بنات شسوي عطوني حل ماكو فايده كل شي متسكر بويهي

[كويتيه=)]

السلام عليكم

اكيد معظم اللي يدشون هالقسم يعرفون قصتي

واللي ما يعرف يدش ملفي ويشوفون مواضيعي

ولكن المبدأ صدقوني مو غيره وانما تفرقه وللاسف ان مبدأ التفرقه وراثه

لان اشوف يدتي ام امي تفرق بين بناتها وامي نفس الشي

يعني خلاص انا في سن كبرت فيه شهاده وحصلت شغل واشتغلت ومعاش وعطوني

شنو ناقصني غير الزواج والبيت والعيال

ولكن امي في اي زواره تروح لها مسكرة الدائره علي ما اسمعها تقول كلمه عني

فأشلون الناس الغرب اللي بالزوارات يدرون عني !!

واللي يقهرني ويأذي نفسيتي تبي تقهر وحده بالعايله بأن اختي اللي اصغر مني اشتغلت في مكان مرموق بواسطه ودايما هذا كلامها بكل الزوارات

والحين لما اقعد واقول ليش يا يمه تسوين جذي

يصير لف ودوران وماتبي تقول الحقيقه وانا عارفه وفاهمه شنو اللي يدور براس امي

ولما اقوله لها تعصب وتحمق وتزف وتقط كلام قوي

الى درجه تقول حق ابوي زوج بنتك حق اي واحد ايي حتى لو بدون!!!

بس عشان اقول لهم اللي في خاطري

انزين شنو فيها لما اقول حق امي ايييه ابي اتزوج ابي ريال زين

ليش تبيني اقعد عندها

مو يقولون اخطب لبنتك ولا تخطب حق ولدك!

واهيا دايما تقول حق اختي اللي ما تبي تتزوج الحين

ان الزواج سنة الحياة واحنا مو دايمين لج

ولما ايي دوري تعصب علي وما تبي اييب هالطاري خير شر

وقبل شوي تقول لي ايي ابيج تقعدين عندي

ما ادري يا بنات شنو قاعده اكتب من كثر ما عقلي قام يشوش

انا اشوف نفسي عمري وايد زين حق الزواج

ولكن محد يحس فيني بالبيت لاني محصله رعايه واهتمام ولا لاقيه احد يخطبني

كل شي منسد بويهي

ولا لاقيه حل كلش

 

[amal ksa]

حبيبني مايصير دايم تتكلمين مع امك ابي زواج او مع اي احد مو حلوه بحقك واذا على انها تبيك جنبها يمكن من كثر ماتغليك تقول كذا واذا جاء العريس المناسب ان شاءالله بتوافق
وتقول لااختك هل كلام يمكن تبيها تحط الموضوع في بالها لاانها ماتتكلم عنه
انتي لاتكبرين الموضوع ترى الام تبي مصلحة بنتها وتبيلها الشيء الزين والافضل لها بتوفيق

 

[بطوووطة$بيضة]

حبيبتي الزواجً نصيب انا امي جذي اخواني وخواتي ماشالله دواماتهم رزة وكشخه ومعاشاتهم وايد عاليه ومتزوجين احسن الناس ....وانا دوامي ابوزارة خايسة حتى انهم يستغربون شلون انا اشتغل هني واخواني اماكنهم وايد احسن...وحتى بالزواج امي رزرزت اختي العودة ليما خذت مهندس ماشالله الله يتمم عليها والحين امبلشة اباختي الصغيرة ....وانا الله ماكتبلي اتزوج بس الحمدالله يمكن خيرة ماتدرين....

 

[كايبه]

الله يكون. بعوووونج الله يهدي امج. والله كل الامهااااات جذي مالج غير ربج تفرشين سجاتج وتصلين وتستغفرين. وتقولين.ً حسبنااااااا الله سيوتينااااا الله من فضلة وان الي ربناااااااا راغبون.ً ربي أني لما انزلت لي من خير فقيرً الله يفتحااااااااا عليج

 

[فوفو البنوته]

حبيبتي جم عمرج وجم عمر اختج؟ وتره عادي هالامر الوراثي بس ادعي ان الله يهدي امج وشوفي في تقاليد بعايله ببريطانيا قديما ان اصغر البنات ما تتزوج لين تموت الام! شكلها امج تبيج لين الله ياخذ روحها>>الله لا يوقوله
اقولج قولي لابوج يبه ابي اتزوج حاسه نفسي كبرت ابي عيال
لاتخافين ولا تستحين هذا موضوع جد مهم بنسبه لحياة البنت
الابو اقرب للبنت من الام والام اقرب للولد اكثر من الابو​

 

[كويتيه=)]

ايييييييه بنات انا هذا اللي بعرفه ليش امي مو نفس باقي الامهات ترزني بالزوارات

واشلون تبيني عندها وتقول الدنيا مالها امان ومحد دايم حق احد والزواج سنة الحياة

وانا لما اتكلم في هالموضوع تحمق وتعصب وتقول قعدي عندي

 

[كويتيه=)]

