بنات ساعدوني في مشكلتي مع اخوي

[عسل حدي]

ريومي شصار معاج حدي تعاطفت معاج اتوقع عندي حل اذا ترضين فيه بس اتوقع مالج الا اهو وانشالله ربج ييسرها كلمينيعالخاص

 

[بنوته ستايل]

ولله اني حيييييييل قلبي عورني من مشكلتج وتٱثرت حيييييل ودعيلتج واذان الفجر يٱذن.. بس انا ضد الي يتكلمون ع المخافر والقضايا مهما يكوووون احنا بنات حمايل ماتوصل فينا ندش مخافر. ..
راح تشوهين سمعتج حيييييل اذا سويتي هالحركه..



صدقيني مالج غير رب العالمين الي قادر ع كل شي وبيده كل شي وياخذ حق المظلوم الجئ له بسجده طوييييييله وطلعي كل الي بقلبج لاتخلين شي بخاطرج وابجي واشكي وتضرعي لله وشوفي شلون ربي يفتح علييييج اوسع الابواب. ..بس نصيحهحاولي كل دعاءج لج لاتدعين ع احد واخلصي بدعائج وانا واثقه ان ربي بفرج عليج همج فوق ماتتخيلين..


والحل الثاني حطي اسمج عند خطابه واطلعي من هالبيت الي موراضي يغفر زلتج وشوفي حياتج...


وبنات الي قالو تمردي وطقي اخوج ومادري شنو مع احترامي لكم كلكم بس اذا البنت سوت نفس كلامكم وصار فيها شي او اخوها طقها ولا حتئ ذبحها ذنبها برقبتكم...
لان اخوها مجنوووون وحقود،وقلبه متروس عليها والدليل ان مو قادر ينسا زله صارلها 10سنين ...يعني يبي عليها اي شي عشان يشفي غليله منها . ..




اخر كلامي نصيحه تصرفي بحكمه لاتضيعين حياتج اكثر من جذي

 

[قطوه بيضاء]

حسبي الله ونعم الوكيل فيه عسى حوبتج ما تتعداه

 

[ريووومي]

الله يجزاكم خييييير وفعلا المسلم للمسلم كالبنيان المرصوص واحنا خوات واسال الله العظيم رب العرش العظيم ان يرزقكم من الخير اضعاااااف ماتتمنون لي ويجنبكم الهم والغم اللهم امين

 

[ريووومي]

بنات الحال على ماهو عليه
الامور مستقره و هاديه لان انا مالي طلبات واجد
لازال الحال مافي زيارات للصديقات ومافي طلعه مع اختي اللي تسوق ومستحيل طلعه مع السايق بروحي حتا لو مكان قريب مثل جمعيه او بيت خواتي
امي متملله مني بدرجه فظيييييعه ادري تبي الخير لي وتبيني انستر واتزوج بس اسلوبها متعب ويسبب مشااااااكل بيننا
مع اني مااقصر عليها بس هالشي ماينفع ولايشفع لي عندها
المشكله صارلي فتره محد تقدم لي
ومن فتره فاتت كله يتقدمون لي بدون جنسيه ( انا من دوله خليجيه مجاوره) واصغر مني وظروفهم الماديه زفت يعمي اشكره زواااااج مصلحه واستغلال بس انا مااتقبل هالشي ابد
كفايه المره تحمل وتربي وتدرس بعد اشتري ارض وابني و كل شي علي
عااااد واللي حولي استغفر الله حساد ويبون يستضعفوني باي شكل !!!!!
بنات والله احس فيني عين او *** قديم او شي انا الحمدالله مملوووووحه وطويله وبيضه ورشيقه واهتم واااااجد بنفسي بس ماقد حد شافني وتقدملي ماحس عجبت حد ابد مادري ليش؟؟؟
دايم الخطاب عن طريق زوج اختي

الخطابات يقولون لي محد يرضى فيج لان عمري حاليا 37
ومن فتره امي خايفه من موضوع الخطابات تخاف ينتشر اسمي بين الناس من كثر ماالخطابات يعرضوني ومحد راضي
للعلم لي قرب الثلاث سنين مع الخطابات واغلبهم الحين مايردون علي اذا اتصلت

