بفهم انا معقده >> والسبب ما اكلام شبــــــــــــــاب و ما عندي حبيب...؟

[(كويتيه عسل)]

الله يكلمج بعقلج ويتمم عليج انتي بنت حلال وسنعه ومتربيه

الله يكثر من امثالج :eh_s(7):

انا بعد معقده مثلج :eh_s(17):

 

[شموخ العز ^]

وربي قمت افتخرر اني معقده >> لاني ماعندي حبيب <<


ونااسه وايد بنات نفسي

 

[[ يـآزيُن زؤلـكٌـ ]]

اللــه يكملج بعقلج انشاالله
ماعلييج منهك وربي ما راح ينفعوونج هالسوالف لا دنيا ولا اخره
وانتي العقل كله هم المعقدات ماعندهم غير هذا وهذااك
ابعدي عن هالبنات لانهم ماراح ينفعوونج

 

[شموخ العز ^]

888

ان شاء الله غلاي

وكلامج عين العقل ,,

مشكوره

 

[Beauty is Me]

العكس انتي خلوقه وفاهمة ومبدأي نفس مبدأج طقاق بكلام الناس والله ونستيني حبوبه الله يوفقج

 

[يا عيون جدي]

الله يكملج بعقلج
ولا تتأثرين فيهم غرتهم الدنيا ونسو الاخره

 

[((البرنسيسا))]

محد معقد غيرهم

ألحين إلي تحافظ على نفسها وعرضها معقده الحمدالله والشكر

ماكلمت شباب وماراح أكلم ، ماعليج منهم حبيبتي الأشكال هذي المفروض

ماتشغلين بالج وتفكرين فيهم لأنهم مايستاهلون

 

[8lm r9a9]

امعقده !!!!!
الحين اللي اتحافظ على نفسها و سمعتها و شرفها صارت امعقده !!!
ماعليج منهم .. البنت جوهره كل ما حافظه البنت على نفسها اتكون اغلى و احلى .. ليش تلعبين ابمشاعرج و اتضعين عمرج ؟؟ كل عمر وله شغلاته .. و مالج شغل باللي يقولولج امعقده .. و الله يوفقج ياقلبي و يبعد عنج صديقات السوء ياارب..:yaaaaaarb:

 

[marmaid]

اووووو عااااااد من جم اسبوع صايرتلي سالفة بالمدرسة تلوع الجبد
تخيلي 5 بنات قاعدين يضحكون علي ويتطنزون لاني ماكلم :| وقطو علي عالكلمة " معقدة " مليووووون مرة
مالت عليهم وعلى ويههم
بس عطيتهم ذاك الرد الي خلا ويههم يقط الوان d;
وماعليج منهم خلج جذي عجيبة

 

[خلود الزمان]

يابعد قلبي والله لا تخافين اننتي احسن منهم الف الا مليون مره

وانا الحمدلله نفس حالتج
الوحده لازم تخاف ربها قبل كل شي

وانشاءالله زوجي يصير حب حياتي الوحيد واصير حب حياته الوحيد

 

[ملكة الأسطوره]

ياا قلبي انتي شكوو فيهم خليهم يقوولون اللي يبوون خلي عندج ثقه بنفسج
ولا يهموونج انتي صح ونعم الاخلاق والله وعسى الله يووفقج
ويرزقج ويعطيج ع قد نيتج << اللهم امييين ...

 

[أحلا البشر]

والله العظيم صاجة، قبل اذا الوحدة تقولج انتي ماتكلمين؟ هذي تعتبر اهانه وشي كبير، الحين لا صارنا نسمع ونسكت، يمكن انتي توج صغيره عادي انا عمري بالثلاثين وتعالي شوفي عاد هالسخافات وجني نازلة من الفضاء، شلون عمري ماكلمت وااااااي مستحيل لااااااا!! وربي دنيا غريبه، صار الي صح اهو الغلط والغلط اهو الصح، والمشكلة انا مااعتبر نفسي امدح نفسي لمن اقول مااكلم لانه مو مجال مدح هذا شي لازم بس للاسف الحين الناس ياخذونها من باب انج تمدحين نفسج وتستشرفين،، استغفرالله يارب. والله الواحد يروح يعيش بالبراري احسله هههه. والله اختي انتي الحين عادي لانه توج صغيرة عيل لمن توصلين عمري بشيب راسج بسبت هالسوالف، الله يعين.

 

[cat-girlq8]

عفيه عالشاطره
مو يقصووون عليج بنات ابليس
خلج جذي جبل مايهزج رييييح

 

[زين الوصايا]

نفس معاناتي قطيعه البنات جذي مأذيني حيييل

 

[غلا،،]

مااا علييييييج حبيبتي...........انتي عند ربج أكبر من مستواهم ربي يثبتج..
ويصلح بعض هالبنات.........ودايم اذا قالولج هالحجي حطي ببالج شئ واحد ان ربج فوقج هو الوحيد الي واقف مع كلامج ويكافئج عليه هذا يكفي...

وصدقييني انتي اكبر من مستوى البنت الي تبيع سمعتها وسمعة اهلها لخاطر شاب..

 

[لولوه الحربي]

كلامج عين العقل وانتي نفسي افتخري انج مو من هاالحثاله اصلا ينكسر خاطري على هاالاشكال يكلمون وداهيه وفضايح اخرتها ما تنقط الا قطت الجلب فضيحتها باالمنطقه كلها ما تسوا بيزه عشان انسان متخلف ولا يسوا حتى

حبيبتي حافظي على نفسج وخليج واثقه ان انتي احسن منهم ولا تسوا عليج السمعه تخترب البنت بدون سمعه ما تسوا شي تاجها الشرف وحجيهم من القهر لانج اعلى منهم ويبونج نفسهم ضربيهم باالطوفه احسلج فديت كلامج انا الله يكثر من امثالج حياتي

 

[aṕriliå]

بالعكس انتي الواااعية

اهم مشوا ورا شهواتهم ورا مسمى الحب اللي كله خرابيط

 

[أخت أخواني]

حبيبتي انا نفسسسسج ..
ماحب هالسوالف << لتخافون مب بويه
والله حتى لما اقعد مع بنات من اهلي .. يصكون السالفه عبالهم انا ياهل ماعرف سوالف الحب وبلاويها ههههههههههههه

 

[ابله طموحه]

الله يوفقك مالك شغل منهم

ربي يوفقك ويحفظك ويبعد عنك ولاد الحرام

 

[غرووووور]

أستغفر الله ,,,
والله زمن عجييييييييييييييييييييييييييب
صارت اللي تخاف ربها وتخاف على سمعتها معقده
صج دنيا غريبه
حبيبتي ماعليج منهم
هذول ماعندهم عقل وغرتهم الدنيا
باجر لاغلطت مع واحد راح تعض أصابعها ندم
أنتي ماشاءالله عليج عاقله
والله يثبتج ويوفقج