بنات صج اللي قاعد يصير ......... يخربون البيوت ويشهرون بالناس...........

[القراءن ربيع قلبى]

الله يكافييج شرهم امين لا تخافين اختى وطمنى بالج ماكو لا العافة وهذا واحد فاضى ما عندة سالفة ولان هذى شغلتهم باساس
ابتزاز الناس والضحك عليهم ............
ومثل مقالو الخوات ..............

يا الغاليه هذا يبي يبتزززج


يقوولج جذي وبعدين يقولج يالله عطيني فلووس عشان ما ننشره

واهو بالاسااااس تلاقينه ما يعرف حتى بالكيبوورد

وبيني حق ريلج هالشي

لان مستحيل يكون يصوورج وانتي مو مشغله الكام وياه او ضايفته

بس ياريت ناخذها عبرة بنات وبلاها الكامرة ولازم الوحدة تحاول ان ماتعطى بياناتها الى احد ولاتدخل على مواقع مومحمية ومعروفة

واللة يحفضج ويحميج من كل شر ان شاء الله...............ز

 

[النووور]

انا اقول السالفه ملفقه واحد مسوي فيج هالشي

يبي يخرب علاقتج مع زوجج او يمكن مجرد لعبه لا اهو اللي يعرفج ولا اهو مصورج

بس تشيير بالارقاميعني لعب بلعب

ويمكن عشان اتصدقينه ويقول لج ابي فلوس

الله يجازي كل ظالم

 

[<<عـيـونـ آلـمـهـآ>>]

سبحان الله
يا (الكويت غاليىة )
امس كنت شاده حيلي فموضوعج واكتب وقلبي عليج
سبحان الله وربي شي غريب ...شي يشيب الراس
ههههههه كلها جم ساعة ... قاطه تلفوني بالغرفة مادري عنه رحت الطبيب رديت ولا دريت عنه صارت الساعه 1 صعدت غرفتي لقيت مس كولات على تلفوناتي اثنينهم ومسجات
بطلتهم لقيت مسج مكتوب بالانقلش المعرب.."شبكي ابيج بسالفة "
تخيلي على نياتي على بركة الله شبكت قلت محد من رفيجاتي يكتب معرب غير 2 ووحده منهم مو مسيفة رقمها عندي بس نسولف بالنت وايد
المهم اكتشتفت ان مو اهي ول االثانية
جان ادز مسج قلت على فكرة ترى الرقم مو مسيف عندي..جان ترد تقول ادري
دقيت ماردت ..والا طلع انها داقه من رقمين على رقميني (تشربكت)
المهم قلت منو ..تمادت بالحجي طولتها وانا عبالي رفيجاتي مسوين مقلب قلتلها يلا جب عاد بتقولين قولي منتي قايله طيري
تخيلي جان تدز مسج تقول يا فلانة المطيري والله العظيم ماعرف ايميلج ولاتعرفيني ولا اعرفج
جان ادق جان يطلع واحد!!!!!!!!!!!!!!!
ارقامي يديده على فكرة!!!!
علمت اخوي ..يوم رد دق اخوي رد واخترع هذاك وسده
عاد ضفته بالايميل لانه دزلي ايميله وطبعا اخوي يمي ..واخوي قام يكلمه على اساس انه انا اخر شي قاله ترى انا اخوها والبنت اهي اللي علمتني وانا الحين عرفت عنك كل شي وبيجيك اللي يسرك..بس اخوي الحين مريض يقول نطري علي بس اشفى من عمليتي وبيشوف شغله
اااااااااااااااخ مادري شسوي والله مابي ابوي يدري مالي خلق يقعد يلومني ..قلتلج الرفيجات مااييبون الا المصايب ومادري شنو
صارت سالفة لها اول ومادري شآخرها يعرف كل شي كل شي عنني
يقول انا كنت اكلم وحده من 7 سنين والحين هديتها وصارلي سنة ماكلمها واهي تحبج حيل وتمدحج وايد وتقول ان ماعندج خرابيط وانا هذا الي ابيه
ادري انج تستحين عشان جذي ببدي معاج مسنجر لين نتعود ونتعرف على بعض!!!!!!!!!!!!!!!!!!!!!!!!!!!!!!!!!!!
كل هذا واخوي يرررررررررررررررررررررررجف يرجف ..من العصبية ومع هذا قاعد يماشيه ..ايه وبعدين اي كمل لا ماني متضايقة لاماني زعلانه ..كمل ...ألخ
وانا بعد ارجف اهو مرض واهو ربكه وخرعه ..فوقه فوقه
بس الحمدالله اني ما اخش شي عن اهلي ..
الحين اخوي حده معصب وتلفوناتي عنده وكان بياخذ اللابتوب بس قلتله ابيه ترى حدي تعبانه
عطاني اياه وقالي بخليهم عندي اخاف يدق قلتله حلالك
بس يقول ..لازم تشوفيلج صرفة يا تنقبين ياماكو جامعة !!!!!!!!!!!!
انا سكت ..مو خوف والله بس راضيه باللي ربي كاتبه ..اذا مافي جامعه يلا خل اقعد بالبيت ..انا بروحي صارلي اسبوع مو مادومه من الامراض اللي طبت علي فجأة ..يمكن خيره اني ما اكمل ..لووول وهذي ثالث سنة

ابيه شلون عرف كل شيء عنج ؟؟
قوليلنا شنو يصير معاج .. وحسبي الله عليها هالبنت اتكلم عنج قدام الريال ..

