بنات ابي شركات اسجل فيها لدعم العمالة بس

[frawlah_83]

رد : بنات ابي شركات اسجل فيها لدعم العمالة بس

حبيبتي الي محتاج اروح يشتعل ويقعد ادورله شغل مو يقدم على الديوان وينطر ويسكت قدمو بالقطاع الخاص انتو ماتبون وظيفه فيها تعب تبون معاش وانتوا قاعدين بالبيت... منو قالج شرعا مافيها شيء !!! يبيلي فتوه قالت انه هالفلوس حلال !!

اذا الدوله لازم تعطي كل واحد 1000 دينار وهو قاعد في بيته ليش عيل ندرس ونتعب ونشتغل خل كل الناس تقعد في بيوتها والدوله تصرف لهم معاش !!

هلي مو لاقين وظايف الدوله تمشي لهم بدل بطاله ...

 

[miss89]

فراوله اذا بتكلميني كلميني عدل الله يخليج ما اشتغل خدامه ابيتكم انا
مو عاجبج لا تردين على موضوعي

بلاوي !

 

[law love]

والله كل مسلم المفروض في هالبلاد الخليجية الطافحة بالنفط والاموال يكون له على الأقل 1000 دينار شهريا وهو قاعد بالبيت

وبعدين هاللي ميتين على دعم العمالة هم لاقين وظايف وقايلين لا ؟؟؟


انا زوجي لما انعرض عليه دعم العمالة اول مرة قال اسجل بشرط اداوم ... مابي اقعد بالبيت واخذ معاش بس هم مو راضين


أحسنو الظن يابنات

بعض الناس من الحاجة والدين والحالة اللي هو فيها يفكر بهالطرق واللي شرعا مافيها شيء مادامت من بيت مال المسلمين مو من المال الخاص ...

شنوووووو بيت مال المسلمين ويييين صاير هذا خنروح انغرف منه !!!!!!!!!!!

اموال الدوله بيت مال المسلمين !!!!!!!!!!!!!!

شنو يعني بيت مال المسلمين اصلا !!!!!!!!

ياناس يا عالم حراااام تعرفون الحرام ولا لا

ترى بتشوفون اثر هالفلوس فيكم و في عيالكم خافو ربكم


وهاكم الفتوى حق الي يقولون لا تفتون من عندكم


السؤال:

السلام عليكم ورحمة الله تعالى وبركاته
اختي ترغب بالتسجيل بأحدى الشركات لتأخذ علاوة دعم العمالة الكويتية دون أن تشتغل فعليا بتلك الشركة.


الجواب:

بسم الله الرحمن الرحيم
الحمد لله رب العالمين، وأفضل الصلاة وأتم التسليم، على سيدنا محمد خاتم الأنبياء والمرسلين، وعلى آله وأصحابه أجمعين، والتابعين، ومن تبع هداهم بإحسان إلى يوم الدين، وبعد:
فلا يجوز ذلك، لمخالفته لقوانين الدولة، ولأنه أخذ مال من الدولة بغير حق.
والله تعالى أعلم.


المصدر :البوابه الاسلاميه - الموقع الرسمي لوزارة الأوقاف والشئون الإسلامية - دولة الكويت

 

[Cavalli Girl]

رد : بنات ابي شركات اسجل فيها لدعم العمالة بس

:jumpon:
اذا انتي تدرين ان حرام

يعني حرام مافيها لا ذمة فلان ولا علان

:flower:

الدولة مو مقصرة تعليم و بلاش تعلمتوا و فوق هذا لعبتوا و قوعتوا ولا يبتوا درجات ! و تبون تتساوون مع اصحاب الشهادات
دشيتوا الجامعة عطوكم اعانة و الحين لابتوبات
تخرجتوا قالولكم قدموا عالديوان و نطروا شوي .. معذورة الحكومة الوزارات طااافحة موظفين وين يودونكم يحطون وزارات ييديدة ؟؟!!!!! حق شنو مكتفيييييييييين!!
قالوا عشان نحل المشكلة روحوا خاص
الناس ماتبي خاص .. الدولة حطت دعم عمالة عشان تشجعكم وصار في قانون تكويت .. هذا كله حق منو مو عشانكم؟؟؟

ماليقتوا في دعم بطالة .. والله يعز الحكومة كل واحد عطته بيت و عنده راتب و على بدل اجار و علاوات

يعني انتي مو بالشارع و لاراح تموتين اذا نطرتي جم شهر على ماتييج وظيفة بالحلال !!

