بنااااااااااااااااااااااااااااااااااااات امى قهرتنى (( ترا مو متزوجه )) :(

[ريم @]

انا اشوفه امر طبيعى حبيبتى واغلب الخطبه بالكويت تتم جذى اما يشوفونها بطلعه او مسيار او عرس او عزيمه اواواواواو

وسالفة امج ورفيجتج ماقالولك مايبونج ترتبكين اوتتصنعين ويبين عليج او تستحين منهم

حبيبتى لاتكبرين الموضوع تراه حييييل عادى وليش ماتبين رفيجتج تدرى حرام المسكينه تبيلج الخير تلاقينها هى ذاكرتج عندهم

يعنى وحده تحبج وتمدحج بين الناس مو من النوع اللى تتشمت

الله يوفقج التوفيق الصالح

 

[أعرف قدر نفسي]

اسمحيلي ماعندج سالفه يعني انا بالنسبه لي هالطريقه وايد احسن من ان اييون البيت ويقول لا بعدين بس لي صارت الشوفه بره احسن وبعدين يمكن اهم عندهم خبر ان انتي ما تدرين .والله يكتبلج اللي فيه الخير انشالله

اصلا بنظري هالحركه مالت صديقه ذربه ولبقه وترى هي حطت امك بالصوره وبعد فتره رح تضحكين شلون انتي عصبتي جذي

 

[DO3A2]

اشكركم يابنات على ردودكم كلكم ...

واحنا طريقة اهلى مثل كل الكويت اللى يبي بناتنا يروح لهم بالدوام بالجامعه عند احد .. يعنى يتعنا لها ...

وماعندنا سوالف اندخل ناس ببيوتنا لا احنا مانرضا بهالشى عندنا عيب ونرخص ببناتنا ...

وانا تضايقت لانهم خلونى اروح لى حد عنده ...

ومافيها شى اذا امى قالت لى انا مو ياهل ... وامى عارفه وجهة نظرى ...

واهل الولد شايفينى بمكان وقدرو يوصلون لى عن طريق رفيجتى ... يعنى مو رفيجتى اللى ذاكرتنى لهم .

وانا اللى قهرنى لو انهم مشاورينى جان عادى قلت لهم حياهم الله بدوامى والا بالمكان الفلانى ...

مو يسحبونى ويودونى لى حد مكانه ...

وانا تضايقت من امى لانها كانت مكمله بالموضوع وماكانت بتقول لى ؟؟ :0bee2e8d89:

 

[Wa6an Elnahar]

حبيبتي و الله العضيم انه السالفع عاديه و لاتضيقين خلق امج وصدقيني ماردهم بيدرون انج صج ماتدرين انهم موجودين يعني كلش كلش ماراح يحطون اب بالهم انج ميته عليهم لا واذا مادرو الحين بيدرون باجر انج ماتحبين هالحركه وانج صج لو داريه جان مايتي .. حطي اب بالج انه هالشي ربج كاتبه يعني لا منج و لا من اميمتج ولا من رفيجتج وقولي ان شاء الله خيره

 

[مشمش أحمر]

حبيبتي والله انا حاسه فيج بس لأنج بالموقف تحسين أنه الموضوع وايد كبير ..لاتفكرين انج انهنتي أبدا أصلا هم مايفكرون بهالطريقه انج انتي اللي تتعنين وهالوساوس اللي في بالج .. بالعكس الموضوع عادي وانا اعرف بنات وااايد تزوجوا بهالطريقه .. سبحان الله النصيب وربي كاتب ..بس هذا مو معناته اهانه لج .. والله انه أمج مسويه هالحركه وكل خاطرها انها تفرح فيج وحتى صاحبتج من محبتها لج .. فلا تظلمينهم .. ولاتحسسين أمج بالذنب عاتبيها بكلام لطيف .. واللي فيه الخير بيكتبه ربي .. بس لاتقعدي تعاندي وترفضي الريال اذا كانت اخلاقه زينه لو تقدملج هذا الشيطان يبي يخرب عليج ..اتعوذي من ابليس وعسا ربي يوفقج ويهنيج يارب

 

[دلـع ^ العجـمان]

عااادي حبيبتي مافيها شي وامج تبي مصلحتج

الله يووفقج

 

[غزال قرطبة]

حرام عليج خلي امج تفرح فيج

ليش تعصبين عليها

صدقيني اهي تدور لج الخير

و بعدين احسن انه يشوفج بره ولا انا اييلج البيت جنج تعرضين تفسج له

 

[الغاليه نونو]

