بفهم انا معقده >> والسبب ما اكلام شبــــــــــــــاب و ما عندي حبيب...؟

[غنج إلعذآرى]

مثلي

اهم شي عندي

ربي
وسمعتي وآخلاقي :*

خليج جذي والله يهدي البنات ي رب - ما شوف بهالشي متعه - الله يهديهم :*​

 

[ترانيم القصيم]

حبيبة قلبي فيه شيء أبي أذكرك فيه ,, ^_^

جلوسك وحيدة ,, خيرٌ لك من جلوسك مع رفقة السّوء

الشلة ذي قاطعيها و اتركيها و جانبي الطريق آللي يمشون فيه حتى ما يشوهون سمعتك ,,

السمكة الفاسدة تفسّد السمك الصالح فما بالك لو كانت مجموعة من الأسماك الفاسدة و دخلت بينهم سمكة صالحة ( آللي هي أنتِ يا عسل ^^ )

الكثرة تغلب أختي الفاضلة و ذولا - و الله أعلم و أجل - رفقة الإنحطاط و الرذيلة بعينه المفروض ما تشرهين عليهن أبدًا

و لا تستغربين كلامهن و حطيها حلقة بإذنك ,, غاااااااااالبًا لمن تكون وحدة طايحة بشيء غلط ودها إن كل الناس يطيحون بنفس الغلط ,, :rerrerek:

فغريقٌ بالوحل يعمل على دفع الآخريـن إلى الإنزلاق فيه ليُصبح دأبهم كـ دأبه ( غرقى الوحل ) , مُدّهنون بدهان العار و الفضيحة

الشي الثاني يا قلبي ,, آللي مرّيتِ فيه ,, فتنة و ابتلاء من الله تعالى يُريد ليمتحن صبرك و قوّة إيمانك و ثباتك ,,

يقول تعالى :

{ أ حسبَ النّاس أن يتركوا أن يقولوا آمنّـا و هم لا يُفتنون .. و لقد فتنّا الذين من قبلهم فليعلمنّ الله الذين صدقوا و ليعلمن الكاذبين }

الله يبي يشوفك أنتِ صادقة بصلاحك و عفافك ؟ و إلا من أقل كلمة تطلع من إنسانة حقيرة تهزّك و تهدم إيمانك ؟

أنتِ تحسبين إن الإنسان المؤمن يدخل الجنـة كذا بس ؟ لا يا قلبي لا بد و يتعرّض لصنوف الإبتلاء

و التمحيص و الفتن فالإبتلاء ضرورة إيمانيّة و يُبتلى المرء حسب دينه

سُئِلَ النبي صلى الله عليه وسلم : أي الناس أشد بلاء ؟ قال :

( الأنبياء ثم الصالحون ثم الأمثل فالأمثل من الناس،

يبتلى الرجل على حسب دينه، فإن كان في دينه صلابة زيد في بلائه،

وإن كان في دينه رقة خفف عنه )

و قد ابتُلي من قبلنا أعظم الخلق و أشرف المرسلين نبيّنا محمّدٍ صلى الله عليه و على آله و صحبه الغر الميامين

كان يُرمى بالحجر و يُقذف بأقبح الشّتائم و أقذر الألفاظ حتّى أنّه ابتلي بتعرّض الفسقة الكفرة الفجرة

الذين استلّذوا الوقيعة في عرض زوجته الطاهرة المبرّأة من فوق سبع سموات ,, مع هذا صبر و جاهد

و نصر الديّن فنصرهـ الله و أعلى شأنه في الدنيا و الآخرهـ :rerrerek:

لتكن أسوتك عائشة الصديقة الطاهرة التي تعرّضت للطعن في عرضها من قبل الأنجاس الأرذال السفلة السّذج الخنازير ( رجيع الدواب ) و أحذية الشياطين

و تأسّي بها ^_^

رفع الله قدرك و ثبّتك و جعل العدوان على الظالمين .. و انتبهي جيّدًا إلى قوله تعالى :

