بـ شهــر التاسـع ونفسيتج تعبانــة وزفت ؟ .. حيــإأج نسولف :)

[TINA]

انا دخلت التاسع أمس و من اسبوع اجاني تجاديم طلق خفيف بس يعور ما ادري شلون الطلق الصجي لاني بجرية خايفة حدي و بطني الجلد صار يحرقني ما ادري ليش و تيبس بطني و حركة البيبي تعور صارت مو مثل أول انا و لما أقوم وأقعد احس بعوار عند جلد السره مرات اكون مستانسة و مرات اكتئاب رح أحاول اي طريقة علشان ما آخذ شهري كله موعدي الخميس الجاي انشاءالله ابي اعرف إذا يبين ان عنق الرحم طويل و ضيق لان في كتير من أهلي عندهم هالمشكلة ويولدون قيصري بس بعر إذا يبين بالسونار

 

[Model Look]

انا ادخل شهري ١٩-٤ وااي حدي خايفه ودي أولد من أول اسبوع عشان افتك من كابوس الولاده

 

[" ام حمود "]

بنات الله يسهل علييكم
وان شاء الله لكم الاجر
وانا للحين ما دخلت التاسع والثقل ذابحني
وبطني دايم يشد والنووم نفسكم تقريبا تعب تعب مو طبيعي
وهالايام كله كوابيس و يقولون عادي الحامل لا وصلت تجيها كوابيس
فا ماادري صج هالكلام او لأ
ع فكره البربيكاناا كلش مو زين للحامل
ديري باالج حبيبتي

اي عادي ، انا عاد احلامي تلوع الجبد وتخرع وخرابيط
طبعا احلامي اكثر شي انه ريلي يخوني مادري شنو لاتشوفوني من اقوم من النوم احقد ع ريلي ههههههههههههههههه
الله يسهل عليج حبيبتي

 

[" ام حمود "]

انا دخلت التاسع بتاريخ 2-3
وباقيلي اسبوعو اخلص التاسع
زهقت ولاعت جبدي طبعا بكرية
ومابقى شي ماجربتة وماولدت والدتكورة تقولي الجنين راسة تحت بس مانزل بالحوض والرحم مو متوسع ابد ولا سانتي
كلش ضايق خلقي خايفة لايصير ولادتي قيصريه ولا بطلق صناعي
اللي يستر
مشيت وايد ومافيه فايدة لمن كرهت المشي لاني اتعب وامشي وانا رجليني ماقدر اشيلهم ومافيه فايدة

الله يسهل عليج ياارب ..
عادي انتي بجريه تطولين شوي ، دايما امشي واكلي تمر ودارسين والجماااع وايد زين يفتح الرحم بسرعه ..
الله يهون عليج وعلينا يارب

 

[" ام حمود "]

بغيت اسالكم
السدادة المخاطية اللي يقولون عليها اذا صارت من غير دم تكرمون بس مخاطية وثقيله تصير هذا هي السداة ولا لازم فيها شوي دم

ماادري والله بس اتوقع من غير دم ان شاءالله البنات يفيدونج

 

[" ام حمود "]

منو حاشها صداع بالتاسع وشنو السبب
انا احس بصداع ناحية راسي من ورا وبي جهة اليسار مع عيوني اليسار مع اني مستمرة علا حبوب الحديد والحمد لله ضغطي زين بس شنو السبب

انا كان فيني صداع يومي والله بس بشهر الخامس وشهر السادس
بس لانه فيني ضغط بس الحمدالله راح لاني قاعده استمر ع حبوب اسمهم الدومنت حق ضغط
طبعا انا من اول ماااحمل ع طول يصير فيني ضغط بس الحمدالله
ضغطي بالشهر هذا صار زين
بس اتوقع نومتج مو متعدله او ماتنامين وايد

 

[" ام حمود "]

الله يسهل عليكم ياارب
امس رحت سويت سونار الحمدالله تطمنت بس قالت لي اتوقع تاخذين
شهرج كله يااااربي ضااق خلقي ماابي اطول كاافي التعب اللي فيني

 

[zoooba]

up
up
up

 

[ام ساره 4]

الله يهون عليكم وعلي إن شاء الله أنا بعدي بالشهر السادس

 

[اليزابيث]

صباح الورد بنااااات
الموضوع جا بوقته
دخلت شهري اول٣ وللحين صامده وماولدت
بس تعبت حددددي والنفسيه داووون هذا غير اسئلة الناس الي ماتخلص ها ماولدتي!!اف
كرهت هالسؤال
الله يسهل لكم جميعاااا يارب،،
عندي موعد باجر وخايفه مادري شنو ناوي عليه الدكتور
لو قاال لي فححص اوافق؟؟ابي رايكم محتاررره

 

[بيت التوت]

الله يهون عليكم ويتمم علينا يارب

 

[aady]

صباح الخير

 

[حب1985]

انا الاحظكم ودكم تولدون مبجر
بس انا اتمنى اولد نهاية التاسع الصراحة البيبي عندي اصغر من حجمه وابيه يكبر ببطني شوي علشان يتحمل الولادة