شووفي ياقلبي صج ان امج غلطانه ومليون غلطانه لو شيصير مااااحط بنتي بهالموقف المفروض تقوول حق رفيجتج يبونها ايونها البيت وانا بنتي موبضاعه اعرضها معاج علشان تنخطب بهالطريقه
المهم الشي الحين صار وراااااااح خلاص باح بس مسألة انه تهتز ثقتج بامج لا والف لا يمه هذى حلوة اللبن لها قدرها وشانها دوووم خليها تاج راسج تفتخرين فيها بكل مكان لانه لولاها انتي ماصرتي هذا اول شى وثانيا الجنه تحت اقدام الامهات وكل ام تبي الزين والسنع حق بنتها تعاليلها باللتي هي احسن وكلميها بهدوء واحترام واشتري خاطرها ترا الام ماتتعوض ياقلبي اعتبريها غلطه منها المفروض انج توسعين الصدر وتسامحينها والحين اذا يوج الناس يخطبونج وشفتي الريال خوش آدمي وافقي عليه ولا تلعبين بنصيبج ترا الريال لويصك عمره الخمسين يبونه بس البنت لي طافت سن الزواج بترضا بعدين باي واحد مطلق والا ارمل حتي لوهي بنت ماعرست وانتي الحين فرصه ويت لج وقسمه وربي كاتبها لج
اخذى الموضوع بكل اريحيه وفكري واخذي وقتج بالتفكير ومردج حق الريل والزواج مو الحين باجر مو باجر عقب سنه سنتين ثلاث متي ماربي كتب لج نصيب بتروحين بيت ريلج يمه
هدي ولعني الشيطان وقومي بوسي راس الغاليه اميمتج واللي بقلبج قوليه لها بكل حب واحترام وابتسامه تشق الحلج وعذريها ياقلبي ترا ماسوت جذي الا علشان تبي تفرح فيج"_03ba:

 

[جوجو.]

ألحين أنتي من صجج ميته قهر بدال لاتقولين لها مشكوره بدال لاتقولين لها كثر الله خيرج تبيلج الخير
والله لو منج أستحي أحط عيني بعينها وأي شي أتقوله أقولها حاضر

 

[Qute-engineer]

لاحبوبة لاتكبرين السالفة بالعكس جذي لمصلحتج ولمصلحة الولد يعني لو فرضنا انهم دخلوا بيتكم وشافج وشفتيه وماعجبتيه بيكون موقفج ونفسيتج تعبانة اكثر اما انج ماتدرين بالعكس وايد احسن وامج تبي مصلحتج وماراح تعرفين قيمة امج وخوفها على مصلحتج الا لما يصير عندج عيال واذا دقوا وخطبوج بالعكس هذا معناته ان الولد انعجب مبدئيا بشكلج ورزانتج واستايلج ويبقى دور انه تشوفون بعض رسمي عشان انتي توافقين وترتاحين له والا لا فتوكلي على الله واذا دقوا استخيري والله يوفقج

 

[فقدتك يانور عيني]

أمج ماسوت شي غلط بالعكس ماتبي تحرجج عادي شدعوه تبيلج الخير أمج لاتكبرين الموضوع واذا الرجال زين لاتردينه

 

[منورة الكويتية]

بالعكس اهيا وايد وايد مراعية مشاعرج وماتبيج تحسين بشيئ
وبعد قلبي مسكينه تبي تفرح فيج لاتفهمينها غلط وانها اتفقت مع رفيجتج من وراج جنهم مخونين فيج الله يهداج
مايبون لج الا الزين
والله يوفقج يارررب

 

[Morena]

حاسة فيج وامي سوت هالحركة من قبل باختي مع خالتي واختي وايد تضايقت ... لكن اللي قلته لها برد اقوله لج

حبيبتي التمسي لها العذر مهما كانت الطريقة الوالدة تبي لج الصالح ... ويمكن رفيجتج امج تعتبرها سنعه ومثلج وتعرفج عدل واي ناس من صوبها بيكونون زينين فاتفقت معاها ... ومرات ترى الغرب افضل من القرااااب (صدقيني)

فطوفي الموضوع وفهمي الوالدة وحتى رفيجتج انه انتي تضايقتي وكان المفروض يشاورونج

واذا ردوا دقوا هالناس ميخالف فكري ... ماتدرين يمكن خيرة لج

 

[منورة الكويتية]

اشكركم يابنات على ردودكم كلكم ...

واحنا طريقة اهلى مثل كل الكويت اللى يبي بناتنا يروح لهم بالدوام بالجامعه عند احد .. يعنى يتعنا لها ...

