بنات تعالوا كل وحدة تقول شلون تشغل وقت فراغها !!

[زهرا_*]

وقت الفراغ احب انظف و ارتب غرفتي و اغير بترتبيها اشياء و افرز الاشياء اللي فيها

والا ادخل اليوتيوب و اتعلم اشياء مفيدة قريبة من تخصصي

او اشوف فيديوات ميكب اب و شعر و اعمال فنية استفيد منها

و اخصص وقت للاذكار و قراءة القرآن

و احاول اتعلم طبخات و اطبقها

 

[كاسندره]

موضوع جميل ومفيد

 

[Japanese]

اروح الجامعه واخلص شغلي اللي اغلبيه الوقت ياخذ وقتي كله

اروح الجم .. صارلي شهر ونص تقريبا احين اروح كلاسات زومبا و يوغا وحدي مستانسه عليهمم واااي

الزومبا تطلع كل الطاقه اللي فيني واليوغا وايد تخليني ارلكس واركز والمفروض مع الوقت تخليني متوازنه اكثر ومرنه بعد

اممم غير جذي ،، احب اسوي طبخات يديده بما اني مب عند اهلي لآني لو مابطبخ بموت يوع لول

اليوم طلعت لي وصفه تغميسه وباجر بسويها لآن معزومين عند ربعنا ،، هاي من الطبايع

اللي ماقدرت استغني عنها ف اميركا لوووول ماحب اروح لآحد بيدين فاضيه استحيي حدي

ف الصيف احاول اسوق سيكلي ف اماكن جي مخصصه للسياكل " السيكل هو اللي تسمونه قاري "

للآسف ماحولنا بحر ولا جان طول الصيف انا منقعه هناك :< سالفه القعده ع البحر حدي احبها

اي واحب اقرا وايد ،، وهالآيام قاعده افكر اشتريلي ال اي ريدر kindle

هو قارئ الكتروني من امازون حده داش مزاجي ،، لآني احب اقرا مثل ماقلت وغير جذي ماصرت احب اشل كتب وياي وين ماروح

ف فكره الكندل عاجبتني

احاول اقرا قرآن يوميا وصارلي فتره افكر اطلع كتب البخاري اللي عندي " عندي كل كتبه اللي فيها الاحاذيث الشريفه وجذي"

اتذكر قد قريت تقريبا ربع كتاب من كتبه ووايد اكتشفت اشيا ماكنت اعرفها من قبل

اي وساعات اذا صج صج زهقانه اقعد اقرا بالنت عن اشيا تهمني ب علم النفس والآخبار و مناقشات عن مواضيع معينه بالمختصر

اقعد اثقف نفسي ويتروالي اللي يخليني اسوي جذي انه الاميركان هني يفسرون كل شي بالعلم عكسنا وايد عندنا خرافات

واشيا نؤمن فيها ومالها اساس من الصحه ف ساعات احس اني متآخره عنهم فكريا :/ ف قاعده احاول اغير من هالشي

يتروالي بعد الاشتراك بالانديه الثقافيه فكره حلوه ،،

نادر ماجوف افلام ولا تلفزيون ،، مع اني احب الافلام الوثائفيه اللي عادتا تثقفني بشي معين

احب اسافر وافتر وايد وايد ،، وكل فتره احاول اكتشف شي يديد ولا اسوي شي ماعمري سويته

هالسنه قاعده افكر اسوي sky diving مع اني اخاف من المرتفعات :/

ف الدوحه الوضع يختلف

بما اني اكون ف اجازه ف الاغلب اقوم من الصبح بدري <<< عكس الناس تراني ايام الدوام اغصب نفسي اقوم من النوم

بس سبحان الله ف الدوحه يمكن لآني اكون بين اهلي ومرتاحه ف انام بدري واقوم مثل الدياي مع اذان الفير

العاده اروح البحر واخذ كتابي وياي ،، او اقعد ف البيت اتفطر وايودلي بعد جريده ولا كتاب

او اروح اخذ فطور وازور يدتي

ساعات عاد اسحبها نومه

الظهر اقعد ويا اهلي ،، المغرب عادتا اكون قاعده اتمرن وبالليل نزور حد من اهلنا او نطلع مكان وساعات نقعد ف البيت

ع التلفزيون

فيه وايد اشيا تقدرين تشغلين وقتج فيها بشكل مفيد انتي بس جربي اشيا يديده وجوفي شنو ميولج وشنو الشي اللي

تكونين مستانسه وانتي تسوينه ويرد عليج بمنفعه​