انا اموت واعرف بس الي رادين وهما معصبين منو غاصبهم انهم يردون ؟!!!
البنت كان بيدها تفصخ الحجاب وما تطق لكم خبر بس ما كتبت الموضوع الا اكيد انها تبي خيط تتعلق فيه ولا كلمه تقدر تقنعها انها ما تفصخه
وانتو الله بالخير طبيتو فبطنها ... امحق اسلوب امهات المستقبل
يا تقولون خير او .....
ماعلينا
شوفي انا اول ماتحجبت كنت برابعه ابتدائي مع اني ماكنت بالغه لبسته كورس وفصخته بس ماقدرت رجعت لبسته باولى متوسط الي يعني عندكم الحين يعتبر (خامس) يعني بس كورس واحد الي فصخته
ومن لبسته وانا انواع الانواع تعالي شوفيني
كل ما حبيت ابله قلدت حجابها
كل ما شفت وحده طريقه حجابها غريب قلدتها ( حتى يمكن لو حجابها متعفس وهي ما تدري انا اقلد احسبه موضه
)
هولااات هولاات اعيز واقول عن نفسي اني مريت مراحل تهول عجيبه والصور تشهد
بس للحين اضحك عليهم لان احس لاني جربت كل شي فصرت ا عرف اميز شنو الزين وشنو الشين
فانتي سوي هالشي
سمعي قبل لا تفصخينه عطي نفسج فرصه من اسبوعين الا شهر ( لاتقولين وايد ) ترا بسرعه يمرون خصوصا بتبدا الدراسه يعني كلها اربع اسابيع وانتهينا
بهالاسابيع سوي هالشي
١- لا تخلين اختج تساعدج او اي احد ثاني بلبس الحجاب كله انتي لبسيه بروحج .. وادا لقيتي نفسج فاضيه بالبيت جربي لبسيه و شوفي اي طريقه لف تناسب ويهج .. تقدرين تستعينين بالنت بصور المتحجبات ( بس هاه صور سنعه مو الي شعورهم طالعه ولا حجاب نص تنته)
٢- الشي الثاني اللبس .. مبدأيا قلدي ليما يصير لج ستايلج الخاص .. شوفي وانتي طالعه دققي على لبس المتحجبات شنو الي عاجبج فيهم وشنو ما يعجبج فيهم .. حتى لو ان شاء الله تكتبين بنوت عشان ما تنسين ..
وادا بتلبسين عباة يكون الوضع احلى وارتب واسهل .. ولا تقولين لي حر وما حر الحين التكنلوجيا اخترعت لنا نص جم بس للذراع عشان تلبسينه مع العباة وتلبسين تحتها شي حفر وبعد ادا بتقولين صغيره عالعباة انا بنات اخواني لبسوهم العباة وهم اعمارهم ١٢ -١٣ والحين اعمارهم ١٥ -١٦ والله يهنيهم ويتمم عليهم يهبلون مرتبين وكل اللبس الي خاطرهم فيه يلبسونه عند الحريم ومتقبلين الوضع والله احيانا انا احسدهم اقول ياليت اهلي غصبوني عالعباة ..
غير جذي لما تروحين تشترين انتي الي شوفي الموديل وتلمسي الخامه وقايسي مو تخلين اختج تسوي كل هدا .. ذوقها مو مثل ذوقج تقاسيم جسمها مو مثل تقاسيم جسمج واكيد مع الوقت بتمل يمكن تقول لج اي اي حلو عليج وهو مو داك الزود بس تبي تفتك ( االبنت يالله تدور لنفسها تبينها تدور لج بعد ؟ ) وحطي في بالج شغله اخيره الواحد يشوف في نفسه اشياء الناس ما يشوفونها
ولما تشترين فرضا بدي قايسيه شوفيه على جسمه شوفي خامته لايقه عليج ولالا ؟ ترا في خامات حتى لو انها قطن الكواليتي مالتها تفرق في اللبس تغير شكل البدله ١٨٠ درجه مع ان ما يكون طالع من البدي الا نص الجم
ولا تحسبين كل الي كاشخين شرو الي لابسينه بالساهل ترا تلقينهم فرو ونشف ريجهم يلا قدرو يجمعون لهم جم قطعه ويسوونها بدله كامله ... وياما ياما قطعه تظل عندنا بالاشهر ولا سنين وخاست بالكبت وحنا ما لقينا لها شي يلوق لها .. الوضع طبيعي
فانتي بهالجم اسبوع حاولي مره ومرتين وثالث حتى لو مليتي قولي ميخالف ما بقى شي عالشهر وعلى كثر ما تغلطين تاكدي انج قاعده تتعلمين
وشوفي ادا خلص الشهر وحسيتي نفسج ما تحسن لبسج وشكلج بالحجاب سوي الي ريحج
طبعا كلامي من ناحيه دنيويه
اما من ناحيه دينيه فالبنات الي قبلي ما قصروا
بس هم اقول لا تستعيليين فكري فكري فكري
والله الهادي
.gif){kind=icon}
