بنات والله اكتب وانا ابجي الله يخليكم دشوا

[حراااير]

رد : بنات والله اكتب وانا ابجي الله يخليكم دشوا

ياحياتي والله العظيم نفس الحاله هذي جتني ودرجه احس بدقات قلبي سريعه ومرات احس انه قلبي بيطلع من مكانه _شوفي انا قريت عند مطوع وقاريت على نفسي بالايات الشرعيه وكنت اقرى الرقيه الشرعيه تقريبا لمده اسبوعين والحمدالله راحت عني وانا بالنسبه لي اعتبرها سن الياس وكنت احسب العمر راح مع اني توي صقيره 32 سنه _بس لاتحاتين راح تروح منك والله باذن الله وماتشوفين شر ياقلبي وردي علي شنو صار معج وشنو تحسين فيه

 

[نورا الحلوة]

رد : بنات والله اكتب وانا ابجي الله يخليكم دشوا

الاذكار الصباح والمساء

 

[rain.drops]

اكثري من الاستغفار

اعمل لدنياك كأنك تعيش ابدا واعمل للآخرتك كأنك تموت غدا

 

[Galaxyaah]

رد : بنات والله اكتب وانا ابجي الله يخليكم دشوا

عادي يالغاليه جتني نفس الحاله بالضبط أشوف أمي واقعد أبجي أشوف أخواني وخواتي وكل أقعد أبجي أقول خلاص أنا الحين بموت ألحين وأفكر بالقبر والمغاسل وشنو راح اهل يسوون بعدي ولكن ولله الحمد والمنه والفضل أشكر وأحمد الرحمن جل شانه وتقدست اسمائه وعز جاره وجل ثناءه إنه جتني هذه الحاله لان بعدها التزمت وقمت اصلي الفرض بوقتها احافظ على السنن واسوي اللي يحيه ربي وهذا من فضله سبحانه ودائما أقرا قران وأدعي إن الله يطول عمري حتى فرجها الله علي ونسيت موضوع الموت لأن عرفت إني راح اقابل الرحمن وبعدين الله سبحانه ماقال فكروا بالاخره والموت فقط واهملوا الدنيا ولكن اعملي بالدنيا من أجل الاخره وأعلمي ان الموت لا أحد يعلم وقته إلا الله سبحانه مهما حزنتي ومهما بكيتي ما راح تستفيدين شي سوى الهم الذي يفرح الشيطان إختي الغاليه أسال الله أن يفرج همك ويشرح صدرك هذه أمور غيبيه مايعلم وقتها إلا الله أنصحج أن تتوكلي على الله وتنسين هذه الأمور وتقربي من الله حتى تحسين برضا الله وحلاوة الإيمان وقولي في نفسج هذا شي مايعرفه إلا الله ليش أنا أفكر فيه وادعي الله ان يحسن خاتمتج لان هذه الوساوس قد تكون من الشيطان ليحزنك افرحي مع اخوانج وأمج وأبوج وأهلج واعملي مايحب الله وابتعدي عن المعاصي واجعلي هذا الامر لله ....
اسمحيلي عالإطاله

والله نفس الحاله قمت اصلي الصلاة بوقتها واذا طاف وقتها اتضااايق حيل واحس الله بيغضب علي واموت
يارب يشيل هل وسواس عني ياااارب بنات ادعولي

بسم الله الرحمن الرحيم عليج ,حبيبتي تعوذي من ابليس وماكو الا العافيه لي جاتج هالوساوس استغفري واستغفري واستغفري واقري سورة يسن لأن الرسول عليه الصلاة والسلام يقول يسن لما قرأت له ,اقرئيها بهدف طلب السكينه من رب العالمين وماعليج الا العافيه باذن الله.

اي كل يوم استغفر قبل لاانام واقرا سوره الكرسي وانشاءالله يبعد عني هالوسواس

 

[Galaxyaah]

رد : بنات والله اكتب وانا ابجي الله يخليكم دشوا

لا حبيبتي ان شاء الله لا موتج قرب ولا شي
بس الظاهر وايد قاريه عن الموت او سامعه او شايفه حالة وفاة بالفتره الاخيره ..
بالعكس شي طيب ان الانسان يفكر بالموت .. لان التفكير بالموت يخلي الانسان يزهد من الدنيا ويفكر لاخرته ويعمل لها ..
انا مريت بنفس الحاله .. وكاني جدامج لامت ولاشي ..
كنت افكر 24 ساعه بالموت شلون شكلي عالمغيسل واشلون بيلفوني وشلون بيكون ويهي وشلون بينزلوني بالحفره ومنو بينزلني بالقبر ..
وشنو بيسوي لما ايونلي منكر ونكير .. واشلون القبر ظلمه انا اخاف من الظلمه ..
كنت يانه من هالافكار وبالعكس تدرين التزمت اكثر وصرت اخاف على صلاتي اكثر واصلي نوافل واسوي المستحبات قبل كنت اسوي بس مو مثل الحين احس وايد هالتفكير اثر فيني وخلاني اتجه صوب الطريج الصح لاتخافين يمكن هاذي رحمه من ربج منزلها عليج هالفتره عشان تعدلين بعض السلوكيات او بعض الافعال اللي الله مو راضي فيها

