بنات تكفون دشوا تعبانه شووفوا شنو قالي الدكتور والله صدمني

[Time out]

لا حول ولا قوة الا بالله الحمدالله على كل حال شتسوين بعد هذا امر الله لج احمدي الله واصبري اختي وما يبتلى الا العبد المؤمن وبعدين شنو هالجرأة اللي عند الدكاترة لما يقولون طيحيه شنو ما عندهم حرام ولا ما يعرفون حبيبتي ديري بالج اطيحينه والله راح تتحسفين انج طيحتيه وبعدين حرااااام ما عليج منهم ربج عطاج اياه راح يسهل عليج صدقيني والله يسر امووورج

 

[منى العنزي]

لا حول ولا قوه الا بالله

الله يعينج حبيبتي ويصبر قلبج ياارب

انا من رايي انج تروحين كذا طبيب,, وتستشيرين شيخ دين

وهم حبيبتي كثري استغفار واستخيري وان شاء الله ربج يعوضج ويكتبلج الخيررر يااارب


والله يهووون عليج...​

 

[سوسن1980]

الله يصبرك

 

[منو انت]

ان شاءالله ان يكون كلامهم غلط ويكون مافيه الا العافيه

 

[ام فارس الراشدي]

الله يجزاكم كل خير يارب

 

[ام الحلوااات]

الله يعينج بس حرام تنزلينه حتى لو معاق وانتي بالسابع حرام والله اصلا اذا ولدتيه و حتى لو طلع صج معاق بتتحسفين على كل لحظه فكرتي انج تطيحينه فيها

هذا اللي الله كاتبه و ولد معاق كتبه رب العالمين تتعبين معاه و تاخذين فيه اجر ولا انج تؤثمين على قتل روح و مو اي روح ولدج ضناج قطعه منج والله حرام لا تنزلينه والله يعينج و يصبرج

كـــــــــلام ســـــــليـــم وعــيــن الـــعــــــــقـــــــــل​

اخـــــــتي ....
وعـــســـى ان تـــكــرهــو شـــيء وهــو خـــيـــر لــكــم
هــذا اللـــي اللـــــه كــاتــبــه لــك
ان شـــآء اللـــه يــطــلــع ســليــم وما فــيـه الا الــعــافيــه
ولا ســـمـح اللــه طــلــع مــعــاق مــالــه رب يـــعــيش
وش ذنـبــه هــو مــو اللــي خــالـق نــفســه
تــصــبري و احــتــسبــي الاجــــر
وكــان اللـــه فـــي عــونــك
.........
​

 

[xxx]

لاحول ولا قوة الا بالله

روحي حق غيره وغيره واذا قالو نفس الكلام سمعي كلامهم

راح يولدونج بطلق صناعي نفس ماصار مع رفيجتي كانت بالسادس

الله يعينج ويعوضج خير

 

[ام فارس الراشدي]

شكرا لكم وكلي أمل يرب العالمين وفوضت امري لربي

 

[kitty eyes]

لا تفكرين تنزلينه

محد يدري ما في الارحام الا الله سبحانه وتعالى

يمكن هم شايفين شي غلط وربي يبي يختبرج

الله يتمم عليج ان شاء الله

 

[QYtiya.com]

طمنينا حبوب على شنو استقريتي ..؟؟

 

[om_dodo]

الله يرفع حضج ويكتب لج الخير
اعرف وحده نفس سالفتج بالظبط بالسابع وقالها الدكتور لازم ينزل
راس البيبي فييه ماى وراح يكون متخلف عقلي
وعاندة الدكتور ومانزلته
ولى يومج اليوم البنت معوقه تكسر الخاااطر
وحاطيين جهاز بطاريه براسها تعوور القلب
عسى الله يشفى كل مسلم يارب العالمين
يا ارحم الراحميين

 

[@البتووول@]

سالي عن راي الشرع في الموضوع ضروري تسألين لا تسوين شي من كيفج ....اختي قالولها بنتج معاقه واحتمال تموت وهذا كان بالعدان وراحت الهادي وقالو لها سليمه مافيها شي وفي وحده بعد قالولها ولدج مافي عيون @@آخرتها طلع شعره مغطي على عيونه الزبده توكلي على الله وحطي ربج بين عيونج لاتسوين شي من كيفج اللي الله كاتبه بيصير والله يكتبلج الخير ويطلع مافيه الاالعافيه يارب

 

[ام فارس الراشدي]

إنشاء الله متوكله علي ربي واللي كاتبه لي ربي بيصير

 

[بدردر2007]

الله يسهل أمورج وربك رحيم بالعباد


بس ماقلتي شنو ناويه عليه ومتا بين وياج الماي

​

 