وماعندنا سوالف اندخل ناس ببيوتنا لا احنا مانرضا بهالشى عندنا عيب ونرخص ببناتنا ...

:0bee2e8d89:

اسمحيلي استوقفتني هالجمله!!

ليش اذا دخلنا الخطاطيب بيوتنا يعني مرخصين بناتنا!! اول مره اسمع بهالشيئ بالعكس

الخطبه تصير بالبيوت مو بالمجمعات والقهاوي

طبعا انا اقصد الحريم بالاول وبعدين عقب الموافقه المبدئيه الصبي بالمره اليايه

وطبعا مو اي احد تدخلينه بيتج الا لمن تكونين عارفته وسألين عنه وعن اصله وفصله

سوري يمكن عريت عن الموضوع الاساسي بس استغربت من الجمله

 

[اسراء205]

احسن انك ماتعرفين ... اعرف وحده ياها البيت وشافها وكانت اهي مستانسه وموافقه بالاخير قال اهو مافي نصيب تحطمت المسكينه .

 

[غزلان]

ماعليه حبيبتي
امج تبيلج الستر وتبي تستانس فيج لا تلومينها
ربي يوفقج ونشوفج عروس

 

[الريادة]

أمج تبيلج الخير

 

[يابري حالي]

بالعكس امج ماسوت شىء غلط امج تبيلج الزييييييييييييييييييييييييييييييين وليش متضايقه اكيد اهم يدرون بوقفج علشان جذيه سوت فيج هالحركه

 

[الهما]

انا ماني شايفة مشكلة حبيبتي هدي اعصابج موضوع الزواج كله على بعظه يوتر بس طوفي ترا و الله ما صار شي يسوى
تعوذي من ابليس شنو ثقتج انهزت بامج
هذي امج
و اغلب البنات جذيه ينخطبون و احسن انج ما تدرين ... ويين المشكلة؟؟ احسن من يجونكم البيت ..... الا اذا كنت رافضة فكرة الزواج بالمرة!!
مسكينه امج هذا جزاها تبي لج الاستقرار
حبي راسها و عسى الله يخليها لج و تفرح فيج جريييييب
وبعدين شنو عيب ندخل الناس بيوتنا و نرخص في بناتنا !!!!!
حبيبتي اول شي مايدخل البيت اي احد ما يدخل الا اللي نعرفه عدل .....عدل عدل...
و بعدين الدين و الرسول عليه الصلاة و السلام قال ان الخاطب له الحق ان يشوف الوحده من غير حجاب و حلال تكشف عن ساقها بعد....تخيلي طبعا مو من هب و دب الجاااد
يعني محد طلع عن الدين
و امج و رفيجتج واايد زربين ما حبو يحرجونج سواء كنت عجبتي الولد او لا بحيث ان لو ما صار نصيب ما تدرين و تتضايقيينانت بس متضايقة مو شايفة الامور صح..الواحد لمن يتضايق تتلخبط الامور عليه
هدي اعصابج و صلي ركعتين و ديري بالج تضايقين امج و الله يهدي سرج حبيبتي و تاخذين شيخ الرياييل

 

[DO3A2]

اشكركم يابنات على ردودكم
ويزاكم الله كل خير ...

واللى عقبوا على كلمتى


اشكركم يابنات على ردودكم كلكم ...

واحنا طريقة اهلى مثل كل الكويت اللى يبي بناتنا يروح لهم بالدوام بالجامعه عند احد .. يعنى يتعنا لها ...

وماعندنا سوالف اندخل ناس ببيوتنا لا احنا مانرضا بهالشى عندنا عيب ونرخص ببناتنا ...

يمكن انا ماوضحت الكلام ...

طبعا كل واحد وطريقته ...

احنا عندنا عيب ان كل من يدق ويطلب الزواج اندخله بيتنا يتطمش اهوه واهله ويشربون الجاى ويطلعون ..

مايدخل الولد الا واحنا عارفين منو مدخلين بيتنا وموافقين مبدئيا ...

والييه مالتهم عشان اشوف الولد ونشوف اهله ... يعنى حقنا احنا مولهم ...

والولد اذا حب يشوفنى يروح الدوام او اى مكان ثانى ... مو يدخل البيت يتطمش ويطلع ...

لانى اشوف وااااااااااااااااايد بنات يدخلون كلمن هب ودب ابيتهم واحنا ماعندنا هالكلام ....

طبعا كلامى هذا للتوضيح ...