و لا تغلطون عالحكومة ترى ما ارضى لأن الديرة صج صج ماقصرت

مو شرط تمشين بالحرام

كا شكثر اعلانات بالقطاع الخاص و الحكومة .. توى اليوم فراولة حطت اعلان عن بنك بوبيان حتى حق اللي شهادتها دبلوم

الدولة عطتكم تعليم ابلاش اذا انتي معدلج واااايد ضعيف فهذي غلطتج انج ماشديتي حيلج فتحملي النتايج و لا تفكرين تتساوين مع اللي تعب و كد

ماكنتي تدرين ان الشهادة مهمه؟؟

في خواتي البدون اللي ماعندهم جنسية هم الديرة ماقصرت معاهم شوفيهم بالوزارات شحلوهم تعبوا و درسوا و خذوا رواتب لي لين الله يفرجها عليهم ان شاء الله :yaaaaaarb:


سامحوني بس جد تنرفزت ! ماحب اللي عنده نعمة ومايحمد ربه :jumpon:

 

[Cavalli Girl]

رد : بنات ابي شركات اسجل فيها لدعم العمالة بس

فراولة ما غلطت بس ماتنلام الحق ينقال

و احنا كلنا معصبين :rgewrg:

اراهنج اذا مو ثلاث ترباع اللي قروا الموضوع معصبين!!

 

[Om_Ksha]

اقققققوووووووووووول حدج عاد كل شي ولا فراااااااااوله :jumpon: و اهي تكلمت عدل و قاعده تتناقش وياج تبي مصلحتج !!! والله الشرهه عليها قاعده تضيع وقتها و ترد عليج :denya:

يبا كيفكم حلال حلال كل واحد و ضميره

و lawlove ما قصرت يابتلكم فتوى واللي يدور و يسعى الله بيرزقه بوظيفه زينه مو تتحلطمون و قاعدين ابمكانكم تبون كل شي زاهبلكم :eh_s(13): ياما راكضنا و قدمنا بمليون مكان و الحمدلله لك يارب

 

[نونه العنونه_H]

رد : بنات ابي شركات اسجل فيها لدعم العمالة بس

ابوي يعرف ناس واعرضوا عليه يسجل امي
بس لا امي رضت ولا ابوي هذه فلوس حرام انتي مو تعبانه فيها:cxxxp:​

 

[العمهوجه]

الله يفرجها علييج وعلينا ويغنيينا بحلاله عن حرامه مووفقه ان شاءالله
:blueSmCLR:

 

[العــ هــد]

Cavalli Girl كفت ووفت...قالت كل اللي بقلبي



واللي يشتكون إن الديوان ما وظفهم...

قدموا على الخاص...لو دوام جزئي...واخذوا دعم عمالة...

وإذا ما تبون...

ترى في شي اسمه بدل بطالة...قدموا عليه...

ليش تدورون الحرام والدولة موفرة لكم بديل؟

 

[مريوومه12]

حرام هالفلوووس ,,, والله اذاا غبناا ومااافيناا شي اخذناها خصم علشان ماناخذ فلوس هاليووم وطبيه ومافينااا الا العافيه , فماابالج اذا نااخذ معاااش وماانشتغل ,, وراانا حسااب وقبــــــــــر الله يغينااا عنهالفلوووس

 

[بنت حمووله]

رد : بنات ابي شركات اسجل فيها لدعم العمالة بس

الله يهديج...هذا اللي اقدر اقوله
وفراوله ما غلطت ...قعدي مع نفسج وفكري فيها شوي تري ما يسوي جم بيزه بتاخذينهم تهلكين روحج و اهلج منهم ترى فلوس الحرام مافيها بركه...انا مو من ديانتي الزايده ترى بس كل شي له حدود...الفلوس ما تسوى نراكض لها لين توصل فينا ان نرضى بالحرام :/
والله اللي ياكلون فلوس حرام يلقونها بنفسهم و اهلهم وصحتهم بالدنيا قبل الاخره...هذا حجي انا شفته صار بعيني بناس اعرفهم... و مال الحرام ما يدوم...بدلي نيتج بهالسالفه عشان الله يرزقج بوظيفه احسن من هال٤٠٠ دينار اللي بتاخذينهم بالحرام

