بنات ساعدوني في مشكلتي مع اخوي

[سوزي الشرقية]

انتي غلطتي وتحملي نتائج الغلطه وشيء طبيعي في قوانين صارمة خصوصا انك بنت والسالفة موهينة

 

[نونه المنكوشه]

ياعمري الله يفرج همج قوليله اذا دعتك قدرتك ع ظلم الناس فتذكر قدرت الله عليك وخلاص لي متي بيستمر هالعقاب كل انسان يغلط واحنا بشر مومعصومين من الغلط لكن الله غفور رحيم لاتسكتين حق اخوج لي متي يحطم فيج اذا بيتم يهدد اشتكي عليه ش هالعيشه لاتسكتين وتضيعين باجي عمرج اقفي بويه واذا تماده كتبي عليه تعهد خلاص عشر سنين صابره وخوج موكفو احد يسكت عليه

 

[queen92]

حبيبتي وقفيه عند حده عشر سنين وايد عاقبج بما فيه الكفايه و بعدين دام امج و ابوج موجودين ماله حق يتحكم فيج خل يجابل حيااته عشر سنين ما مل من نفس الموال يعيده !! و مثل ما قالوا الخوات لو توصل تشتكي عليه اشتكي خل يبلع لسانه شوي صج فاضي خو انتي تبتي خل ينسى عااد !! والله شي يقهر و امج و ابوج المفروض يسكتونه عيب عليه يطول لسانه عليهم !! قوليله ربي اللي اكبر منا كلنا يغفر ويسامح و انت لا والله حاله الله يفرج همج

 

[ي حليليِ]

حاسة فيج !!


اعرف وحده كانت جذي ، وكانت اردى منج (سوري يعني)
وكانت حتى وهي تنطق من خوانها تطلع بعد وتعااند !


المهم البنت تااااات توبة نصوحة بس ظلت نطرات اهلها يغثنوها حييييل !!
والقوانين و المحدودية بكل شيء ...



ما وقفت بالعكسس !



حاولت كثر م تقدر انها تكبر بعينهم مره ثانية ..



ظلت طول يومها تستغفر ، والقران ما يفارقهااا ابداً ابداٍ ..

مرات تنصح خوانها وتدزلهم روابط دينة ع الواتساب


قالت انها بتشترك بمعهد ديني ، بعد مً تفوقت بدراستها طبعاً ..



الفونات والنت مَ تمسكه حيل !



كلامها عند خوانها كله حكم ونصايح ودين !!



تقول اخواني استغربوا مني وقاموا يتطنزون ويضحكون علي ،


عاد ردت عليهم وقالت : والله م في انسان معصوم عن الغلط وكل انسان يتعلم من اخطائة ....






^^
و من يومها كبرت بعين خوانها واهلها حيييييييل !
وصارت احسن من قبل ، وكل كلامها حاضر وان شالله ....





قلتلج هالقصة عشان تعرفينن ان خواننا يبون مصلحتنا ، ادري ان في بعضهم يمسخونها ويزيدون عليج






بس ياختي حاولي تكسبينهم مره ثانية ومهما كانوا هذول خوانج




وْ الله يرزقج بالزوج الصالح الفالح اللي يعوضج

 

[بدون بس مغتربه]

وعليكم السلام

شوفي اختي عندي نصايح وايد.

بس شفت احسن حل انج تقولين له انج بتاخذين امج للعمره ونبيك محرم معانا حتى لو تدفعين نص تذكره.

80 بالميه راح يقول لا . لكن ان شالله يروح

انتي هناك بس تدخلين بيت الله ادعي الله يهديه وترجعون مثل اول واحسن ادعي ان الله يفرجها عليج ويرزقج ولد الحلال ... مافي مكان احسن من بيت الله لاستجابت الدعوات.

بعدها انتي حطيه بامر الواقع انتي اخذيه معاج...يعني اشتريه ورتبيه على كيفج...اقصد علميه على اخطائه اكيد عنده بنات ويخاف علهم...

بس اذا يبي يهاجر خل يهاجر راح يتعب ويرجع مو اي واحد يقدر يترك الخير ويهاجر


وبعدين اهتمي بنفسج وصحتج...واكو فيتامينات تحتاجيها لشعرج ... والرياضه لاتنسينها ترا الحمول يخليج تعييزين من وقت..

واكو اشياء وايد حديثه حق نظاره الوجهه اقري بالنت وتلاقين اللي يعجيج...


وانتي لاترفضين اي واحد يتقدم لج جربي حظج يمكن يقعد من نومته..


وارجعي ابتسمي ضحكي وزوجات خوانج مردهم المصلحه ترجعهم وانتي تمصلحي معاهم خل يفهمون اخوانج يغيرون معااملتهم معاج وفهمي اخواج ترا ان ضلو على هل الحال زوجاتكم بتمسك عليكم ممسك..

لازم الاحترام بينكم عشان الغرب يحترمونكم....



