بموت من القهر ساعدوني :(

[نـــووونـــا]

رد : بموت من القهر ساعدوني

خلج ثقيله ع الرجال ..

..

..

..

 

[ماريا ابنة الحي]

اهم مثل الطابع تفلي عليه يلزق

بعدين خلي اتصالاتج بعد الملجه
احسن
عن الحلال والحرام

وبعدين كثر ماتقدرين لاتدقين

الثقل زين

 

[مرتاحه]

انزين ليش كل ساعه ادقين خلك ثقيله
الريال يطفش وين رايح وين راد
اذا بالخطبه شذي اسوين بعد الزواج
شبسوين اظاهر بتمنعينه انه يطلع
نصيحه ثقلي الثقل زين

 

[سمنه ع عسل]

رد : بموت من القهر ساعدوني

لاتتصلي ولا تدقي عليه وخذيها مني راح يرد يتصل بك
اثقلي شوي لاتبينين له انك ميته عليه خله هو اللي يركض وراك

 

[M!Ss Smart]

خليج ثقيييييييييييييييييييييييييييييييييييييييييييييييييييييييييييييييييله لاتتصلين وايد يفسرهااا الريال نوع من الحنه ولاتكلمينه ليما يقرب عرسج عشان يشتاق لج عودييه اهوا اللي يسال عنج مو انتييي

 

[ارتيكازا]

لو انا منج احقره و اسحب عليه مرده لي وين بروح و بعدين لا دق اثقل شوي مارد على طول لان الريال على ما عودتيه وبنيله ان ما يعجبج هذا الاسلوب هذي و انتي عزيزة و غالية الحين الله يعين باجر لا شبع منج و صرتي عنده بالبيت هذا شكله مزاجي عدل

 

[الجــادل]

رد : بموت من القهر ساعدوني

مثل ما قالو البنات بسج حنه

 

[MISS BAD00RAH]

الرجااااااااااال يبي يفهمج ان الحنة هاذا واللزقة قل دقيقة جنة ما عندج غيرة تكرة فيج وتخليييييية يمل ,,,, حاولي انتي تخلينة هو اللي كل دقيقة يسال عنج ويدرج مو العكس ,,, هاذا وانتي توج ,,,, اللة يوفقج

 

[ريماس77]

بفهم شغله ليش كل شوي تبينه يتصل شوفي انا كنت قبل جذي بس عرفت مع مرور الوقت لمن احن يعاند ويطفش يامعوده خليه ثقلي عليه ولاادقين شوفي بالنهايه يدق اولا ترا الحنه تملل الريال

 

[kuwaitya_zoGaa]

حبيبتى الرياييل بهالوقت يكونون خايفين من الزواج ومن الارتباط
لانه حاس انه بينحرم من الحريه وانتى ماقصرتي وياه صرتي تدقين عليه وايد يعنى جنج قاعده تربطينه من كل صوب صار جنه مختنق
علشان جذيه قاعد يتهرب منج من رايي خفى مكالماتج وخفى اهتمامج علشان شعوره مايتمكن منه ويخاف ويفركش الخطبه ديري بالج حبيبتى
ترا انتوا لى الحين بالبر ... لا تتصلين كلش خليه يفقج واذا اتصل سولفي وضحكي نفس اول ماتعرفتوا على بعض
ولا تعاملينه جنه ياهل وبعدين حبيبتى ميخالف لا تزعلين منى ذوقيا لما قال لج اخوه قاعد يتعشا جان قلتى قول له بالعافيه وسكرتي الخط مو اتعاندين ...

 

[خوش بنيه]

خففي وثقلي عليه يركض وراج والله يوفقج

 

[reem83]

رايي من راي البنات حاولي انج ماتدقين عليه ولا تساليه وين رحت وين جيت الا لما يقول لج اهو

 

[كويتيه مذهله 87]

أشعندج كل دقيقه داقه

الرياااييل فيهم طبع مايحبون يكلمون الأهل قبال اهله او الشباب

 

[مدام زيزو]

رد : بموت من القهر ساعدوني

طقي الثقل ولا تدقين عليه
واذا تقدرين تسكررين جهازج سكريه
وجربي قوليله قررت اهدك شوفي شنو ردت فعله
بس ديري بالج تضعفين وتدقين او تدزين له مسج

 

[ملووكه كووول]

بصراحه انتي الغلطانه
وايد ضغطتي عليه
لا تحنين...اذا على المكالمات قلت بينكم بعد الخطبه...هذا الشي طبيعي تتطمني
لن تفكير الريال ان خلاص ضمنج يعني الشي اللي كان يسعى له من ورا مكالماته قبل صار
الحين لا تسوين شي...لا زعل ولا ادقين بس لما يكلمج المره اليايه عاتبيه بلطف وقوليله مو قصدي اضايقك بس لنك فجأه ققلت مكالماتك
خلج صريحه وياه أحسن
والله يوفقكم!!

 

[الزين 85]

حياتي بس الريال مايحب البنت اللزقه والدعله
بعدين مو حلو24 ساعه تكلمينه خليه يشتاق لج وشغلي نفسج بشي ثاني

 

[غير عنهم]

أختي ترى مرت أخوي كانت تسوي كذا كل شوي تدق على أخوي يتضايق ويتشكى منها بس هو يحبها طبعا بس يتضايق من الاتصالات بالنسبة لهم مالها داعي اثقلــــــــــــــــــــــــــــــــــــــــــــــــــــــــــــــــــي

 

[_Pure_]

مو طبيعي

اخاف سامع حجي

تاكدي من الموضوع

 

[روح الطبيعه]

لااله الا الله

يابنت الناس الريال مايحب جذي وفوق هذا ترى اذا شاف البنت

اهي اللي تلاحقه يشوف نفسه عليها

وانتي بسؤالج عنه كل اشوي خوفتيه منج خلاه يفكر بكرا لما تتزوجون اشراح تسوين فيه ؟!

خلج مثل الـــــــبــــحــــر حبيبتي

مايعرف متى حزة الــمــــد والـــجـــزر عندج

علشان يكون ع طول حذر ^_*

وبالتوفيق ان شاءالله​

 

[ســكره ورديه]

يؤ يؤ يؤ

شنو كل هذي اتصالات له معليش بس معه حق والله لو انا مكانه لااقول اش تبين ازعجتيني
يعني طالع مع اخوه وتبينه يدق عليك

هو اعطاك اياها على بلاطه وبرضو رجعتي دقيتي اش تبين فيه اثقلي يابنت

اعطيه مساحته خليه يتنفس
حسسيه بقيمتك خليه يشتاقلك مو كل شوي الو وينك شنو تسوي

مايصير بيطفش منك كذا

يدك هذي ابعديها عن رقمه لاتدقين خير شر وهذاك الوقت بتعرفين غلاتك صح وتعرفين مزاجه زين