بنات تكفون دشوا تعبانه شووفوا شنو قالي الدكتور والله صدمني

[كلاسيكال]

حرررررررررررام تنزلينه حرام ، لاتنزلينه هذا ولدج عسى الله يصبرج وان شاء الله يطلع مافي شي صااااااااااحي يارب

 

[نـعـومـه]

حبيبتي تأكدي من اكثر من عياده

واذا صج معاق اتوقع يحقلج تنزلينه حرام راح تتعبين انتي وياه اهم شي صحه

واللي تقول عادي معاق لانها ماجربت

واذا شاكه سالي شيخ دين اذا حلال ولاحرام وبشرينا

 

[>الحنان كله<]

الله يعينج ويصبر قلبج
بس الافضل ياحبيبتي انج تسألين علماء الدين والفتاوي الشرعيه هم اللي بيفيدونج حيل
وكل هذا اجر ياقلبي

 

[كوووين]

والله ضيقتى خلقى بس بقولج شى انتى وراج ظهر يعنى لاسمح الله صارفيج شى بعد الشر عندج احد يمسك الولد اذا عندج احد توكلى على الله وخلية والى الله كاتبة لج تراا كلة باجرة واذا بتاكدين سالى مشايخ الدين يفيدونج اكثر الله يسهل امرج يارب وطمنينى

 

[روحي82]

حبيبتي حرااااااام تنزلينه والخوات الي يقولون نزليه راح يتعبج اقولكم حرااام لان انفخت فيه الروووح

ولا تفتوون علي كيفكم لو مكتشفين قبل الشهر الرابع تقدر تنزله لان ماكان فيه روح وانا بنفسي داقه

علي مفتي السعوديه وسالته قلتله انا احمل باطفال معااقين ويتعبون بالدنيا قال المرض يقدرون يكتشفونه يالشهور الاولي

قلتله اي في فحص قال قبل تنفخ فيه الروح ممكن اذا فيه شي ومريضً ام اذا كان مافيه شي حرام واذا كانت فيه رووح حرام

بس صدقيني انا عندي بنتي معااقه والله العظيم تكسر خاطري وخلت ايماني بالله قوي والله يعينج

 

[Dancing^Queen]

لاحول ولاقوه الا بالله العلي العظيم

الله ياجرج بمصيبتج ياختي


انا ماراح اقولج نزليه لاتنزلينه انا مو عالمه دين عشان افتي

بس اقولج استشري راي دكاتره ثانين
اختي قالولها ياهل مشوهه وفيه ورمه ولازم تنزلينه بالخامس وراحت حق اكثر من دكتور
وواحد منهم قالها لا انصحج شيلي الرحم بعد لان في ورم بالرحم

وراحت حق دكتور سامر الريس (الحين اهو برويال حياه بس وقتها كان بعيادته الخاصه)
طلعت حامل بتوأم وبمشيمه وحده وبجيس واحد وحركتهم مع بعض عشان جذي كانو مشتبهين ان بيبي وورمه
والحمدالله الحين بناتها عمرهم 8 سنين يكملون 9 هالسنه

انصحج
توكلي علي ربج
ووكلي امرج له
روحي حق دكتور فاهم شاطر يعرف شغله (مري سامر الريس)
استخيري ربج
وسئلي عالم دين
وقرري

والله يعينج ياحبيبيتي ويصبرج

 

[noo7a]

ياقلبي
الله يصبر قلبج
راجعي دكتور اثنين ثلاث ويااااااارب يكون كلامه غلط
وان لاسمح الله طلع كلامه صح انا اقول خليه يمكن هالمعاق يكون سبب دخولج الجنه بعدين لمن تربينه و تتعبين عليه

