بنااات اماانه منو يساعدنى وهل انا خبلللللللللللللله؟؟؟

[ليش يادنيا]

بنااات ادعولى الله يصلح احولكم

 

[a7ebni]

سبحان الله جنج تتكلمين عن اختي سبحان الله نفس شخصيتج @@
شوفي حبيبتي بقولج الكلام اللي دايما اقوله لأختي عودي نفسج دايما انج تفكرين بالجملة اللي تقولينها قبل لا تتكلمين و لا تترددين لمن تقولينها و بقولج على شي بس لا تضحكين وقفي جدام المنظرة و تحجي و الله صج بس ديري بالج لا أحد يشوفج و يشك فيج بعد لووول بس هالحركة وايد تساعدج على تقوية ثقتج بنفسج و انشالله فدتج

 

[sHa6o0ra]

الخلل فيج انتي مو بظروفج ,, انا اقولج هالكلام عقب مادفنت نفسي 4 سنين على بو اني بغربه وترى انا بديره مافيها ولا كويتيه ومحد يقدر
يعيشش فيها لانها زباله مو ديره وكنت ما اطلع لان اليره وايد امراض واخاف على عيالي

الحين توعيت على نفسي انا الخسرانه محد غيري خسران

دشيت نادي رياضه لان الرياضه تغير النفسيه

دشيت دورة انجليزي مع ان الخيارات محدوده بس اظريت اني اوافق بس عشان اشغل وقتي

دشيت مع بنات سعوديات يمعات وطلعات وسوالف

واصلن انا متحسفه ليش حبست نفسي طول هالسنين حتى شكلي كبرت 10 سنين من الهم وكله حاطه عذري بالغربه

انتي الحين توعي على نفسج قبل لاتمر 20 سنه مامنها فايده بحياتج ولاتحطين الغربه سبب عالاقل انتي بدوله عربيه ومسلمه والكويت الاجانب
فيها دبلين الكويتيين يعني بتلاقين من جنسيتج وايد مو شويه

والبنات بالمنتدى ماقصرو كتبو عن وايد اماكن اندية رياضضييه واماكن دورات انجليزي وجامعات كملي دراستج ودورات حياكه او طبخ او رسم سوي كل الي تقدرين عليه جربي كل شي وكل مكان بتروحيله اكيد بتتعرفين على زملاء وتلاقين بينهم صديقه

الله يسهل عليج غربتج ويفرج همج

 

[cat-girlq8]

يابعد عمري والله
حطينا علي يمناااج احنا كلنا خواتج
فضفضي قولي اللي بقلبج ...افا عليج بس

 

[&رعبوووبه&]

لا يا قلبي لا علاج نفسي ولاشي طوري نفسج اقري كتب ودشي النت وتعلمي من البنات

دشي مع بنات مو من اهل زوجج على اساس لوتغلطين بشي عاادي ما راح تمسكه عليج

لان اهل الزوج فضيحه لاتقولين عندهم شي


نصــــيحه

اذا كان هذا طبعج خلاص تعودي عليه حبي نفسج مثل ما انتي ومالجشغل بالناس ماراح يدخلونج جنه ولا نار

بالتوفيق حبيبتي

 

[انين انثى]

تعوذي من الشيطان ثبت علميا ان انتي لما تحبطين بنفسج يعني فرضا تقولين انا غبيه تصيرين صج غبيه لانه عقلج الباطل اوحا لج جذي وتصيرين اغبا واغبا سوري يعني


بس اول ما تقعدين من النوم وقبل النوم قولي انا ذكيه ذكيه ذكيه واتصرف بحكمه وشخصيتي قويه ومن هذا الحج قولي واجد اوكيك

 

[حلاتي بدلالي]

ماعندي كلام أزيده البنااات فعلا ماقصروا

وحياااج الله اختي بين خواتج ترا الكويت والسعوديه مابينهم فرق



:gathering: