بموت من القهر ساعدوني :(

[softlady]

الله يسخره لج يارب

 

[دانة الدنيا1]

حبيبتي والله انا مثل مشكلتج حظي علينا اللي كل شي فوق روسنا واهما بس همهم وناسه وهياته مع ربعهم ومايبون يتحملون مسؤوليه مادري ليش رياييل الله يصلحهم ويسخرهم لنا المهم حبيبتي لا لقيتي حل قوليلي ترى بنفجر انا بعد والله لو نحقرهم مثل ال.... يركضون ورانا
حبيبتي انتي سكتي جم يوم وعاتبيه بدلع ولاتخلينه يتحسف انه خطب يمكن تلاقين ربعه يقولوله ليش وتو الناس تدرين الحين ماشاءالله لو عمره 30 للحين صغير ماشاءالله توه امه فاطمته هههه ااااااااااخ مقهوره منهم انا فأنتي خليج البلسم لجراحه لين تصيرين عنده بعدين سو اللي تبينه

 

[ام كوشه منكووشه]

رد : بموت من القهر ساعدوني

حبوبه انتي ماتدرين شنو ظروف الريال يمكن عنده مشكله بالدوام ولا مع اهله
تلقينه يحاتي ترتيبات الزواج والمكان اللى راح تسكنون فيه خليه لين يهدا ويقوالج اللي بخاطره
بعدين حبوبه انا مقدره انج تحبينه و حابه تبين اهتمامج فيه بس هم عطيه فرصه عشان يشتاق لج حاولي تقللين من اتصالاتج له خليه اهوا اللى يدق شغلي نفسج بهالفتره بانج تجهزيين حق عرسج وسوي لج برنامج عنايه بالبشره
والله يهديه لج ويتمم عليكم بالخير

 

[تنـــاســـانــي]

البنات ماقصروا ،،

مو كل دقيقه ادقين راح يمل مو ياهل اهوا ،، ادق مره باليوم خو اهوا رايح يتسوق مو مسافر ،،

خليه يومين اذا مادق انتي دقي ولا حطي مسج و عاتبيه بدلع و ثقلي عليه مو كل شوي ادقين خليه اهوا راح يستغرب و يقوم اهوا اللي يدق ،،

عطيه شوي حريه خل يتنفس مو كل دقيقه داقتله ،، جذي بطفشينه ،، علشان مصلحتج هالحجي ،،

والله يهديه و يسخره لج ،،

 

[miss-winter]

خفي شنو كل شوي داقه عليه الحين خلاص خطبج يعني ان شاءالله ظمنتيي بس خلاص بلا حنه ثقلي

 

[انا مو هني]

رد : بموت من القهر ساعدوني

انتي طفشتيه
اي الانسان اييله وقت مالا خلق احد ودا يشوف نفسا اشويه
مايصير تتدخلين بكل شي
دام ما دق مايشوف شر
وهمن لا تعاتبينه وتنكدين عليه
عندج شي زين قوليله شي مو زين سكتي والله نصيحه

 

[Ms. hypnotic]

مشكوووورييين يابنااااات الله يعطيكم على قد نيتكم الصافيه ويحقق الي في بالكم عاجلا غير اجلا يارب العالمين


مع ان متعودين انا معاه من زمان انكلم بعض وايد وكان يستانس بس الظاهر بدى هلشي يصير عكسي لان اتوقع الريال طفش خلاص اما احنا يالحريم مانمل من هلشي
وانا ان شاء الله بسمع نصيحتكم وراح اثقل عليه بالاتصالات عشان يشتاق اكثر

 

[Ms. hypnotic]

حبيبتي والله انا مثل مشكلتج حظي علينا اللي كل شي فوق روسنا واهما بس همهم وناسه وهياته مع ربعهم ومايبون يتحملون مسؤوليه مادري ليش رياييل الله يصلحهم ويسخرهم لنا المهم حبيبتي لا لقيتي حل قوليلي ترى بنفجر انا بعد والله لو نحقرهم مثل ال.... يركضون ورانا
حبيبتي انتي سكتي جم يوم وعاتبيه بدلع ولاتخلينه يتحسف انه خطب يمكن تلاقين ربعه يقولوله ليش وتو الناس تدرين الحين ماشاءالله لو عمره 30 للحين صغير ماشاءالله توه امه فاطمته هههه ااااااااااخ مقهوره منهم انا فأنتي خليج البلسم لجراحه لين تصيرين عنده بعدين سو اللي تبينه

يابعد قلبي كلامج عسل
هههه اي ولله عدل
خلاص انا بمشي على طريقة البنات ان انقلل اتصالات وانخليهم اهما الي يركضون ورانا :eh_s(3): وسوي مثلي انتي :eh_s(17):

 

[!الجادل الصعب!]

انتي غلطانه بالحنه .. غثيتيه بالحنه .. تخيلي انتي طالعه مع اختك وهو يحن كل شوي يدق ..!


