بنات صج اللي قاعد يصير ......... يخربون البيوت ويشهرون بالناس...........

[[[ عيون جابر ]]]

الله يعيينج حبيبتي اناا سمعت انه الهكرررز يقدر يصورج والافضل انج تحطين لزاق او ستيكرز عليه

بس شلون حصل رقمج ..........!!!!!!!!!!!!!! اكييد هذيي لعبه.........

ادعي(( اللهم من ارادني بسوء فاشغله بنفسه ورد كيده في نحره))

والله يكفييييييج شررررررررررررهم

كلامها عدلللللللللللللللللللللللللللللللل لاتخافين هذي لعبه .... من وين ياب الرقم يعني ؟؟

 

[الكويت غالية]

,حبيبتي
الله يعينج ياقلبي
سمعيني لاتخترعين ولا شي ولاتوسوسين
امي مره كانت داقه بلغلط
جان يزعجها هذا اللي دقت عليه
تيخلي عطت التلفون حق ابوي وقالتله
اخر شي قام هددها قال انا ال بيتج وادري انتوا منو..ويوم السبت بتشوفين شيصير فيج
تخيلي حالتها مسكينه
ذيك الايام السبت كان دوامات
ووالله خافت علي انا واخواني الصبيان
ماكانت تبينا نداوم
بس دوامنا وماعلينا الا العافية وماصار شي
هالسالفة من 3 سنين يمكن
وفي ناس وايد مرضىىىىىى
عطيهم طاف
===
انزين بسئلج كذا سؤال ..عشان نكسر الشك باليقين <<مادري صح والا الغلط المهم
انتي تدشين مواقع وزارات ؟؟
كتبتي بياناتج من قبل؟؟
شريتي شي من قبل ؟؟
باسوردج له علاقه برقم تلفونج ؟؟
منو تدري انج تشبكين وعندج لابتوب فيه كاميرا ؟؟؟ هذي اللي ماتحبج تدري؟؟
ردي علي وانا اقولج

ياقلبي كل اسئلتج اجوبتها لا الاخير

كل اهل زوجي يدرون ان عندي لابتوب فيه كاميرة بس ما اشك فيهم

اللي انا شاكة فيها والله اعلم طليقة زوجي لانها دايم تهدد انها تخرب بيتي الله يكفيني شرها

 

[الكويت غالية]

وانتي شابكه بشنو ؟؟
شنو نوع اشتراكج؟

شابكة بال eGo من زين

 

[بنت.المطيري]

الحمدالله
عيل تطمني جذاب
ممكن يكون مدزوز
وممكن مشير الرقم لأن منو الحين ماتستعمل النت
وممكن يخرع اللي ماتستخدمه ..يعني بالعربي خبل فاصل
بس ترى الهكر ممكن يعرف رقم تلفونج وعنوانج عادي سهلة ترى
انا مره جربتها بس ماضبطت لوووووول..بس في ناس مجربينها
بس لازم يكون بالمسنجر عرفتي

 

[بنت.المطيري]

اذا ال ego وخطج باسم شخص واحد ..
مادري والله انا ماجربته بس ماضن ترى السالفه حيل صعبة ..اذا انتي ماتدشين جات ومسنجرج نضي والله صعبه عليهم
لاتخافين ولاتوسوسين..الله الحافظ والله يستر علينا وعليج امين
وشوفي ياقلبي ..قومي وادعي ربج واستغفري وخلي املج بالله كبير..وبس توكلي على الله
ماراح يصيرلج شي ان شاء الله
وشيلي الفكرة من بالج مرررررررة وحده ..وترى ريلج قاعد يخرعج واتوقع قاعد يضحك
عليج بعد

 

[]دنيا الوله]

حبيبتي هذا ماله شغل بالنت كلش ولا يه صوب النت هذا شكله مدزوز ممكن نشك انه بالنت اذا بس يت على سالفه
الكامره بس انتي قلتي دق على تلفونج و قال اسمج وانتي اتقولين انج ماحطيتي رقمج بالنت كلش يعني هذي لعبه
مسوينها فيج وعلى الكامره ياتحطين استكر عليها او تروحين حق محل كمبيوتر يفصلونها لج ومايخلونها تشتغل كلش
ولا تحاتين ولا تخافين وان شاء الله ماكو الا العافيه

 

[]دنيا الوله]

وللافضل وانج تطمنين اكثر سوي حق كمبيوتر فورمات علشان اذا فيه تجسس يروح

 

[..meme..]

ان شااءلله ماكو شي جذااب تذكري انه الله معاااج الله يوفقج ويبعدج عن عياال الحراام


بنات يقدر احد يصورج وانتي ماعندج كاميرا كلش ؟؟؟؟؟؟؟؟؟؟؟؟؟؟؟

 

[الكويت غالية]

مشكورات حبيباتي وجزاكم الله كل خير

 

[::blackrose::]

ان شااءلله ماكو شي جذااب تذكري انه الله معاااج الله يوفقج ويبعدج عن عياال الحراام


بنات يقدر احد يصورج وانتي ماعندج كاميرا كلش ؟؟؟؟؟؟؟؟؟؟؟؟؟؟؟

اذا ردوا عليج عفية طرشيلي رساله خاصه

لانه السؤال راودني من فترة

 

[الجفول&]

مافي الا العافية ان شا الله هالسوالف حيل منتشره هالوقت يبي يستفزج بس عشان ياخذ منج فلوس وزين انج علمتي زوجج وطنشيه احسن انا عمتي اذاها واحد من العراق لمدة 6 شهور بس لما حقرته مادق كلش احقريه احسن وفهمي زوجج ان هالرجال فاضي ماعنده شي لا صور ولا شي وخليه يقرأ ردود البنات عشان يأكد ...الله يوفقج ويستر عليج يارب ويبعد عنج شر عيال الحرام.