[ربة الحسن 2]

وعسى ان تكرهوا شيئا وهو خير لكم​

 

[زين ودلال]

حبيبتي لا يرد القضاء الا الدعاء

وعسى ان تكرهوا شيئاً وهو خيراُ لكم

استغفري كثر ماتقدرين

وقولي هالدعاء (لا اله الا انت سبحانك اني كنت من الظالمين)

 

[ابدا يالغالي مانساك]

ذكري ربج يابنت شنو هالكلام تقتلين نفس
برزق رزقج يااه الله تعالي
وماتدرين ممكن هالطفل اللي تقولين معاق
ممكن يكووووووون شفيع يووم القيااااااامه
وبقولج شي
لاتثقين بكلام الدكاترررره
بقولج قصة وحده ويانا بالمنتدي وماذكر شنو نك نيمها
المهم هالبنت حملت
وقالولها الدكاتره نفس الكلام اللي قالوه لج انها حامل بمعاق
ولا زم تطيحه
والبنت صدقت كلامهم
وامها حلفتها النها ماتقتل هالنفس وان الله رزقها بهالمعاق تقوم عليه وعلي تربيته
ومرضت امهاا
وسافرت وياها للعلاج
وكانت دايمن تقعد وتقراء القررران وتذكر ربها وتستغفر
وتدعي
ورحت وسوت سونار
وقالوا نفس الكلام الدكاتره
ووكلت امرها لله تعالي
وجت حزت ولدتهاا وولدت وجابت ولد و بنت
ماذكر وممكن كانه تواءم
المهم
وولدت وجااااااابتهم سليمين ومافيهم شي
وتاري كل الي يشوووفونه شعر الجنين علي وجه
وهم علي بالهم معاق
ذكري ربج ووكلي امرج لله تعالي
هو الي رزقج فيه
اعذريني قرقرت وايد

 

[kookiss]

ورب الكعبه بجيت انتي ترضين احد ياخذ منج جنتج الي الله كتبها لج تدرين ان المعاق شنو اجر الي يربيه ويصبر
ياربي سامحيني حدي تضايقت الله يشافيه ويحسن خلقه واخلاقه صبري ودعي وحده يت حق سيدنا داوود عليه السلام قالتله ادعلي الله يرزقني ولد دعا حقها ياله جبريل عليه السلام قاله بما معناه اني الله يقول انه كتبها عقيم ورجعتلها ادعيلي الله ودعالها وياله نفس الرد عقب سنه يته وبين ايدها ياهل سالها منو هذا قلتله ابني؟؟؟؟؟ وراحت وسال الله سيدنا داوود عليه السلام انك كتبتها عقيم استحى الله من دعاها له كل يوم بليل تطلبه يارحيم شوفي ماكو ارحم من الله صدقيني والله مستعان

 

[وردة-الكويت]

اسالي شيخ مفتي في هشي وعسى الله يعوضج خير يارب

 

[Kawaii GiяL]

حبيبتي لا تهتمين حق كلام البنات اللي بيحسسونج بالذنب
و انج بترتكبين معصية
ماراح يكونون ارحم و اعطف عليج من رب العباد
انا ما افتي من كيفي و اقول حرام و لا حلال
1- روحي اكثر من مستشفى و خليسون لج سونار مرة و مرتين و 3 لين تتأكدين
سألي عن ما لا يقل 3 شيوووخ دييين عن حكم الاجهاض في حالتج

اذا حلااال توكلي على ربج .. ماراح يكونون البنات احن من ربج عليج اذا الله حلل الاجهاض في حالتج خلااااص
اللي يتكلمون و يقولون لا تطيحينه مامرو بتجربتج و اللي ايده بالماي مو مثل اللي ايده بالنار
انتي اللي راح تتعبين و البيبي بيكون تعباان يعني رحمه بالبيبي
لا انتي و لا اهو بتعيشون حياة طبيعيه و راح ياخذ من وقتج وايد

اذا حرااام هني انا اقولج عسى ان تكرهوا شيئا و اهو خيرا لكم و .. ماتدرين ممكن يكون شفيع لج و تدخلين من وراه الجنه
و يبر فيييج و يمكن يكون اختبار و تفرحين فيه معافى و سليم اللهم امين

بس اهم شي تسألين اصحاب الخبره و تسألين شيووووخ

و طمنينا عنج و شوفي شنو قرارج
اذا مالج نفس بالياهل يمكن من غير لا تحسين تظلمينه و تتذمرين منه
اما اذا شايفه نفسج لج مقدره على تحمل هالمسؤووليه فا اسأل الله العظيم رب العرش العظيم
ان يأجرج و يرزقج الجنه

بس سألي حبيبتي
​