بنات والله اكتب وانا ابجي الله يخليكم دشوا

[Galaxyaah]

بنات صارلي جم يوم فكره الموت موراضيه تروح من بالي كله اسأل الواحد الميت شنو يصير فيه واقعد اسأل وكل مااقعد مع اهلي امي تتكلم اقول بنفسي راح نموت كل شي صار اب بالي الموت شنو يعني تعبت والله تعبت حتى صلاتي انا مومقصره كنت بس الحين شديت على صلاتي قمت انطر متى يأذن واصلي على طول وكل صلاه ابجي وادعي الله يطول بعمري الله يخليكم لاتخلوني احاتي ابي احد يشيبل هالافكار من بالي احد يريحني شنو يعني يعني موتي قرب الله يخليكم والله مخنوقه قاعده ابجي وندمانه على كل شي اخاااف والله اخاف شسوي

 

[برنسيسة الشمال]

لاتخافين انا صارت لى هالحاله
يسمونها علميا اكتئاب
وبالصج انتي محتاجه رقيه شرعيه وتنفك هالازمه
طنشي وكل ماحسيتي جذي اطلعي غيري جو
والاهم اقري سورة البقره
والاهم عسى الله يشفيج ان شاء الله

 

[برنسيسة الشمال]

على فكرة الحاله تجي مع حمال او بعد ولاده
او موقف حاد والله اعلم

 

[unfaithful109]

حبـــيبتي هذا مجرد تفكــير حاولي تشغـلين نفسج دايـما وبعبدين الله وحده عالم الغيب ادعي ربج وماراح يخليج والله يكون بعونج

 

[Galaxyaah]

رد : بنات والله اكتب وانا ابجي الله يخليكم دشوا

انا فجأه صار فيني جذي توني قمت من مكتبي جان ابجي بطلت اللابتوب وكتبت انا مومتزوجه بس حييييل مخنوقه اشوف خواتي الصغار يكسرون خاطري وتيني البجيه هالفكره 24 ساعه وياي تعبت حتى نوم ماقمت انام الا بليل الساعه 9 واقوم الصبح ابي احد يحس فيني بس ماكو احد فاهمني

 

[نبض السعاده]

رد : بنات والله اكتب وانا ابجي الله يخليكم دشوا

طلعي للبحر ونسي حالج

كلنا نفكر بالموت ونضاعف عبادتنا

ربج يستحق العباده على النعم

الاستغفار شي حلو العباده

وتعوذي من الشيطان الرجيم

 

[أبله^زوزو]

الموت لن ينجو منه غني بماله ولافقير باقلاله

حبيبتي لاتاخذينها من باب الحزن والخوف اخذيها من باب الفرحه انج بتلاقين ربج

واستعدي له عشان ترتاحين نفسيا

صدقيني الحزن والخوف ايي من التقصير لكن اذا شدينا على روحنا بنتمنى لقاء الله

الله يهدينا ويهديج ويحسن خاتمتنا

 

[نبض السعاده]

رد : بنات والله اكتب وانا ابجي الله يخليكم دشوا

الاذكار الصباح والمساء

 

[غير كل الناس]

هذا وسواس من الشيطان

 

[Galaxyaah]

رد : بنات والله اكتب وانا ابجي الله يخليكم دشوا

بنات ادري وانا قاعده اشد بعبادتي بس الفكرره ابيها تروح ابي ارد نفس قبل والله نفسيتي تعبت

 

[Galaxyaah]

رد : بنات والله اكتب وانا ابجي الله يخليكم دشوا

بناااات الله يخليكم قولولي شلون اشيل التفكير صج والله تعبت

 

[توته شيطونه]

ادعي ربج وقري قران وربي يفرجها

 

[بـنــت الــنـور]

رد : بنات والله اكتب وانا ابجي الله يخليكم دشوا

عادي يالغاليه جتني نفس الحاله بالضبط أشوف أمي واقعد أبجي أشوف أخواني وخواتي وكل أقعد أبجي أقول خلاص أنا الحين بموت ألحين وأفكر بالقبر والمغاسل وشنو راح اهل يسوون بعدي ولكن ولله الحمد والمنه والفضل أشكر وأحمد الرحمن جل شانه وتقدست اسمائه وعز جاره وجل ثناءه إنه جتني هذه الحاله لان بعدها التزمت وقمت اصلي الفرض بوقتها احافظ على السنن واسوي اللي يحيه ربي وهذا من فضله سبحانه ودائما أقرا قران وأدعي إن الله يطول عمري حتى فرجها الله علي ونسيت موضوع الموت لأن عرفت إني راح اقابل الرحمن وبعدين الله سبحانه ماقال فكروا بالاخره والموت فقط واهملوا الدنيا ولكن اعملي بالدنيا من أجل الاخره وأعلمي ان الموت لا أحد يعلم وقته إلا الله سبحانه مهما حزنتي ومهما بكيتي ما راح تستفيدين شي سوى الهم الذي يفرح الشيطان إختي الغاليه أسال الله أن يفرج همك ويشرح صدرك هذه أمور غيبيه مايعلم وقتها إلا الله أنصحج أن تتوكلي على الله وتنسين هذه الأمور وتقربي من الله حتى تحسين برضا الله وحلاوة الإيمان وقولي في نفسج هذا شي مايعرفه إلا الله ليش أنا أفكر فيه وادعي الله ان يحسن خاتمتج لان هذه الوساوس قد تكون من الشيطان ليحزنك افرحي مع اخوانج وأمج وأبوج وأهلج واعملي مايحب الله وابتعدي عن المعاصي واجعلي هذا الامر لله ....
اسمحيلي عالإطاله