والله يمجع شملكم ويقر عينج بزوج صالح يقدرج..

 

[مودي كويتي]

غلطه وطيش شباب بيحاسبك عليه للحين؟؟للاسف انتي عطيتيه وجه من البدايه الله يهديه ويهديكم وترجعون مثل قبل واكثر يارب يس سؤال هل هذي شخصيته مع الكل ولى بس وياج انتي؟؟واجهيه لاتظلين ساكته واذا مافاد فيه تزوجي وافتكي مافي الا هالحل

 

[عادت ذكرياتي]

الله يفرج كربج ويهدي لج اهلج يارب

 

[**فديت عيونه**]

كاااان اللع بعوونج للاسف مادري شقول بس تقربي لله ولاتيأسي من رحمة الله سبحانه ...

 

[كويتية وكلها جاذبية]

الله يهديه ويسخره لج حراااااااااااااااااااام 40 سنه وهذا تفكيرهم فيج. ليش كل هذا شدعوه اهما ما يغلطوون

حاولي تكلمينه شبقى من عمرج بعد. قولي لي مما تبي احد يسفرني انت سفرني ما تبي احد يطلعني انت. طلعني

حتي عليه بكل شي ابي ابسوق ابي الجمعيه اذيييي مرته عشان اهيا تطفر وتقوله خلها تولي شتبي فيها.
فري مخ مرته. اشتري لها هدايا. حاولي تخلينها مفاتحج حقه.

وصلي قيام الليل. والاستغفار وكفالة الايتام.
اذا فلوسج واييد ابني مسجد ليش لا. قولي له. ابي اروح العمره. ابي اروح الحج قولي عساه برقبتك يوم القيامه اذا ما وديتيني.
حاولي. الله كريم

 

[Shinexo]

تدرين هو مب كفو يسويلج شي و هو خوآف دآم مآله آلآ آلصرآخ و هآلآسلوب وصدقيني هو مسوي بلآوي من جذي خآيف حده !

قوي شخصيتج بترتآحين مب مجبوره تسمعين كلآمه آنتي فوق آلسن آلقآنوني وخلآص آلوآحد يغلط خو !!

آلبلد في قآنون زفيه قولي له آذآ بتتمآدى بيبلك آلشرطه يجرجرونك دآمه يخآف من كلآم آلنآس حزتهآ بيخآف من آلفظيحه ,

لآتسمعين كلآمهم لآتدفعين شي خيولي شلي آيدج من آلبيت آلوآحد آهم شي ف آلحيآه حق آي كآئن حي ترى حريته !

 

[dlxosh]

الله يساعدك اختي قهرني كلامك يارب يحنو عليكي احس فيك

 

[ريووومي]

السلام بنات .................... حاولت اطبق بعض اللي قلتوه ان اتمرد ع قوانينه بس اول من ساعده امي
هو حاط قانون ان مااقعد فالبيت بروحي طبعا لان لي ماضي اللي هو من 10 سنوات تقريبا
لان يخاف ادخل رجال بيتنا ................... هذا وانا حاجه هالسنه و معتمره معاه في رمضان هالسنه بعد
المهم قاومت وقلت مب رايحه امي اصرت اني اروح اصرييييييت ع موقفي قامت تهددني كاااااااااااااااااااااااااااااش انها بتجيبه يضربني وتقولها لي كاش وتسبني تقوللي ياغبيه يالهبله
داااااايم هذا كلام امي لي مع اني اذا راحت الجمعيه ادفع لها تخيلوا من كم سنه وانا بروحي فالبيت ومرات تبيني اروح معاها حق ناس اذا عندهم وحده مربي عشان ادفع حق الهديه او مجرد مبلغ للمولود

المهم تمت تهددني والله لخليه يجي يكفخج الحين بناديه يالهبله يالغبيه لين اضطريت رحت لان ادري بيطقني بيسوي فيني عاهه هاااي نفسه ومنى عينه ينفرد فيني
لما صادني من سنين كان يقول لازم تنطق كل بنت تنصاد تنطق اشمعنا هي لا؟؟؟؟؟
فهو نفسه وامله في هالحياه انه يطقني

 

[ريووومي]

بنات الحين تليفوني خربان وهو طبعا من الممنوعات ان اخذ جهاز حديث مثل أي فون ابلاك بري او جالكسي هاي ممنوع من فتره اخترب جهازي عطيت اخواني الصغار دق عليهم قال حدها نوكيا وفعلا شرولي نوكيا

الكل يسالني ليش ماعندج بلاك بيري او جالكسي اقول ممنوع وتبدا المناقشات لييييييش ووووو من هالاسئله
المهم حاليا جهازي خربان بحاول بشتى الطرق وبالحيل ان اخذ جهاز عدل
دعواتكم الله يعين وييسر لي

 

[عـيّــآره]

