بنااااااااااااااااااااااااااااااااااااات امى قهرتنى (( ترا مو متزوجه )) :(

[عـذبك طيفي]

اسمحي لي اقووولج

ماعندج سااااالفه امج ما سوت جذي الا من حبها لج وحرصها عليج وودها تشووفج عرووس

حبيبتي وربي من قلبي اقوولج استغلي اوقاتج مع امج باللحظات الحلوه والله يكتب لج النصيب السنع وبااجر تضحكين انتي وياها على الموقف هذا
.. الله يخليها لج ويطول بعمرها

 

[كولوراديه]

لا تزعلين من امج يمكن عشان ما تبيج ترتبكين و تكونين على طبيعتج
ولما احد يطلب ان يشوفون بنت من دون علمها يكون هذا الهدف الاساسي
والله يوفقج

 

[هـبـلـه ولـكـن!]

من صجج غلطااااااااااااااانه والله

صج موحلوه الحرمه انهم يسونها من وراج وحزتها اتعصبين


بس بالعكس حلوه السالفه ودام رفيجتج سوت هالشي يعني اكيد هالناس زينين اول شي

وامج تبي لج الزين
غلطانه روحي بوسي راسها
واكيد انتي منتي ميته على الريال ولا شي واهما اكيد يدرون انه ماعندج خبر

بالعكس والله حركه اتونس
وان شالله اذا الله كتب لج نصيب معاه

تتذكرين هالسالفه وتضحكين

 

[lailalaila]

بيبتي انت وايد حساسه

 

[وردة-الكويت]

مافيها شي الله يهداج امج تبيلج الخير وسعي خاطرج ياوخيتي وخلي الناس تجي ماتدرين وعسى ان تكرهو شيئا فهو خير لكم

 

[كويتيه والماسه]

وايد كبرتي الموضوع مسكينه الوالده قصدهااا خير مو شيء من وراج وجذي اللي تنهز الثقه حرام وكل الناس يسون جذي يعني علشان مايكون في احراج وانت تكونين اكثر طبيعيه بس اهم شي شنوووووو صار الباجيييي هاااا ان شاء الله خير

 

[Q8_88]

حدى ما عندج سالفه تزعلين !!
اول شي اني مو صغيره يعني فكرة الزواج المفروض من زمان فبالج
ثاني شي هل حركة وااااااايد يسوونها و لها ايجابيات وايده:
* انه اذا ما عجبتيه يا دار ما دخلك شر لا انتي تتاثرين و تهتز ثقتج بنفسج وهل شوفه لو صايره ف بيتكم هم بتصيرين طماشه لهم
يتمقلون فيج لين يقولون بس ...و يجوز اذا شفتيه فبيتكم دش قلبج و بغيتيه و اييج رد انه انتي ما عجبتيه "حده مو شي"
امج خافت من هل موقف و سوت هل حركة عشان تتجنبه
بعدين احسن انه شافج مو كاشخه لانه مو معقولهلما تتزوجين بتكشخين على سنقة 10 طول عمرج له..كل شي بسيط و مرتب حلو..
بعدين اذا جذيه انتي عاجبته بعد شتبين اكثر من جذيه؟؟

الله يهديج ترى النصيب الزين صعب تلقينه هل يومين...اذا الريال زين عطيه فرصه و لا تعاندين و تردينه مثل ماانتي توج قلتي باجر تتحسفين

 

[عاشوا]

اشكركم يابنات على ردودكم كلكم ...

واحنا طريقة اهلى مثل كل الكويت اللى يبي بناتنا يروح لهم بالدوام بالجامعه عند احد .. يعنى يتعنا لها ...

وماعندنا سوالف اندخل ناس ببيوتنا لا احنا مانرضا بهالشى عندنا عيب ونرخص ببناتنا ...

وانا تضايقت لانهم خلونى اروح لى حد عنده ...

ومافيها شى اذا امى قالت لى انا مو ياهل ... وامى عارفه وجهة نظرى ...

واهل الولد شايفينى بمكان وقدرو يوصلون لى عن طريق رفيجتى ... يعنى مو رفيجتى اللى ذاكرتنى لهم .

وانا اللى قهرنى لو انهم مشاورينى جان عادى قلت لهم حياهم الله بدوامى والا بالمكان الفلانى ...

مو يسحبونى ويودونى لى حد مكانه ...

