بنآآت محتآآره أتنقب ولآ لآآ ؟؟ أنزين شلون أفآتح أهلي بالموضوع ؟؟

[^همآليل^]

على حسب انتي شلون يعني حابه النقاب ؟؟
هل حابه النقاب كـ موضه وستايل ؟؟ والا حابته كـ ستر وعفهـ !!


اذا حابته ستر اقووول سوقيهاااا يابوي وتنقبي


اما اذا موضه وهبه نصيييحه لاتنقبين لانك راح تملين منه وتقولين بقطه خلااااص




انت فكري اول بعدين اتخذي قرارك

 

[تُخْفِي غَلَاها]

’’

لا اله الا الله
اي والله مافي شي احلى من الستر
الله يوفقج حبيتي

.,​

 

[ريـــمْ]

مشكوورين بنآات على الردود
مآتقصررون فدييتكم

 

[شموخ ممطير]

توكلي عاى الله و تنقبي والله راح تشوفين الراحه والسعاده من ترك شي الله عوظه الله بخير منه

 

[..MaYaR]

اتنقبي وانتي مقتنعه فيه مو تردين تحسفين وتحقدين علييه

 

[أغنية البحر]

حبيبتي هذا العمر المناسب للنقاب
وبعدين اللي يقولون توك صغيره
بالعكس ترى لما تصيري عجورز مرفوع عنك الحجاب

 

[*المــــلكة*]

انا يتني فترة كنت بتنقب ونقاب عدل مو نقاب ومكياج
بس فكرت عدل وامي قالت لي فكري عدل لأنه مو حلو انج تلبسينه وبعدين تقطينه لبسيه عن اقتناع عاد فكرت عدل وهونت
عاد انتي الله يثبتج وفكري عدللل عشان تكونين مقتنعة امية بالإمية
والله يثبتج ويوفقج​

 

[*المــــلكة*]

حبيبتي هذا العمر المناسب للنقاب
وبعدين اللي يقولون توك صغيره
بالعكس ترى لما تصيري عجورز مرفوع عنك الحجاب

اول مرة اعرف ان العيايز مو لازم يلبسون حجاب !!!​

 

[كيوت--]

النقااب ستر وفخر

عاادي فاتحيهم قوليلهم حاابه اتنقب
وب12 مو صغييره حيل انا شاايفه بنات بالمتوسط متنقبات


انتي بنقابج تحمين نفسسسسج وتعزينهااا عن الذءاااب البشريه

 

[كيوت--]

الله يثبتج ويووفقج

 

[أحبه موت]

ماشاءالله تبارك الرحمن شي حلو انج بهالسن وتفكرين تتنقبين الله يكملج بعقلج ان شاءالله
مالج شغل بأحد توكلي على الله وتنقبي واذا خايفه من ردت فعلهم اخذي امج الدار وكلميها بجد وقولي لها يمه انا بخاطري اسوي شي من زمان واستخرت وارتحت حق هالموضوع قوليلها انا بخاطري اتنقب وما اعتقد انهم بعارضون هالشي
وعسى الله يوفقج ان شاءالله ويهديج يارب​

 

[دلوعة أبوهآ]

بعض البنات ماعرف كيف تفكيرهم وعقلهم
يعني البنت الحين تبي منكم النصيحه لوجه الله وبعض الردود تحبطها .!
اذا ماعندك كلمه زينه ودعوه ونصيحه !
لاترددددددي ..

ولاتخربون عقلها ..,


,
,

 

[نــgف]

الله يوفقك حبيبتي ..

 

[غدووو العنزي]

موفقه

 

[نـوووف]

ماشاءالله تبارك ربي يزيدك حبيبتي

والنقاب سترر
والله يهدي البقيه الي ماتنقبوو
وعندي تعليق لبعض الردود
ي اخوااااااااااات
النقاب مو قناعه عجبني لبسته ماعجبني رميته
هذا حكم الله وامره
وتأكدي من ترك شئ لله عوضه ربي باللي احسن منه
احنى طايره عقولن من اللي يلبسون نقاب بس مايتغطون وش نقول على اللي مايلبسون خير شر
الله يهدي الجميييييييع

 

[اسرار الحب]

عادي حبيبتي ما احس في صعوبة بالموضوع
خصوصا لا والدتج متنقبة وبالعكس حبيبتي النقاب ستر
للمرأة وهم للبنت ولان انتي تبين تتنقبين بنفسج يعني مقتنعة بهالشي مو مغصوبة

 

[كلهآ ملح ..}]

حبيبتي كلمه وخليها تتكرر باذنتس

حراره الدنيا وولا ناااااااار جهنم

اشياء بسيطه ونعصي ربنا فيها وحنا ماندري هذا امر يالغاليه من الله .~!