{ وَمِنَ النَّاسِ مَن يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ وَإِنْ أَصَابَتْهُ فِتْنَةٌ انقَلَبَ عَلَى وَجْهِهِ خَسِرَ الدُّنْيَا وَالآخِرَةَ ذَلِكَ هُوَ الْخُسْرَانُ الْمُبِينُ }

احترامي و تقديري

ترانيم القصيم

 

[دلووووعة نجد]

8
8
8
8
8
كلامتس:eh_s(15):
بالعكس احب اللي زي كذا
وانتي شيء ما شاء الله يتمم عليتس
والله لو اني رجال ما اخذ الا الوحده مثلتس ههههههه والله اني صادقه ما شاء الله لا اله الا الله
واللي تقول معقده هذي غيرانه منتس و تبغاتس تصيرين مثلها رخيصه و كل من هب و دب تغزل فيها
تقبلي مروري

 

[هنووفوو]

الله يثبتج
ماعليج منهم اهم شي انج مقتنعه باللي تسوينه وان ابي يسوونه غلط

 

[**فراولة**]

ما شاء الله عليج كفو والله ..

ما عليج منهم..

اهم شي رضا الله سبحانه وطاعته ..

بالعكس هم المعقدين يا ساتر شصاير بالدنيا الحين اللي يخاف ربه ومحترم نفسه صار معقد !!



اسأل الله لك الهداية والمغفرة والتوفيق في الدنيا والاخرة,,

 

[بعدك حيرني]

انتي من صدقس وانا اقرا فااكه اثمي منصدمه لا تطيح السما عليناا اعووذ بالله الحين الجهر بالمعصيه صارت مفخره

بينهم اللي ابي اعررفه شنو بيستفيدون غير عذاب وربي وفراق الحب ولوياته وفوق كذا ما يدرون انه حراااام

يممممه الصراحه لحين منصدمه من كلامس الله يكفينا شررهم وجعللني ما قابلهم ولا اختلط فيهم يااارب

رفيقاات السووء كثروو بس انتي اهم شي تكونين واثقه وع قد كلمتس انس الصح وهم الغلط واحفظي لس

حديث او ايه تبين انه حرما عشان يسكتوون وبس وربي يحفظس منهم ويكفيس شررهم..

 

[بالقرآن اسمو]

لا والله انتي كلج سنع
عسى ربي يحفظج

 

[ريـمـآأن..}]

رضى ربك ولا رضى عباده
الله يوفقك

 

[Čut!e Quèéи]

يعني اذا انتي تخافين الله وتخافين على نفسج وسمعتج تكونين معقده ؟
لازم تكلمين وتصيرين مشهوره عند الشباب وبالديوانيات عشان مايقولون معقده ؟
لازم تطلعين مع واحد عشان اذا شافج احد بالصدفه يلعن خيرج بالطق والصبي ينحاش عنج ؟ عشان لايقولون معقده
ولا لازم باجر واحد من الشباب يوري رفيجه صورتج ويقول شووف الحلوه هذي ويطلع رفيجه اخوج ؟ عشان لايقولون معقده ؟
ولاا شنو ولا شنوووووووووو
لازم يصير عندج سوابق ومعرفه مع الشباب ؟؟؟؟؟؟؟؟ عشان لا تصيرين معقده ؟
قولي لهم الكلام هذا ولج مني الي تبينه اذا وحده منهم قدرت ترد عليج الا تصك حلجها وتقولج غيري الموضوع
انتي محترمه وتربيه صح لا تغلطين وتنزلين راس اهلج بالارض وين ما يمشوون يقولون بنت فلان رفيجة صاحبي
ولا اخت فلان رفيجتي ويشهرون فيج وفي سمعتج
الله يحفظج ويخليج حق اهلج انتي ماشاءالله فاهمه وعقلج كبير تربيت اهلج ماراحت هدرررررر

 

[ريف الخفوق]

قال الرسول الله صلى الله عليه وسلم ياتي على الناس زمان القابض على دينه كالقابض على الجمر


ياقلبي لاتسمعين كلامهم يحاولون يشوهون سمعتك و قبل كل شي فكري الله يرضى بهاالشئ اولا اهم شي تضعين الله بين عيووونك
الله يزيدك خير وطاعه لله​

 

[سمو الغلآ]

وااااااااي ماشاء الله عليج تبارك الرحمن

اللي يقولج معقده قوليله اللحين اللي يبعد عن الحرام معقد
اذا معقد افتخر اني معقده..

