بنات والله قلبي قام يعورني نفسيتي حيل تعبانه :eh_s(2):
القصه ومافيها ان حيل تندمت لما كانو اهلي وانا كنت طالبه يحنون على امي وابوي متى تزوجون بناتكم وامي وابوي يقولون لهم لا يبون ياخذون شهادتهم بعدين يتزوجون
وكاني تخرجت الحين وصرت موظفه ومحد تقدم لي ولا احد درا عني وادري كل شي قسمه ونصيب بس شفتو اشلون الدراسه والشهاده ما يابت لي شي كل اللي بعمري تزوجو وصار عندهم عيال ووظيفه
واختي اللي اصغر مني تقدمو لها ثلاثه بس اهي ما تبي واهلي مصرين الا يزوجونها بس اهي كل مره ترفض ماتبي تتزوج خير شر
على اساس انها مو قد المسؤوليه وامي وابوي متحسفين على اللي يتقدمون لها
لان على قولتهم ناس زينين وما راح تحصل منهم
وقامو ياخذونها على كتر ويقولون لها عن الناس اللي تتصل وتخطب عشان ما اسمع
والحين و انا قاعده اكتب وميته من البجي غرفتي لاصقه بغرفه امي واختي غرفتها بعيده وقاعده تنادي امي على اختي تعالي وتقول لها على الناس اللي اتصلو عشان تخطب اختي بصوت عالي
وان اهي للحين ما عطتهم رد عشان تشوف راي اختي واختي تقول لها يمه ما ابي اتزوج انا مو قد المسؤوليه ومافي ريال زين الحين ،،،
وانا الحين خلاص احس نفسي طافني القطار لان الحين الشباب قامو يتزوجون على اعمار 23 سنه والبنت تكون 18 سنه 20 سنه اكثر شي
وانا الحين 24 سنه يعني من قلب خلاص ماكو امل واهلي يسكتون فيني يمكن ايي لج دكتور مهندس يعني شي نفس شهادتي بس عشان يطيبون خاطري
وانا ادري محد يبيني تعبت نفسيا والله يابنات تعبت يعني هالدكتور والمهندس اللي قالو عنه ما يه لما كنت صغيره بييني وانا كبيره
تخيلو بنات امي تقول لي ليش ما تغازلين !!!!
ليش لانها حست ان خلاص ماكو فايده فيني
وايد امي تكلم نفسها وتقول مسكينه وترددها باستمرار ولما اقول لها يمه اشفيج وايد ترددين هالكلمه منو المسكينه تتوهق وتقول كلنا مساكين انتي مسكينه انا مسكينه وكل مره تذكرني بالبدايه
امي خايفه علي يطوفني القطار وان محد بيدوم حق احد ادري
بس انا ابي اتزوج ابي يصير عندي عيال ابي يصير عندي بيت واسره بس الشكوى لله شسوي
تعبت ابي افضفض عن اللي بداخلي محد حاس فيني
اكثر شي معور قلبي لما امي تاخذ اختي الصغيره على كتر وتكلمها بهالخصوص وعلى بالها انا ما ادري شنو الموضوع غير جذي اي احد من صديقات امي تقول لها في واحد من عايله زينه خوش ناس ...الخ وامي ترد وتقول لا ابوهم ما يبي الا من عايله معينه!!! ما ادري اشمعني انا عايله معينه واختي اي واحد عادي!!!
ادري افكاري مو مرتبه بس والله قاعده اكتب وانا قاعده ابجي بجي
ألوووووووو !!
السلام عليكم
حبيبتي بسألج سؤال واحد :
( انتي مينونه ؟؟؟ و الا تستهبلين ؟؟
لا لا لا صج صج .. انتي وين عايشه بأي كوكب حبوبه ؟؟؟
و الا اقول لج .. خليني اغير السؤال : انتي بأي قرن عايشه ؟
في العصر الحجري
و الا بالقرون الوسطى ؟
و الا بعصر الجواري اللي يبيعون و يشترون فيهم و لازم ما تتعدى الجاريه عمر الــ 18 ؟؟ )
شيء يقهر لما وحده مثلج معاها شهادة ووظيفه و عقلها للحين على حاله !
