بنات خايفة ودي ما اخربه ....!

[M!SS.LOBY]

300 دينار ما يكفون ملابس فاتورة موبايل صالون اكسسوار واجبات عزايم
مصروفج تداومين قطية الاكل بالدوام عطور

الله يكون بعونج اعتقد انتي محتاجة احد يساعدج

 

[إطلالة القمـر ...!]

اممممم ... بتكلم عن نفسي

راتبي ضعفين راتبه ولله الحمد .. وعندي ولد ..

يسدد الإيجار واحتياجات الولد الضروريه ..

شرا أرض وقالي ابنيها .. وفعلا بنيت بيت بفلوسي لكن البيت باسمي ..

شايله نفسي ومو مقصره على روحي الحمدلله

وإذا بغيت أحط معاه حطيت بمزاجي يعني مرات ومرات لا

هو شايل الأشياء المهمه وولده

وبيني وبينك صحيح الكلام إنه لا يتعود بس بعد ليه الواحد يقصر على عمره ؟؟ عشان

بس ما يتعود ؟؟؟

إذا على هالمنطق بيقولي اجلسي بالبيت وأصرف عليك

وأنا ماراح أتخلى عن وظيفتي

بمعنى سددي وقاربي ... وفهميه أن ماراح تقصرين معاه لو احتاج شي

ودايما خلي بطاقتك معك

موفقه

 

[دانة_ دبي]

اختي الغالية
كل زوج يختلف عن الثاني ​

انا بقولج عن تجربتي الخاصة​

اول ما تزوجت راتبي نفس مستوى راتبه
لكن الفرق ان عليه ديون يصفى له ربع الراتب فقط
و راتبي ينزل لي كامل مكمل
ما كنت اشارك بفلس ف البيت
حدي اصرف ع نفسي
لو طلعت معاه و فصلت لي دراعات ولا عبايات
هو بيدفع ما اطلع من جيبي
و مرات يعطيني للصالون و بعض الاشياء ​

بعدين مرت السنين و الحرمة تعرف طبع زوجها اكثر
ساعدته في بناء بيت العمر و نص البيت لي و نصه له قانونيا
و ف نفس الوقت اشتري راحتي من بيت اهل زوجي و المغثة ​

بس مصروف البيت و الكهرباء و الخدامة و كل شي عليه
و في بعض الاحيان ما اجذب و اقول مرات انا اشتري
اشياء خفيفة للبيت من الجمعية
مرات هو مب موجود و اشتري اغراض للعيال
و مع ذلك يوم احتاج لمبلغ اقوله انا اليوم دفعت لكذا و يعطيني المبلغ
او اقوله انا دفعت راتب الخدامةو يعطيني المبلغ
و بعدين طلعت لي سيارة كشخة و هو سيارته على قده
مو من حقه يقول لي ليش و لماذا
هذا راتبي و من حقي اسوي اللي ابغيه ​

الحياة الزوجية مشاركة و حب
بس بشكل معقول
انا ما اشجع الحرمة تشارك ف الفواتير و ها الامور
لأنها اشياء اساسية في الحياة
خاصة لو راتبه يكفيه
حتى لو راتبه اقل من الزوجة او عليه دين
لو راتبه يكفيه لين نهاية الشهر حتى لو يبقى له دينار لين نهاية الشهر اخليه براحته ولا اقول شي و اسوي نفسي عمياء​

اما مثلا سفررر ممكن تشارك بنص المبلغ مثلا
عاد مو بشهر العسل يبغيني اتشارك وياه اقصد بعدين يعني بعد سنة سنتين من الزواج هههههههههه​

ممكن مثلا نحتاج تلفزيون ممكن اشتري براتبي و هو يشتري الثلاجة
ممكن نحتاج ادوات كثيرة ثلاجة و غسالة و تلفزيون و اثاث
ما بعرض خدماتي ع طول ، بنتظره يشتري
انتظر انتظر شهر شهرين اشوف لو هو قادر يدفع و ما ابين له اني بسوي
و بعدين اشتري من نفسي ​

انا ممكن افتح ايدي ل شهر
و ل 6 شهور اصكرها
مو كل يوم ولا كل شهر ولا كل مرة
​

و تأكدي في النهاية كل زوج و زوجة يختلفون عن الثانييين
بس انتبهي كثرة الفلوس تخرب الزوج
لا تفتحين ايدج كلها له
ولا انج تصكرين ايدج و تصيرين بخيلة
ولو قال زوجج فلانه فلانه تساعد
قولي حبيبي يا عمري القوامة ع الرجل :krkrkr:
و عيب الزوج يمد ايده لزوجته

