بنات والله قاعدةة ابجي بجي محد حاس فيني والله تعبت من الهموم والتفكير

[كويتيه=)]

معاكم حق بنات اهلي اهم اللي سيطرو علي وخلوني افكر بهالمسأله بس ودي اصير ام والله وسالفه اللي تقولون الحين كل اللي يتزوجون على 24 وفوق ما اشوف هالشي ينطبق على عايلتنا وما ابالغ ان قلت اخر وحده تزوجت من العايله واهيا اكبر وحده لحد الحين عمرها 22 سنه

 

[Tom ♥ Jerry]

,


هلا يا قلبي .!

هونيها و تهون انا آعرف بنات ليه الراس آعمارهم من 25 ليه 30 و فوق
مومتزوجين الي اييلهم نصيب بس مآيصير
و في بنات اعرفهم كلش مآ آييلهم نصيب .,،

معه آنهم مركز مهندسات و متعلمات و جميلات ماشالله بشهاده كل الي يشوفهم
في منهم بيض و منهم سمر و منهم شعر طويل لا اله الا الله ,،

المقصد من كلآمي .، كل شي يصير حق الآنسان قسمه و نصيب
حطي في بآلج هالشي و آمج بعد لأزم تفهم هالكلآم ,،
مآكو آم تقول حق بنتهآ غآزلي :| كلمه تجرح ! و انا متأكده
انه هالكلمه اهيه آكثر شي قهرتج بالموضوع :eh_s(2): ,،

حاسه فيييج و حآطه نفسي مكآنج ,،
قعدي ويا آمج و فهميها آنه الزوآج ترا مو كل شي بالدنيا ,،
و آنه نصيبج لو ايي مآ رآح يرده شي يا قلبي .,،

آنتي تشتغلين ,، دخلي دورة ؟!
روحي آمآكن تلهيج شوي لا تخلين الزوآج يعكر مزآجج
ترا لاحقه على الشقى .،

ليه تزوجتي و صار لج شهرين أو 3 .،
بتقولين شجآبني للظيم كنت مدلله

يبه هونيها و تهون ، والله البنات الي آعرفهم لا همهم الزوآج و لا شي .!
يبه استانسي بـ شبابج ، روحي و تعالي و ظحكي
و خلج مع رفيجآتج و آهلج استانسي ,،
ووكلي آمرج لله ، عليج بالدعاء بس !

 

[صادقة بكلمتي]

قولي لا اله الا الله

وبعدين حسستيني ان عمرج ٣٤ او ٤٤ يالغاليه عمرج ٢٤ توج صغيررررة واغلب البنات يتزوجون بعمر ٢٦ وفوق
وبعدين الوالدة غلطانه شنو تقول لج ليش ماتغازلين هذا غلط وانتي ماتدرين الايام شنو مخبيه لج
عليج بالالتزام بالصلاة والدعا باوقات الاجابه مثل بعد كل صلاة بالسجود عند سقوط المطر عمد الافطار اذا انتي صايمة الثلث الاخير بالليل بين الاذان والاقامة
وان دعيتي ادعي ربي يرزقج بالرجل الصالح اللي يقدرج مو تدعين ابيه منصب دكتور ولا مهندس لاااا تذكزي اهم شي راحة البال
والتزمي بالاستغفار والصدقة وربي يوفقج ويرزقج بالرجل الصالح عاجل غير اجل

وبعد نسيت اقولج ترا انتي محظوظة خلصتي دراستج وتوظفتي بعمر صغير

انا معاهااااااااا الله يرزقج الزوج الصالح ويرزق كل بنات المسلمين واللي الله كاتبه لج عاجلا ام اجلا حبيبتي راح تاخذينه بدنيتج لا تحاتين

 

[كويتيه=)]

بنات ابي اصير أم اشلون!!!!!!!!!!!!!!!!! وابي اشوف عيالي ابي يصير عندي بيبي

 

[أسيرة_أحزاني]

والله توج صغييييييره حرام عليج لاتسوين بنفسج جذي

 

[حلاتي بذوقي]

الصراحه انا اشوفج موكبيره بالعكس انتي صغيره
ماادري ليش امج محسستج انج ب30 او 40
انا اغلبيه البنات اللي اعرفهم تزوجوا فوق 25 عادي يعني
اصلا اللحين كل البنات يبون يكملون دراستهم
ويعتمدون على نفسهم عدل
انا اشوفج انج صغيره
ولا تضايقين عمرج

 

[راقية بذوقها]

كويتيه صج صدمتيني لا ياختي شنو فاتج القكار ومافاتج بالعكس توج صغيرة انا عمري 25 وماقلت اللي قلتيه وماياست من الله ورحمته على الاقل انتي في شي يشغلج ويشغل وقت فراغ عندج شقول انا ثلاث سنين من تخرجت من الجامعه قاعده بالبيت ومن هم لهم وكل شي ابيه ماحصله والعين محاصرتني والعين بسرعه تصيبني تدري من مات ابوي عشره شهور وربي 5 مرات انخطبت بهالعشر الشهور يعني كل شهرين انخطب غير قبل وفاه ابي من عمري 18 ياهم يرفضون يا يطلع مو زين او اهله مو زينين وانا مو ناقصني شي وربي ماعمري قلت ثقتي بربي ولا قلت انا ليش مو مثل البنات ماغير بهالبيت قاعده لا وظيفه ولا زوج ولا شي وربي بكل صلاه احمد ربي واشكره وواثقه ان بيرزقني قريب ونضرات الناس ماتهمني وربي مافكرت بالزواج بجديه الا عشان المجتمع والا الزواج مسؤليه كبيره مو وناسه بس ابيج تتفائلين وتعرفين انج صغيره ومافاتج القطار ابدا بتلحقينه قولي امين ربي يوفقج ويسعدج باحسن زوج الزوج الصالح ويارب يستر على البنات كلهم وانا معاكم عاجلا غير اجلا