 

[<<عـيـونـ آلـمـهـآ>>]

حبيبتي كويت غاليه اذا هو كان هكرز اكيد بيخرب جهازج ولا بيدخل عليج بالنت يعني بتحسين في شيء غلط بجهازج جنه احد يحركه غيرج وجذيه .. بس شلون عرف رقمج واسمج بعد اكيد احد دازه .. الله يكفيج شره ..

 

[ضحـاوي]

ان شالله يكون جذاب وما عنده سالفه

انا لاغيه برنامج الكام و حاطه ستيكر بالكاميرا بعد احتياط

لان وايد ناس ما تخاف الله

 

[Mi$$ RoRo]

لله يكفيـج ويكفينــآآآآآآآآ شرهـمـ

 

[futooosh]

حبيبتي تسرعتي لما قلتي حق زوجك
وبعدين يبين انه جذب تعرفين اشلون ؟؟؟ اوكي مصورج بس بالعقل اشلون عرف رقم الموبايل ؟؟؟
شنو حاطه رقمج باكامره ؟؟؟؟
حبيبتي لا تخافين هذا جذاب لانه اكيد في احد معطيه الرقم عشان يخرعج
قولي هالكلام حق زوجك صوره مع رقم تيليفون مستحيل :0bee2e8d89::0bee2e8d89::0bee2e8d89:

 

[rzaan77]

حبيبتى ترى السالفه لعب حتى لو هكرز ومصورج ما فكرتى اشلون امطلع رقمج ما يصيررررررررر مستحيلللل وانتى ما سمعتى وايد اتصلات اتى من اليمن وغيره والسحره الى ذاك الايام يدقون يبا كلا خرابيط

 

[Wa6an Elnahar]

جذاب مو مصورج و لا شي واكبر دليل انه يخوره من وين ياب الرقم ؟! شنو الاب توب نسجلا اب رقمنا ؟؟ ماعليج منه بس ليتج ماتسرعتي و قلتي حق ريلج مايسوى ياخذ فكره او يتضايق منج ويصير زعل على واحد مريض واخاف اتم السالفه اب باله مثل ماقلتي ريلج متعصب يعني مو بسهوله يقتنع انه هذي لعبه وجذبه بس انتي بطريقتج حاولي تقنعينه انه يخوره واهم شي تكون طريقتج و انتي اتكلمين " الواثقه من نفسها " وواثقه من اللي قا عده تقولينه وبدوووون خوووف لانه صج حرام يصير زعل على ناس ماتخاف الله .. وعسى ري يهنيكم ويبعد عنكم عيال الحرام يا رب

 

[غزلان]

خل يولي ااذ مو ضايفته مايقدر يفتح الكام
طاااف وماعليج
تعوذي من ابليس مافيه الا العافيه
شلون قدر يجب رقمج ؟؟؟
اكيد احد دازه عشان يخرعج ويخرب بيتج
خل يولي ولا تهتمين له

 

[*بسبوسه*]

هدي بالج 00شالسالفه لي هالدرجه مرت السالفه على مخج00انتي بنفسج قلتي ما تفتحين الكامره وحدج منتديات يعني برنامج الكامره ما استخدميته 000اذا عالرقم يمكن وحده من بنات الحرام اللي بالجات عطت الولد رقم وهمي وبالصدفه طلع رقمج
واذا قصده مصورج يمكن تهديد عادي او انه مصور البنت هذيج

انا لوني منج اول ما يقول انا مصورج قولي اعلا مافي خيلك اركبه 00ووالمفروض انج من البدايهما تردين على اي رقم غريب خاصتا ان الرقم دولي اول ما يدق عليج اي رقم على طول تعطينه لزوجج عشان يسمع صوت رجال راح يحس ان الامر ملعوب فيه وان البنت عطته رقم غلط

يعني الغلط منج انتي بعد00اول شي رديتي على رقم غريب وثاني شي خفتي وصدقتيه000الحين انتي كبرتي السالفه وخليتي زوجج يشك فيج

 

[el3aNoOoNa]

ااااااااااااااااااااااي يصير ووونص حتى وانتي مسكره الكااااام والله العظيم
عشان جذي انا مسكرتها بالازاق

بس دام قلتي حق ريلج خلاص انشالله ماكو الا العافيه
وتلقينه هاذا قاص عليج عشان يبي منج فلوس او شيء مقابل ان مايفضحج واهو لا في فضيحه ولا شيء مجرد فلوووس
خليه يووولي مايقدر يسوي شيء
الدننيا مو فوووضى وخلاص دام ريلج عرف بالموضوع فا خلي كل شيء يمشي مثل ماا الله كاتب وباذن انشالله ماراح يصير شيء

 

[ميس الورد والشوق]

حسبي الله عليه

شوفي

داااامج واثقه من نفسج وعارفه انج ماسويتي شي غلط

لاتخافين ووكلي امرج لله

وبعدين هاللي مصورج اشعرفه برقمج!!!!!!!!!!!!!