​

انا دايما ابين له القوامة عليه ومهما ساعدته بيظل هو الرجل و هو السي سيد​

 

[miss_7sawiya]

الحياة مشااركة ما فيهاا شي اذا تسااعدنا
طبعاا الواجباات الاساسية ايجار خدامة جمعية فوااتير عليه مصرووف ولدي عليه
بس ما يمنع اذا رحت السوووق ما اشتري حق ولدي اشترية واشيااء ناقصة اشتريهاا من نفسي

 

[$قطوه$]

ما فيها شيء اهو حاليا زوجج وابو عيالج في المستقبل اذا اهو انسان زين وكفوووو اعطيه عيوني

 

[M!SS.LOBY]

على حسب الراتب ساعدي

 

[M!SS.LOBY]

اذا كنتم متفقين ساعدو بعض

 

[Om zayd]

والله ما ادري شقولج شوفي اهوا حسب الريال
اذا تحسين ريلج يضحي ويجدم وناستج علي وناسته
ويشتري خاطرج يستهال تعونينه وبالنهايه الزواج مشارك

 

[في الجو غيم]

مافيها شي اذا تعاونتوا وع الاقل شليتي مصاريفج الخاصة وشوي من مصاريف البيت وانتي وفري لنفسج وللمستقبل بدون مايدري لانه بيكون لج انتي هالتوفير وقولي له بعدين لماتكثرمصاريفكم بتتقاسمون اما الحين انتم ماعندكم شي او مصاريف وايد

 

[مذهلة2013]

ممممممممممم

شوفي حبيبتي لو عنده ايجار او خدامه نقول يمكن يكون مظغوط بس ماعنده ولا التزام !!

اوكي انا الحين احط ويه ريلي الي ابيه انا مثلا 100 شهريا انا الي ابيه لانه مسكين مايقصر عليي

وايجار ومصروف البيت عليه و( مايقصر ) وياي بتاتاااااااااااا!!

لو انه مااعنده شيء جان مااعطيته بس لانه اشوفه وده يسعدني والحياه الزوجيه اولا تعاااااااااااون

اذا انتي تحبينه وتحسين انه ( يستاهل ) وانه يحسسج انه انتي غييييييير وانه كثر ماايقدر يحاول يراضيج و يسعدج

مايمنع انه تحطين بس قوليله انا ماقدر كل شهر احط على حسب عشان مايتعود اكثر .. اما اذا تحسين انه مقصر اشوي

او الفكره مو داشه مخج قوليله مضغوطه وابي معاشي ابي اشتري جم شغله

حبيبتي نصيحه لا تاخذين برأأي البنات انتي تعرفين زوجج وتعرفين انه يستاهل او لا


ربي يوفقج

 

[اذوب بكلامه]

والله الدنيا هذي تخوف لا الموظفه مرتاحه ولا العاطله
والرجال مهما كان طيب وحبوب مايتأمن له 100٪
بس اذا الوحده موظفه لازم تساعد الحياة مشاركه بس تحسب حساب بكره وتجمع لها بحساب خاص

 

[ي حليليِ]

حرام اما اعرف وحدة م خلى شي زوجها ما حطه فوق ظهرها
ديون وقروض واشترا له سسيارة بعد !


لأنه استغل فكرة ان معاشها اكثررر
وهي سوت هالشيء عشان تكبر بعينه وتحببه فيها اككثر

وهو لاهي عنها ولا درى ومرات م ينام عندها


الزبدة : لاتسلمين الخيط والمخيط له ، ومثل م قالوا البنات انتي ادرى بزوجج لان طبيعة الحياة الزوجية تختلف



موفقةة

 

[كاريزما حلوة]

مشكوورين بنااات عالردوود والاراء


وصاجييين كل وحدة زوجها يختلف عن الثانية انا زوووجي حيييل زييين ماشاءالله تبارك الرحمن صج انه عصبي

وقبل فترة تعبت وكنت عند اهلي ورحت الطبيب


ولما درا جااني معرق ويركض ويدق على ربعه واهله عشان يسلفونه حسباله اني بسوي عملية لاني كنت بخاص وحالتي تفترض دخول العملية بس الله سهلها