 

[ذبحني صمتي]

ياااااااااااااااحبيبتي مافي الا العافية.....لاتوسوسين.....الي قاعد تسوينة هاذااللي يبووونه لان مبين انه ملعوووب قذر من وحدة ماتخاف اللة...

وماراح يصورج اذا انتي مو ضايفته وان صورج باللة شلون حصل رقمج....لاتخافين وتوكلي على الله.......وحطي عينك بعين اللي ماتنام

عينه..

 

[دانه الدوحه]

مااظن فديتج اكيد يقص عليج لان اليمن وايد يدقون يزعجون فاضي شغل اكيد المهم لاتردين عليه موليه

 

[_ظل الياسمين _]

حبيبتى الله يستر عليك دنيا واخره يارب..
توكلى على الله ولا تخاافين من شى وربى يخليلك زوجك ويهديه له.

 

[يازيين بختي]

حبيبتي ليش استعيلتي وقلتي حق زوجج ؟؟
وااااااااااااضحه السالفه انه جذااب
اوكي ممكن يكوون هكرز وامصورج من وييين حصل تلفووونج !!!!!!
هذااا اكيد امشير رقم وقال اذا بنت العب عليهااا واهددهااا علشاان فلووس
وسالفة الستيكرز على الكاميرااا كل بناااااااااااااات الكويت اول ماتشتري لاب توب نحطهااا هذاااا شي اساسي
حبيبتي لاااا تخاافين لانه السالفه واااضحه انه جذااب ومااكاان يسوى تقولين حق زوجج وتحرينه

 

[بنت باباتي]

اي يقدرون بدون ماتضيفينهم بعد الله يبعد عنج عيال الحرام خالتي صار معاها قبل اسبوع جذيه تبطلت كاميرتها وانصدمت ياحياتي لي الحين ما تشبك بلابها من الخرعه ترى المفروض كاميرا الاب ينحط عليها ستكرز انا جذيه مسويه واصلا شكله حلو
الله يعينج

 

[..بسمة..أمل..]

يا الغاليه هذا يبي يبتزززج


يقوولج جذي وبعدين يقولج يالله عطيني فلووس عشان ما ننشره

واهو بالاسااااس تلاقينه ما يعرف حتى بالكيبوورد

وبيني حق ريلج هالشي

لان مستحيل يكون يصوورج وانتي مو مشغله الكام وياه او ضايفته

 

[مجنونة]

الله يكفيج شرهم ويبعدهم عنج ويشغلهم الله بانفسهم


حسبنــــــا الله و نعم الوكــــــيل



اختي سالفه الكامره هذي معرووفه



قووولي حسبنـــــــاا الله ونعم الوكيـــــــل

 

[ice_cream]

شوفي حبيبتي لا تحاتين انا العام صار معاي نفس الموقف تقريبا بس كان زوجي اهو حاط بيانات معينه بالكمبيوتر والظاهر كان في هكرز وظلو يدقون علينا بالبيت فتره طويله من ديره معينه ماني قايله من وين ويقولون كلام الصراحه ماتقدرين تسمعينه حتى وصلت لدرجه اول مايرن تلفون البيت انا او زوجي على طول نشيله لاني كنت اخاف عيالي يشيلونه وبالذات بنتي لان الكلام كان وايد قبيح

وكثر ماكنت اقولهم انا مره مصليه صايمه عيب عليكم ماكو فايده تقريبا 3 شهور على هل حال لما شافو ماكو فايده ملالالاو وماقاماو يدقون
فتصير لان اكيد انتي او زوجج حاطين معلومات او بيانات معينه او صورة بطاقه مدنيه وعيال الحرام شايفينها

والله صدقيني لا تحطين بذمتج انا في وحده بتخرب بيتج

فهمي زوجج بهدوء ولا تحاتين الله يحفظكم

 

[ektifeet]

لاتخافين ماعليج منه واعلا مافى خيله يركبه
اولا

لازم تكونين ضايفته ةبالمسنجر انتى غشيمة نت مبين عليج

واكيد هذا كمين مدبر لج
بس اذا انتى واثقه من نفسج لاصوره ولا دردشه ماعليج منه ابد واذا رقمه عندج شوفى لج احد بالوطنيه اذا كان رقمه منهم او الاتصالات
وطلعى اسمه وانا اطمنج ياعمرى ماعليج منه وربى يبي يخرعج او اى هدف ثانى

وانتى اقنعى زوجج وطمنيه ولاتحاتين وطمنينا حبيبتى على امورج وشصار معاج
والله يستر عليج وعلينا