حبوبه ~
اصحي
اصصصصصصصصصصصصحي !!
البنات الحين يدشون الثلاثين و يتزوجون احسن الرياييل ,, قااعده 1000000 %
من صجج ؟؟؟
اللي يبي ام 18 و عشرين , هذا واحد من الاثنين :
يا اما ياهل , بزر ,, و البزر عدي عليه سنتين و تزوغ عينه على غيرج , لأنه بعمر شهوه و رغبه
وما راح تكفيه وحده .
او انه كبر يدي بعمر الثلاثين و يبي ام 18 , تدرين ليش ؟ انا اقول لج :
( هالنوع تلاقينه خاير الدنيا و ما فيها ,, و عنده اعتقاد ان البنت كلما صغرت كلما ضمن انها ما تعرف احد ,
لأن هو سمعته زفت , و راعي حريم , يتراواله ان اللي اكبر شوي خايره الدنيا مثله !!
او تلاقينه يفكر بالمرأة كجسم فقط !!!
و هو نفسه اللي اذا صار عمر زوجته ثلاثين سنه بس قال لها يالعيوز و قام يعايرها , وهذا من البداية
ما عليه حسايف .. خل يولي :ggdw: )
تبين اي واحد فيهم حبيبتي ؟؟؟ البزر الياهل ؟ و الا ابوالحريم و السوالف ؟؟؟؟
حبوبه !!! اصحي !!!
شنو طاف القطار مادري شنو
حبيبتي اليوم روحي دارج , و طالعي رقبتج بالمنظره , فيه باراكود و تاريخ صلاحيه و الا لا ؟؟؟؟
اذا فيه تاريخ انتهاء الصلاحيه ,, خلاص انتي راحت عليج !
استغفر الله يا ربي !!
و بعدين امج ليش تقول لج غازلي ؟؟
مو حرام المغازل ؟
و الله خوش قاعده ( اعصي الله عشان يعطيج و يرزقج ! ) بالله وين صارت ؟
و عبالج اللي يغازلون يتزوجون ؟؟؟
وحده من الاثنين :
يا اما يتسلى فيها , و بالاخير يتزوج و يحذفها طااف و شوفي قصص البنات بالمنتدى : راح و تزوج
و يدلع العروس اليديده , و هي تتبجبج بالمنتدى وتفتح له مواضيع الحب و الغرام !!!
والا يتزوجها و يشك فيها و يلوع جبدها , و آخر شيء يتطلقون
او : يتزوجها , و يستمر معاها , و اللي يتزوج عن مغازل و مكالمات و طلعات هذا لا دين قوي و لا اخلاق
و احتمال كبير انه ما يصلي , و اللي ما يصلي حرام عليه يقرب الزوجه ~
هاه اشقلتي ؟ تبين اي واحد فيهم ؟
البزر الياهل ؟
و الا ابو الحريم ؟
و الا اللي يتسلى فيج ؟
و الا اللي يشك فيج و تاليها يطلقج ؟
و الا آخر واحد اللي ما يحل له انه يقرب لج اصلا ؟؟؟
~
قــــــــــــــــــــــآعده : رزقج عند ربج :rerrerek::rerrerek::rerrerek:
محفوووووووظ محفووووووووظ ان شاء الله ,,
و يابنتن قعدت ( تأخرت شوي بالزواج ) , خير الرجاجيل خذت :rerrerek:
و انتي ست البنات لو صك عمرج 40 سنه :eh_s(15):
و اللي مو عاجبه ينطح الطوفه :ggdw:
و اللي ما يبيج لا تبينه ,
و سلمي لي على امج قولي لها تقول لج هب العطر ( يقول الله تعالى : و ما في دابه في الارض الا على الله رزقها )