بنات انا دايم اسكت ماارد على امي على اساس اكسر خاطرها وان هي دايم ترفض طلباتي وانا ساكته
بس هالشي ماياثر فيها والله لو اعطيها الشمس بيد والقمر بيد مابيعجبها ولاترضى
من فتره من سنتين تقريبا مادري اشفيها شاكه فيني نظرات ومعصبه يمكن اخوي قالها شي والا تناديني غرفتها وتسكر علي وتزفني زف انها شاكه اني اكلم حد واكدت لها اني مااسوي شي غلط
وقعدت تصاررررررخ وتزف وتسب لدرجه مرات تسب شكلي مع العلم اني شكلي فوووووق المقبول والمتوسط ومن فضل الله فيني مميزات ومافيني عيب واضح وتقوللي انتي تفشليني ماخذتج من عررررس لعرررررس المهم انا انفجرت صرخت عليها وعلييييييت صوتي وحكرت لها ماعرفت ترد علي ابد وطلعت ركيض على غرفتي
ابي اسبح ابي ارتاح والايابنات من شغلت الماي طفحت الله يعزكم بالوعة الحمام وطلع منها مثل الورق او الكلينكس الاسود مثل المحترق وانترس الحمام تكرمون بهالاوراق او الكلينكس مادري بالضبط المهم انا خفت وطلعت وتمتيت لين نشف الماي رديت جمعت الورق الاسود وقطيته
بنات شنو هالورق ؟؟؟؟؟ عمري ماقطيت ورق فالبواليع؟؟؟
ورق او كلينكس اسود كامل

 

[ريووومي]

بنات والله وبكل امانه بقولكم سالفه ثانيه يمكن تحسون انها قوووويه او صعبه لكن اقسم بالله انها صارت معاي

بنات انا واجد مرات اتضايق من غرفتي احس اسمع اصوات وحركات بس اقول وساوس
المهم مره قبل انام كنت منسدحه على جنب والافجاة شي يفتح فمي بالكامل ويدخل شي بفمي!!!! تتخيلووون
يعني اوضح لكم في حد فتح فمي وصار مفتوح عالاخر وانا مب قادره اسكره وفي هواء يتحرك دخل فمي وقعد يتحرك بقوة يمين يسار فوق تحت يتحرك يتحرك وانا مثل الصنم مثل الجماد مربوطه ماقدر اسوي شي
ومن الخوف نسيت حتا موضوع الدعاء حاولت اقول حاولت بعد فتره قدرت ادعي (((( بسم الله اللذي لايضر....................))))
(( اللهم اني اعوذ بك من همزات ......................)))
بنات بصعوبه قدرت ادعي واسمريت ادعي لين هالهواء طلعت من فمي وانا جمااااااد صنم من الخوف
ومثل ماقلت لكم امي ماترضا اروح لمطوع او مطوعه
بس عقبها ماقد تكرر هالشي ابد
وانا من صغيره من 14 تقريبا احلم باسد يلحقني وانا اركض ويدوب يقدر يشمخ طرف رجلي
كنت انا وصديقاتي نضحك نقول فارس احلامي
بس قريت تفسير ابن سيرين يقول عدو او ظالم حاكم يجور عليك
وبسسسسسس
الحمدلله بسس حياتي الغالب عليها العسر واموري ماتتيسر بسهوله مب من الحيم من زماااااااان
وبالنسبه للاستغفار والدعاء والصدقه الحمدالله مااقصر عسى الله يتقبل منا يارب

 

[عـيّــآره]

انتي استسلمتي وما بعد الاستسلام نقاش


ما اتوقع كل اللي تقدمولج من فئه البدون مصلحه يمكن واحد فيهم مثلج يمر بمشاكل

ويبي فرصه ووانتي من كلامج طيبه ف اكيد الله

بيعوضج خير على هالتعذيب اللي عشتيه من سنين

في حالتج انا اشوف تتزوجين البدون وتعيشين مع ريال وتنفك منج قيوود وايد افضل

من اخوج اللي مايخاف الله فيج


وامج الله يسامحها على هالقسوه ماعندي رد على تصرفاتها القاسيه

وبخصوص الامور اللي تصير وياج مو طبيعيه راجعي شيخ دين


الله يحفظج ويحقق لج اللي في بالج

انا وايد متعاطفه مع اللي تمرين فيه​

 

[عـيّــآره]

على فكره ريم انتي وايد بطئيه في اتخاذ القرارت يعني عمرج 37 وكنتي تشوفين اشيا

غريبه من عمرج 14 والحين فكرتي فيها

هالطبع ترا بيتعبج وايد ويمكن هو سبب ماساتج

اتخذي قراراتج بسرعه وتمسكي بالفرصه اللي تكون بيدج

الفرص ترا ماتجي كل يوم واذا ضيعتيها ممكن تخسرينها للابد
​

 