 

[noorq8]

بسم الله الرحمن الرحيم عليج ,حبيبتي تعوذي من ابليس وماكو الا العافيه لي جاتج هالوساوس استغفري واستغفري واستغفري واقري سورة يسن لأن الرسول عليه الصلاة والسلام يقول يسن لما قرأت له ,اقرئيها بهدف طلب السكينه من رب العالمين وماعليج الا العافيه باذن الله.

 

[بنت.المطيري]

جتني حاله شبيهه بس كنت مبتسمه وادري ان ربي بيكتبلي الخير ان شالله

حلو الواحد يوفي ديونه ..ويرضي الناس ويشد بطاعاته هذا الشي الحلو لما تجي الواحد هالحاله

فرصه انج تبدين صفحة يديده ..وان شالله كل دمعة نزلت تكفير ذنوب يارب

بس صاجه محد يتمنى الموت شي يخرع كثري من الدعاء هذا اللي اقدر اقوله

اقري سورة المؤمنين والرحمن ..وتالسور اللي فيها تبشير ان شالله تهدى نفسج

بالعكس لازم الانسان بين فترة والثانية يصحى على نفسه ويراجع حساباته

انتي بنعمه ياقلبي ..
والواحد افضل له يدعي

اللهم احييني مادامت الحياة خيرا لي وامتني ان كان الممات خيرا لي

الله يطول عمرج عالصحه وااالعافيه والصلاح ورضا الرحمن

 

[بنت.المطيري]

رد: رد : بنات والله اكتب وانا ابجي الله يخليكم دشوا

بناااات الله يخليكم قولولي شلون اشيل التفكير صج والله تعبت

قاعده احاول افيدج قد مااقدر بس موعارفه

بس مادري الحل مثل ماقلتلج الرضا بقسمة الله وتوكيل امرج لرب العالمين والايمان ان ربي ارحم الراحمين

فلاتخافين

وان شالله دامج مأديه فروضج وطايعه والدينج خلاص لاتخافين .. ريحي ضميرج شوي

لاتحملين نفسج فوق طاقتها ...

ثقي بربج انه رحمن رحيم وبيغفرلج ان شالله وتذكري قوله سبحانه

"انا عند ظن عبدي بي " <؛؛ناسيه الحديث

 

[FeShinGoOo]

رد : بنات والله اكتب وانا ابجي الله يخليكم دشوا

لا حبيبتي ان شاء الله لا موتج قرب ولا شي
بس الظاهر وايد قاريه عن الموت او سامعه او شايفه حالة وفاة بالفتره الاخيره ..
بالعكس شي طيب ان الانسان يفكر بالموت .. لان التفكير بالموت يخلي الانسان يزهد من الدنيا ويفكر لاخرته ويعمل لها ..
انا مريت بنفس الحاله .. وكاني جدامج لامت ولاشي ..
كنت افكر 24 ساعه بالموت شلون شكلي عالمغيسل واشلون بيلفوني وشلون بيكون ويهي وشلون بينزلوني بالحفره ومنو بينزلني بالقبر ..
وشنو بيسوي لما ايونلي منكر ونكير .. واشلون القبر ظلمه انا اخاف من الظلمه ..
كنت يانه من هالافكار وبالعكس تدرين التزمت اكثر وصرت اخاف على صلاتي اكثر واصلي نوافل واسوي المستحبات قبل كنت اسوي بس مو مثل الحين احس وايد هالتفكير اثر فيني وخلاني اتجه صوب الطريج الصح لاتخافين يمكن هاذي رحمه من ربج منزلها عليج هالفتره عشان تعدلين بعض السلوكيات او بعض الافعال اللي الله مو راضي فيها

 

[*peace*]

حبيبتي ذكري ربج

وحصني نفسج

ارقي نفسج

 

[زاد الحياة]

اختي هذا يسمونه وسواس
وتذكري كم لك تجيك هالافكار ومامتي الى الآن بعيد الشر عنك لأن هذه كلها وساوس
انا الافكار هذه تجيني لمل اكون قريبه من ربي كتير لان الشيطان يحاول يشغلك بهذا الموضوع اكثر من اي شئ
عموما استغفري وتعوذي من الشيطان دائما والله يكون في عونك يارب

 

[HUDA2010]

رد : بنات والله اكتب وانا ابجي الله يخليكم دشوا

قولي بس يارب نموت وربي راضى عنا
الله يحسن خواتيمنا جميعاً يارب