بنااات اماانه منو يساعدنى وهل انا خبلللللللللللللله؟؟؟

[a6o06 ^_^]

رايي من راي البنات ,,


لأنج قعدتي لحالج فتره طويله لا صداقه ولا طلعات ولا تشوفين الناس ولا شي ,,


صار عندج عدم ثقتج بنفسج !!


صبري شوي وإنشالله خير لأن المسأله يبيلها وقت مو بيوم وليله بتصيرين سيده المجتمع ; p


الله يعينج










​

صح كلامها

 

[ليش يادنيا]

الله يجزكم خير بس انا كلام مااشوف فعل

لااحد يقصر معى

 

[As-chocolate]

مشالله البنات ما قصروا بالحلول .. وواضح ان اللي عندج نقص ثقة بالنفس واذا حاولتي تقوين ثقتج بنفسج شوي شوي بتشوفين كل شي انحل وصار عندج رفيجات اشكثر لان الثقة اهي اهم شي بالانسان مثل ما قال كارينغي وكتابه فن الخطابة:
( إن كسب الثقة بالنفس والقدرة على التفكير بهدوء أثناء التحدث الى مجموعة من الناس ، ليس امرآ صعبآ مثلما يتخيل الناس وهي ليست موهبة وهبها الخالق لأفراد قليلين بل هي تشبه لعبة الغولف وباستطاعة كل فرد أن ينمي طاقته الكامنة إذاما كانت لديه رغبة كافية لذلك )
وحاولي تقرين كتب عن فنون الخطابة لانها حيل مفيدة وبالتوفيق يااارب .

 

[M!$$ CUTE]

ياااااعمتي الحياااااة حلوة

حتى لو غلطتي شبيصير يعني

حتى لو تحجوا من وراج انتي اللي بتاخذين حسنات مو اهما

خليج واثقة من نفسج تحجي عن اللي تعرفينه

عن اللي تقرينه بالنت

جوفي المواضيع اللي تجذب الحريم مثل الجمال والاناقة والعطورات.....الخ

وبعدين مع التدريب صدقيني كل شي بيصير أوكي

خلج اجتماعية صحيح صعب بالبداية لكن مع الاستمرار بتقدرين

ولا تنسين الدعااااااء لان اهوا الحل الاسرع والانسب ......

الله يوفقج حبيبتي واكثري من الاستغفار عشان ينطلق لسانج

 

[vogue grl]

خلج واثقه بنفسج

مولانج غريبه اهني خلاص معنااها ماعندج شخصصيه!

كاهم البنات حولنا من كل جنسيه ومشاء الله


اهم شي اخلاقج وخلي لسانج طيب مع الناس قولي الكلام الطيب او سكتي
لاتكبين عشاج مثل مايقولون يعني اسرارج خليها عندج لاتسولفين فيها للناس

اوفقها الراي

 

[مطـــيــريهـ فـــوشيـــآ]

خليييج واثقه من نفسج
ومحد احسن من احد
واشتركي بنادى طلعيي داايم لاتقعدين بيين اربع اطووف

 

[iTaLiyA]

الله يعينج بس حبيبتي لازم تثقين بنفسج اول عقب تحاولين تكونين صداقات و خلج عفويه بكلامج يعني لا تفكرين وايد شبتقولين خلي الكلام يطلع بروحه

 

[kingq8q8]

حبيت اسألج حبييتي انتي من اي جنسيه لان كلامج مكسر ومافهمت عليه اللي فهمته انج ماتعرفبن تحجين
وسوري عالسؤال

 

[MADEMOiSELLE LaFoshia]

حاولي تغيرين من نفسج
وسولفي و ضحكي
وشيلي من بالج فكرة انج تستحين لان الحياة اخذ و عطا ولازم تاخذين وتعطين مع البنات بالكلام عشان تقدرين تكونين صداقات

 

[ضحـاوي]

السالفه ما يبيلها اخصائي نفسي ولا شي ,, انت طبيعيه

بس كل السالفه انج مو محتكه بالناس ولا مختلطه فيهم

خليج مع الوقت تتعلمين اكثر وبكل مره استفيدي من الغلط الي حسيتي انج مسويته

والناس مختلفين بالاطباع والتصرفات والاسلوب يعني لا تحسسين نفسج انج غير عن الناس

 

[MaZyOoOoNa]

خلج واثقه بنفسج

مولانج غريبه اهني خلاص معنااها ماعندج شخصصيه!