[نـعـومـه]

مشكلتج صعبه بس واااااااايد بنات يمرون فيها واااايد

اولا حلج الدعاء

ثانيا مثل ماقالو البنات وقفي وقفه جديه وصيري قويه

وان شاءالله اخوج لي تزوج بينشغل عنج

 

[نـعـومـه]

قريت ردودج الأخيرة اخاف فيج عين او *** لاسمح الله

روحي حق شيخ دين او اقري البقره كل يوم وشوفي شتحسين

 

[بنــت الــكـويت]

الله يكون بعووونج ..

حبيبتي انتي تقولين امج مو راضيه تروحين عند مطوع او مطوعه روحي بدون لا تدري ولا احد يدري يعني مثلا عقب الدوام
ترا هذا مو عصيان هذا مصلحتج لان انا اشوف انج مو قادره تسوين حق روحج شي اكبر دليل صابره على شوفة الاحلام من عمر 14 ..

واااااضح انه فيج عين او حسد لا تسكـــتيييييين عن نفسج ..

ومافيها شي لو تقدم لج واحد اصغر منج بسنه او سنتين بس اهم شي الاخلاق ويكون مثل ماتبين والاهمممم لا توافقين الا وانتي مستخيرره ربج ..

عسى ربي يوووفقج ويفرج كربتج ويكفيج شر العين والحسد :eh_s(17):
​

 

[مــرح]

حسبي الله ونعم الوكيل

تحسبي عاللي كان السبب وان شاءالله تتعدل حياتج بس شوفي اخوج حاولي تراقبينه يمكن تمسكين عليه شي يفيدج

 

[بنت الاحلام]

انتي انسانه وغلطتي مايصير جذي ااعقاب كل شي لع حد

الحل الوحيد الزواج صج
لان مالج حل غيره عشان الكل ضدج

 

[Um Tuki]

طلع و روحي و تعالي و لا تردين عليه

و لين قال شي او وى شي اتصلي بالشرطة يوقعونه على تعهد عدم تعرض

انيت طفتي السن القانوني من زمان انتي كبيرة مو ياهل لا تخافين

 

[اللّہ معي ، ♡]

حسني النيه وتتيسر امورج

نيتج وانتي ادرى فيها راجعي حساباتج مع نفسج وراح تعرفين اسباب المشاكل اللي انتي فيها


الاستغفار ثم الاستغفار ثم الاستغفار

 

[جهراويه مزيونه~]

اذا كنتي تقرين ردي اقري سورة البقره يوميا اقريها بنسة العلاج والشفا من اي مرض وربي ييسر امورج

 

[فوفو22]

وخير يا طير غلطتي

ما كفرتي

وانتي بضعفك ساعديهم يتمادون اكثر

بكسرج

عندج ابو عايش ماااات

الابو احن واطيب من الاخوان في كل الاحوال

صارحي

وعيشي تحت امره وحمايته

واللي عنده حجوه

يوجهها لابوج

فوفو

 

[كتكوته ستايل]

الله يصلح حالك وييسر امرك ويفرج همك عاجلا غير اجل

 

[حلفت عℳري*ｼ]

الله يكون بعونج انشاءالله مالج إلا الدعاء

 

[جنان ربي بانتظاري]

السلام عليكم ورحمة الله وبركاته ..

اختي استعيني بالله في مصيبتك ،، اكثري من الاستغفار والصدقات ،، واحرصي ع قراءة سورة يس فقد قال صلى الله عليه وسلم :أكثرمن قراءة يس فإن في قراءة يس عشر
بركات ـ ماقراها قط جائع إلا شبع ولا قراها ظمأن إلا روي ولا عار إلا اكتسى ولا مريض إلا برئ. ولا خائف إلا أمن ولا مسجون إلا اخرج ولا أعزب إلا زوج ولا مسافر إلا أعين على سفره ولا قراها أحد ضلت له ضاله إلا وجدها ولا قرأت عند رأس ميت وقد حضر أجله إلا خففت عنه ومن قراها صباحا كان في أمان الله حتى يمسي ومن قراها كان في أمان الله حتى يصبح ..

واحرصي ع قيام الليل ..

اسأل الله ان يفرج همج