خل اقولج سالفه رفيج ريلي بالدام
الله يسلمج قعد سنييييين ماكان اييبون عيال لا اهو ولا زوجته ما خلو مكان ما عالجو فيه
يمك ظلو فوق العشر سنين بدون ياهل
ولمن الله رزقهم وحملت المره
بالشهر السادس مادري السابع سوت المره سونار و طلعت المصيبه ان ويه البيبي متشوه مو مبينه ملامحه كللللللش لا عين ولا خشم ولا شي
طبعا الدكتور خيرهم اذا بينزلون الحمل لان راح يتعبون معاه و يتاذون
الام وافقت انها تنزله بس الابو ما رضا قال ان كنت محروم سنين من ياهل ولمن الله يرزقني اوافق اني انزله ومادري اذا الله بيكتب لي غيره او لا
المهم ان ما نزلو
يقول الريال لمن كملت الام تسع اشهر و ولدت يحلفون يقولون والله طلعت البنت قمررررررررر مافيها ولاااااشي بياض جنها قطنه و ملامح تهبل تهبل الابنيه
و الي كان مبين معاهم بالسونار ان شعرها اسم الله عليها كان طوييييل و طايح على ويها فعشان جذي مو مبينه عيونها و خشمها

شوفي سبحان الله صار كل هذا عشان يبي يختبر قوه ايمانهم و صبرهم

 

[raneen]

السلام عليكم حبيبتي ...

الله ايصبرج ويمسح على قبلج ...وياجرج على مابلاج ...

حبيبتي انا مريت ابنفس حالتج ويمكن اخس بعد ...والي صارلي ياطويلة العمر اني حملت وكان فرحتي لانه بجري حبيبي ...ويوم دشيت الثالث ورحت اسوي سونار طبيعي ...وله اتقولي الدكتوره ان ماي الياهل وايد قليل والياهل هذا لازم اذا الماي ما زاد الشهر الياي بنزله ... نطرت وطاف علي شهر يعني دشيت الرابع وله اتقولي لا الماي وايد قل والياهل في ضمور وعنده ايد طويله اويد قصيره ...وريل طويله وريل قصيره ...وراسه صاير طوالي ...انا اهني مو انهرت الا ومالله اني مت من القهر وحسيت ابغصه لدرجه ان بلاعيمي قامت اتعورني..
وثاي يوم رحت مستشفى ثاني عشان اتاكد جان اتزيد الطين بله واتقولي انه رح يلزق ..يعني الياهل يلزق على بعضه لان الماي قليل ...وانا بس بعد لا حول ولاقوه وقالولي انه لازم اتنزلينه واحنه ما انتحمل مسؤليتج روحي احنه نعطيج تحويل للحكومه ...
وبدون تحويل انا رحت ودشيت على الطواري وسوولي سونار وقالولي نفس الكلام ..بس انا مااااااارضيت انه ينزلونه ...لانه حبيبي هذا اااااااه والله لي يومي هذا ابجي عليه ...
المهم نمت بالحكومه عشان راقبون حالتي ويعطوني ادربات عان ايحاولون انه يزيدون الماي بس ماكو فايده وتميت نايمه بالحكومه من الشهر الخامس لي الشهر الثامن ... ونفس الكلام يعيدونه على مع انه حركة البيبي كانت سبيمه مافيها شي ...وبس زهقت من قعدة المستشفى ...
وعلى فكره سالنه اكثر من شيخ دين انه قالوا لنه لاوم ينزلون الياهل بس قالوا لنه انه حررااااااااااااااااااااااااااااام لانه روح ..والكلام على مسؤليتي وانا اتحمل النتيجه والبنات الي يقولن نزليه لا تسمعين كلامهم والله انه حرام ...

وبعد ماطلعت من المستشفى اب اسبوعين حاشني عوار يعني كنت ابنص الثامن ويوم رحت الطواري قالولي مفتوح 2 سانتي ولاده ... ودشيت الولاده ...والله سهل علي ولدته ... وماعاش الا يوم واحد ...والصدمه انه كاااااااااااااااااااان الياهل سليم مافي من كل الكلام الي قالولي ياه انه مشوه ...بس كانو كاتبين سبب الوفاة هبوط بالدوره الدمويه...

والحمدلله على كل حال طبعا بجيت دم لين قلت بس ...بس رح يكون لي ان شاءالله شفيع يوم القيامه ومرح يدش الجنه الا وايدي بيده ...وهذا الشي الي ونسني الصراحه...

والحمدلله ان الله رزقني بثنين يهال وراه ...وهذي تجربتي حبيت اقولها لج والله ياجرج على مابلاج ويصبرج ياقلبي ...

