بنات الكويت من صجهم ولا يستعبطون؟ ولا عبالهم شعرنا غيه دهن

[فراشه ذهبيه]

والله صاجيين الحمدلله ما اعور راسي بالمعارض اللله يعافي الجاهز ولا النت اخذي الموديل وعند االخياط ولا استغفال هالحريم
ولا بعد فوق كل هذا نفسها خايسه


الي تبي خياط في واحد بسوق الصفاة فوق اسمه ((تاج محل )) للامانه ما فصلت عنده بس مبين شغله مضبوط

وعلى فكرة اكثر صاحبات المشاغل يفصلون بسوق الصفاة ولا العربيد

 

[Pinky Dream]

رد : بنات الكويت من صجهم ولا يستعبطون؟ ولا عبالهم شعرنا غيه دهن

اللي تسال عن خياطين المباركيه
فوق صعدي الدرج اللي عند التراث الهندي تلقينهم شكثر موزعين عاد افتري انتي

 

[بنت ام قلب ابيض]

اي والله حياتي صاجه وما لومج انفجرتي انا انفجرت من زماااااااااااان ولايعه جبدي من الاسعار النار عاد يليت على سنع لا بس يبون يربحون وربي ما راح يسترزقون من ورى هالاسعار النار والخام مو ذاك الزود تشتي ارخص شي لا واذا قلتيلها انا ايب الخام تقول لا هذا ضد سياسه المشغل ما ادري انا طالبه منها تفصلي بدلة رقاصه خخخخخخخخخخخخخخخخ الله يهديهم ياربي

 

[ام عزيزان3]

رد : رد: بنات الكويت من صجهم ولا يستعبطون؟ ولا عبالهم شعرنا غيه دهن

اهي اسمها طيبه ستايل؟؟وسمره البنيه؟؟
اذا اهي الي تنزل اول بيت ديفا وشرق اسمحيلي ماحب اقطع رزق احد بس كنت بخيط عندها موديلات غريبه
بعدين انصدمت من رفيجتي قالتلي تشتري منها البدله وتلبسها بعدين تبيعها لها,,,بس ماحب اشتري شي ملبوس والحين الاغلبيه يسوون جذيه تعرضه وتشبع منه بعدين تبيعه علي المدمغين الي مايدرون شالسالفه

نصيحه اذا بتجكون الي يسون جذيه لاتاخذون المعروض ودايما غيروا باللون وشوي بالموديل علشان تضمنون ان محد لابسه

حبيت اصحح المعلومه من امس برد بس المنتدي معلق,, وانا اقرا الموضوع اختي كانت يمي وبس قرت اسم طيبه الي رفيجتها ماخذه منها ردت وكتبت الرد الي فوق,,,,وامس واهي تسولف مع رفيجتها يه طاري المعارض ولاتبي تأكد من اسم راعية المشغل طلعت موطيبه الصفران فأنا اعتذر منها لان الاسم التبس عليها والي تقصدها انها تبيع ملبوس وحده ثانيه مومعروفه وبس كانت تنزل جم معرض ووقفت وحتي ماتسوي اوردر بس تبيع المعروض
فقلت لازم احط رد اهني لان اختي ضميرها أنبها انها استعيلت وكتبت هالرد,,,,السموحه من المصممه طيبه الصفران

 

[G!RLooNa]

المعارض والمشاغل معروفين جذي اخاف عاد وحده تحط تصميمها انا اعرف وحده تنزل معارض جذي سوالفها تروح تلقط خلاجين من البلوكات او تاخذ تصميم زاهب وترفع سعره دبلات ولا كلش كلش تطلع تصاميم من النت و كوبي بيست و هات يا بوق و الحريم جنهم مطقوقين على راسهم يشترون والله مادري اللي يشترون من معرض قميص ولا جوتي ملزق بصمغ ب 100 و 70 و 200 شنو ما عندهم مخ يعني يشوفون و على قولتج اقط فلوسي على ماركه ولا اقطها على وحده بايقه تصميم و مخيطته عند الهندي بس صج لي قالو رزق القطاوه عالخاملات

 

[Viva La Vanilla]

i'd rather have something italian ib hal Qaima !
ma3ach 7aq

 

[أم علي الرفاعي]

اقول ..

روحي الصفاة فوق التراث الهندي

وشوفي الموديلات..

نبشي بين الأغراض
وتلقين سوالف تهبل

والأسعار 25-35 دك

وراح تشوفين اشكثر كويتيات زقرت
يتمشون هناك وقولي أم علي قالت


سويت نفنوف حق القرقيعان يهبل

وقميص حق العيد


واحد احلى من الثاني

مال القرقيعان 35 دك
واذا طلع حلو بخليه حق العيد

ومال العيد ب 25 دك


وعلي بالعافية
ولا يقصون عليكم
بنات المعارض

ترى كل سوالفهم من الصفاة

روحوا وانصدموا !!!!!!!

