بنات الكويت من صجهم ولا يستعبطون؟ ولا عبالهم شعرنا غيه دهن

[أحلى~من~الورد]

حبايبي

الشـــــــــرهــــه


مو عليــــــــــــــــــــهم


الشرهه على اللي يشترون منهم وارفعوهم للسما..

ومايعرفون يكاسرونهم وينزلون السعر بالأرض _03BA:


لا تزيدها بعد بس عشان تخلصلها بدلتها بسرعه :nocommint:


الـــــــــــــمــــــــــــــقـــــــــــــــــــاطــــــــــــــــــــــعـــــــــــــــــه يا بنات :j013:​

 

[The purple]

حبيبتي انتي تشوفين السعر غالي بس في غيرج يشوفه عادي

وفي بنات صج شغلهم يسوى وفي بنات لأ !

يعني في الزين وفي الشين

وانتو تقولون ايلي صعب ., خير إن شاءالله بنت ديرتي تستاهل فلوسي احسن منه

وبالنسبه لطلبج : بيت كاريزما عنده اشياء حلوه

هذا محل وحده منهم وعندها اشياء احلى بالفيس بوك

http://www.facebook.com/photo.php?p...1#!/photo_search.php?oid=41845393086&view=all

http://www.pickyourtag.com/Departments.aspx?cat=1&sub=64

 

[حرم يوسف بيك]

رد : بنات الكويت من صجهم ولا يستعبطون؟ ولا عبالهم شعرنا غيه دهن

والله محد مربحهم غيرنا انا مقاطعتهم من زمان ويم بيتي معرض امبيييي الله لا وريج السيارات حتى بدوار يصفطون وينزلون صج لي قالوا رزق المهابيل على المخابيل

 

[Q8Lady]

انا ما احب المعارض و احسها كلها نصب بنصب

 

[أصيله]

رد : بنات الكويت من صجهم ولا يستعبطون؟ ولا عبالهم شعرنا غيه دهن

صــح أســـعااار تــبــط الراااااااااس..!!

 

[نعومه حدي]

بهذا معاج حق والله روحي اخذيلفج ملابس من مجمعات احسلج واريح
واسعارهم مناسبة اوعند خياط يكون شغله زين

 

[الا يامطول صبري]

رد : بنات الكويت من صجهم ولا يستعبطون؟ ولا عبالهم شعرنا غيه دهن

صحييييييييح والله

 

[أ.س.م.ا.ء]

و بنات اللي تعرف وحده تبيع نفانيف لي تحت الركب و حلوين و مو فوق ال100 :d

حبيبتي شوفي هالرابط ان شاء الله يعجبونج

http://www.q8yat.net/showthread.php?t=574416

 

[فديت روؤحي]

مستمرررين ع هالاسعــآأر < لآنهم لآقيــن اللي يشتري منهــم !!

لو يوقفون الحـريم عنهم يخلونهم مايستهبلون علينـآأ \ يمكن يمكن يفهمون ويتسنعوون !

يحسسوني اني شـآريه بدلة عرس ؟ شدعوه عاد بدله عـآديه توصل لي 200 ؟
كله بلبسها مره ولامرتين وعقبها بتنقط لكبت

منبطـه جبدي منهم مــآدري مـآخذه بدلتج من المريخ ! ولا شنو ؟ اللــه يسلم البلوووووكاااااات والهنود وخلصنـآأ


< ادري اشتطيت شوي بالسـآلفه =$

 

[&& قيثاره &&]

هالسنه شى مو طبيعى الاسعار ناااار وشرار اللهم ياكافى مدرى اشصاير كل شى غالى

 

[العود الأصلي]

كل كلامكم صح والله لو نسوي مقاطعه للحريم مو قصد قطع ارزاق وانما علشان يتأدبون

بس للأسف والله لاقين من يشتري منهم والحين موضة انا جايبه الخام من دبي والا من لبنان الكلف والا الخبر

حفظنا كلامهم وإذا رحتي البلوكات الصبح تلاقينهم اشكره

يمكن البلوكات بالنسبه لهم لبنان والخبر ودبي :eh_s(14):

 

[Dr.Nouf]

امبي شخبااري سوالف حريم وخياط ومعاارض !!


انتي بنفسج دوري موديلات وخيطي ، لاتاخذين من الحريم احسهم ساعات يبدعووون يركبون اشياء على بعض حدها مو لايقة وحيييل يبين انه خياااط مو شي !!!!