ايييي حتى انا صرت ملتزمه اكثر وكارهه كل شي بهل دنيااا واخاف اني اموت ومااكون خاتمه القرآن

 

[Galaxyaah]

رد : رد: بنات والله اكتب وانا ابجي الله يخليكم دشوا

اختي هذا يسمونه وسواس
وتذكري كم لك تجيك هالافكار ومامتي الى الآن بعيد الشر عنك لأن هذه كلها وساوس
انا الافكار هذه تجيني لمل اكون قريبه من ربي كتير لان الشيطان يحاول يشغلك بهذا الموضوع اكثر من اي شئ
عموما استغفري وتعوذي من الشيطان دائما والله يكون في عونك يارب

انا قبل كنت مهمله صلاتي واخاف الحين ربي مايغفرلي والله كل صلاه ابجي من قلب وادعي واقول يارب سامحني على كل مره ماكنت اصلي وكنت بعيده عنك وابجي وصج تبت توبه نصوحه اني مااسمع والحمدالله ابتعدت عن الاغاني وبصوم الي علي وبصوم كل شوال

 

[Galaxyaah]

رد : بنات والله اكتب وانا ابجي الله يخليكم دشوا

قولي بس يارب نموت وربي راضى عنا
الله يحسن خواتيمنا جميعاً يارب

انشاءالله يارب

 

[أحلآهم وأتحداهم]

رد : بنات والله اكتب وانا ابجي الله يخليكم دشوا

استغفري ربج

كـلـنـا بنموت

تذكري دايمــاً

"وما تدري نفس ماذا تكسب غدا وما تدري نفس باي ارض تموت ان اللّه عليم خبير " صدق الله العظيم

يعني بصراحة كلنا نخاف من الموت لكن معــقــولة نظل طول عمرنا نحاتي!!!

عشان ترتاحين نفسياً تقربي لله و توبي

و حطي فبالج ان حتى لو متي بعد عمرطويل راح يكون قبرج روضة من رياض الجنة لأن انتي كنتي مسوية اعمال خير

و عسى الله يريح بالج

 

[كويتية خجولة]

هذا وسواس من الشيطان
كثرى من الاستغفار.

 

[Galaxyaah]

رد : بنات والله اكتب وانا ابجي الله يخليكم دشوا

ياحياتي والله العظيم نفس الحاله هذي جتني ودرجه احس بدقات قلبي سريعه ومرات احس انه قلبي بيطلع من مكانه _شوفي انا قريت عند مطوع وقاريت على نفسي بالايات الشرعيه وكنت اقرى الرقيه الشرعيه تقريبا لمده اسبوعين والحمدالله راحت عني وانا بالنسبه لي اعتبرها سن الياس وكنت احسب العمر راح مع اني توي صقيره 32 سنه _بس لاتحاتين راح تروح منك والله باذن الله وماتشوفين شر ياقلبي وردي علي شنو صار معج وشنو تحسين فيه

انشاءالله حبيبتي ببلغكم شنو يصير بس انا الحين خف التفيكير عني بس تيني الحاله لما اقعد بروحي صرت ادق على رفيجتي عشان انسى للعلم انا كله بغرفتي واقفل الباب علي ومااقعد مع اهلي وايد بس الحين كله بالصاله واخاف لما انام اقفل باب داري وانشاءالله ابي اتوب توبه نصوحه عن كل شي بس بنات اذا تبت توبه نصوحه اني مااترك الصلاه الصلوات الي ماصليتها ماتتحاسب علي بعد التوبه ؟؟

استغفري ربج

كـلـنـا بنموت

تذكري دايمــاً

"وما تدري نفس ماذا تكسب غدا وما تدري نفس باي ارض تموت ان اللّه عليم خبير " صدق الله العظيم

يعني بصراحة كلنا نخاف من الموت لكن معــقــولة نظل طول عمرنا نحاتي!!!

عشان ترتاحين نفسياً تقربي لله و توبي

و حطي فبالج ان حتى لو متي بعد عمرطويل راح يكون قبرج روضة من رياض الجنة لأن انتي كنتي مسوية اعمال خير

و عسى الله يريح بالج

انشاءالله الله يسمع منج

هذا وسواس من الشيطان
كثرى من الاستغفار.

اي والله قبل لاانام كل يوم استغفر

 

[شوارفسكيه :$]

بالدعاء والاستغفار

 

[نواااال]

مافي احد مايخاف من الموت لانه شي مجهول بنسبه لنا يمكن نموت بعد ساعه بعد سنه بعد 20 سنه محد يعلم غير الله سبحانه
ومني لين يجي هالوقت لاتعبين نفسج وتفكرين وتحاتين سوي الفروض الي عليج وحاولي علي قد ماتقدرين تسوين شغلات تقربج من الله
اكفلي يتيم تصدقي حجي واتركي الباقي علي الله وادعي دائما الله الرحمه وربنا كريم سبحانه رحمته وسعت كل شي