بس بنااااااات انااااا خااايفة احبه وما اقدر ااثق فيه من كثر ماسمعت عن سوالف البنات

اعين واعاون بس باللي اقدر علي مواحسن اني اطق الصدر واخار شي اخذله

 

[نـعـومـه]

شوفي حبيبتي حلو تساعدين الريال بس بالمعقول

مثلا ماجله خدامه اجار لاتقطين معاه عشان هالسوالف كلش

بتساعدينه ساعديه عشان سفره مع بعض بيت العمر قطي 100 كل شهر بس حساب خاص لج

خلج وسط لا بخيله ولا كريمه زياده

 

[طيشن على جديه]

حبيبتي مو عيب تساعدينه ..



بس لاتحطين معااااه فتحي لج حساب ثاني وقطي فيه ..


مالهم اماااااااااااااااااااااان ومافي اسرع من قلبت الرجااال !!!!​

 

[Al Maha]

بس ما قلتي لنا الفلوس بكونون بايد منو

انتي ولا ريلج؟

ياخوفي يجمع البيزات ويلعب فيهم وانتي تمين حاطه ايدج ع خدج

 

[هيبة ملك]

ماعليج. منه. لو. محتاج. ماتكرم

حبيبتي. جمعي. لروحج. وبس. ولا تعرضين. عليه. اي. مساعدات. ماليه

انت. شيلي. روحج. عنه. لكن. لاتعطينه. ولافلس. وربي. مايستاهلون

وعند. اي. موقف. يبيعج ولاتهمينه. بشي

 

[امـ خــزامـى]

ااااب


انا مع الدين

الرجال قوامون على النسااااء

بس مثلا بسااعد ببيت العمر بحساب خاص وكل شي مسجل باوراق رسميه جدددا عادي وايدها

اساااعد اني اعطيه مبلغ على انه هديه بمناسبة ما


اوووك

اغير اثاث غرفه اكوون طفشت منها كل شي بسبيل راحتي ووناستي اوك

لكن اجار بيت
او اقساط وقروض
اقووم بنفسي ومايصرف علي ابدد ابد

لا

لازم يمشيلك مصروف شهري لو ٥٠ او ١٠٠بس المهم يمشي

في طريقه تسااعدين بس من غير لايدرررري

المهم حركات تقسيم وقلق وكل شهر ماحبيتها لانها مو من التزاماتك اصلا


وبس

 

[Bio_reem]

بداية مادري ليش مضغوط احنا مانعرف جم راتبه بس ماجله بيتكم نفرين ماتكلف
ونوعا ما بالكويت العيش والزيت والاساسيات والماي والكهربا مدعومين مو ذاك الغلا خاصة لا خدامة ولا ياهل

عموما هو مبدأ المشاركة ممتاز وأيده ، لكن طريقة المشاركة تختلف
مثلا انتي فتحي حساب توفير باسمج وحددي مبلغ استقطاع دائم يروح لهالحساب وقوليله هالحساب ماراح المسه لين يطلع لنا بيت ان شاء الله وهو خل يفتح حساب توفير نفس الشي حق المستقبل مو شرط الحساب يكون مشترك وكل واحد استقطاعه حسب راتبه وقدرته وبس ، وبالنسبة لمصاريفج خلي ماجلة البيت والامور الضرورية عليه اما الشغلات اللي تعتبر كماليات جنطة داشه مزاجج نفنوف عرس بنت عمج الخ عليج اذا كنتي حاسة ان فعلا مضغوط مو حجي، لكن الماجلة لا انتي اولى من قهوة الديوانية ورواد الديوانية وبس.

وخليها تطلع منج قوليله فتحت حساب توفير بسوي استقطاع حق بيت العمر ان شاء الله وانت عليك مصرفنا وانا بتكفل بكمالياتي والمناسبات النسائية ، احسن ماتقولين له فكرت وهونت.

 

[Bio_reem]

وبضيف شغله صرفوا على قدكم
يعني انتو الحين باول الطريق ولا يهال ولا خدم هو مضغوط وانتي تقولين يصفالي ٣٠٠!!!
شنو بتسوونةمع العيال؟ يعني مو لازم تغيير الاثاث على قولتج وسفر كل سنة .. نصيحة للمستقبل

والله يوفقكم