 

[عهوودي]

الله يصبر قلبج والله ياجرج في مصيبتج احتسبي الاجر وادعي افرشي سجادتج وادعي بالثلث الاخير من الليل ومافي غير ربج بيساعدتج وابجي مثل الطفل وانت ساجدة وانشالله ربي يستجاب دعائج واعلمي لو الامة اجتمعت علي ان ينفعوك بشي لن ينفعوك بشي قد كتبه الله لك وقولي يارب اللهم اجرني في مصيبتي واخلفلي خيراا منة عسى االلة يكتبلج الخير ويرزقج بالذرية الصالحة

 

[ام التوحد]

البنات اللي يقولون حرام معاق يتعب ويتعبج وياه
شنو المعاق وين راحت حقوقه وقانون جديد وفرحانين فيه وهذا كلامكم عنهم تبون تسوون اباده لانهم ما يفهمون
حتى الحياة تاخذونها منه ليش انتي ترضين احد يقرر متى تموتين
الله خلقهم وهو سبحانه ارحم فيهم حتى من الام والاب هذا امتحان من الله مافي دور ثاني يا تنجحين يا تسقطين
انا عندي معاق يسوى عيوني (حرام عليكم قمت ابجي) وحامل الحين ولو يقولي الدكتور مثل اخوه ما افكر مجرد تفكير اني اذبح ولدي بايدي يمكن المعاق هو اللي يدخلني الجنه والصاحي يقطني ولا يدري عني
منو يقدر يعترض على ارادة الله وين الصبر وين الايمان بقضاء الله وقدره
الله يسامحكم

 

[G!RLooNa]

السلام عليكم حبيبتي ...

الله ايصبرج ويمسح على قبلج ...وياجرج على مابلاج ...

حبيبتي انا مريت ابنفس حالتج ويمكن اخس بعد ...والي صارلي ياطويلة العمر اني حملت وكان فرحتي لانه بجري حبيبي ...ويوم دشيت الثالث ورحت اسوي سونار طبيعي ...وله اتقولي الدكتوره ان ماي الياهل وايد قليل والياهل هذا لازم اذا الماي ما زاد الشهر الياي بنزله ... نطرت وطاف علي شهر يعني دشيت الرابع وله اتقولي لا الماي وايد قل والياهل في ضمور وعنده ايد طويله اويد قصيره ...وريل طويله وريل قصيره ...وراسه صاير طوالي ...انا اهني مو انهرت الا ومالله اني مت من القهر وحسيت ابغصه لدرجه ان بلاعيمي قامت اتعورني..
وثاي يوم رحت مستشفى ثاني عشان اتاكد جان اتزيد الطين بله واتقولي انه رح يلزق ..يعني الياهل يلزق على بعضه لان الماي قليل ...وانا بس بعد لا حول ولاقوه وقالولي انه لازم اتنزلينه واحنه ما انتحمل مسؤليتج روحي احنه نعطيج تحويل للحكومه ...
وبدون تحويل انا رحت ودشيت على الطواري وسوولي سونار وقالولي نفس الكلام ..بس انا مااااااارضيت انه ينزلونه ...لانه حبيبي هذا اااااااه والله لي يومي هذا ابجي عليه ...
المهم نمت بالحكومه عشان راقبون حالتي ويعطوني ادربات عان ايحاولون انه يزيدون الماي بس ماكو فايده وتميت نايمه بالحكومه من الشهر الخامس لي الشهر الثامن ... ونفس الكلام يعيدونه على مع انه حركة البيبي كانت سبيمه مافيها شي ...وبس زهقت من قعدة المستشفى ...
وعلى فكره سالنه اكثر من شيخ دين انه قالوا لنه لاوم ينزلون الياهل بس قالوا لنه انه حررااااااااااااااااااااااااااااام لانه روح ..والكلام على مسؤليتي وانا اتحمل النتيجه والبنات الي يقولن نزليه لا تسمعين كلامهم والله انه حرام ...

وبعد ماطلعت من المستشفى اب اسبوعين حاشني عوار يعني كنت ابنص الثامن ويوم رحت الطواري قالولي مفتوح 2 سانتي ولاده ... ودشيت الولاده ...والله سهل علي ولدته ... وماعاش الا يوم واحد ...والصدمه انه كاااااااااااااااااااان الياهل سليم مافي من كل الكلام الي قالولي ياه انه مشوه ...بس كانو كاتبين سبب الوفاة هبوط بالدوره الدمويه...

