بنات خايفة ودي ما اخربه ....!

[نور الكوثر]

حق السفر تيمعين حق مشترواتج بره مو حق تذكره وجذي هذا المفروض

 

[New_bride]

اذا ماعندج عيال مب ملزومه تصرفين من فلوسج

شوفي انتي قوليله عطني راتب كل شهر صبعا حسب معاشه اذا كان مثلا داتبه الفين يعطين ميتين وانتي كيفج تجمعينهم او تصرفينهم
وعلميه ان راتبج لج

ان شاء الله اذا الله رزقكم بعيال بعدين ممكن تصرفين شوي عالبيت من راتبج بس ابدا ابدا لاتعلمينه على هالشي لان الرياييل مسرع مايتعودون عالاتكالية

 

[ملامح بريئة]

مع احترامي لكل الردود كل شخصية غير عن الثانية ومو كل مره تعلم الصج حتى لو اختك تنصحك ماتعطين زوجك وجه تلقينها مساعده زوجها وساكته انا من تجربتي بماانك ببداية الزواج ومبين زوجك طيب ويفكر بوناستك وطلعاتك تمسكي فيه لان للحين قلبه معاك اذا تركتيه ماديا يوم من الايام ينضغط ويقلب عليك وماتشوفين منه الفلس واجداعرف يسوون نفسهم مدفعين الرجال مصاريف الدنيا وتكتشفين انه بطاقتها معاه ويحترمها ويعطيها اللي تبي وبعدين الحياه ظروف اعرف عروس زوجها طالب جامعي ويمشيلها مصروفها الشهري وهي موظفه معاشها قوي تخيلي عاف العشرة ككلها لانها ما اوقفت معاه وانا صار لي موقف مع زوجي لان سمعت النصايح الفاشلة والحين صار اغنى متي بس يصرف مسؤولياته لكن انا خلاص القكرة القديمة في باله اني ما وقفت معاه فنصيحة لاتخسرينه اهو ماطلب قرض قصده ياخذ منك ويعايدك وصدقيني لو اهلك بيحتاجونك ماراح تقصرين فهذا زوجك ليش نعيش على الخوف من الخيانه عيشي حياتك لا يقلب عليك وتخسرين طلعاتك والحياة الحلوة وبالتوفيق

 

[عروسة اكتوبر]

اشوف ان الموضوع عادي وبالعكس اقتراح زوجج حلو الحمدالله الحياة الزوجيه مشاااااركة وحلالكم واحد ما راح ياكله عليج

 

[همي رضى خالقي]

نصيحه اخت مقروصة لا تحطين وياه كلش خلي فلوسج وخشيهم بحساب بروحج قوليله لي بغينا شي يصير خير

بس لا تحطين وياه فلوس بمكان او تعطينه بايطه

خليها بالبنك وعزليهم وقوليله حزت الحزه عطيه الي يبي


لانه اذا حطيتي فلوسج وياه مستحيل تاخذينهم او تردينهم حقج

 

[انت مناي]

عاااادي زوجك هذا شريك حياتك ساعديه اذا محتاج بس هو ماشاء الله باين مو محتاج بس اللي ناقصكم بس تعرفوا شلون تتصرفون بالفلوس صرفكم كثيير وانتو مو محتاجين نفسنا انا وزوجي لما كنا ببدايه زواجنا كثير نصرف على اشياء تافهه وماتستاهل بس الحمدلله تلاحقنا على عمرنا ..........

 

[ms_5ajoola]

بالعكس حبيبتي حلو التعاون بين الزوجين بس بحدود المعقول لان بالنهاي بيت العمر بيكون حقكم اثنينكم

 

[M!SS.LOBY]

لا حول ولا قوة الا بالله

 

[الصـوت الجريـح]

أستغفر الله العظيم
شنو ساعديه والحياة تعاون ؟
الحياة الزوجية كلن له واجباته فيه وكلن له دوره
هو دوره الصرف .... وهي مو واجب عليها تقط ولا فلس
هذا مو كلامي ولا كلامكم هذا كلام الله وشرعه حبيباتي
وأكيد لها حكمة , الرسول صلى الله عليه وسلم كان يشتغل باموال خديجة وهي تعطيه أجره منها
ومن اجره يصرف عليها تصوروا ؟؟؟؟؟؟
يعني ما قال لا هي عندها فلوس ولا خل اخذ منها ولا خل نتقاطط
أسمحوا لي هذا اللي تسوونه مو طيبة ولا تعاون إلا خبال وأستغفال
الرجال من يبدأ يخلي الحرمه تصرف ع نفسها وتقط معاه يصير شوي شوي بيقط عليها كل شيء
ويبي حرمه ببلاش تشيل كل شيء وهو بس له الفراش عشان جذي دايم يدورون موظفات ومدرسات
أصحن ع نفسكن يا ماااال الصلااااح

 

[بكيزة هانم]

توه مابين خيره من شره عشان تضحين له
والبنات معاهم حق