الحارج الدكتور كاتبلي حبوب زانتاك ١٥٠ والله ريحوني بس اول شي اختي يابتلي من المستوصف ببلاش علشان كانت بتييبلي كمية كبيرة وطلع مو نفس اللي وصفه لي دكتوري بالمواساة اسمه كاتبينه غير ...يكتبون من برا زانتاك ومن داخل اسمه رانتاغ ... ودرجته قوية حيل يمكن ٣٠٠
ودكتوري علشان حامل كتبلي بس ١٥٠ فما استخدمتهم ويبتلي اللي كتبه الدكتور*

 

[الم وجروح]

الله يسهل عالجميع
الكل تعبان وانا تعبانه نفسيا معاي تجاديم طلق
انا بنص الثامن ومسويه ربط وعنق الرحم فيه تمزق
والحين البيبي بالمقعده
يعني يمكن قيصريه غير فتح الربط وقفتلي الدكتوره المجلس الطبي بعد ١٢يوم دوام
حسبالهم بداوم ومعاي طلق ههه
وانا الحمدلله اولد بأول التاسع
بس مايندرا هالمره نحاسه

 

[الابرار75]

ياحلوكم بنات بقول لكم سالفتي علشان تعرفون معنى الصبر

انا دخلت شهري من تاريخ 13-2 يعني ولادتي المفروض تكون 13 -3

الله وكيلكم للحين ما ولدت ماخليت شي ماسويته اشرب دارسين شربت خروع ومانفع ذبحني بالماغص ولا جاب نتيجه

وامشي بس ماصار شي كل مارحت لدكتورتي قالت الرحم مو مفتوح والطلوق الي فيج خفيييييفه ما تاهلج للولاده

عاد لاتشوفون نفسيتي اذا رديت منها ابكي لين ارجع لبيتي الشكوى لله

زهقت من الثقل وكلام الناس (ماصارت ماولدتي انتي نااااقه ) جنه الامر بيدي الله يعين بس

والله يهون علينا بالولاده السهله الهينه والبيبي السليم المعافى.

وبالنسبه لالم العضام بوقت النوم والحركه هذا نقص الكالسيوم .

 

[zoooba]

ياحلوكم بنات بقول لكم سالفتي علشان تعرفون معنى الصبر

انا دخلت شهري من تاريخ 13-2 يعني ولادتي المفروض تكون 13 -3

الله وكيلكم للحين ما ولدت ماخليت شي ماسويته اشرب دارسين شربت خروع ومانفع ذبحني بالماغص ولا جاب نتيجه

وامشي بس ماصار شي كل مارحت لدكتورتي قالت الرحم مو مفتوح والطلوق الي فيج خفيييييفه ما تاهلج للولاده

عاد لاتشوفون نفسيتي اذا رديت منها ابكي لين ارجع لبيتي الشكوى لله

زهقت من الثقل وكلام الناس (ماصارت ماولدتي انتي نااااقه ) جنه الامر بيدي الله يعين بس

والله يهون علينا بالولاده السهله الهينه والبيبي السليم المعافى.

وبالنسبه لالم العضام بوقت النوم والحركه هذا نقص الكالسيوم .

والله يهون عليج يارب و تولدين بس حبيبتي ترى ما يصير ليلحين ما يولدونج المفروض يحطولج طلق صناعي

 

[الدمعه الجريحه]

الله يجزاح خير حبيبتي انا توني داخله شهري تاريخ 18 -3
ونفسيتي حيييل تعبانه
وضغطي كله نازل داايم واحس بحركة البيبي قلة حيل
الله يهونها علي وعليكم يارب

 

[سمر شمر]

طيب بنات جم وزن ال بيببي ب9 لان دكتورتي تقول

وايد اصغير 2.100 توني باول اسبوع من 9 حتى بطني صغييييييييير

نفسيتي بالحظيظ كل يوم لازم ابجي لدرجة اني رحت بيت اهلي ونسيتالشاحن ابيتي

قعدت ابجي بجيييييي الله يعينا

 

[اليزابيث]

ابرار الله يهون لج حبيبتي ماتنلامين انا مو مكدر خاطري الاكلمه ماولدتي
مادري هالناس خايفين مايدرون اذا ولدت الوحده


سمر شمر ؛
عادي يقلبي انتي لاتحاتين ولاشي انا بولدي الاول اقل من كيلوين
والحمدلله والشكر مافيه الاالعافيه بس نقص الوزن يتعدل مع الوقت
اهم شي مايكون تعبان لاسمح الله والوزن امره هين

 

[حب1985]

صباح الخير بنات
اليوم ان شاء الله عندي موعد ادعولي ان يكون كل شي زين
مادري ليش احس بطني بالتاسع شكله غير .. احسه صاير اصغر من قبل ونازل تحت حته انا عندي علامة فبطني كانت مرتفعة شوي والحين لاحظتها نزلت
خايفة ان يكون ماي الجنين ناقص ...مادري هالشي طبيعي ولا لا