شببي بالعلاقه الحرام اللي لاصار شي نزلت راسس اهلي بالارض..


بعد عمري انتي مالج شغل فيهم ..,

 

[MisS.Wawa]

ياقلبــــــــــــي
اهما المعقدات اللي لجأوا حق هالشي اللي ماله الا المصايب والفضااايح وضيااع شرف
قلبي الله يتمم عليج بإيمانج وحسن اخلاقج ويثبتج على هالشي ويبعدج عن الحرام وبنات وعيااال الحراام
قلبي اذا انتي رفيجاتج يقولوج هالحجي ،،،
انا بنااات خالتي كانوا يقولولي هالكلمه ووصلت لي مرحله حسيت اني اعلى منهم بوااايد
لانه بالنهايه بعظمه لسانهم قالوا احنا ما استفدنا ولا شي وربي الطريج اللي انتي قاعده تمشين فيه احسن لج ( هذا كلامهم بعد ما انقرصوا ومصيرهم تزوجهم وحبهم رياييلهم )
ومردهم ياقلبي بيقولولج هالجمله وتذكريني ،،،
وانتي عندج ربج فوقهم وفوق كل الي يقولج هالشي
الله يستر عليهم وعلينا اللهم آمين ​

 

[هاناا]

بالعكس كلامج صح 100%

ما لج شغل بكلام الناس انتي صح و ابقي دايم جذي

 

[شوشو الشقيه]

الله يسلمج من وضع في بالج انتي معقدة
سمعيني واايد بنات ما عندهم حبيب
اكبر مثال انا ليس لدي حبيب اكلمه في تليفون ولا عندي حبيب اقوله احبك ولا عندي حبيبي يقولي احبج
يعني انا معقده لا بالعكس

اختي واايد بنات ليس لديهم حبيب عادي الوضع
لا تحسين انج الوحيده بالدنيا ليس لديك حبيب
انا عمري في عشرينات للحين ما عندي حبيب
شنو اسوي اقتل روحي عشان ارضي الناس
طز فيهم

 

[مطر صيف]

انا ما اقول الا سمعي هالرابط .. .. والقصيدة هذي على المعقدات << فديتنا والله << قصدي اللي تحافظ على اهلها ونفسها وتراقب نفسها في كل شي ورضى الله عز وجل فوق كل شي

بصراحه كفيتو ووفيتوو كل اللي كنت بقوله قلتووه والحمد لله متفقين عالصح ...
قالها سعد علوووش ....



http://www.youtube.com/watch?v=R4gogprcarI

 

[sunshine☼]

ماعليك حبيبتي بنات الشوارع هم الي يقولون ويسوون كِذا ..

طنش - تعِش - تنتعـــــــــــــــششششششششششششششش ..

والي تقول لك كذا افهمي انها تدري انها على غلط وتبيك تكونين مثلها .. يعني ماتبي تكون بس هي الي غلطانة ..

تبيك أنتي معاها لأنها تدري انك على حق وانك جد جد جد كااااااملة والكامل الله ...

الله يوفقنا وياك ويهدي البنات المخففات

 

[نفهمها صح]

انتي
صح
ومعليج
من
احد

 

[شموخ العز ^]

فديتكـــــــــــــــن بـــــــــــــس


عسى ربي ما يحرمني منكن


وصح كلامكن

 

[الهبوب البارده]

انسانه واعيه ورفيقاتج متخلفات وايد هذا هو التحضر عندهم الله يستر علينا ويكملج بعقلج حبيبتي

 

[الهبوب البارده]

عفيه عليج