وع عفت المعارض والسبه النهيبة واذا كلش كلش طلبي ONLINE ولا عوار الراس

 

[ام الليالي]

وانتي صاجة المعارض هالايام مو طبيعية والمصيبة ان كل من هب ودب سوتلها معرض او مشغل واضرررررررب بهالاسعار
وعلى قولت البنات ياليت خامات تسوى .
انا مرت اخوي ماشالله عليها تفر بهالمعارض وتاخذ افكار وتقلدها .. يعني مثلا رحنالها مرة في البيت لقيناها لابسة نفنوف قصير وعليه كلفة ناعمة وشغل وايد ناعم وحلو . تخيلو شفناه انا واختي بالروضان على 90 دينار وهي تدرون جم مكلفها ؟؟؟؟؟
15 دينار بس ،،،،، ومو بس جذي كل الدراريع الي شفناها بالمعرض معظمها تقريبا شايفينا على مرت اخوي بس طبعا هي ما يكلفها اكثر من 15 او 20 دينار.... شرايكم عاد؟؟؟؟

 

[!الجادل الصعب!]

في مثل يقول .. ( رزق المهبل عالمجانين )

لا وطايحين بحركه جديده ( الخام جايبته من دبي ) ..!

يعني بتطلع فلوس روحتها لدبي من عيونا..

مو كله خام دبي شنو بآريس والا لندن ..! كله خام من سوق نآيف الشعبي بدبي ..!

انا هالعيد كل شي خيطته بنفسي وبذوقي والله ماكثر الموديلات بالنت والخام بالبلوكات .. حتى عبآتي خيطتها ..

اللهم بدله حلوه و نعووومه وحركتها جديده وخامها حلو وسعرها معقول بـ 45 آخذتها تبديله ..

بس عسى يضبط الخياط ملابسي وماحتد عليهم ..

 

[Matilda]

انا وحدة ما احب اشتري ملابس من المعارض احسهم يستغلونة اخذ خام واخيط ايي

وجكرن على الموضوع

 

[dl3 q8]

انا احمد ربي اتي عمري ماشريت منهم لانهم مايعجبوني وكل اللي تعرفينهم اللي مافصلت عندهم تلاقينهم شايفينه الواحدة احسن شئ تفكربشئ
حلو ويناسبها وتفصل بنت عمي مفصله درعتبن الوحدة بـ120 مع جهازها بعدها بسبوع راحت العربيد لقتهم ب25 دينار احترت تقول حتى نفس
الالوان شئ يبط الجبد ويقهر بس انا مالومهم لاقين ناس تشتتري وينقص عليها

 

[الجفول&]

رد : بنات الكويت من صجهم ولا يستعبطون؟ ولا عبالهم شعرنا غيه دهن

لو مولاقيت ناس تشتري جان مارفعو اسعارهم
بعض البنات تاخذ من حرمه اتدور الصيت بس علبونه عند مره!!!
وبعضهم صج مسيكينه تحتد وتاخذ منهم هالنوعيه الي يجهزون للعيد حده حده

 

[عز النفس يغنيني]

حبيبتي من صجج أغلب المعارض نصب بـ نصب ... خلاص أنا إنقرصت أكثر من مره إللحين ما أداني روحه المعارض .

يعني أشكرااااااااااااا بوق صاجه عبالهم يعني ما نفهم وما نعرف بالخامات والشغل ..!!

حبيبتي إخذيها مني روحي إشتري من الافنيوز الفيس تو والله أبررررررررررررررررك على الاقل ماركه .. مو خياطين هنود من البلوكات يخيطون لهم ويدبلون الاسعار علينا خلاص حركاتهم هذه صارت مكشوفه ..

 

[Pinky Dream]

رد : بنات الكويت من صجهم ولا يستعبطون؟ ولا عبالهم شعرنا غيه دهن

لا شرايج وحده بمعرض القادسيه تبيع دراعه قصيره ب50

اوكي

والله العظيم انا ماخذتها جاهزه لاختى تبيها تبديله برمضان والله اختها من امها وابوها ونفس اللون والكلفه عاد من زينها ((ههه لاتسمعني اختى )) من خياط بالبلوكات فوق تتوقعون بجم؟؟؟


قالي اذا تاخذينها جاهزه ب 15 ((الظاهر طايحه بجبده هههه))
واذا خياط ب18
امبيييه حسبي الله عليها شنو ذنب الحريم المساكين اللي مايروحون البلوكات ولايعرفونه؟؟

لا واسمعهم يتحلطمون يقولون محد يشتري بس يتفرجون
اي احسن من زين اسعاركم

 

[A. style]

هدو بنات والله يعينكم صج اذا هذي الاسعار شتلحقون عليه اهي دراعة اول يوم والا القرقيعان غير بدلة العيد وملحقاتها لا بعد اذا في دراعة تغيير بس بعد مابقى شي في المعاش طار
انا وحدة صاحبة مشغل والحمدالله ماقط زبونه اشتكت من اسعاري لاني اخاف ربي في كل قطعة ابيعها واللي ماارضاه لنفسي اكيد ماراح ارضاه لغيري . ومثل ماقلتو البنات موهنود خامة رديئة وموديل مقلد وفوق هذا 100 وفوق ليش موحرام.
والله اللي ظروفها تسمح لها تفتر في البلوكات ومحصلتها خياط شاطر عليها بالخياط ابرك واوفر
والله يهدي الجميع ان شالله