وانا تضايقت من امى لانها كانت مكمله بالموضوع وماكانت بتقول لى ؟؟ :0bee2e8d89:

اااه ياااقلبي بس ... حمدي ربج على النعمه ... انتوا بالكوييت مهما كااانت طريقة الخطبه سخييفه مو اسخف منا بالسعوووديه .... اذا انتي تعصبييين انا المفرووض شاسوووي ؟؟

مره من المراااات تهاوشت مع امي ع نفس السالفه ... اقولها شنو يعني يجوون بيتنا عشاان يشوفوني ويمكن اصلح يمكن لا ؟؟

تقوولي ايييييييييه عااااادي البنت طاااقه كلن يفلهاااا ههههههههههههههههههههههه

صرت طاااقه انا وانتي معصبه ع اللي صار لج ؟؟

فكري بالمعرس عدل اذا تقدم لج رسمي ... ولا تتهوريين وبعدين تندميين

 

[Q8_88]

حبيبتي الكويتيين عادي عندهم تصير الشوفه فبيت البنيه اول مره اسمع انه عيب :s
و هم على قولتج اهوه اللي تعنالها
على العموم اللي يريحج سويه و مالج شغل باحد

 

[نثر الدموع]

بالعكس عادي انا تزوجت جذي ومادريت بالسالفه الا عقب زواجي وللحين انا وزوجي كل مارحنا المكان اللي شافني فيه انتذكر ونضحك لاتصيرين حساسه امج ماتبيلج الا كل خير

 

[قلبي ابيض]

صااااارت فيني قبل لا اتزوج وكرهت روحي وعصبت حييييل

بس تذكري ان نيتة امج خير الله يطول بعمرها

 

[غنوة ستايل]

سبحان الله خايفه على مستقبلج وتبي تفرح فيج .. و تحملينها غلطه حبها وخوفها عليج ؟
ياقلبي روحي تسامحي من امج .. اكيد سمعتيها كلام ما يسرها ....!!!
روحي تسااامحي لا رضى الوالدين ما لنا عنه بديل ..
وترا مو غلط .. وايد تصير الحركه هذه ... وما له داعي تستحين او تخجلين من شي .. عيل شلون البنات تتزوج ؟؟

 

[The Boutique]

بلعكس يبون مصلحتج لانج لوتدرين بيشوفج واحد يمكن ترتبكين وشكلج يصير مو حلو
بعدين انتي ليش زعلانه وماتبينه ولا عطيتيه اي فرصه ؟؟

 

[شــــــوق~]

لا عادي اختي لاتنقهرين ولاشي هذا شي طبيعي امج تبيلج الخير ومافيها شي بالعكس انتي طلعتي بصوره حلوه
كاشخه وشحلاتج وهذا زواج سنة الحياة مافيها شي مو اللي صار فيني قبل وحده من رفيجاتي جابت رفيجة امها المدرسه لما كنت برابعة ثانوي وطلعتني رفيجتي برا الصف تقولي الاخصائيه تبيج جذبت علي ومادريت الا ام رفيجتي تسلم علي ومعاها وحده وقعدت تسولف معاي شكلي ارف بارف ضعيفه حيل كنت وسمرا ماقالت نشوفها في بيت اهلها واشوا ماصار نصيب

 

[قلب راشد]

حبووبه عسى الله يوفقج ان شاء الله ويرزقج الريل الصاالح

ومو شرط ان الام سوت هالحركه يعني ما تبي لج الخير أو بتضايقج

يعني اهي ورفيجتج يبون لج الخير

يدرون انج ما تحبين هالحركه ويمكن تسدين اي طريق منهم

فسووا جذي عشان مصلحتج لا تفكرين فيها من هالزاويه

فكري من نواحي اخرى

وعسى الله يوفقج حبيبتي

 

[عنووشه]

انا بالنسبه لي عادي حبيبتي يمكن امج ماتبي تجرح مشاعرج او تخافين او ترتبكين

امج تبي لج الخير

لاتسوين كل هالسالفه

 

[توته كيوته]

لا تاخذين الموضوع ابهالحساسيه
الامهات ما يشوفون الامور مثل ما احنا انشوفهاا

 

[شموخ العجمية]

اهووو عااادي بس مالوج اذا زعلتي لان مفروض معطينج خبرر