الا انه بس يبي يخرعج والا شكو مصورج وعارف رقمج ............

فكري فيها


وعسىى الله يكفيج شره وشر اعيال الحراااااام

 

[كويتيه_1984]

غلطانه !!

ليش تسرعتي وقلتي حق زوجج


افتعلتي مشكله من لا شيء

بس حطي ستيكرزه على الكاميرا وكان الله غفور رحيم

وهالاشكال القذره اللي يدقدقون من ارقاام خارجيه غريبه لا انتي اول ولا اخر وحده سووها فيج

هالنفوس الضعيفه هدفهم يعيشونج بقلق علشان تعطينهم فلوس

ولو فعلا عنده صورج جان طرشهم لج بنكج اللي بالمنتدى ولا باايميلج ولا برساله مصوره بنقاالج ما يقعد ويهدد

 

[iTaLiyA]

حبيبتي خلج واثقه بنفسج و يا ريت كتبتي السالفه قبل لا تقولين لزوجج
المهم هذا انسان جذاب اذا بيسوي هاك على لابتوبج لازم تكونين مستلمه منه شي مثلا صوره او اغنيه .. الخ
الشي الثاني فرضنا انه فعلا فاتح عليج الكاميرا و مصورج من وين ياب رقمج؟؟
السالفه و ما فيها هذول اللي يدقون من اليمن يسوون هالسوالف عشان تخترعين و يهددج بالفيديو اللي يقول مصوره لج و يبتزج بالفلوس و اهو حتى لابتوب ما عنده !!
انتي تسرعتي يوم قلتي لريلج الحين بيشك فيج على شي ما يسوا
الله يهديه لج انشالله و تعدي السالفه على خير

 

[BaTTy]

حبيبتي لا تخافين ان شالله ان شالله اكيد ماكو شي و محد مصورج
اول شي لازم تكونين ضايفته او مستقبله منه شي
ثاني شي حتى لو صج مصورج شكو رقمج يعرفه بالله !!!
ماتدرين يمكن لانه انتي غافله عن هالشي ربج بينبهج و قولي الحمدالله
و خلي الستكر علطول على كامج احسن و اضمن
و الله يهديلج ريلج ان شالله و يبعد عنج كل شر
و دايما الارقام الي من بره لا ترديييييين عليها احسنلج

 

[عنزية والهيبه وايليه]

انا اقوول انه مو مصورج ولا شي

ومن اليوم ورايح اخذي الحيطه والحذر ولزقي استكرز ع الكام

وترا اللي تقولين عنها انها بتخرب بيتج اهيا ورا هالسالفه .. لأن لنفرض ان صورج انزين من وين طلع رقم تلفونج

انا اقول غيري رقمج وحطي استكرز ع الكام وخلاص مافي شي صدقييييييييييني والله 100 % مافي شي

 

[0(مـــســـ(مطير)ــــــك)0]

خرابيط مالج شغل فيهم وطني زوجج وقوليله هذي لعبه من اليمنيوردي عليه وقوليله شنو مواصفاتي هههههههه ماراح يرد او راح يشير

لاتردون عليه وتعطونه اكبر من حجمه .. يعني واحد يصورج بالكاميرا بلعنلها بس شلون حصل تلفونج !!!!!!

حبيبتي لازم تفكرين وبعدين تبجين وادقين على وجج وتلعبين بنفسيته وتنزلين موضوع .. كله خرااااااااااااابيييط لوج مفكره ثواااني جان دريتي انها لعبه

والله يحفظج ويحفظ بنات المسلمين ..

 

[إنسانه بكل حالاتي]

أقولج شي أعرف أكثر من وحده وواحد من أهلي يدقون عليهم من اليمن كلهم جذابين يعرفون الكويتيين أكثرهم أهل النت يبا طنااااااش والله العظيم وحده اعرفها في يمني مأذيها لدرجة يدق دقه ويسكره 50 مره باليوم وترد وتقوله شتبي وكل ساعه قايل لها انتي فلانه واهلنا بعد يدقون عليهم من اليمن اتوقع نصابين يبون فلوس حسبنا الله ونعم الوكيل بهالأشكال أكثرهم سحره وانتي حطي على الكام استكرز والله يستر عليج يارب

 

[سلطـ زمانها ــانة]

يمكن وحده لاعبه عليه وصدج مصورها

بس معطيته الرقم غلط وصدفه طلع مثل رقمج !!