انا عمري 24 واختي عمرها 20

وبالنسبه للابو اقرب للبنت صاجه والله احس ابوي يفهمني اكثر من امي بس مو حنون علي

وامي اقوى من ابوي بهالمواضيع

 

[دنيا جديدة]

طيب هذا كلة كلام صار شي زي كذا في احد اخطبج ؟؟

 

[كويتيه=)]

مو عيب لي قلت ابي اتزوج ابي الستر ابي يصير عندي عيال حالي حال باقي البنات
بس شسوي ماني من النوع اللي اطلع واروح ولا احب قعدات الكبار
يعني لي متى كل همي الشغل والدراسه وبس
والروتين نفسه
انا اشوف نفسي ان الحين بالسن المناسب
وهذا الشي امي مو شايفته تبي تلهيني بالدراسه وانا بس ما ابي اكمل وقف مخي لحد اهني
قلت يمكن امي من كيفها تحس فيني تكلم معارفها تشوف لي احد تعرفه ابدا ولا كأني موجوده بالحياة
ف ييه وقت اني اواجهم بالشي اللي ابيه

المصيبه اذا قلت اللي ابيه احمقو وعصبو وان ما قالت قالو تخش بقلبها

شنو اسوي !

 

[دنيا جديدة]

كويتية حياتي بقولج شي الزواج مكتوب على الجبين من قبل لا تولدين
الموت والزواج محدد يحددهم عندج خبر بهشي
ولا ولا ولا ولا تحسبين الزواج راحة لالالالالالا
24 صغيرة

وادعي ربج خليج من اهلج وسبحانة اذا اراد شي قال له كن فيكون
والله يجعل زواجج نعمة لا نغمة

 

[كويتيه=)]

ادري مو راحه بس ابي اصير ام اشلون ابي عيال مني لا تقولون لي عيال العايله ابيهم مني

 

[nutella-kw]

كثري الاستغفار وصلي الاستخاره وربج يفتحها بوجهج والله يجيب لج نصيبج
ويمكن تكونين محيره حق ولد عمج او ولد خالج ماتدري وكل شي عند ربج ولا والله ماتدرين يمكن نصيبج يكمل دراسته>>كلمتي للحين كلناا نبي نتزوج ونبي عيال والله مو بس انتي بنفس الحاله وامج تفهم اختج يمكن هلامور
ونصيبج بيجيج لوو يكون عمرررج 100 الله يطوول بعمرج ولا تحاتي كل ماصبرتي الله يجيب لج الاحسن ان شاءلله
والله يرزقج بالرجال الصالح الي يستاهلج ان شاءلله >>واعزميني
ويرزق الجميع ...


اللهم امين ...

 

[وين حبيبي]

استغفري وصلي وان شاء الله يرزقج بابن الحلال

 

[كويتيه=)]

والله لو لاقيه نقطه من رعايه واهتمام وعاطفه الامومه اللي اسمع فيها ان جان ما فكرت بهالامور بس للاسف كل اللي معاي لاهين عني على بو ان كبرنا والله انا اكبر وحده بس اكثر وحده بحاجه لعنايه ولكن منو يحس وحتى لو ييت وتكلمت بينقلب علي الموضوع

 

[amal ksa]

مو بس انتي كل بنت تتمنى هل شيء وامك صعب تروح للناس تقول تكفون زوجو بنتي انتي انتظري وتوك صغيره او كملي دراستك على بال مايجي فارس احلامك
او دوريلك خطابه اذا مره ودك

 

[الحللللوه]

اب اب

 

[كويتيه=)]

يعني ما تقول بطريقه مباشره يعني مثلا بنتي اشتغلت بالمكان الفلاني بنتي سوت الاكله الفلانيه بنتي يابت جذي وحطت جذي فهمتوووني

 

[amal ksa]

اهااا الله يعين
تصدقين تذكرت صديقتي دايم تمدح اختها الصغيره عندي شكلها تبيها لااخوي وانا ماغير اقول ماشاءالله حلو زين ودايم تطبخلي انا واخوي ويجبون لنا الااكل لشقه طلع هذا سبب ياحليلهم وانا خبله توي افهم ليه تمدح بااختها

 

[منيرة خالد]

تدرين وين المشكلة مو بأمج


لا فيج أنتي


انتي اللحين عمرج 24 سنة وتشتغلين >>> وحاسه انج بعمر الزواج وهالشي تبينه



مو شرط امج تجيب سيرتج عند الناس علشان تنخطبين لا هاذي مو مهمة الام


المهمة تكون منج انتي >>> اطلعي معاها للزوارات والتجمعات وكل استقبال وعرس لا تطوفين اي تجمع واعقدي صداقات حتى لو سطحية مع البنات اللي تشوفينها بهالمناسبات لأنه اهم اللي راح يذكرونج للناس


وسعي حياتج الاجتماعيه وخلي هالمهمه عليج لا تقطينها على امج


والله يوفقج ويكتب لج النصيب الزين

 

[كويتيه=)]

ايه يعني شنو فيها لو لمحت!