 

[q8 Web]

رد : بنات ابي شركات اسجل فيها لدعم العمالة بس

كفو والله عليكم بنات زين سويتوا

الديرة متروسه شركات توظفج و تشتغليييييييين و تاخذين فلوس
مو قاعده ببيتكم و تبين دعم العماله ينزل لج تتمتعين فيه وغيرج يكرف
ماتبين تكرفين مالازم بس ماتاخذين فلوس الديره وانتي بمكانج
دامج حطيتي موضوع بمنتدى عام تحملي اللي اييلج
ماتبين احد يرد عليج لاتكتبين مواضيع و روحي سألي الحراميه اللي ياخذون دعم العماله و هم قاعدين ببيوتهم هم اللي يدلون
اما احنا ماعندنا جذي
ويزاهم الله خير البنات ماقصروا
فوق كل هذا تقاوحين و تقولين لاحد يفتي؟ شكو فيج نفتي لج اصلا؟ الفتوى من شيوخ دين مو منا
خلاص محد يقدر يقول ماسمعت انه حرام الفتوى جدام ويهج تقرينها
حبيتي تطنشين وتاخذين مال حرام
استناسي عيل لا انشويتي بالنار شوي

 

[q8 Web]

رد : goose hunting forum texas

aerocare pharmacyrecertification for pharmacy techcvs pharmacy in las vegasdurham veterans pharmacy loganviagra without pre******ion us pharmacyseattle jobs pharmacy technicianassociation college pharmacyseaside pharmacyuab west pharmacywalgreen pharmacy germantown tnritzman's pharmacy barberton ohpharmacy industry specificsmedicaid pharmacy 540blist of pharmacy schools in ukreed's compounding pharmacykroger's pharmacy ronceverte wvgerd pharmacy cmejays pharmacy oradell njglenway pharmacymexican pharmacy onlinegiant genie pharmacy logopharmacy forest city north carolinaedwardsville pharmacy schoolcolleges with a pharmacy degreepharmacy transfer rewardcvs pharmacy 2007walgreens pharmacy brookhaven ms78596 and pharmaciesurek pharmacypharmacy group of new englandwhich pharmacies accept caremark cardsdrug dosage calculations pharmacy techniciansryan pharmacyhome infusion pharmaciesblogs for online pharmaciescvs pharmacy denison texasaz pharmacy boardthermal pharmacy labelshacienda pharmacysafe online pharmaciespharmacy in cold springs txkalispel mt pharmaciesfind winn dixie pharmacymedicine from pharmacy for bladder infectionwalmart pharmacy the colonyhospital pharmacy budgetsspecialty pharmacy vs retail pharmacycanada pharmacy robaxinfull coverage pharmacymeadowmont pharmacystephen ip pharmacy scarborough shoppers drugmartmike ross pharmacy wikipedianh pharmacy aircast braceonline pharmacy medicationowner of alliance pharmacy services wiappalachian school of pharmacy grundy vawalmart pharmacy lathemcolleges offer pharmacy programs in louisianasecure online pharmacyfranks pharmacy mt clemens michigantarget kirkwoo missouri pharmacywalgreens pharmacy in new hope minnesotasky plaza pharmacy sequimnew london pharmacy new york cityamerican pharmacy asscpharmacy machinesu s pharmacy no pre******ion zolpidemalabama pharmacy jobs

صاجه
انا عيزت اقولهم محد طاعني :dddds:

 

[Miss_Accountant]

البنات كفو ووفوا و ان شاء الله اتعيدين النظر وفراولة حبت اتناقشج مو شي ثاني احسني النية واعيدي التفكير والفلوس اذا مايت بالحلال مانبيها .

 

[يسود الصمت]

جزاكم الله خير

 

[شموخ الجبال]

لا حبيبتي سجلي بدعم العماله



اذا اكثر من وحده 10 سنين تنطر اسمها ينزل بالديوان ومرشحنا وتبون ماناخذ دعم عماله


لا وتقولون ابطاله وين راحت .البطاله 100 دينار شتكفي ..اذا احنا نبي وظايف مو محصلين ..وانتو الواسطات مو مقصره معاكم


والي ما عندها واسطه يعني تنطق ع الفقر؟؟


اذا انتو عايشين بعز وواسطاتكم ماتقصر تحللون وتحرمون على كيفكم ..

