العجايب]

كل شي قسمه نصيب

 

[summer's day]

رد : بنتى والعرس

لن يصيبكم الا ما كتب الله لكم
الله يرزقها ان شاءالله

 

[دلوعة أبوهآ]

كل شي قسمه ونصيب ..
ادعي لها .. ومافي شي يستاهل لهذا كله ..

 

[DốǾốDї]

جم عمرها بنتج ؟؟

وبعدين ترا موضوع الزواج عادي ليش ماخذينه شي مهمممممم واساااسي
ولا بنت ما تعيش وتنظرون لها بنظره انها تكسر الخاطر ومالها حظ
يعني بتقنعيني كل الي متزوجين مستانسين بحياتهم لا تعقدين البنت اكثر
حسسيها انه شي عاااادي اذا ما تزوجتي قوليلها اصلا انتي قاعده عند امج معززه ومكرمه وندلعج بعد شتبيين بالريل
قوليلها تعيش حياتها عاديه لين ايي نصيبها
وانتي كل يوم ادعلي لها بس لا تأيسين

 

[CUTE ENGINEER]

حبيبتي جم عمرها بنتج ؟؟؟

حتى لو عمرها فوق الثلاثين ماله داعي كل هالحزن واليأس

الزواج قسمة ونصيب ورزق من رب العالمين يجيها بوقت معلوم وقدر معلوم

لا تحطين هالأفكار في بال البنت وتعيشينها بهالكآبة عشان الزواج

خليها تعيش حياتها تدرس تشتغل ومتى ما ربج يقسم لها بتتزوج

لاتعيشين روحج اسيرة فكرة الزواج وتعيشن بنتج معاج أسيرة هالفكرة تعوذي من ابليس

وادعي وتفائلي بالخير وبس لا تنطرين المرة تتصل ولا لأ واذا ما اتصلت خير ياطير

ماتدرين يمكن الله سبحانه وتعالى ردهم عن بنتج لأنهم موزينين والله كاتب لها الأحسن

تعوذي من ابليس وحقري التلفون وصلي لج ركعتين وقومي قعدي مع بناتج واستانسي ومردهم بيييهم نصيبهم

 

[وضح النقى]

رد : بنتى والعرس

كم عمر بنتج ؟؟؟

 

[shmoo5 2ntha]

رد : بنتى والعرس

ميخالف حبيبتي كل شي نصيب

خل تقرى سورة البقره كل يووم وتستغفر وايد وتتقرب من ربها

والله يرزقها ويرزق خواتها وكل من تبي الستر

 

[Lemon Juice]

الله يهديج بس هذا حجي تقولينه ؟!

ليش مأزمة الموضوع ومضيقة خلق البنت معاج .. كلش ما له داعي اللي قاعده تسوينه بنفسج

يا اختي يا حبيبتي انتي جذي قاعده تعترضين عاللي كاتبة رب العالمين .. أستغفر الله

بناتج عندج قولي الحمد لله هذي نعمة , انتي شايفة الزواج الحين .. كل يومين نسمع فلانة انفصلت

ماني ضد الزواج لكن قولي الحمد لله بناتج عندج معززين

ربج خاش لهم أحسن نصيب إن شاء الله

عيشي حياتج طبيعي ولا تحسسينهم انهم أقل من غيرهم .. وهذا الصج مو أقل من باجي البنات

الحمد لله رب العالمين كل شي عالكتبة

 

[الجفول&]

رد : رد: بنتى والعرس

الله يهديج بس هذا حجي تقولينه ؟!

ليش مأزمة الموضوع ومضيقة خلق البنت معاج .. كلش ما له داعي اللي قاعده تسوينه بنفسج

يا اختي يا حبيبتي انتي جذي قاعده تعترضين عاللي كاتبة رب العالمين .. أستغفر الله

بناتج عندج قولي الحمد لله هذي نعمة , انتي شايفة الزواج الحين .. كل يومين نسمع فلانة انفصلت

ماني ضد الزواج لكن قولي الحمد لله بناتج عندج معززين

ربج خاش لهم أحسن نصيب إن شاء الله

عيشي حياتج طبيعي ولا تحسسينهم انهم أقل من غيرهم .. وهذا الصج مو أقل من باجي البنات

الحمد لله رب العالمين كل شي عالكتبة

انا معاها جذي توترين البنت حطيتي الفكره براسها ولعبتي بحسبتها اذا انت امها تقولين جذي اجل هي المسكينه شتقول

 

[Miss Cherry]

الله يهداج بس شنو هالكلام .. زعلانه وتحسين بغصه وماتاكلين ولا تنامين عشان بنتج ما تزوجت هذا نصيب متى مالله كتب لها العرس بيجيها نصيبها

لا تضغطين على البنت ولا على نفسج .. وانسي موضوع الزواج مابيدكم شي بعد شتسوين بس خلي ثقتج بربج كبيرة والله يرزقها ويرزق كل بنت بزوج صالح .. وماتدرين يمكن خيره لها قاعده عندج معززه مكرمه ولا تاخذ لها واحد سكير ولا اخلاقه زفت يعاملها معامله قشره

وترا مو مقياس انه البنت ماتزوجت يعني مو زينه والله اني اعرف بنت ملكه جمال واخلاق شقول وشخلي .. ولا تقربلي عل ى فكرة بس معاي بالدوام جمال مو طبيعي وكشخه وبنت اصل وفصل الحين عمرها 31 ليما الحين ما تزوجت .. وماعليج من الناس اللي يتكلمون هذول ما يستحون على وجيهم شنو بنت وماجاه نصيبها ليش يحسسونها بالنقص انا اعرف هالنوعية تقعد جدامج وييي فلانه شحلوج تهبلين معقوله ليما الحين ما تزوجتي ليش وشحقه شنو يعني ماجوج خواطيب .. ناس ملاقيف مادري شقول صراحه قلة ادب ويدخلون بخصوصيات الناس

 

[vooom]

حبيبتي خلي بنتج تقرا سوره البقره 40 يوم وانشالله تفرج
وعندج سوره يس والصافات وابد زينه
والله يرزقها ويرزق خواتي الرجل ويرزق البنات كلهم امين يارب العالمين

 

[كشختي ماركه]

رد : بنتى والعرس

ماله داعي كل هالحزن والقهر
ان شا الله بيتقدم لها ولد حلال
وادعي لها بصلاواتج