بس هم طريقته مو حلوه ..

لاتدقين وانطريه يدق ويبرر موقفه ..

 

[حرم الحوت]

نصيحه لوجهة الله

الريال عندنا بالكويت عجيب قريب اقوووووووولج شلون

تهتمين فيه وتسالين عنه تلاقينه ينحاش ومايبيج ويقول عنج حنانه وجنج مباحث

واذا طنشتيه ولاسالتي عنه تلاقينه يدورج ويركض وراج

الحين انتي بالبدايه خلي غيرتج بحدود اثقلي بالاتصالات
باجر بتشبعين منه
خفي عنه الحين عشان تلاقينه يشتاق ويهتم

الله يسخره لج

والله انا بعد اقول سيم سيم كلام
:wqedqw:

 

[غلا ستايل]

لا تدقين عليه سحبي خيدق عليج

 

[التاجره ام ناصر]

علي قولة المثل " من أخذ بحب طلق بعياف " اللي يمشي من الأساس غلط اكيد بيلاقي غلط ... انا ماأتطنز بس أتكلم بواقعية لأن بمجتمعنا احنا خاصة الشباب ما يحنرموم البنت اللي تكلم شباب ونادرا تلقين وحده تزوجها اللي كان يكلمها لأن مقولتهم المشهوره يقولون لو كلمتني اكيد بتكلم غيري .

 

[Ms. hypnotic]

علي قولة المثل " من أخذ بحب طلق بعياف " اللي يمشي من الأساس غلط اكيد بيلاقي غلط ... انا ماأتطنز بس أتكلم بواقعية لأن بمجتمعنا احنا خاصة الشباب ما يحنرموم البنت اللي تكلم شباب ونادرا تلقين وحده تزوجها اللي كان يكلمها لأن مقولتهم المشهوره يقولون لو كلمتني اكيد بتكلم غيري .

حبيبتي حب عن حب يختلف
يختلف اذا كان يعرفها من دوام ولا من مطعم ولا من مجمع وكل واحد ونظرته ياقلبي اهوا صح انا معاج قليل من يحب من قلبه ويخلص ويتزوج بس الحمدلله ربي رزقني بواحد على قد نيتي و قد كلمته ولا لعب علي الحمدلله والشكر لك يارب احنا مخطوبين الحين والسالفه الي طرحتها اهيا عن حركه بدرت منه لا اكثر ولا اقل انا مااشكك بحبه لي و اخلاصه لاني واثقه فيه بس هلحركه الي سواها اهيا الي نرفزتني منه وبس ياقلبي هذا الي انا اقصده

 

[ساندريلا]

حبيبتي انا من رايي ثقلي عليه ولا تدقين خل اهو الي يبادر علشان يحس بالي سواه

 

[فيونه المزيونه]

انا من رايي الريال مو حلة انج تلزقين فيه حييل خليه اهو الي يسال ويدق مو انتي واذا مادق لادقين لين اهو يتنازل ويدق

 

[Stylista_Q8]

مثل مآ قآلوا البنآت ثقلي شووي

ويمكن ذآك اليوم كآن مزآجه مو رايئ جآن صبرتي عليه

والحين لا إدزينله مسج عشآن لا تبينين له إنج حنه و الله يوفقكم إن شآلله

 

[ضايعة بدنيتي]

رد : بموت من القهر ساعدوني

ربي يفرج همك حبيبتي ويسخر لك خطيبك وادعي ربك وصدقيني راح يفرجها وان شاء الله قريب .. وسوي مثل ما قالو لك البنات ... بعدي عنه ياقلبي اشغلي نفسك بأي شي لا تخلينه محور حياتك وبتشوفين كيف راح يزيد اهتمامه فيك وبعدين عاتبيه بطريقة حلوة على حركته . يارب نسمع الاخبار الحلوة عنك حبيبتي

 

[جوري وبنفسج]

السلام عليكم

يا قلبي الريال مثل ظلج أن لحقتيه أنحاش منج

وأن أنحشتي منه لحقج

وعلى قولة المصريين الثقل صنعة ​

 

[Ms. hypnotic]

مشكورييين يابعد قلبي كلكم ربي يوفقكم ان شاء الله ويسعدكم دنيا واخره
وابشركم مادقيت عليه اهوا الي دق وتأسف على الي صار وانا ماحبيت ازيد اسأله وليش وماليش سكت وطوفت السالفه لاني مابي مشاكل واهواش

 

[ساندريلا]

مشكورييين يابعد قلبي كلكم ربي يوفقكم ان شاء الله ويسعدكم دنيا واخره
وابشركم مادقيت عليه اهوا الي دق وتأسف على الي صار وانا ماحبيت ازيد اسأله وليش وماليش سكت وطوفت السالفه لاني مابي مشاكل واهواش

-------
يلا الف مبروك
الحمدالله عدت المشكله على خير وزين سويتي والله يوفقكم انشالله