بنات الكويت من صجهم ولا يستعبطون؟ ولا عبالهم شعرنا غيه دهن

[واحشنى موت]

رد : بنات الكويت من صجهم ولا يستعبطون؟ ولا عبالهم شعرنا غيه دهن

لا والمشكله الكبيره واللى ترفع الضغط بدله او دراعه اشوفها بالبلوكات ب 25 دينار والاقيها عقب بواحد من هالمعارض
بكم ؟؟؟؟؟؟؟؟؟؟؟ 80 و100 دينار لييييييييييييييييش اوكى زيدى خمسه او عشره تعب التوصيل بس مو جذى دبل الدبل
والله حرام صرنا مقصه ..... والله انا معاج بكل كلمه قلتيهاااا

 

[DaShTeYa_Q8]

وجان زين شي حلو وراقي!
كل المعارض إلي رحتلهم صراحة خلااااااااجين مادري يا أهمه ماعندهم ذووق كلش يا إنه مايدرون شيسوون بس يرقعون خامات عشان يدشون معارض يعني بالله عليج يامصممه إنتي تلبسين جذي وتطلعين فيه ؟؟

شي يفشل والله العظيم صج ماكو ذووق خرابيط تنعرض بالمعاارض إلي بالمجمعات وايد وايد أحلى ! وصج أسعاارهم لا تعلييييييق ماييسوى

يروحون البلووكات السوق الهندي يشترون خامات المتر بدينار أو نص دينار وتقعد ترقعلج خامات وتخيط عند أرخص خياط
وتبيعه لج بـ 100 وفوق شدعوه عليج خافي الله !!

شوفي حبيبتي أنا رحت كل لحظه بالمهلب تحت بالسرداب صج إنه غااالي بس والله يهبل شريت نفنووف أهوه طويل مكسي بس أنا قصرته شوية
عشان ألبس تحته لييقنز مثل ستايل الحين.. سعره 112 بس والله يسوى الخاامة ثقيييلة مو بخاتم ينشق و تحته بطااانه ثقيلة
النفنوف ثقيل لمن تمسكينه و الخاامة راقيه والألوان ذربة سعره فييه ! مو شي هيلق

روحي اهناك منزلين نييو كوليكشن كله سوالف نفانيف حق قرقيعان والعيد و هالمناسبات ويضبطونه ويقصرونه عليج لو تبين ويطلع يهبببل

وبعد وحده قالتلي عن لحظه من فضلك ماخذه من عنده نفنوف شفته أنا العام عليها إينن هم قصير وتحته ليقنز خذته بـ 80 بس
وأنا توقعت سعره 100 وفووق إنصدمت..

أحسن من هذوول إلي بالمعاارض خاام ولا ببيزة وترقييع ..

 

[::كيك وعسل::]

الكويت صاير ناااااااااااار
....

 

[ام ورود مول]

حتى انا لاحظت الاسعار المبالغ فيها
احسن شي الوحدة تفصل او تطلب من النت
جذي بتكون مميزة بلبسها والسعر يكون مناسب

 

[-aToNa-]

انا عن نفسي مستحيل اخذ بدله من معارض
اسعارهم ماكو فرق عن محلات الصالحيه والرايه والافنيوز فيس 2
عالاقل هناك الملابس اسمها ماركه ويبين جودة الخام والخياط نظيف
هني خياط مشاغل والخام يلوع الجبد من البلوكات وعلى 100 وفوق شدعوا والصراحه الموديلات وايد خبه وسوالف مادري شلون
يعني انا بطلع بالسوق ولا مجمع ولا حتى بزواره لابسه لبس فيه 4 انواع خام وحالتي حاله
لا كلش مو شي
انا كذا وحده من البنات الي يصممون يقولون خياط وخام يطلع علينا 30 تقريبا ونبيعه فوق 80
الصراحه حرام انا مو عيزانه اقط هالمبلغ بس اقطه على شي يسوى ومضمون

 

[contessa]

بنت خالتي تقول رحت القادسيه سألتها بجم الشروال
قالتلها 95 بس
جان تقول ينت خالتي حساافه لو 100 جان شريته لووووووووووول

زين تسوي فيها

 

[contessa]

بنات امس رديت من هيلتون
اليوم اخر يوم ساعه 10 يسكر
روحو شوفو
خذيتلي جم شغله
و لقيت وحده تبيع اسمهم ليلي ستايل
عندهم اشياء حلوه السعر مو غالي حيل
في 45 و في 70

حتى كانت لابسه نفنوف عجبني لوونه اسود مو ورا جنه برده
شوفو و ادعولي

 

[امبراطورية الزين]

يعطيك العافيه

 

[قطوووة]

الحريم استخفوا واقعدوا

 

[يا ماي عيني]

رد : بنات الكويت من صجهم ولا يستعبطون؟ ولا عبالهم شعرنا غيه دهن

ايه والله صاجة
انا بعرس اختي كنت حدي مستعيلة فرحت شريت نفنوف قصير والله خامة عاديو والقصة عادية وماكو لا شك لا شوارفسكي ولا نقطة
ب265
عاد ندمت بعدها وتحسفت حيييل عاد مجبوووورة شسوي
وهم الدراريع اذا ملاحظين وااايد غالييين شدعوه 600 و500
خصوصا الدراريع الي من بره الهندية والمغربية
انا اتعامل مع مشغل لطيفة الملكي خوووش دراريع عندها والخامات هم رووووعة واسعار معقولة
الي تبي العنوان تراسلني عالخاص

 

[krkooora]

اي والله صاجه

امس بمعرض القادسيه

اللبس لوووووووووووووووووووووووووووعه

قليل اللي تلاقينه شكله زين يعني مو وااااو

والاسعار ما يتعاملون الا من 80 و طالع !!!!!