والحمدلله على كل حال طبعا بجيت دم لين قلت بس ...بس رح يكون لي ان شاءالله شفيع يوم القيامه ومرح يدش الجنه الا وايدي بيده ...وهذا الشي الي ونسني الصراحه...

والحمدلله ان الله رزقني بثنين يهال وراه ...وهذي تجربتي حبيت اقولها لج والله ياجرج على مابلاج ويصبرج ياقلبي ...

واي والله بجيت :eh_s(2): ياربي يجمعج معاه بالجنه انتي وابوه

البنات اللي يقولون حرام معاق يتعب ويتعبج وياه
شنو المعاق وين راحت حقوقه وقانون جديد وفرحانين فيه وهذا كلامكم عنهم تبون تسوون اباده لانهم ما يفهمون
حتى الحياة تاخذونها منه ليش انتي ترضين احد يقرر متى تموتين
الله خلقهم وهو سبحانه ارحم فيهم حتى من الام والاب هذا امتحان من الله مافي دور ثاني يا تنجحين يا تسقطين
انا عندي معاق يسوى عيوني (حرام عليكم قمت ابجي) وحامل الحين ولو يقولي الدكتور مثل اخوه ما افكر مجرد تفكير اني اذبح ولدي بايدي يمكن المعاق هو اللي يدخلني الجنه والصاحي يقطني ولا يدري عني
منو يقدر يعترض على ارادة الله وين الصبر وين الايمان بقضاء الله وقدره
الله يسامحكم

عفيه عليج والله انتي وكل امهات قسم ذوي الاحتياجات الخاصه الله اللي خلق الروح والله اللي يقرر متى ياخذها مو دكتور ولا ام وابو و معاق خير انشالله تعب ندري تعب لكن اختبار من الله سبحانه و ضعيف الايمان اهوا اللي يقرر يتخلص من هالروح المعاقه

 

[dlll3]

تكفين لاتنزلينه اعتمدي على ربج ودايم ادعي يارب ترزقني بالطفل الشافي المعافي وتوكلي على ربج وصدقيني دام توكلتي على رب العالمين مايرد عبده خائب
وقومي بالليل وصلي صلاة الليل والناس نايمين وادعي

 

[العفاسيه]

هذي عطية الله حمدلله على كل حال لا تنزلينه يمكن ينولد سليم

 

[الحياة جوهره]

حبيتى رفيجتى كانت حامل ولما بالتاسع قالولها جنين براسه ماي ولما ولدت سوي عمليه براسه ركبوله جهاز من مخ الى معده وحمدلله الحين عمره سنتين ويمشى ويسولف

 

[Dan Dan 88]

حبيبتي الله يكون بعونج

حرام تنزلينه شهالدكتوور اللي يقول هالكلام استغفر الله هذي روح

ماتدرين باجر اذا ولدتي بالسلامه يمكن يلقون له له علاج او يكوون علاجه بسيط

استغفري ربج وعسي الله يفرجها

 

[مضاوي السلمان]

لاحول ولا قوة الا بالله

 

[كويتية84]

اولا لازم تسألين الشرع هل يجوز انزال الجنين بالشهر السابع ؟؟

 

[om MaRyooM]

حبيبتي لو مهما قلنا هذا اللي ربج كاتبه ولاتنسين ان ربج قايل وعسى ان تكرهو شيئا وهو خير لكم


يعني مارح تعرفين مصلحتج كثر رب العالمين


الله يهونها عليج ويعوضج كل خير آمين

 

[om MaRyooM]

ونفس ماقالو البنات ..اخذي فيها فتوى


لأن بهالعمر يكون نفخت فيه الروح على اي اساس انسان يقرر موت انسان !!

استشيري اكثر من دكتور


والله يفرجها عليج

 

[ام حمد 85]

الله يصبر قلبج ويفرجها عليج ويرزقج من حيث لا تحتسبينودايما قولي انا لله وانا اليه راجعون وقدر الله وما شاء فعل و حسبي الله ونعم الوكيل ولا تفكرين اتنزلينه الله خلقه والله ادره فيما خلق والله يدبر الامور