 

[انــــــــــــــــــــــا]

البنات كفو ووفوا

بس برد على شموخ الجبال

اللي تقولين عنهم 10 سنين نطروا الديوان تكفين ابي اسم احد نطر 10 سنين بالديوان

مستحيل احد قعد ينطر 10 سنين بالديوان الا اذا كل ماطلع اسمه يرفض وهاذي مشكلته

وسالفة الواسطات الحمدلله انا خواتي اشتغلوا بدون واسطات وانا توني متخرجه وبقدم ان شاءالله وباذن ربي بنقبل بدون واسطه

اصلا انا ما ارضى بالواسطه بس هذا مو موضوعنا الحين

و واذا انتي تشجعين صاحبة الموضوع انها تسجل فصاحبة الموضوع اذا سجلت بتاخذ وزر نفسها لكن انتي راح تاخذين وزرها ووزر كل وحده قرت ردج وتشجعت على اخذ الفلوس الحرام

وترى الشغل والوظيفة توفيق من الله سبحانه وتعالى ولكل مجتهد نصيب


والواحد اهم شي يبتعد عن الحرام والشبهات والله بييسرله

واختي صاحبة الموضوع مثل ماقالوا البنات تقدرين تقدمين على قطاع خاص بارت تايم منها دوام خفيف وقصير وراح تاخذين دعم العماله + راتب من القطاع الخاص و انتي مرتاحه وضميرج مرتاح

 

[جمر الوداع]

اختي الغاليه من ترك شي لله عوضه الله شي خير منها


وصدقيني لو مايهمنا امرج جان ماقلنا لج ان حرام


بس مايهون علينا تاكلين تلبسين وتوكلين اهلج وعيالج



من مال حرام


وصدقيني لو شفتي احد متهني


مصير بيوم بذووق المر

سواء فيه واللي باللي حوله


احنا كلنا بشر ونخطي وانسوي اشياء غلط


لكن حلو ان نترك شي لله


شوفي الدنيا منتهيه


العلامات قاعده تطلع خل انتلاحق ع عمرنا



واالي تقول مالكم شغل احنا يهنا امرها


ويمكن الله يهديها ويهدي غيرها من اللي يفكرون بهالشي ع ايدنا


اختي الغاليه الله يرزقج الرزق الحلال ويبارك لج فيه

 

[مـــروة]

رد : بنات ابي شركات اسجل فيها لدعم العمالة بس

شفيكم تتهاوشون الله يهداكم كل واحد و تفكيره بس و الله صج قهر يعني الوافدين ييون يحطولهم أحلى شقة و بدل معيشة و معاش و عيشة ما يحلمون فيها و احنا المواطنين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ واحسرتاه :eh_s(2): بيت مو محصلين و الحين تقولولي التوظيف الوهمي حرام انزين شذنبهم الناس اذا مو محصلة وظايف :eh_s(1):
--------> بتنطق على هل الكلام لوووووووووووووووول

 

[عاصمة النساء]

يعني بعرف محد قدر يرد. مثل رد جمر الوداع
بنت محترمه كلامها محترم
كل هذا حقد ندري ان معاكم خق بس مو جذي الرد ردكم قاسي وفيه اهانه للبنت يعني الاهانه والتجريح مو حرام مايجوز تقبيح المسلم ولا الدين على المشتهاة
لازم الدين يكون اخلاق عاليه مو يلاشط ولسان شطول وشوقو بس نكاتكم والصور الاغراء الي حاطينها الدين زيم بكل شي شدراج يالي تقولين بالنار تعلمين الغيب يمكن الله يغفرلها ويمكن انتي تغتابين او تعطرين وتطلعين او تلبسين ضيج وايد شغلات ممكن تكونون تسونهاوماتسئلون مشايخ
ابي الي تقول سائله وقالولها حرام
سألتي عن الحش؟
سألتي عن العدسات؟
سألتي عن العطر؟
سألتي عن نكات الاغراء والصور؟
ابي كل وحده تراجع نفسها بالحلال والحرام قبل لا تشتط
وعلى فكره انا موظفه بقطاع حكومي علشان كاتقولون صافه معاها
بس استغربت من الايمان الفجائي والحقد والدعاوي !!!!!!!!!!
الله يسامحكم ويهديكم