ريوم تدرين عاد بقولج شي والله اني صادقه فيه لو كنت بمكانج واعيش كل هالتعذيب

النفسي من كل الناس بهالطريقه الظالمه

اروح حقوق الانسان ولا المرأه اتكلم اروح اسعىى حتى لو باجر مووتي على الاقل

اعيش يوم واحد بطريقتي وباسلوبي

او اهاجر وابيع كل من لعب باحساسي وحرمني اعيش مثل اي بنت طبيعيه

​

من له حق

انه يقرر طريقه حياتج​

من له الحق انه يحط قوانين ويحرمني من اي شي انا احبه والله سبحانه ماحرمه


تلفون لاب توب طلعه صديقات شوووية خصوصيه ؟؟؟

انتي تتكلمين عن 10 سنيييييييييييين وايد ريم والله وايد وانتي كبيره احين اتوقع

بالصفحات الاولى قلتي انج بال 40



ماله حق ماله حق اللي يصير فيج حرام وظلم

اذا التمرد مانفع معاهم دخلي القانون

لانقطعين دخلي كل فتره وقوليلي شيصير معاج

​

 

[queen92]

انا مع عيااره و طمنينااا عليييج

 

[كنوشة 2009]

الله يعينج ويمسح على قلبج ويصبرج
الحين رب العالمين يسامح واهو مو راضي يسامحج وينسى اللي صار
كل انسان معرض للخطأ ما في احد معصوم من الخطأ
وانت بعد كل هالسنين اللي عذبج فيها مو راضي يطخ
شنو هالقلب الاسود اللي عنده
ما عندج الا الدعاء وتحسبي عليه

 

[سكارلت]

واضح ان المشكلة فيج .. شخصيتج
ضعيييفة حيل وعلى فكرة واجد اللي مثلج
يابنات حقوقكم وحريتكم اخذوهم غصب طيب
لاترضخين ولاتستسلمين ..والرياجيل كلهم سواء زوج
ولا اخ ماينفع معاهم الا الشدة والقوة ..

 

[فـراوله]

واذا جا طقج عاااااااااادي روحي بعدها المخفر وسوي له قضيه عدم تعرض وخيولي
اهم حارمينج من أبسط حقوقج وطايحه من عينهم روحي واخذي حقج بايدج حتى لو المخفر
ترى رااااااح العمر وما بقي شيء اذا بظلين ضعية شخصية جذي اعذريني بعد عمر طويل ووفاة أمج وأبوج
حياتج بتصير ألعن من جذي وسوري عالكلمه بتصير خدامه لهم ولعيالهم وبتصرفين عليهم بعد
محد بيخسر غيرج انتي بخوفج وضعفج تغيرين تسوين واااايد أشياء بس انتي ما تبين وخايفه واذا فات العمر
مح بياكلها وبيتحسف غيرج محد بيفيدج من البنات إنتي للي تقدرين طلعين نفسج من هالمشكله


​

 

[F.Strawberry]

كل إنسان يغلط
و اذا الله يغفر اتوقع اخوانج و اهلج مو احسن من رب العالمين
انتي مره مؤمنه و عارفه ربج ,
اول شي : انتي تعديتي السن القانوني و محد يقدر يغصبج على شي , عيب و حرام اصلن ان اخوج يمد ايده عليج بدون سبب ..
ثاني شي : عليج بالدعاء و صدقة السر و الاستغفار و الله بيفرج همج و خلي ايمانج بالله قوي
والله يعينج حبيبتي

 

[Nzzz'3a]

ريمً حبيبتي

اول شي الله يكون بعونچ
*- احمدي ربچ انچ تداومين اصلا ، في بنات من دون ذنب ولاشي مايداومووون ممنوعه طلعتهم
3- هذا اخوچ والظفر ما يطلع من اللحم
4- ساااااااااااامحي وبترتاحين ، ادري هو معذبچ واااايد (( حاااسه فيچ )) بس اول خطوه سامحي وادعي لييييل نهار ان الله يهديه
5- الاستغفااااااااااار الاستغفاااااااااار
6- هالرابط مههههم جدا لچ اسسسسمعيه وطبقيه
(( في 5 ايااااام يستجاب لگ ‫خمسة ايام ويستجاب لك ... حدث عن كرم اكرم الاكرمين‬‎ - YouTube ))
اذا ما بطل اكتبي العباره باليوتيوب
7- خلي عنچ كلام البنات (( مـع احترامي لهم)) اللي تشيشچ على اخوچ ادري ان اخوچ اقشر وصععععب لكن ما راح ينفعچ ان قدمتي ضده بلاغ بالمخفر يمكن يحبسسسسسچ اكثر ويحرمچ من المتنفس الوحيد/ الدوام ، او يشيش اخوانج عليچ


الله يعينچ
الله يعييينچ
الله يعييينچ

و ماراح انساچ بالدعاء و إن شــــاء الله نسمع عنچ اخبار حلوه قرييييب ياااارب