بنات ابي شركات اسجل فيها لدعم العمالة بس

[dantella]

الي يسمعكم تتحجون عن القطاع الخاص يقول كلش الخاص ناطرنه نطره ويقول حياكم
فتحو عيونكم القطاع الخاص مذله اكثر من هالديوان لا بارك الله فيهم اهم الاثنين
الرازق بالسماء والحاسد بالارض

 

[سفيره الكويت]

انا اجزم اغلب اللي ردو وقالو حرام مو حاسين باللي محتاج البنت ماقالت ببوق طلبت مساعده من الحكومه كاني طالبه من الشؤون

والشؤون نعرفهم يذلوون باجرائاتهم وحده مثلا طالبه وابوها مايصرف والاعانه ماتكفي احتياجاتها او تخرجت وقعدت اشهر بالبيت بدون

فلوس تحتاج هالفلوس لو مؤقت تعدل فيهم وضعها ؟! وتعتبر محتاجه يابنات لا تهاجمون وبس ترى ماتحس غيير المحتاجه !!

 

[om al ghaleen]

يعني بعرف محد قدر يرد. مثل رد جمر الوداع
بنت محترمه كلامها محترم
كل هذا حقد ندري ان معاكم خق بس مو جذي الرد ردكم قاسي وفيه اهانه للبنت يعني الاهانه والتجريح مو حرام مايجوز تقبيح المسلم ولا الدين على المشتهاة
لازم الدين يكون اخلاق عاليه مو يلاشط ولسان شطول وشوقو بس نكاتكم والصور الاغراء الي حاطينها الدين زيم بكل شي شدراج يالي تقولين بالنار تعلمين الغيب يمكن الله يغفرلها ويمكن انتي تغتابين او تعطرين وتطلعين او تلبسين ضيج وايد شغلات ممكن تكونون تسونهاوماتسئلون مشايخ
ابي الي تقول سائله وقالولها حرام
سألتي عن الحش؟
سألتي عن العدسات؟
سألتي عن العطر؟
سألتي عن نكات الاغراء والصور؟
ابي كل وحده تراجع نفسها بالحلال والحرام قبل لا تشتط
وعلى فكره انا موظفه بقطاع حكومي علشان كاتقولون صافه معاها
بس استغربت من الايمان الفجائي والحقد والدعاوي !!!!!!!!!!
الله يسامحكم ويهديكم

100 % كلام صح
وهالفلوس اكييد حرام وسألنا فيها
ولازم ايي يوم الشركه تنسأل ويرجع دينار دينار
خذيتوا من دعم العماله ..


بس ترا مو حلوه كلمه زقوم !! ليش انتي قاعده توزعينهم عليهم ؟!!!
بنات يمكن البنت محتاجه
يمكن مفصوله من شغلها ونحط الف عذر لها بس
مانشككها ونحرم ونحلل على كيفنا
احنا عندنا وظيفه وقاعدين نشتغل بصحتنا وعافيتنا ومحد جبرنا نشتغل


الله يكون بعونج صاحبه الموضوع
وشيلي فكره دعم العماله
صحيح الفلوس تيي منهم بسهوله بس مافيها بركه آبدا

 

[رفعه خانو]

والله يابنات انا عجزت من الديوان دارسه ثالثه ثانوي وقدمت على الديوان وقعدت سنين انتظر اسمي وكل مادقيت عليهم رقمي مايتحرك وزهقت من الانتظار ويوم جا هذاك اليوم يقولي اخوي اشرايج اسجلج بشركه استانست وقلت بالله جزاك الله خير استانست كل مره اخذ المعاش بس والله يابنات حياتي انعفست فوق تحت من هالفلوس لاني اكتشفت انها حرام طبعا بعد مانصحوني البنات رفيجاتي وقلت خليني اسال شيخ قال بغير حق حرااااااااااااااااااااام والحين ابي الاقي الشركه مولاقيتها كل يوم لهم مكان ابي اخذ ورقه علشان استقيل منهم وافتك ماني عارفه وثاني شي اخاف الحبن بطيحون علي وطالبوني بالفلوس فاللي تعرف طريقه افتك منهم ومن فلوس الحرام لاني ناويه اقدم على مشرفة اغذيه ابتدائي تعلمني الله يوفقهاويرزقها رزق الحلام