على شنو بس !!!

صراحه قاصين على الحريم و الحريم والله صيدات !!!

 

[احلى ـآ وحده]

كلامج 100%100

 

[Ga6waah83]

رد : رد: بنات الكويت من صجهم ولا يستعبطون؟ ولا عبالهم شعرنا غيه دهن

لوووووووووووووووووووووووول بنات

بيت روضان انشالله لي مره عندكم

و انشالله التاجرات اللي مستانسين على اسعارهم يقرون ردودنا
جود يعدلون من اسعارهم
البعض طبعا مو الكل
مابي اعمم

ادري داشين لانه المشاهدات 300 و شي
و الردوج 25

حيااااج الله يا قلبي لج العين اوسع من المكان ولي يتيي خلينا انتعرف عليج يا الغاليه ....​

 

[^ليلاس^]

رد : بنات الكويت من صجهم ولا يستعبطون؟ ولا عبالهم شعرنا غيه دهن

الطمع وما يسوي الله يهديهم

اشتري من الرايه او الافنيوز احسن عالاقل ماركة مو هني الخام من البلوكات وكلهم متشابهين بالستايل او مقلدين مصممين عالميين اشتري منهم بحاله وحده اذا بضاعتها يايبتها من بره مو خياط وتصميم مقلد

 

[LuLiTa]

انا عندي اقط فلوووسي على اي شي مااااركة ب 160 دينار و لا اقطه على نفنوف من مصممة كويتية ,,,,

 

[الجوررى]

صاجة والله
تدرين اللى يقهرنى شنو لامريت من المعرض وسالت بجم هاذى
تجينى العارضة تقولى هاذى بكيت وشغل عدل ولااا هابين بكلمة هاليومين
شغل جديد تونا عارضينه اليوم
اشدعوة عليج
من زين شغلكم
انا اشترى من المعارض المعقول ومع بناتنا بس بنات بذمتكم
المعارض الحين انا اشوفها مصخررررررررة
من لبس بنات وميك اب اشدعوة عليكم

الله يهديهم ان شاء الله
تقبلى مروري

 

[مخاويه الزعامه]

صاجة هالمعارض اليوم يابنات بقولك سالفتي رحت معرض الهيلتون كان اخر يوم رحت على ساعه 8 ونص


والله يابنات شفت شي يعور راس البنات اللي الموجودين الحمدالله والشكر المكياج الاوفر وضحك والسوالف مع للي يبيعون

واحد يبيع سي دي ولا وحدة مقابلتة تبيع خلاجين ترقص وتهز جتوفها قدامة شدعوة

ولا فية بنات الله يستر عليهم بنات صغار تفخ شفايف والرموش تركيب وبلاوي زرقااا

الله يستر علينا وعليهم

:eh_s(11):

 

[MyLittleBerry]

رد : بنات الكويت من صجهم ولا يستعبطون؟ ولا عبالهم شعرنا غيه دهن

انا معاج في بنات وايد يحطون ربح

الربح لازم يكون دبل

بس مو 10 دبلات

يعني اذا الشغله مكلفتج 20 تقدرين تحطين سعرها 40 وهذا شي موعيب اغلب المحلات جذي

وفي بنات يطلع عليهم الخياط وااااايد وهذا شي صج انا ملاحظته بالخياييط اللي يخيطون حق المعارض صايرين صلخخخ شالسالفه


وفي شغله بتكلم فيها عن نفسي


انا في بنات يقولولي شدعوه التاج ب 3 دنانير

بس والله مايدرون اني اقعد على التاج ساعه كامله ومن غير مبالغه في تيجان اكثر من ساعه وانا منزله راسي واشتغل حتى لما اخلص من التاج رقبتي متشنجه
والخامات اغلبهم اطلبهم من بره لان خامات الجوخ موكل الالوان موجوده بالكويت
وسألو اللي يطلبون من النت شنو الشحن والوزن غالي صالخينا صلاخ
وغير اني اروح مرتين البلوكات افتر بالحر

يعني حرام علي اطلع هالربح البسيط حق نفسي ( لا واخر شي بالربح ارد اشتري فيه اغراض التيجان )

 

[Q8 Essence]

أنا أعترف كان شعري فيه دهن هههههههههه كنت أدفع فوق 100 / 200 على شغل الحريم .. بس اللحين أعلنت المقاطعه على عليهم ,, ياختي لا شغل سنع و لا خامات زينه

ذاك اليوم رايحه معرض مارينا و بيت ديفا و كاريزما والله إن الموديلات اللي تنباع عند البلوكات فوق نفسها بالضبط نفس الخام و الموديل كوبي و مبين إنه شغل البلوكات يبيعونها فوق 70 و هي هناك كلش كلش ما تعدت الـ30 !!


و إنتوا مصدقين عندنا مصممات بالكويت ! كلهم من غير إستثناء نفس الأفكار نفس الموديلات نفس الخامات !

ما ادري ليش مسمين روحهم مصممات على شنو يا حظي !!


واااااااااااااااااااي ليش تفتحين الموضوع إرتفع ضغطي ><

 

[!الجادل الصعب!]

البلوكات فيه محلات فوق .. اي بلوك .. اول مره ادري؟