بنات شسوي عطوني حل ماكو فايده كل شي متسكر بويهي

[كويتيه=)]

اروح زوارات وارز ويهي ساعات بس مو معطتني امي فرصه

يعني على سبيل المثال اسلم على وحده وحده وتقول لي المرا انتي منو بنته اقول لها بنت فلان

وامي تسمع هالجمله على طول ركض رزه وي اختي وقالت هذا بنتي وعلى بو غشمره تأشر علي وتقول وهذي بنت ريلي

ايشرايكم

هذا واحد من المواقف وفي مواقف ثانيه بس لو بتحجي بفتح مجلدات

 

[دنيا جديدة]

صح نفس كلام الا خت بس الله يعينج لي تقول جذية انتي بنتها بس اهم شي ماتأذيج بشي مو زين


انتي اثبتي وجودج بشغلج بالزوارات بالدوام قدمي شي من ايدج صيري حبوبة وفرفوشة خلي االناس
تحبج وتذكرج بمواقف باكلات بحلى
روحي زواجات خلج ثقيلة بنفس الوقت فرفوشة
وقبل كل شي الجأي الى من قال ادعوني استججب لكم

 

[كويتيه=)]

شفتو لما قلت لكم لا تلوموني كل شي متسكر

 

[كتكوته بطبعي]

والله مدري حاله غريبه"
وثقي تماااااااااااااااااما
اللي الله كاتبه بيصير وذا الله كاتبلج الزواج بيصير ان شاالله غصب عن الكل"

 

[نجووولي]

و انا اختج افرشي سجادتج و اذا لج نصيب بتتزوجين و ما يصير الا اللي الله كاتبه

 

[غداً القاك]

كويتيه
اسمعي كلامي وانا اختك
الزواج نصيب رزق من الله مكتوب لك وانتي ببطن امك
لاكلام امك عنك بالمجالس بيعجل بنصيبك ولا سكوتها عن هالشي بياخر نصيبك
الله كاتب لك واحد شوفي هالواحد متى يجي وبأي طريقه الزواج من الله ياقلبي انتي لايصير كذا تفكيرك
ادري لانك استقريتي وخلصتي دراسه وتوظفتي تحسين ان هالشي هو اللي ناقصك وانا معك بالشي هذا
بس ابيك تتوكلين على الله اللي قادر يرزقك بدال لاتقولين ليش امي ماتتكلم وليش كذا وليش كذا اسجدي لربك وادعيه ياقلبي

وبعدين خلي عندك قناعه كل تأخيره فيها خيره ويمكن بكره تاخذين واحد كفوووووو وماتتوقعين تاخذين مثله
والله اعرف بنات ياكثرررر اللي مايطلعون ولالهم علاقات ولاشي وتزوجوا لان هالزواج من رب العالمين
بدال لاتعتمدين على امك بالمجالس يمكن تنخطبين من دوامك الله اعلم


وشي اخير<كأني طولتها
لاتجعلين الزواج هاجسك بتتعبين ياقلبي انتي بعمر الشباب استانسي واطلعي وسوي اللي بخاطرك والزواج متى ماجاء يجي ^_^

 

[كويتيه=)]

بصراحه كلامكم حلووو بس انتو مو عارفين الواقع ولا تفاصيل عن حياتي ومو حابه ان بالدوام اييون يخطبوني كل ما اسمع انهم يخطبون من بنات الدوام اطلع من المكان لان ما ابي احد يعرف عن تفاصيل حياتي خاصه مجتمع الحريم اللي بالخير ماكو شي ما ينتشر فمن جذي مو حابه علاقه الزواج تكون من طرف بنات الدوام