 

[كيكه توفي]

اذا انتي حابه اتنقبين قولي حق أهلج وشوفي رايهم اهوا الشي راجعلج انتي

 

[المـ هـ ــا]

السلام عليكم ورحمة الله وبركاته ’’




بارك الله فيكِ أخيتي ريييم على فكرك النيّر وقرارك ,,


أنا حقيقة سجلت مخصوص عشان هالموضوع اللي شدني اولا عنوانه

ومن ثم الردود اللي قريتها وبالتحديد رد اختي في الله ( ترانيم القصيم) جزاها اللهم وإياكن الجنه :eh_s(17):

ولا هو قصور فالباقيين حماكنّ الله ^_^
وردي جا متأخر بعد لكن حسيت اني ابي اشارككم فالموضوع ,,

انا مع كل اللي خذوا بايدج وحثوج على النقاب الملتزم الساتر ,, مو اللي يفضح ويلفت مثل ماذكروا بارك اللهم فيهم ,,


وبقولج عن تجربتي الخاصه بعد ,,


انا لبست عباة الراس والنقاب والقفازات من سنة 2008 بشهر 4 كان عمري 23 سنه


سبحان الله قبلها كنت لما البس عباتي والشيله ( عباة الكتف) واطلع احس ان في شي ناقص

واحس اني مستحيه وان عباتي ضيقه ( رغم اني كنت اوسع عباياتي كثييير ) بس بعد احس انها

تصف جسمي .. وامشي وانا منزله راسي واذا رفعته ولقيت احد يطالعني انقهررررر واقول اكيد عباتي ضيقه اكيد شيلتي ماكانت نازله على اكتافي .. (( اعيد واكرر ان العباااه وسيييييييعه والشيله نازله)) .. بس بعد احس في شي ناقص وكل مايطلع موديل لعباه جديده واسعه اروح افصل لي ,, وبعد يجيني نفس الشعور .. :eh_s(2):

لدرجة اني لبست عباة كتف كأنها خيمه من وسعها بس ماأرضت حيائي ابد ,, وماكنت اغطي وجهي ,,

وهذا كله على مدا سنين طبعا ,, لين ماوصلت لمرحله اني لا جيت بطلع اتضايق ,, فصرت اغطي وجهي بالشيله اخلص اللي بيدي وارد البيت ,,

وفي هذي الفتره بالتحديد رب العزه ذو الجلال والاكرام هداني الى ( عباة الراس والنقاب وعقبها بفتره بسيطه القفازات) ولله الحمد ,, اول ماجات في بالي فكره عباة الراس على طول قلت لامي

توديني عشان افصل لي عباة راس قالت لي متأكده من قرارج ولا راح تقطينها عقب؟


قلت لها متأكده باذن الله ورحت فصلتها ولبستها ولله الحمد ولازلت البسها ,, فصرت انا الوحيده

من بنات العايله اللي البس عباة راس ,, واول مالبستها طبعا حصلت تعليقات من الاهل او حتى الزميلات فالعمل

( كبرتي روحج ,, توج صغيره ,, شلون تجوفين؟!! - لاني البس لثمه والشيلة اسحبها على عيني عشان اغطيها- ومن هالكلام ) وحسيت بعضهم مستنكرها بس ساكت والبعض لا بالعكس شجعني ( ماشاء الله عليج ,, الله يثبتج ,, فرحت لج)

وفعلا بفضل الله حسيت امور كثيره في حياتي تيسرت لي والله ,, امور كانت احلام وامور كانت امنيات وامور كانت يمكن مستحيله ,,

فالمعينُ أعانَ ويسر ,, والقديرُ أعطى ثمَّ وفق ,, والكريم فعل وما شاء ماقدّر

فله الحمد والشكر ,


لكن والله ثم والله ولا اهتميت ولا افتكرت دام هالشي جا من رب العالمين اللي سبحانه جبر بخاطري اللي ينكسر كل ماجيت بطلع احس بنقص ,, واول ماجات فكرة هالعباة والنقاب على طول نفذت بعد توفيق الله دون تردد ولله المنه .

والله العظيم اللي يقولج ان تحصلين التقدير والاحترام صدق من الناس ومن الشباب وحتتى لو كان نوع هالشباب من اللي يعاكسون البنات تلقين منهم الاحترام ,, واذا مريتي تكسرين عيونهم بسترج ,,
تحسين ان لج تعامل خاص فيج بروحج ..:eh_s(17):

فعلا التمست هذا الشي ولازال مستمر ولله الفضل والمنه ,,

التعليقات لابد منها صدقيني ,, لكن بتسمعينها من من ؟؟


من اللي يعارض هذا الشي ومستنكره ,, لكن بتسوينه لله جل جلاله ماراح يهمج اي امر باذن الله


اسفه على الاطاله ويمكن تكلمت عن عباة الراس وانتي موضوعج عن النقاب ,, بس شفت ان

الموضوعين متشابهين من حيث اتخاذ القرار والتعليقات والخوف منها والتنفيذ وطريقة اللبس حتى,, (( لان بعد بعض النساء - هدانا الله واياهنّ- يلبسون عباة الراس بطريقه ملفته جدا جدا وتفن ..



والله يوفقج حبيبتي دنيا واخره ويسهل لج وصدقيني ان رب العباد راح يفتح عليج باذنه جل شأنه

لانج تبغين امر فيه خير وستر وانتي قاعده تسعين فيه وربي راح يتمم عليج باللي يرضيه سبحانه ثم يرضيج ,,

اللهم امين ,,


احترامي لكن جميعا

 

[ابدا يالغالي مانساك]

استغرب من اللي تقول عمري واحد عشرين ولايعه جبدي من النقاب وغيرها اللي تقول شالحكمه وانتي ياصاحبة الموضوع اعزمي وتنقبي الحين وش له بالصيف عقب عمر طويل ضامنه عمرج هذا ستر لج ولنفسج