بنات صج اللي قاعد يصير ......... يخربون البيوت ويشهرون بالناس...........

[كويتيه_1984]

ليش تسرعتي وقلتي حق زوجج !!

غلطانه حبيبتي

حطي في بالج شغله ان محد يقدر يخترق جهازج الا اذا استقبلتي منه شي

وبعدين هالارقام الغريبه اللي اتدقدق عليج من السعوديه واليمن هالاشكال القذره مو بس مأذينج

الكل يتشكى من اتصالاتهم

وبس حطي ستيكرز لزقه على فتحة الكاميرا وكان الله غفورا رحيم

لا تخافين ما صورج لان لو مصورج جان هددج ودزلج صورج بالبلوتوث ولا رساله مصوره


عسى الله يستر على الجميع

 

[q8yaa_amOra]

حسبي الله ونعم الوكيل فيه.. والله يبعدج عنهم يارب ويشغلهم بنفسهم ويكفيج شرهم إن شاءالله
وياااعله إن شاءالله ايييله الموت قبل لا يفضحج يااااارب

 

[q8yaa_amOra]

حسبي الله ونعم الوكيل فيه.. والله يبعدج عنهم يارب ويشغلهم بنفسهم ويكفيج شرهم إن شاءالله
وياااعله إن شاءالله ايييله الموت قبل لا يفضحج يااااارب

 

[خوش بنيه]

ويه هاذا اكيد يلعب عليج
وبعدين مره ثانيه لاتردين على ارقام غريبه احسن لج
والله يوفقج ويستر عليج حبيبتي

 

[garga_girl]

انزين شكو زوجج يعصب عليج انتي ماسويتي شي غلط

الحمدلله والشكر

 

[حور العيون]

اللهم من اراد في اختي كويت غاليه بسوء فاشغله بنفسه ورد كيده في نحره


حسبي الله ونعم الوكيل عليه حبيبتي طنشي لباا قلبج شوفي قومي الفجر صلي ركعتين وادعي من كل قلبج واقري سوره البقره

والله يستر علييج وتعدي السالفه ع خيير
بشريناا عنج لاتنسين

 

[q8yaa_amOra]

أمبيييييييييه انا جم مرة كتبت الناس يكتبون مر ة وحده لووووووووول بس لا تلوموني من حرررر مافيني:eh_s(14):

 

[فجر الغلا]

حبيبتي اذا انتي ضايفته عندج ايصورج هذا إلي اعرفه وغير جذي ما يقدر
انا اول ما شريت اللاب حطيت عالكام استكرز والمفروض الكل ايسوي جذي
وانشاالله يكون بس بيهدد وبس والله يبعد اعيال الحرام عنج

 

[نسمة]

حبيبتي زوجج وبيتج اهم

خلاص هذ\دي النت كلة ماله داعي تخربين بيتج على جذي هالمرة ان شاللة بتعدي

بس واللة مالة داعي النت

 

[الحــــــلا كله]

حسبي الله ونعم الوكيل
ما يخافون من دعاء المظلوم
شنو استفاد حسبي الله عليه بيهدم بيتج
وياعل بيته الهدام على راسه ان شاء الله

 

[كندية]

لا تحاتيين الساالفه مااعتقد شيء وهذا واحد فااضي...لان في طرق معينه مو اي طريقه...

 

[ارنوبه]

ههههههههههههههههههههههههههههههههههههههههههه


يجذب عليج ياحظي اللي يهكر الجهاز يقدر يعدمه بس ما يقدر يعرف رقم تيلفونج ..


وعلى فكره طايحيين فيها اليمنيين يدقوون .. والله مره يمني يدق علينا وانا الجني الازرق ..

ومسجات كل يوم جذااااابين والله جذابين ماعنده الا الخرطي ..

والله انا لاب توبي من اول ما شريته على طول سكرت كامرته سبحان الله والله ماتضمنين احد ..

سكري كامرتج وتوكلي على الله وان شالله لا هكرز ولا شي يمني جذاب يبي يقولج حوليلي فلوس واعطيج صورج نصاب

يبي فلوس بس ..

 

[زقرتيه]

مستحيييييييييل و لان جذبه بالله اشلون خذا رقمج و ثاني شي مايقدر يشووقج الا اذا كنتي ضايفته بالمسنجر و لكن يبين من الجذبه نرجع الى ان هذا اشلون خذا رقمج ؟؟؟؟؟؟ يعني يا ان صج من ناس قاصدينج و عارفينج و شيلي من بالج هكرز لآني اعرف هالسوالف او ان واحد بالصددددفه

 

[زقرتيه]

ولا تحاتين حبيبتي صدقيني مافي شي و يجوز دقه من ريلج مايبيييج ادشين على النت و بيخرعج ^^ لوول

 

[بنت.المطيري]