كاهم البنات حولنا من كل جنسيه ومشاء الله


اهم شي اخلاقج وخلي لسانج طيب مع الناس قولي الكلام الطيب او سكتي
لاتكبين عشاج مثل مايقولون يعني اسرارج خليها عندج لاتسولفين فيها للناس

انا معاها الصراحه بالراي مو علشانج غريبه تخافين لا حبيبتي تجرأي

 

[سنعه بس مظلومه]

حبوبه وضعج طبيعي وشي عآدي أغلب النساء مروا فيه لاتحسبينه ضعف لآ بس يبيلج جرأه وثقه بالنفس انا تزوجت واحد ما أعرفه ولا أعرف احد من اهله بس مآشاء الله الحين أعرفهم كلهم وعلاقتي طيبه ويآهم لمآ اتذكر اول ايام زواجي واشلون اعزل نفسي عشان ما أنحرج والحين وأشلون أعزمهم ويعزموني أضحك, أختي حآولي تبرزين نفسج جدآمهم بالحوآر او بشغله انتي مسويتهآ وتنآقشي فيهآ وحآولي تبرزين بناتج وتزرعين الثقه فيهم أثني عليهن اذا عملن شي زين امدحيهن حتى يوثقن بأنفسهن

تقبلي مروري

 

[الحــــــلا كله]

انتي مافيج شي اتي حساسه وايد
انتي نفسي انطوائيه بس بعدين شوي شوي تأقلمت تدرين ليش قمت اطلع واتعرف على البنات الحين الحمد الله
انتي روحي تمشي زوري اهل ريلج يمكن اهم كاشين منج لانج ما تزورينهم ولي زرتيهم كلا ساكته
روحي وسولفي واستانسي ولا تشيلين بقلبج

 

[حصووونه]

والله حبيبتي انا كنت اجتماعيه نمبر ون ولو اقولج اعداد صديقاتي الاعداء احب اسميهم تنصدمين واللحين انطوائيه وصاكه بابي علي ولا اختلط باحد غير بالنت وعلاقتي بحمولتي محدوده عزاء فرح يوم بالاسبوع لمده ساعتين وفقط ماعندي لا شاي ضحى ولا قهوة عصاري حمدالله مرتاحه لامنافقين ولا حاسدين ولا غيرانين ولا متسلقين ولا مصلحجين ولا نقالات حجي ولا نميمه ولا غيبه واللهم لك الحمد خير جليس صراحه النت ياحلاته معوضني عن العالم الخارجي البارد...انا انقرصت حيل وصراحه افضل الوحده واهلي الله يهديهم ويسخرهم لي يارب

 

[غنج اهلها]

خلج واثقة وكافي بناتج رفيجاتج حاجيهم سولفي معاهم عن المدارس وشنو سوواو فيها

زوري مدارسهم روحي حق نوادي وان شاء الله ترد ثقتج بنفسج

 

[ملح بدويه]

لاتترتبكين كل الناس موكامله

 

[كويتيه عاطفيه]

ترى الكلمه الطيبه تدش بقلوب البشر خلي كلامج كله ترحيب وود وسوي عشا ولا غدا وعزمي اهل زوجج ويبي بوفيه وحطي الحلو والجاي والقهوة واكرميهم مع الترحيب وصدقيني بالتغير نظرتهم لج واقري وقولي (ربي اشرح لي صدري ويسرلي امري واحلل عقده من لساني يفقهو قولي) وانشالله اكون افدتج بشي بس ادعي لي بالتوفيق

 

[Athwaq]

اشتركي بنادي رياضي او بدورات خياطة او اي مجال فيه حريم عشان تختلطين شوي

اقري الجريدة بصوت مسموع لما ياخذ لسانج على الكلام و اقري كتب بعد هم بصوت مسموع

منها توسعين مداركج و منها يصير عندج اسلوب مختلف عن اسلوبج الحين

تعرفي على امهات صديقات بناتج

والله يكون بعونج

 

[Super_Star]

الاختلاط و التعامل مع الناس و عدم تجبنهم اهوا اسلم علاج حق مشكلتج

ميخالف تتخربطين و تتدودهين مرة ومرتين بس بعدين راح تتعودين و تاخذين على الوضع

 

[بطوطه خانم]

اشحلاتج ما فيج الا العافيه لا تحسين بالنقص ولا تحاولين تقللين من قيمه نفسج

كا انتي شابكه ومنزله موضوع وتتحجين ما فيج شيء