 

[M!Ss Un!VerSe]

اقري هالموضوع بيفيدج ان شاء الله

http://www.q8yat.com/t773777.html

 

[ادمر قلبي]

انا عمري 26 وماتزوجت ولاحد تقدملي وعندي اختي بعد اكبر مني بسنتين وماتزوجت بس اصغر واحده عمرها 20 انخطبت وتبي تتزوج
احنا 3 بنات والله عادي شسووي اصلا انا ماابي اتزوج مااوراه الاالشقي والعذاب صج بالبدايه تضايقت بس رضيت
الله يوفقها
واغلبيتهم صااارو يطلقون اللحين واسمع كله هووواش
ترى يمكن انتي عنندج شي يسليج انا بدون وماعننندي لاوظيفه ولا شي اليوم نفس باجر وباجر نفس اللي بعده بس رااضيه الحمدالله
ولاطلعه ولاشي والبيت كله ضايق خلقه والحمدالله يعني مااكووو شي يفرح بدنيا
يعني قووولي الحمدالله يمكن خييييييرة لج والله بيعووضج

 

[! Miss.Q8 !]

24 كبيرة وفاتج القطار شدعوى !!!

انتي وايد مكبره الموضوع ومحد راح يأخذ الا نصيبه

اللي الله كاتبه لج راح يصير وبس

 

[عازميه بنت ابوي]

قطعتي قلبي ياحياتي بس غلط كلامج عمرج حلو مافيه شي بس يعتمد على معرفتج وذكر امج لج عند الناس وشي ثاني شنو وظيفتج كلميني خاص وليش ما امج تذكرج للناس ورفيجاتها الي يدورون

 

[ضاعت طموحي]

ماعليه ياقلبي هذي الدنيا الكل ونصيبه مانقدر نسوي شي اذا الله ماكتب نصيب ،،، عن نفسي اكثير تقدمولي الحمدالله بس مايصير نصيب لانه الله مو كاتب اقولج عن رفيجة اختي خواتها الي اصغر منها تزوجوا وهي ظلت بس عادي عندها سوت مشروع وتصاميم بدلات عروس وعيد وسبحان الله يوم صار عمرها ٢٩ انخطبت ورزقها ربي بواحد كبرها ومتعلم ولد ناس ماشاءلله وهي صارت احسن وحده اخذت بخواتهااا والحين عندها ولد ماشاءلله شفتي النصيب

والله يررررزقج بالزوج الصالح الي يسعدج ويعوووضج عن كل شي *

 

[عزتي مالها حد]

عسى الله يرزقنا ويرزقج ويرزق بنات المسلمين بالزوج الصالح

 

[كتكوته نورة]

الله يعينج ,, 24 سنه وللحين ما تزوجتي قويه ....

اقوول طاااف عيشي حياتج بس لاحقه عالشقا والهم ,, يعني صراحة وقتنا غريب البنت تحاتي اذا ما تزوجت خوو أهي مو ريال يقدر يخطب البنت تنطر نصيبها وليش مسكينه الحمدلله عندج شهادة غيرج مو حصلها و معاش يعني مو محتاجه لاحد ،،، ترا مو كل شي ريل ,, ادعي ربج براحة البال والعافية وخليها عالله *

 

[كويتيه cool]

إيه صح ليش امج ما تذكرهم فيج وبس تتكلم لهم عن اختج؟

 

[girl k.s.a]

شدعوه 24 كبيره
اسملا عليج توج ماطافج القطار حبيبتي لاتخلين الشيطان يوسوس في راسج رزقج بالطريق لاتفكرين واجد
عليج بالاذكار والاستغفار وربج يفرجها ان شاءلله

 

[" ام حمود "]

حرام عليج قاعده تأيسين من روحج انتي توج صغيرره انا بنت عمتي تزوجت الحين عمرهاا 29 ؟؟ شتبين بعد وماتعقدت ولا قالت شيء اهيه دايما تقول متى ما يا نصيبي راح اخذه .. وشدراج يمكن الله يبي لج الزين ليش هالكدر
وامج هم غلطانه المفروض ماتقولج جذي غلط الله يهداهاا بس
عمرج صغير بالعكس لاتكبرين روحج روحي مع رفيجاتج ضحكي سولفي ولا يهمج طاري زواج
كل شيء قسمة ونصيب حبوووووبة

 

[ام جي جي الحلوه]

حبيتي تووووووووووووووووووووووووووووج صغير تمتعي بحياتج لاخر قطره قبل ماتعرسين
لاتستعيلين على المسئوليه ولوية اليهال

 

[رحاب النعيمي]

حاولي تروحين حفلات زيادة و اعراس و جذي تعدلي بطريقه محترمه و مرتبه و انشالله الله يوفقج ,, توج صغيره على فكره يعني لي وصلي 30 بعدين حاتي شوي هههههه عادي الحياه مب كلها زواج و عيال صج انهم مهمين بس في اشياء ثانيه تستانسين عليها نفس الشغل و الاهل و الربع و غيره

 

[لياليـ]

الصراحه البنات ماقصروا وكل وحده فكرتها حلوه
اتقبلي مروري