سبحان الله
يا (الكويت غاليىة )
امس كنت شاده حيلي فموضوعج واكتب وقلبي عليج
سبحان الله وربي شي غريب ...شي يشيب الراس
ههههههه كلها جم ساعة ... قاطه تلفوني بالغرفة مادري عنه رحت الطبيب رديت ولا دريت عنه صارت الساعه 1 صعدت غرفتي لقيت مس كولات على تلفوناتي اثنينهم ومسجات
بطلتهم لقيت مسج مكتوب بالانقلش المعرب.."شبكي ابيج بسالفة "
تخيلي على نياتي على بركة الله شبكت قلت محد من رفيجاتي يكتب معرب غير 2 ووحده منهم مو مسيفة رقمها عندي بس نسولف بالنت وايد
المهم اكتشتفت ان مو اهي ول االثانية
جان ادز مسج قلت على فكرة ترى الرقم مو مسيف عندي..جان ترد تقول ادري
دقيت ماردت ..والا طلع انها داقه من رقمين على رقميني (تشربكت)
المهم قلت منو ..تمادت بالحجي طولتها وانا عبالي رفيجاتي مسوين مقلب قلتلها يلا جب عاد بتقولين قولي منتي قايله طيري
تخيلي جان تدز مسج تقول يا فلانة المطيري والله العظيم ماعرف ايميلج ولاتعرفيني ولا اعرفج
جان ادق جان يطلع واحد!!!!!!!!!!!!!!!
ارقامي يديده على فكرة!!!!
علمت اخوي ..يوم رد دق اخوي رد واخترع هذاك وسده
عاد ضفته بالايميل لانه دزلي ايميله وطبعا اخوي يمي ..واخوي قام يكلمه على اساس انه انا اخر شي قاله ترى انا اخوها والبنت اهي اللي علمتني وانا الحين عرفت عنك كل شي وبيجيك اللي يسرك..بس اخوي الحين مريض يقول نطري علي بس اشفى من عمليتي وبيشوف شغله
اااااااااااااااخ مادري شسوي والله مابي ابوي يدري مالي خلق يقعد يلومني ..قلتلج الرفيجات مااييبون الا المصايب ومادري شنو
صارت سالفة لها اول ومادري شآخرها يعرف كل شي كل شي عنني
يقول انا كنت اكلم وحده من 7 سنين والحين هديتها وصارلي سنة ماكلمها واهي تحبج حيل وتمدحج وايد وتقول ان ماعندج خرابيط وانا هذا الي ابيه
ادري انج تستحين عشان جذي ببدي معاج مسنجر لين نتعود ونتعرف على بعض!!!!!!!!!!!!!!!!!!!!!!!!!!!!!!!!!!!
كل هذا واخوي يرررررررررررررررررررررررجف يرجف ..من العصبية ومع هذا قاعد يماشيه ..ايه وبعدين اي كمل لا ماني متضايقة لاماني زعلانه ..كمل ...ألخ
وانا بعد ارجف اهو مرض واهو ربكه وخرعه ..فوقه فوقه
بس الحمدالله اني ما اخش شي عن اهلي ..
الحين اخوي حده معصب وتلفوناتي عنده وكان بياخذ اللابتوب بس قلتله ابيه ترى حدي تعبانه
عطاني اياه وقالي بخليهم عندي اخاف يدق قلتله حلالك
بس يقول ..لازم تشوفيلج صرفة يا تنقبين ياماكو جامعة !!!!!!!!!!!!
انا سكت ..مو خوف والله بس راضيه باللي ربي كاتبه ..اذا مافي جامعه يلا خل اقعد بالبيت ..انا بروحي صارلي اسبوع مو مادومه من الامراض اللي طبت علي فجأة ..يمكن خيره اني ما اكمل ..لووول وهذي ثالث سنة

 

[ياوحشة غيابك]

كل الكلام اللي قالوه البنات هو الصح قاعد يلعب باعصابج

اختي الصغيرة صار لها نفس موقفج وقالها راح افضحج وانشر صورج جان اخذ تليفونها ونطرته لين دق وكلمته يعني انا صاحبة التليفون

جان يقول ابي فلوس ولا افضح صورج انا مصورج من النت قلتله افضحني؟؟قال مو خايفة؟قلتله لا

قام يهدد ويهايط وقبل لايسكره قلتله لو سمحت قبل تنشر صورتي طرشها لي عشان اذا مو حلوة اطرشلك احلى منها((هههاااي والله

ضغطه ومادق كلش وهالسالفة من سنة تقريبا


يعنـــــــــــــــي احقريه

 

[غير كل الناس]

مدري شسالفه هاليمنيين تري مره ازعجني واحد من اليمن لا يدق دقه ويسكر

ماكو الا العافيه طنشي وغطي الكاميرا

 

[أسيـل الجـــرح]

ما ادري احساسي بيشوف ردت فعلج بس من ناحيتي من اول ما شريت لاب توب قصيت ورقه على شكل مربع وخليتها من طبقتيين علشان تصير ثقيله ولصقتها

 

[د.شريفة]

هذا واحد جذاب ويبي يخرب بيوت حسبي الله ونعم الوكيل

 

[روح الدنيا]

جذاااااااااااااب

مبين انه جذاب ..

خلي زوجج يدزله مسج تهديد و خله يوووولي .. ما عنده ما عند ميري ..

اهم شي طمنينا عليج