 

[leolady31]

كملي ثانويه ما يبيلها مخ يعني
خوش كسلانه و حتى ثنويه مو مكمله و تبي فلوس
الحمدالله و الشكر بس

 

[losee]

انا مسجله بشركه وياخذون مني شهريا 100 دينار واهم يدفعون التامينات طبعا

 

[losee]

اللي تبي تراسلني على الخاص لاني ما قدرت ادز على الخاص

 

[losee]

البنيه طلبت خدمه واكيد اهي مولاقيه وظيفه والا ان جان ما طلبت هالشي ... شحقه الهواش والشد والجذب .. ترى النصيحه باللين حلوه مو بالعساره

 

[dana33022]

اذا حابة انا ممكن اساعدج لاني نفسج سجلت والحمدللة اموري تمام فانا ممكن اعطيج رقمهم

 

[losee]

مو عارفه شفيه ما يدز رساله بالخاص يطلع لي (عدد المشاركات قليل جدا )

 

[losee]

دزيت للاكثريه على الخاص واتمنى اكون فدتهم ... فيه فتوى للشيخ صالح الفوزان هل قريتوها؟؟؟ وبعدين اللي مو لاقيه وظيفه نفس حلاتنا وسجلت بشركه هل تتوقعون انها لاقيه شي احسن من جذيه ورفضت .. على ايدكم ,,, وعلى فكره انا قدمت اول ما اعلنوا عن الوجبات المدرسيه وما قبلوني ؟؟؟ شتبون اسوي

 

[I'm Me]

مال حرام

 

[losee]

لو لاقيه وظيفه وفيها دوام راح اداوم حتى لو معاشهم 300 دينار موافقه ,,, بس اذا ماكو شي شنو نسوي ؟ الديوان يقول جدامكم عدد وقدره والهيكله يوزعون على حسب طلب الشركات ,,,,, لو يقبلوني بشركات الاغذيه مالة المدارس راح اطلع سيده واروح لهم بس ماكوووووووو

 

[ام الدرر]

اللي تبي تراسلني على الخاص لاني ما قدرت ادز على الخاص

الله يهديج بتشيلين وزرك ووزر اللي راسلتيهم ودعيتيهم
تذكري يوم القيامة
بتوقفين امام
خالق الكون الجبااااار
بيسالج باي حق تسلمين الفلوس وانت قاعدة بالبيت
وباي حق كلمتي فلانة وفلانة وفلانة وسجلو
واستلمو فلوس
حبوبة
كل فلس تاخذينه حراااااام
اعوذ بالله ​

 

[ام الدرر]

السلام عليكم ورحمة الله وبركاته
أنا ربة منزل لكني توظفت بمدرسة خاصة بالواسطة عن طريق إحدى قريباتي بس بالإسم يعني ما أروح أداوم علشان الحكومة عندنا تدعم الكويتين إلي ان يشتغلون بالأماكن الخاصة وتنزل لهم معاش يسمونه دعم العماله وأنا قدمت أوراقي للحكومة إني متوظفة بالمدرسة فصار ينزل لي معاش شهري وأنا نايمه بالبيت والصراحة أنا سألت عندنا شيخ قال مايصير أتصدق منه ولا يصير أعطي أحد منه ولا أصرف على بيتي وعيالي منه إلا بس أروح أداوم لكن مسموح إني أصرف منه على نفسي فقط حتى لو قاعده بالبيت فهل كلام الشيخ صحيح إني عادي أصرف منه على نفسي وانا ما أداوم ؟؟وإلا معاشي كله حرام ؟؟ مع العلم انه عندي زوج .
أرجو الإفاده وبارك الله فيكم .السلام عليكم ورحمة الله وبركاته

 

[ام الدرر]

