السلام عليكم ورحمة الله وبركاته ’’
بارك الله فيكِ أخيتي ريييم على فكرك النيّر وقرارك ,,
أنا حقيقة سجلت مخصوص عشان هالموضوع اللي شدني اولا عنوانه
ومن ثم الردود اللي قريتها وبالتحديد رد اختي في الله ( ترانيم القصيم) جزاها اللهم وإياكن الجنه :eh_s(17):
ولا هو قصور فالباقيين حماكنّ الله ^_^
وردي جا متأخر بعد لكن حسيت اني ابي اشارككم فالموضوع ,,
انا مع كل اللي خذوا بايدج وحثوج على النقاب الملتزم الساتر ,, مو اللي يفضح ويلفت مثل ماذكروا بارك اللهم فيهم ,,
وبقولج عن تجربتي الخاصه بعد ,,
انا لبست عباة الراس والنقاب والقفازات من سنة 2008 بشهر 4 كان عمري 23 سنه
سبحان الله قبلها كنت لما البس عباتي والشيله ( عباة الكتف) واطلع احس ان في شي ناقص
واحس اني مستحيه وان عباتي ضيقه ( رغم اني كنت اوسع عباياتي كثييير ) بس بعد احس انها
تصف جسمي .. وامشي وانا منزله راسي واذا رفعته ولقيت احد يطالعني انقهررررر واقول اكيد عباتي ضيقه اكيد شيلتي ماكانت نازله على اكتافي .. (( اعيد واكرر ان العباااه وسيييييييعه والشيله نازله)) .. بس بعد احس في شي ناقص وكل مايطلع موديل لعباه جديده واسعه اروح افصل لي ,, وبعد يجيني نفس الشعور .. :eh_s(2):
لدرجة اني لبست عباة كتف كأنها خيمه من وسعها بس ماأرضت حيائي ابد ,, وماكنت اغطي وجهي ,,
وهذا كله على مدا سنين طبعا ,, لين ماوصلت لمرحله اني لا جيت بطلع اتضايق ,, فصرت اغطي وجهي بالشيله اخلص اللي بيدي وارد البيت ,,
وفي هذي الفتره بالتحديد رب العزه ذو الجلال والاكرام هداني الى ( عباة الراس والنقاب وعقبها بفتره بسيطه القفازات) ولله الحمد ,, اول ماجات في بالي فكره عباة الراس على طول قلت لامي
توديني عشان افصل لي عباة راس قالت لي متأكده من قرارج ولا راح تقطينها عقب؟
قلت لها متأكده باذن الله ورحت فصلتها ولبستها ولله الحمد ولازلت البسها ,, فصرت انا الوحيده
من بنات العايله اللي البس عباة راس ,, واول مالبستها طبعا حصلت تعليقات من الاهل او حتى الزميلات فالعمل
( كبرتي روحج ,, توج صغيره ,, شلون تجوفين؟!! - لاني البس لثمه والشيلة اسحبها على عيني عشان اغطيها- ومن هالكلام ) وحسيت بعضهم مستنكرها بس ساكت والبعض لا بالعكس شجعني ( ماشاء الله عليج ,, الله يثبتج ,, فرحت لج)
وفعلا بفضل الله حسيت امور كثيره في حياتي تيسرت لي والله ,, امور كانت احلام وامور كانت امنيات وامور كانت يمكن مستحيله ,,
فالمعينُ أعانَ ويسر ,, والقديرُ أعطى ثمَّ وفق ,, والكريم فعل وما شاء ماقدّر 
فله الحمد والشكر ,
لكن والله ثم والله ولا اهتميت ولا افتكرت دام هالشي جا من رب العالمين اللي سبحانه جبر بخاطري اللي ينكسر كل ماجيت بطلع احس بنقص ,, واول ماجات فكرة هالعباة والنقاب على طول نفذت بعد توفيق الله دون تردد ولله المنه .
والله العظيم اللي يقولج ان تحصلين التقدير والاحترام صدق من الناس ومن الشباب وحتتى لو كان نوع هالشباب من اللي يعاكسون البنات تلقين منهم الاحترام ,, واذا مريتي تكسرين عيونهم بسترج ,,
تحسين ان لج تعامل خاص فيج بروحج ..:eh_s(17):
فعلا التمست هذا الشي ولازال مستمر ولله الفضل والمنه ,,
التعليقات لابد منها صدقيني ,, لكن بتسمعينها من من ؟؟
من اللي يعارض هذا الشي ومستنكره ,, لكن بتسوينه لله جل جلاله ماراح يهمج اي امر باذن الله
اسفه على الاطاله ويمكن تكلمت عن عباة الراس وانتي موضوعج عن النقاب ,, بس شفت ان
الموضوعين متشابهين من حيث اتخاذ القرار والتعليقات والخوف منها والتنفيذ وطريقة اللبس حتى,, (( لان بعد بعض النساء - هدانا الله واياهنّ- يلبسون عباة الراس بطريقه ملفته جدا جدا وتفن ..
والله يوفقج حبيبتي دنيا واخره ويسهل لج وصدقيني ان رب العباد راح يفتح عليج باذنه جل شأنه
لانج تبغين امر فيه خير وستر وانتي قاعده تسعين فيه وربي راح يتمم عليج باللي يرضيه سبحانه ثم يرضيج ,,
اللهم امين ,,
احترامي لكن جميعا
ماشاء الله عليك الله يثبتك
والي تقول نقاب مو فرض ومادري ايش والحجاب وغيره
حبيبتي الحجاب شررعي يكون مقطيه وجهك مو لافه طرحه والوجه انواع الزينه
الحجاب الشرعي من موقع سماحه الشيخ عبد العزيز بن باز
أرجو التوضيح عن الحجاب الإسلامي، هل أُمرت المرأة بتغطية الوجه، أم أنها تحتجب في رأسها ويديها ورجليها ويبقى وجهها مكشوفاً؟
الحجاب الإسلامي فيما ظهر لنا من الشرع هو أنها تغطي الوجه وجميع بدنها عند الرجال الأجانب ، أما في بيتها وعند محارمها وأخواتها ونسائها فلا بأس تكشف وجهها ويديها وقدميها ، لا حرج ، حتى رأسها لا بأس على الصحيح عند محارمها أما عند الأجانب فلا، لأنها عرضة للفتنة ولهذا قال تعالى : وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَاء حِجَابٍ هذا عام، ثم قال سبحانه: ذَلِكُمْ أَطْهَرُ لِقُلُوبِكُمْ وَقُلُوبِهِنَّ [(53) سورة الأحزاب]. فالحجاب أطهر لقلوب الجميع وأسلم للرجال والنساء جميعاً، وهكذا قوله سبحانه : وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ [(31) سورة النــور]. الزينة أعظهما الوجه فوجب ستره عن الأجنبي كزوج أختها وأخي زوجها، ونحو ذلك؛ لأنهم ليسوا بمحارم بل أجانب، كما تستره عن بقية الأجانب كابن عمها، وابن خالها وجيرانها.
وصاحبه المووضوع الله يوفقك يااارب والحجاب ستر لك وماعليك من كلام البنات لان مو مشاركينك بالاثم والاجر
والبنات الي يقولون بدري وغيره حرام انتم تساعدونها على المعصيه