 

[سيــدة الغــــيد]

ياحلو الماركه لو تدفعين 200 او 300 تحسين براحه وفلوسج تدفعينه وانتي مطمنه انج لابسه قطعه تسوى وراقيه والفنشنق تمام <<<<< هذا الميزه بين القطعه الراقيه او اي كلام وانا حيل اهتم بهالشي
ولا المشاغل تدفعين 100 وتحاتين اذا في احد نفسج او تلقينه بمكان ثاني ارخص غير الخام والكلف الاقل من عاديه

وجهه نظر

 

[brettey]

رد : بنات الكويت من صجهم ولا يستعبطون؟ ولا عبالهم شعرنا غيه دهن

الوحيده الي ممكن اخذ منها بسعر غالي اهي هيفا بقرطبه مول ومو اي قطعه بس ماركه ليبرتي لندن لانهم مو من الكويت ولا باجي القطع الي عندها فيه الزين وفيه الشين
وانا خذيت لي دراعه من وحده بمعرض قؤرطبه وسعرها ب 28 لاني حامل ومالي خلق افصل ولا الحمدلله انا افصل حق نفسي والحمدلله كل من يثني على ذوقي
لكن اشتري من المعارض ب 80 و100 وخام بودينار ونص مادري دينارين لا يبا بعدي ما ينيت

 

[ريتشل]

الواحد بروح يسوي عمره واي خياط احسن
او الاوقاف بعض المحلات مو كلهم فيهم اشياء حلوه

وعلى قوله البنات اشتري ماركه ابركلي من شغل معارض

 

[مزونة]

والله يابنات لو مالقوا احد يشتري منهم جان ما ارفعوا اسعارهم
صاجين احنا الماراكات نتغالية عليهم 200 والحين الحريم صكوا عليهم بسعر والمشكلة كل افكارهم تشابة

 

[انصاريه قمره]

بصراحه احنا اللي وصلناااهم واخرتهااا يرقعونا بالطووفه ويرفعون الاسعاار لا واغب موديلاتهم من خيااييط البلووكات ودراريعهم ملوت العربيد ويدبلون السعر 10 مراااات شالذمه اللي عليهم قلنا ربح بس موو بووق عينك عيني

 

[S.O.S]

رد: رد : رد: بنات الكويت من صجهم ولا يستعبطون؟ ولا عبالهم شعرنا غيه دهن

حبيت اصحح المعلومه من امس برد بس المنتدي معلق,, وانا اقرا الموضوع اختي كانت يمي وبس قرت اسم طيبه الي رفيجتها ماخذه منها ردت وكتبت الرد الي فوق,,,,وامس واهي تسولف مع رفيجتها يه طاري المعارض ولاتبي تأكد من اسم راعية المشغل طلعت موطيبه الصفران فأنا اعتذر منها لان الاسم التبس عليها والي تقصدها انها تبيع ملبوس وحده ثانيه مومعروفه وبس كانت تنزل جم معرض ووقفت وحتي ماتسوي اوردر بس تبيع المعروض
فقلت لازم احط رد اهني لان اختي ضميرها أنبها انها استعيلت وكتبت هالرد,,,,السموحه من المصممه طيبه الصفران

اشوه اللي صححتي
لان طيبه الصفران ذووووووق وقمممممه في الذرابه بالتعامل
فما اتوقع منها جذي كللللللللش
.. انا توني اقرا الموضوع

 

[غلاي عزوزي]

والله اني قب35 لقيته بمشغل بالاوقاف ب95 ولا تنزل فلس


وهمن مخيطه قميص ب15 لقيته بالصفاة ب30

تري اكثر المشافل من الفروانيه والصفاة ان شاء الله صدقتو انهم يصممون عشتو كل البنات فجأه صارو مصممات ازياء ياعيني

 

[غربــــة اِحساس]

--------------------------------------------------------------------------------

انا ماحب اروح معارض لأن ادري باسعارهم المبالغه..

واهمه لو ماشايفين ان الحريم يشترون جان ما خلوا جذيه اسعارهم

بس يدرون ان حتى واسعارهم غاليه في ناس بيشترون

يعني ميخالف عليكم بالعافيه واحنا نشجعكم بنات الديره بس عاد مو جذيه نار وشرار

صاجه

لو مولاقين بنات يشترون بهالاسعار مابالغوا

حيل حيل مبالغين اقصاه تفصال هندي وخام بلوكات

الله يهديهم

 

[RoWaIsHeDyA]

اي والله وانتي صاجه كله بالعالى نااار وعلى قولتج والقهر ان الموديلات معيوده ومافيها شئ بسيطه الناس ماقامت تحس بس تاكل بالفلوس مااقول الا الله يهديهم وان شاء الله تلقون شئ حلو حق العيد

 

[قَلبڪْ صًخرْ]

شدو حيلكم بنات خنشوف التصاميم بالمنتدى ونقاطعهم
مو انتووو تخشووون !! جم مره اسال ابي خياط تقولون العربيد !!
خير ان شاء الله كلكم العربيد .. ومن زينه عاد

 

[Magnificent]

رد : بنات الكويت من صجهم ولا يستعبطون؟ ولا عبالهم شعرنا غيه دهن

اي والله يفشلووون ما ينعطون وجه ما تسوى علينا تشجييع

 

[!! BeeBo]

رد : بنات الكويت من صجهم ولا يستعبطون؟ ولا عبالهم شعرنا غيه دهن

انا اختي جذي كانت كله من معااارض الحين ادش ادور تصميم او يعجبهااا تصميم بالمعارض تفصل عن خياط هندي والله ب 30 ويطلع القميص او الدراعه اتينن والكل يسالهااا عنهااا

 

[غزلان]

اي استحفوا ومحد طيرهم غيرنا احنا عودناهم نشري واحنا ساكتين لا ناكسر ولا نجادلهم بسعر على بن مستحين يعني وفشله
مالت بس
من باجر بحط خياط بحوشنا والدراعه من 200 وطالع بشوف وحده فيكم ماتجي تخيط عندي