جواب لسائلة من الدكتور عادل المطيرات بخصوص راتب دعم العمالة

الدولة - وفقها الله - وضعت مشروعا لدعم العمالة ، والهدف منه تشغيل العاطلين عن العمل ، وليس الغرض منه أنه منحة لربات البيوت . وعلى هذا فلا يجوز أخذ دعم العمالة بدون عمل ، ومن يجلس في بيته ولا يعمل يحرم عليه أخذ هذا المبلغ مطلقا ، سواء له أو لغيره ، فإما أن تذهبي للعمل فتستحقين الراتب ، وإما أن تستقيلي . والله أعلم.​

 

[ضــمــاد]

لو لاقيه وظيفه وفيها دوام راح اداوم حتى لو معاشهم 300 دينار موافقه ,,, بس اذا ماكو شي شنو نسوي ؟ الديوان يقول جدامكم عدد وقدره والهيكله يوزعون على حسب طلب الشركات ,,,,, لو يقبلوني بشركات الاغذيه مالة المدارس راح اطلع سيده واروح لهم بس ماكوووووووو

حياتي في أكثر من طريقه


يعني مثلا ً .. اذا انتي تعرفين تخيطين


أبتدي بمشروع صغير


أو اذا تعرفين تطبخين أبتدي بمشروع صغير


مثل بناتنا بالمنتدى


أو اتعرفين أتسوقين للتاجرات بالمنتدى واكيد يكون لج نسبه


يعني الواحد يحاول ويسعى لطلب الرزق الحلال


وصدقيني ربي بيفرجها عليج وعلينا



حتى أحنا للحين ننتظر دورنا بالديوان


شنسوي بعد .. الله كريم
​

شنو شهادتج أسألج يمكن أقدر أساعدج ؟


​

 

[ضــمــاد]

لا وتقولون ابطاله وين راحت .البطاله 100 دينار شتكفي ..اذا احنا نبي وظايف مو محصلين ..وانتو الواسطات مو مقصره معاكم

الـ 100 د.ك .. نعمه

لو أنا مكانج .. ما أرفس هالنعمه ​

أخذ هالـ 100 .. وادخل كل شهر دوره ​

الدورات اللي تكون أسعارهم 60 و 80 دينار ​

ومعاهم شهاده ​

مثل دورة الاداره / لغة انجليزيه / icdl / ​

لما يصير عندي اكثر من شهاده .. ساعتها اروح اقدم عالقطاع الخاص ​

عالبنوك مثلا ً .. لانه البنوك يقبلون كل التخصصات ​

يعني الوحده تنطر وتطلب ربها انه ييسر امورها + تبذل الاسباب تروح اكثر من مكان تسأل + تاخذ هالـ 100 وتدخل دورات ​

وتتوكل على الله .. ​

العوض ولا القطيعه ​

الصبر زين ( ان مع العسر يسرا ) ​

لا تيأسين ( ولا تقنطوا من رحمة الله ) خلي ايمانج بالله قوي الوظيفه رزق ​

ورقج محد راح ياخذه غيرج .. شوفي أنا عندي واسطات


وواسطات كبيره .. كل ما أقدم بمكان سبحان الله يصير لي شي


لما شفت الوضع جذي .. أرتاح قلبي


وعرفة انه رزقي على ربي مو على البشر


وانه لو الله كاتب لي اتوظف راح اتوظف من غير واسطه وعوار راس​

لاتتضايقين وتقولين غيري عندها واسطات .. ​

أنتي عندج اللي فوق كل الواسطات .. عندج ربج .. قعدي طلبيه وادعي من قلبج ان الله يفتحها عليج ​

​

 

[losee]

مقبوله جميع النصائح وبصدر رحب ,,, استغفر الله ان اكون حللت شيء محرّم ولكن السؤال هذا يحيّر ,,, ليش الحكومه ما تعطي لكل عاطل 150 دينار مستمره وما تنقطع الا اذا اشتغل ,,, اللي يبي الوظيفه توقف عنه واللي ما يبي يشتغل ويقع بالبيت وراضي بال 150 دينار اهو حر ,, مو احسن انه احنا نروح ونلتف على القانون